居食屋「和民」 (已結業)

星期日晚9點去到， 不用等位， order後等左15分鐘才上食物。海鮮丼可接受拉，另外叫左抹茶芭菲，好鬼正，抹茶味非常濃，正😋😋😋另外待應服務勤快，值得一讚！

我未寫過食評，但今次真係頂唔順，和民做鰻魚推廣，叫咗個特上鰻重$148,啲鰻魚腥到我超愛食魚嘅人都頂唔住，另外啲肉係“梅”架！為乜咁都做得推廣？另外叫咗個厚燒玉子。。。我見到碟嘢個樣都已經唔抱希望，食一啖，嘩，呢件叫玉子燒？煎蛋卷咋!一啲味都冇，舊蛋實到咩咁，個邊燶嘅。。。

今晚約左我嘅工作伙伴食飯識左成年，一直都只係工作上聯絡，依家一週年，終於約出嚟食個飯佢喺葵興返工，咁就揀葵芳食，大家都就腳今次揀和民，日本菜，穩陣～大家都一定啱食三色刺身～三文魚夠厚身，新鮮甜蝦夠大隻，都係新鮮嘅吞拿魚就無咩味🙅🏻螺絲粉沙律～螺絲粉（2色）、蘿蔔絲、青瓜絲、1/4隻蛋個醬汁有啲怪，因為呢個係凍食沙律，所以醬汁好緊要，係酸⋯⋯但酸得嚟同螺絲粉唔夾，而且我覺得加返啲蟹柳絲口感會豐富啲串燒雞翼～正常，皮燒得脆，肉汁都夠，唔乾身一口牛～好“銀”，唔夠juice，而且無咩醬汁，但就跟個蘿蔔蓉醬汁，肉質都較乾身

外賣石鍋鮭魚魚子飯 全個飯得2塊魚 叫左1大2小 大小份量冇分別 有冇搞錯賣相極差 與圖片相差太多 非可接收範圍味道一般 外賣得個飯 冇飲品 冇配菜等等價錢絕對唔值 實在太怒先要特登上黎話比大家知自己睇圖我絕對冇食過 一開就係咁呢個飯$68 多謝晒

朋友超級肚餓，見到和民唔駛等位，即刻入咗去，安排坐係近門口嘅卡位，自成一角，唔會太嘈。和風菠菜卷，朋友必叫嘅小食，菠菜都好新鮮，賣相都ok，但係味道就好淡。日本南瓜蕃薯，新鮮即炸，熱辣辣，南瓜好甜，蕃薯好綿，脆漿好薄，幾好食。牛油焗帆立貝，鐵板上，好香牛油味，又唔靱，不過就好細粒，如果帆立貝大返D，感覺會好好多，一碟有七粒，講真佢禁細粒，一個人食晒都唔多。芥辣八爪魚，普普通通，味道正常。特上壽司盛合（鮭魚，鰻魚，金槍魚），我覺得麻麻地，魚生唔係好新鮮，又無味，下次都唔會再叫，食返熟嘢穩陣D。鹿兒島和牛壽喜燒，牛肉都好薄，牛味都好濃，加埋D蔬菜同豆腐，仲有兩雙雞蛋，吸晒D湯，甜甜地好食。北海道十勝豚肉丼，有三片少少濃濃地嘅豚肉，加埋燒汁，豚肉好食又唔靱，趁熱食，好惹味，佢分咗兩個size，我地叫咗細碗，不過真係好細，要$48一碗，覺得有D貴。我都好耐無去和民食嘢，記得上次D嘢食麻麻地，但今次再食，食物好似好返D。

