尚鮮海鮮料理 (已結業)

最近天氣轉涼打邊爐就最啱，係cwb 搵左呢間樓上既火鍋店，坐得幾舒服又唔洗同人逼！店員非常有禮貌而且會自動幫手較火，加湯，介紹餐牌同埋今日有咩特別新鮮既食材，未食野已經對佢印象唔錯，加分！火鍋店既生蝦刺身都唔錯，夠鮮味。百花釀油條，炸到金黃色又大舊花枝，極邪惡呀！湯底係川貝海椰燉鱷魚肉排湯，滾起左係打邊爐之前仲可以飲兩啖湯，勁滋補仲有食埋d 湯渣，好足料！打邊爐當然唔少得肥牛，叫左呢碟本地手切牛，唔錯。好新鮮既鯇魚片，夠脆夠爽。四色丸尚盛，每粒都好有特色，其中一粒仲係紫薯心，夠健康又同肉丸幾夾喎！仲可以食到唔係間間火鍋店都有既鮮淮山，食落似薯仔同白蘿白咁，健康之選呀！野飲就係青檸梳打同洛神花蜜，又足料又好味道，推介可以試下！

踏入10月，又係打邊爐嘅季節。今日同幾個朋友喺銅鑼灣行完街，喺時代廣場後面搵到一間要上樓嘅港式火鍋店，雖然點都唔係好大，但係裝修都幾舒適。而且有卡位，見唔係好多人就上咗去試吓。入邊嘅客人以家庭及情侶為主，環境都幾靜。不過樓面嘅人唔多，想點菜都要等一啲時間。先揀湯底，我哋揀咗一個雙拼嘅血池麻辣湯及鮮牛肝菌湯湯底到了，麻辣湯好刺激嘅味，都嗆鼻。反而鮮牛肝菌湯底就相對地比較清得多，有好清香嘅牛肝菌味道。我最鍾意。最上層嘅有豬紅，中間是豬腩，食落去都幾薄身，而且唔韌。以最低嘅分別有豬天梯、豬皮及豬膶。尤其欣賞豬潤，厚身又新鮮，唔使烚太長時間啱啱好。幾時都話打邊爐要叫d吸湯的材料，腐皮就係個好選擇。而手打四寶丸都唔錯！牛肉入面有咸蛋黃，幾惹味！手打令佢更彈牙。即炸響鈴熱辣辣，是火鍋的好朋友。不過太大條，食完好漏。所以人多先好叫。最後點可以唔整多個菜？秋冬第一邊爐順利完成！

幾個人食飯唔知食乜好，見呢個週末涼涼地，一於去打邊爐。喺銅鑼灣區打邊爐嘅選擇都幾多，不過好容易一下唔覺意就去到一啲超級貴價嘅鋪頭，原來喺時代廣場後面有間樓上火鍋店，都幾出色！睇見餐廳都拎左開飯嘅獎，質素應該都有保證。除咗散叫之外，原來呢間餐廳都有一啲套餐，適合唔同類型嘅朋友聚會。今次人又唔係好多，所以以散叫為主。手切安格斯肥牛雪花嘅佈局好均勻，紋路清晰。食落去好嫩滑，不鞋身！蟹肉餃一個加入左蟹肉嘅餃子，食落去鮮味十足，又彈牙。而且出面都冇得食，應該係小店自家製。比較少火鍋店入邊會有苦瓜點，我自已都少食，因為好怕處理得唔好會好苦。朋友話試過你就知道有幾正，苦瓜原來放咗湯之後一啲都唔苦，反而沖走左本身嘅苦味，吸晒啲湯汁！排到井字型嘅午餐肉，十分之有心機！係打邊爐嘅邪惡之選。不過始終年紀大，呢一啲後製加工食物都係食少啲好。最後加多個嘅讚岐烏冬，都叫有澱粉質落肚。兩位朋友都抱着肚子離開， 大叫好滿足。