Happy Friday 諗住行遠d去食lunch，去新都會食日本野-和民，新都會成個商場裝修緊，要行成個圈先去到和民，沿途間間餐廳都排晒隊，係唯獨和民一行埋去就入得，心諗會唔會伏架，不過唔駛等就唔諗咁多。安排坐到最入面，點知想搵個店員比杯水都難，何況落單， 左右隔離D食客一見到有店員行過，個個都即刻捉住佢落單，樓面超級唔夠人。落單等咗20-25分鐘先有嘢食黎。極上滑蛋雞肉盒子飯御膳$78有沙律､麵豉湯同甜品。 沙律啲菜都幾新鮮， 加埋芝麻汁味道都唔錯。 麵豉湯好淡冇乜味， 不過都幾多料，有豆腐乾､豆腐同埋昆布。雞蛋煮得都幾滑， 不過雞肉有好大陣雪藏味， 份量又唔多， 飯多過餸， 汁又多得滯 ， 搞到好濕笠笠咁， 味道淡淡地唔係好夠味， 整體一般。甜品嗰杯唔知柚子定係柑嘅啫喱， 魚膠粉應該落得都幾多， 好結實下， 唔甜之餘仲有啲澀澀地。滑蛋豬柳鍋定食$63呢個等咗半個鐘先有得食。 沙律同湯同另外嗰個餐差唔多， 唔多講。豬柳切開有六塊， 外層麵包糠炸得幾鬆脆， 入面幾鬆軟多汁， 一啲都唔嚡口，蛋都煮得好滑又唔會過老， 配埋碗白飯都幾飽 ，呢個底抵等半個鐘。餐飲揀咗熱蜂蜜生薑茶， 唔使加錢

和民一向質素一般，今次再訪係因為佢有BB凳。七點多本應好多人排隊先係，不過今日真係唔洗排隊，排既都係排緊隔離既牛角同牛涮鍋。我地一行四人點左個四人餐，都幾多野食。無記錯係，有四人份量既沙律，兩個小食，四杯野飲，兩個主食，一個鍋物，仲有D前菜咁，我地自己再追加左牛油果三文魚卷。今次覺得和民既野食質素又好反少少。小食既柚子雞翼幾好味，個汁酸酸甜甜，個雞翼脆卜卜。而牛油果三文魚卷都唔錯，幾開胃。大阪燒炒麵好似中式既鼓油王炒麵，哈哈，OK啦，唔好食都唔難食既。豚平燒一向都好食，今次都唔例外。鰻魚飯都幾好，魚肉唔梅，飯唔太濕，合格的。個牛鍋D牛都絕對收貨，雖然加左錢，但真係好有牛味既。唯一覺得好難食既係呢碗野，好奇怪，食唔落去。

因仍在打風，找尋連接地鐵商場的食店，最终選了這食店，入内有sofa 卡位和人不多，坐得寛闊舒服，看餐牌後選了第一個是和民沙律，料是上乘，有蝦、雞、木瓜、沙律菜等等，口感不俗，賣相给引。第二選了天婦羅盛合，剛炸起，香口但材料覺一般，緊合格。第三選了和風叉燒、雞pizza,處理得恰當， 入口覺煙韌而有沙律醬感美味第四選了一個 海鮮鍋, 海鮮如帶子魷魚，用料新鮮，但較微小、入口美味，昆布湯底不俗，以五十多元的價格，超值。最後是選了抹茶雪糕丸子作甜品，發现甜品內加了些涼粉和一些糖漿可混合一起食，非常美味

今日即興食飯，認真葵芳除左掃街真係唔算多選擇，多數都係食牛角，金潮，Star Kitchen之類，不過真係好多人同埋都食左好多次。今次輪到食和民。而家和民已經變到無乜人排隊，大家可能因為覺得呢幾年質素差左啦。所以一行６人好自然就入去食，唔洗等位。可能太耐無見，好似餓鬼咁樣樣都點下，結果叫到一台都係。炸雞軟骨，炸天婦羅，燒雞翼，燒冬菇，燒鯖魚，大阪燒，芝士年糕同埋鱈魚條。其實樣樣野都中等水平既，不過特別好想提既係和民既芝士年糕真係好似香口膠，佢無乜味，但係就膠膠地可以拉絲。都幾難食。。。其他野如炸雞軟骨都幾好味，有埋檸檬，每次黎我都會點。壽司就不過不失啦，新鮮又唔算好新鮮，但係都仲係接受到既質素。最好味既係燒雞翼，用鹽燒。和民都幾好既其實, 坐得幾舒服! 食物都正常既!