最近銅鑼灣的崇光百貨舉行清酒祭，星期六放咗工之後特登走過去睇下有冇啲平野可以買到。同埋有個friend喺入面嘅雪糕店做有買一送一嘅優惠，所以都食咗好多嘢又飲咗好多清酒，搞到個胃囉囉攣，可能等到太夜都未有正式正餐落肚。 一於同埋同行有人去打邊爐，見到有間叫（尚鮮日式火鍋店），宵夜仲有折，一於走過去試下佢嗰啲海鮮同埋即包丸類餃類既質素。有深木色日式卡座，仲有電視睇，環境好好，好舒服。呢度有私人嘅海鮮自助吧打邊爐之前要試下呢度嘅high end秋刀魚刺身，價錢大概180蚊就有一條。呢類時令海鮮魚類好難訂，要睇下日本築地嗰邊有冇貨，同埋睇季節。 肉質軟腍有彈性，微鹹香，有西班牙鯷魚的香氣，屬premium quality。餐廳老闆特意推介試下呢個香茅花甲海鮮湯底，湯底採用大量豬骨淆製，加上海鮮嘅鮮味，十分好喝。😚 美國大桶蠔大大隻，都只係$168，超市都唔止呢個價。 美國安格斯肥牛拼盤，雪花紋分佈均勻，油脂比例適中，有咬口得黎，肉質好夠爽。🐃 應該係店內signature，像英式下午茶三層式的火鍋拼盤，同行友人大讚豬潤切得夠厚身，味道夠濃郁，豬紅嘅血紅色亦夠吸引，好有血紅鮮味。🐖🐷🐽 自家製包

第一次打邊爐湯底用冬陰功海蝦湯$118，不太辣之餘酸酸的非常開胃！最喜歡這裡脆卜卜的百花釀油條$58，在火鍋未滾起之際已經可以食用👍🏻👍🏻👍🏻其次喜歡的是加入爽口馬蹄的雲吞拼香菇餃$88，爽滑的脆鯇魚片$68也是個不錯之選🤤🤤🤤手切牛邊位$198一大份，厚薄均勻，牛味香濃🤤🤤🤤清酒冷鮑魚$88，但我品嚐不到清酒的味道，而且雖然店方細心地把鮑魚切成小薄片，但吃起來口感像凍螺。另外我也不建議點羽衣甘藍，因為放進火鍋裡很難煮得好吃。

天氣開始轉涼，同男朋友去左打邊爐。呢間舖頭感覺好新淨，唔知係咪新開，地方乾淨，坐得舒服，如果多fd一齊食應該會安排卡位，卡位仲有埋電視，好正！侍應服務態度好。飲品方面，我地飲青檸梳打同埋洛神花蜜，好清新，推薦大家點，因為好岩食到熱辣辣嘅時候飲！先講我左我地一致認為最好食嘅野：特尚手切牛。係雪花肥牛黎！脂肪分佈好均勻，食落去牛肉同脂肪溶為一體，滿口幸福感！之後叫左個鮮打四寶丸，可能因為係手打，所以彈牙爽口。btw，想講下個湯底：姬松茸冬瓜湯。呢個係健康之選！唔中意肥膩嘅朋友可以揀呢個。鮮炸脆響鈴：如其名，真係新鮮自己整嫁！大件過平時急凍果d！而且超級脆口！最後，我地點埋松葉蟹皇餃，一份有六隻，份量十足。飽到加零一，十分滿足。

今日係星期六所以決定食好啲老公話想食好啲嘅邊爐所以我就OpenRice search過吓跟住發現呢間尚鮮好多好評所以就趁假期出銅鑼灣行下街跟住上嚟食晚餐去到百樂中心嘅樓下 人山人海都等左兩部lift先上到去一上到8樓就見到㗎啦入邊嘅裝修都好骨子 亦好有格調有一啲卡位仲跟埋獨立電視 真係撈埋電視汁呀我哋叫咗一個麻辣湯同埋一個牛肝菌昆布湯底有辣有唔辣任君選擇我非常推介牛肝菌昆布湯 好重香菇味 亦因為加咗昆布嘅緣故 鹹鹹地 10分惹味呢個係佢哋套餐嘅Menu我哋第一次黎就試吓店員嘅推介 所以就散叫左佢哋嘅精選我哋坐咗入一間房入邊 都安裝左電視方便我追延禧攻略 正店員話佢哋定期有啲新鮮由日本空運嘅魚生期期都唔同 今日最新鮮嘅就係秋刀魚sashimi燒秋刀魚就食得多啦 刺身上真係第一次試出奇地好香魚味 好新鮮一啲都唔腥店員亦話因為新鮮到港的魚生經常售罄如果想試嘅話 就預先要同佢哋預訂大家留意啦鍾意食豬嘅朋友可以試呢個 有豬血豬肉豬腸豬潤同埋豬皮一豬5吃白鱔片亦是一流超級爽甜 完全冇骨配辣湯係絕配呢樣係今日嘅重頭戲百花釀油條我相信係第二間火鍋店應該食唔到係新鮮蝦滑釀油條 可以就咁食亦可以好似響鈴咁