今日約了舊同事一同到葵芳吃午餐。。葵芳新都會每間食店在下午時分人流也十分多。。。最後我們決定到和民等位。。 十分幸運地，我們大約等了十分鐘左右便有位了我們一共有四人，所以我們決定每人點一客正餐，然後再選一些少吃一同吃其中一位同事點了一客拉麵拉麵看起來分量十分少，而且這個碗的size也很細 但很好的是，朋友說這個麵的湯底也算是香濃，豬骨味也很重，而且拉麵也十分彈牙。。所以他也對這碗拉麵滿意另一位同事點了滑蛋豬柳飯。。飯有分為大或細的分量。。他點了大size滑蛋看起來也十分嫩滑，而且這碗飯的賣相也相當吸引同事說這碗飯的豬柳也相當彈牙，口感不錯，但唯一美中不足的是。。汁不算太多。。當飯吃到一半的時候，底層的飯已無味了，而且十分乾我和另一位同事點的都是天婦羅鍋燒烏冬這個鍋燒烏冬十分吸引因為會有一個爐不停加熱的。。鍋燒烏冬送到來的時候都是凍的。。而且烏冬上的那幾塊雞肉也是生的，然後服務員會把火爐開，然後慢慢加高溫度，然後把烏冬和肉煮熟店員還會附上一隻蛋的，可以打蛋打到鍋中 天婦羅也有很多種類，有兩隻天婦羅蝦。。有幾塊其他的天婦羅雜菜。。。天婦羅沒有什麼特別，而且賣相好像較深色。。不是太美。。但吃

平時等好耐今次好快有位🤓先黎個剌身沙律先，新鮮既，菜唔苦· Sushi類唔差 都新鮮，都叫左唔小架· 雞軟骨唔咸 味道岩岩好· 雪魚絲自己鍾意食類似雞泡魚乾既野，所以我覺得好食架，但朋友就覺得乾爭爭有咩好食🙈· 牛舌係厚既 唔'un' 但係係乜牛味· 天婦羅唔厚粉 趣既· 燒魚唔記得點左邊條魚啦，Manu有兩款，燒得好好味，成條食晒· 雞串，雞翼，冬菇雞翼同冬菇都好味，但係雞肉串係完全無味仲有章魚鐵板燒同豚肉炒麵燒餅唔記得影相兩個同一個評語，就係麵粉太多，一pat野咁PS 唔洗切餅費

  我和同學睇戲後，我們決定去和民食晚飯，我們兩個人等位等了一個小時，因為排緊隊等位有很多是三位以上，侍應每次都叫他們的號碼，他們的號碼會跑更快。    侍應終於帶我們去一張四人檯，我們立刻叫食物，因為等位時已經問侍應取了本餐牌解悶。我們叫了滑蛋豬柳飯，這是大碗裝要63元但我們覺得同吉野家的份量差不多，有四塊吉列豬柳，肉是有些厚，不脆不過非常入味，有肉汁好配合，幸好還有洋蔥滑蛋撈飯，洋蔥滑蛋做得比吉列豬柳好味。我們在大阪燒和豚平燒之間爭論過，最終是我贏了大阪燒回來，大阪燒好大份，燒餅混入炒麵、煙肉及大量的椰菜絲，麵粉份量剛好，食落不會太餅，柴魚、 香蔥、沙律醬、燒汁都落得很充分。我和同學都是炸雞fans，自從大雞大執笠後，那些炸雞椒鹽粉、辣椒粉離我而去，幸好和民都有炸雞，雖然不是大雞大的種類，和民炸雞賣43元，實物沒有餐牌的漂亮，即炸，好好味，炸雞是無骨的，皮炸得脆，雞肉容易食，而且有薑味，好好味。  結帳兩人平均付款，每人付100元都有找錢。