同朋友聚舊，咁啱都係邊爐迷，就黎咗依間評價唔錯嘅尚鮮。裝飾得好似日本餐廳，有卡位有房有普通位，揀咗卡位，因為竟然有獨立電視睇。侍應都好用心咁同我地介紹唔同選擇，最後我地決定散叫。湯底係鮮牛肝菌昆布湯($108)，有唔同種類嘅菇，鮮味十足，清清地唔算太濃，好啱同海鮮打邊爐。手切牛邊位($198)，紋理清晰，薄身，淥幾秒就熟透，好重牛肉味，非常鮮甜。松皇蟹皇餃($108)，睇賣相以為係平平無奇嘅餃子，撈番上黎一咬就有濃濃嘅蟹膏味，見到好多蟹膏混埋豬肉一齊包，好正！鮮打四寶丸($78)，係牛、豬、墨、蝦丸，每款各2粒。口感扎實，手打得唔錯，而且冇魚目混珠，係用十足十嘅材料黎打。手打墨魚滑($78)，上面灑咗黑松露。侍應服務周到，主動上前幫我地”筆”落邊爐到。墨魚滑爽口，沾上牛肝菌味後更加突出鮮味。羽衣甘藍($38)，平時食沙律就食得多，估唔到可以用黎打邊爐。侍應話要好像打粟米咁樣放耐啲先好食，果然索哂湯底之後淋淋地，好惹味。飲品方面，見到有自家製嘅洛神花蜜茶($26)同埋青檸梳打蜜($26)，一於試下先。洛神花茶，有淡淡嘅香氣，而青檸梳打酸酸甜甜，解渴一流。原來逢星期五六日，會有新鮮刺身直送

香港地，無論一年四季都係打邊爐既季節~ 不過平時既選擇唔多。 一係就連鎖餐廳，每人一鍋，不過配料選擇太少，環境又唔適合傾計；去茶樓打邊爐d配料質素麻麻地，成日會食完肚屙；任食既火鍋又會限時，想坐耐d傾下計都唔得。今次我終於搵到上述問題既完美答案，就係呢間係銅鑼灣既火鍋店！入到餐廳，環境好闊落，四人枱之間空位好夠，完全唔會有一般火鍋店個d貼住後面既感覺；而我地今次book左枱，店員好貼心帶我地去卡位。卡位有高私隱度更加有獨立電視，就算坐6個人都完全有空間！先叫左個百花釀油條，呢個真係要讚。菜色係鮮蝦釀油炸鬼，一上菜記得要即刻食，因爲實在超！級！脆！ 食得出蝦肉係新鮮彈牙，最厲害係全餐飯食完仲keep到脆卜卜。夾起身見到碟面無乜油，證明炸得啱啱好！然後仲叫左份四色丸尚盛，四種色既丸類各自都内有乾坤，有d内裏係蛋黃，有d係黑松露。有驚喜得來又為單純既丸類加多一個層次！至於全晚既重頭戲，當然就係火鍋不可或缺既牛肉啦！店主親切推薦左本地手切牛，可以見到肉色紅潤，證明幾新鮮！脂肪比例恰到好處，我最怕就係打邊爐到尾聲鍋面佈滿一層肥油，但呢款手切牛就唔會啦。肥油少左，但肉味完全無缺少！就算配上今晚既東