和同事一起外出吃午飯時間，就是和同事去慶生，人不多3個人，和民環境也坐的舒服，大家也愛吃日式食物，輕輕鬆鬆，說說笑的吃飯，食物價錢又不貴，這餐午飯只是吃了HKD253/3人。************************鮭魚油甘魚沙律，HKD53。大家都愛吃三文魚，看到有新款沙律，還有三文魚做主食材，當然要了一份。和民的沙律味道做的不錯，不以沙律醬調味，菜新鮮爽口，三文魚入口又夠滑口，油甘魚也新鮮好吃。石鍋月見豚肉飯，HKD48。和民的石鍋飯都幾好味，因為夠熱，飯底會有點像焦了。飯中加了生雞蛋，把飯弄得更溜滑的口感。豚肉夠薄片能入味，肉也不會難咬口，好吃。山葵辣脆雞翼，HKD38。炸的幾香脆，骨肉也很容分離，只是加了點山葵鹽調味，所以山葵味道不會很重。關西章魚丸子，HKD43。放了很多木魚絲，但味道感覺街邊買的香口一點，這裏的章魚肉粒較多，粉漿也不會很厚身，其實都不差，就是感覺像差了點口喉吧。明太子香薯比薩，HKD48。這個比薩餅身很薄而不是很脆口的，以薯仔和沙律醬，粟米來調味，所以感覺普通了一點。

無論幾時,和民都係要等好耐好耐位...千其吾好餓到就黎死先拎飛呀~同埋上菜都要等等等一段時間...大阪名物炒面燒餅$63衣個我都食過幾次,覺得係好味GE.上面有好多木魚,同埋有燒汁,我好鍾意個汁咸咸甜甜咁,不過佢淨係得面頭有,食食下就吾夠汁...另外我好鍾意佢入面有好多菜,好似好健康咁哈哈,同埋吾會膩,D菜又爽爽地咁,好MATCH~黑椒??雞翼$43係好味GE,我幾鍾意食和民雞翼,我覺得好食過KFC...個汁好味,都炸得好味~壽司組合有生有吾生,我吾好生當然食曬D熟GE~~和民GE壽司吾會好抵食,一般般啦,不過本身我地都吾係好高要求,是是但但想食下壽司,吾係奇奇怪怪已經OK,$82一碟食8件,即係平均一舊$10,係吾抵嫁啦...和民呀嘛埋單,2個人每人$104//

由於男友不吃生的東西，故平時很少機會可以吃到日本菜。 是日下班約了好友吃飯，問我想吃什麼，我二話不說，便回應：「日本菜！」 好友形容我為「放監」，對日本菜的那種渴求及壓抑，一次過爆發出來！通常日式餐廳也比較狹小，為了可以坐得舒服一點，我們選擇了和民！雖然我們只有二人，但最後可以被安排坐四人位，果然不負所望！  第一道上菜的是和民沙律，內裏除有沙律菜外，另有一點南瓜、蝦、雞肉及吞拿魚沙律。沙律菜爽脆新鮮，不錯！但奈何南瓜是生的，口感較硬，個人不太喜愛。蜜糖芥末脆雞翼，Size 跟我想像的小，而且略嫌蜜糖芥末味很淡，只像普通炸雞翼，沒有什麼特別。豚肉炒麵燒餅是我最喜愛的日本菜！正常是外層煎得外脆，內裏的炒麵相對軟身，但仍不失彈牙感。可惜和民的這款燒餅，外層軟腍，麵粉仍失彈牙感...失望！  最後我們點了特上壽司組合，有兩件鰻魚壽司、兩件三文魚壽司及兩件呑拿魚壽司。這個是最失望的，魚生份量小而且不新鮮，飯一咬便散，質素比爭鮮還要差...但價錢是爭鮮好幾倍哩...  總括而言，位置是舒適的，但食物質素真的有待改進。