銅鑼灣百樂中心一向都多野食，而餐廳都很高質素。今次朋友推介海鮮火鍋蟲草花花膠燉雞湯底 $178一上枱侍應先幫湯底翻熱，花膠口感不過不失，有陣陣香濃的蟲草花香味。對女士很好又滋陰養顏，美味又養生。-海鮮尚盛(銀) - $558（4-6人）雖然我們只有3人，但貪佢有5款海鮮（龍蝦，大硯：海蝦，帶子，珊瑚蚌）龍蝦：超級鮮甜，抵讚👍🏻海蝦：應該沒用上活蝦，吃下去口感有少少梅帶子：如果大粒D會更好珊瑚蚌：大大件爽口彈牙大硯：硯內沉積了沙還沒吐乾淨。-手打墨魚滑超級彈牙，出好食好勁都未食過咁好食既墨魚滑，入面重有墨魚粒粒tim架。-百花釀油條 一客有6件，店員端上來的時候還是熱呼呼剛炸起，還推介我們如不怕熱氣可以即食，即食當然比較脆口，但畢竟佢係for黎打邊爐食，蝦膠並未調味，比較啖口。

打邊爐最鍾意就係用滋補燉湯做湯底，因為可以減輕罪惡感之餘，D湯料都特別好食。今次同事推介去呢間尚鮮，話有靚湯飲，一去到就嗌左准山杞子鮮鮑燉雞湯，真係有鮑魚GA!!!個侍應仲特登行過黎幫隻雞去骨，很貼心，而且非常足料，飲落去好舒服。百花釀油條係全晚的亮點，可以熟食亦可以浸湯食，兩種口感，油條炸得極香脆，同墨魚嘅彈牙互相輝映，如果可以，我想成碟食哂。仲有蟹皇餃，一入口濃烈蟹膏味佈滿整個口腔，皮薄餡靚。五味豚拼盤有三層，包括最高層的豬紅同中層的豚肉，底層就有豬潤、豬腸同豬皮，豬潤估唔到咁厚身，又夠粉嫩，全無腥味，豚肉就爽脆鮮嫩，肥瘦得宜。豬腸好乾淨，又夠彈牙。手切牛邊位好出色，無筋肉味濃，原汁原味無諗過作為SUPER FOOD羽衣甘藍都可以打邊爐，幾好味WOR又，不過要煮得比較耐先會腍身青檸梳打伴我吃完全程，解渴!

打邊爐打上癮，今次有個朋友喺外國返嚟， 竟然有自告奮勇地話要時去食打邊爐，我呢啲咁冇所謂嘅朋友仔，梗係一定去出席啦。 揀咗銅鑼灣嘅尚鮮，呢度交通亦都好方便，喺時代廣場附近。上樓嘅火鍋店，感覺比較私隱度較高坐得亦都好舒服👍🏻👍🏻👍🏻👍🏻呢度咩都有得食,有唔同新鮮嘅海鮮。因為太肚餓叫咗個粵式蝦餅，食住先順便等埋朋友一齊嚟。非常之彈牙好味。蒜香牛柳粒，粒粒都好味，牛肉夠晒鮮味正火鍋最緊要配搭係刺身。今日最新鮮嘅章紅魚，所以我你左黎品嚐吓，果然好新鮮。火鍋湯底最緊要，揀咗鮮魚湯喎，果然好有魚既清甜味，亦都好香濃好味，材料夠晒十足。五味豬肉拼盤，最特別嘅係有我最喜愛嘅豬潤，唔係好多地方有得食到㗎，呢度竟然有。😍😍打邊爐最緊要唔少得肉丸，四色丸尚盛。粒粒手打嘅肉丸，入邊有爆漿架😍👍🏻手切牛邊位，二想不到嘅滑滑牛肉，比一般肥牛更加好食。

打風前夕去完銅鑼灣剪頭髮，朋友話想打邊爐，即刻上網搵吓有邊間好，見到呢間餐廳推介新鮮嘅海鮮，而且又有刺身，可以又打邊爐又食刺身，就一於呢間啦見到餐牌有是日推介，有鮑魚、龍蝦、象拔蚌等等，店員就推介我哋試一款甘膳鯛，原來除咗刺身食法之外，仲可以加少少錢叫餐廳加工變另一食法我哋今次就試刺身食法，甘膳鯛刺身好新鮮，而且師傅將刺身擺放得似一件藝術品，賣相好靚影相一流，魚嘅質地食落好有口感，而且幾鮮甜，我地可以試到平時少食嘅魚生，好有新鮮感而打邊爐我哋就揀咗海底椰鱷魚雞湯底，店員首先推薦我哋飲一碗湯先，飲得出好滋補好清甜，湯底嘅材料好足夠，有鱷魚肉、雞腳、海底椰，杞子、圓肉等等，飲完覺得好暖胃喜歡食牛嘅我哋就揀咗一碟手切牛邊位，牛肉嘅脂肪分佈好平均，肉身比較實，好有咬口，朋友都覺得好有牛味，打邊爐必點另外叫咗兩款餃子🥟，一款係蟹皇餃，另一款係松葉蟹餃子，餃子裏面嘅餡料好足夠除咗肉之外仲叫左蔬菜，我哋叫咗個田園盛，有齊粟米、金菇、白蘿蔔、生菜、菜心等等，令打邊爐感覺健康啲，而白蘿蔔吸晒湯底，好鮮甜好入味，而且粟米都好鮮甜餐廳仲有其他小食可以選擇，我哋試咗一款椒鹽牛蒡，脆卜卜好似食緊薯片咁，配上椒鹽

近來都不斷在尋找高質火鍋店，今次黎到尚鮮，入面既卡位有私家電視，仲有私家房可以包埸食野，有一間大一間細，仲可以2邊打通變超大vip 房包埸party 呢今晚冇人包埸，可以響vip room 食野，入到去有私家大電視，牆上都放左唔同既酒樽裝飾同燈籠仔，good feel 呢😆另一個吸引之處係餐廳中間有個海鮮枱，一問之下原來每星期都會有日本直送既海魚同埋每2~3日都會有日本直送既海鮮食材，店員仲話如果提早打去仲可以報價訂定唔同既日本海產，遲下仲會出不同既海鮮刺身拼盤呢😋😋😋所以都忍不著叫左份活魚刺身試下梭子魚刺身 $228梭子魚本身油份不多，所以肉質有口感同埋好鮮甜，不錯秘製土鄉清湯 $108雖然呢到好多湯底都好想試，但第一次黎到梗係試下個原味先la手切牛邊位 Short Loin $198打邊爐又點小得牛牛🐮餐牌有好多款揀，今次揀了比較小見既牛邊位，一上枱已經覺得佢好靚仔，油花好靚但又不會太肥，食落重牛味，正😋😋雙拼蟹皇餃 $118雙拼即係尚鮮蟹皇餃+松葉蟹皇餃，一口咬落去好重蟹味，2款都有蟹糕味，仲有d 蟹肉響入面😋😋羽衣甘藍 Kale $38第一次食羽衣甘藍竟然係用黎打邊爐，不過本身

同事介紹湯底很補，就跟友人去試試。先點了樣熟食醫醫肚，百花釀油條炸得很香脆，墨魚打得很煙韌，點了雞醬更惹味。點了准山杞子鮮鮑燉雞湯，店員很細心地幫雞隻去骨。先喝一碗湯，有數隻鮑魚、蔘、雞腳等食材，確實很進補。五味豚拼盤放置得很精緻，最高層有豬紅，中層有豚肉，最底則有豬潤、豬腸和豬皮。豬紅很結實，點豉油最好吃。厚切豚肉有口感。而我最愛是豬腸，餐廳處理得很乾淨，很惹味。手切牛邊位 - 超級好吃的牛肉，爽口且牛味濃郁，點不點豉油一樣好吃。有點厚度，更有咬感。跟友人很快就清了整碟牛肉。蟹皇餃很濃郁的蟹膏味，包得很精美，煮時亦沒有散開。羽衣甘藍吃下去像芥蘭，挺特別的，因為平時吃火鍋都是點生菜跟娃娃菜，偶然有新嘗試是不錯的。吃火鍋最愛喝青檸梳打，夠解渴！侍應們很細心，時不時來加湯。