屋喔 (已結業)

天氣熱一熱，最想抖一抖出外工作，呢刻最想飲杯凍一凍~舒服坐下，散一散累散一散熱。又來到這間中環台灣菜，裝修比一般台灣菜高尚西化，西餐格局感覺，食客也比一般台灣菜店相對多外國人或在中環上班族。喜歡這裡坐得舒服，一個人簡單叫一杯飲品或食物，一個人坐，悠然自得~香芋沙冰，幼滑沒碎冰，味道較淡香芋味其實不太重，但因不太甜，這熱浪天氣反而這個較適合我~此刻的我，只需一杯淡淡然又冰凍的飲品🍺~~#BluecatEat_中環 (👈FB搜尋更多藍貓搵食)

中環食lunch 人多擠迫，唔少食肆都大排長龍. 所以多數買多賣返公司食算數.見今日12點鐘就可以食午餐就行去中環街市附近睇下,發現 機利文新街成條街都幾多野食. 屋喔的格局唔錯，就去試下。叫左，午市套餐：鹽酥豬扒拌麵連桂圓紅茶，豬扒好酥趣、剛炸好、帶有少少咸味、共有兩大舊、亦唔係太多肥肉👍🏻👍🏻👍🏻，麵條微溫加上少許肉燥如果可以加番D辣就仲好食。飲完微甜的冰涼紅茶☕️，就食完一餐完美的lunch 😋🤗🤗

Lunch平時都唔中意出去食，怕多人同人逼又嘈傾唔到計，今次朋友就介紹去一個坐得舒服而且高質既台式餐廳環境格局幾舒服，大部分都係沙發位Lunch set$60-80既都有，有肉燥飯、湯麵、拌麵、意粉等鹽酥雞麵(拌麵)呢個本身以為係冷拌麵，原來係暖暖地既d青瓜同醬都好夾下次可以試下轉做肉燥拌麵(唔洗加錢)個鹽酥雞不過不失,反而個麵突出d豬軟骨肉燥飯呢個係我叫既特別要推介佢個糖心蛋好入味同啱啱好既流心程度佢肉燥、醃菜同豬軟骨都好多，絕對夠送哂全部飯套餐都會配送柳橙冰綠茶或者桂圓冰紅茶我就揀左呢個柳橙冰綠茶，橙味既綠茶幾特別

放咗工諗住醫一醫肚先去行街街，心血來潮想食台灣美食，"屋喔"便是我的選擇！由於對中環唔太熟悉，開住地圖黎搵餐廳，原來係橫街入面既，可能係星期六關係，入到店內唔算多人，餐牌有午餐set，包飲品，唔錯既選擇！台灣牛肉麵出晒名，當然揀佢啦😏古早牛肉湯扁麵，另外再叫咗鹽酥雞糖心蛋肉燥飯，一個麵一個飯試晒二樣唔同既野！再叫左杯珍珠奶茶同藍碟花檸檬凍飲！上菜都算快，唔通知道我地肚餓😆牛肉麵既牛肉好味，唔會好so牛味，但又有牛既香味仲夾雜住根，正！但麵就唔夠嚼口，有少少淋咗d。鹽酥雞糖心蛋好味，熱辣辣又唔會太乾身太咸，肉燥唔會太肥撈埋d飯食，我食晒成碗飯😝2杯野飲都唔錯，本人推介牛肉麵！👍🏻

成日經過外面望落去仲以為依到係酒吧，原來有粉麵飯，中式台式西式咩餐都有得食台式家常套餐；可以選前菜同主菜送魚湯時蔬配白飯,再送$32或以下飲品1杯+$12送甜品，全個餐$150抵唔抵就見人見智啦我簡左台式糖心蛋+鳳梨糖醋魚柳;原本佢送個個沙津都有糖心蛋可以一人一隻lou, 糖心蛋旁又會有2條大既菜,成個SET都好似好健康咁~鳳梨糖醋魚柳係連埋半個菠蘿上,但個魚柳就炸到冇咩味,好似糖醋菠蘿同個魚柳分開煮咁lol甜品簡左Tiramisu ~哈,唔太甜口感好滑好味

Lunch尋個好位，黎到中環同上環交界。搵到呢間台灣食店，好多人排隊喎。等左四個字左右就有位，裝修得唔錯，有幾幅畫放喺度 好relax既感覺。友人叫既鹽酥雞扒飯，試食咗個雞扒，好硬，啲雞肉好實啊，而且仲好細添個份量而我就帶咗鹽酥雞扒轉肉操拌麵。值得一讚嘅係佢哋嘅拌面，好煙銀啊，最後食埋啲芫荽好香，配埋肉操都唔係好鹹，雞都係好一般

在漆黑的利文街道中要了香芋沙冰，海苔盐酥鸡，牛肉沙拉，龙虾海鲜饭。香芋沙冰味道较淡但还不错；那个龙虾觉得处理的不是太好，但是饭很入味吃起来很有满足感；好久没吃到盐酥鸡了吃的很开心。

今天午飯早了一點離開公司，以為Ocasa會比較少人，怎料仍要在又焗又熱的後巷中等位15分鐘幸好餐廳在門口放了凍青蘋果飲品，等位其間可以解渴。終於可以入座了，侍應安排我們坐樓上。座位頗迫， 樓底頗矮，中午時段坐滿人，人聲鼎沸。。。餐牌是簡單的一頁紙。我們點了兩個套餐，加＄10轉了喜歡的飲品。先來苤芽奶茶，苤芽份量多，但奶茶味道不算濃郁，欠缺茶香；但勝在冰凍，消暑一流。這水果茶是全餐飯最滿意的，酸酸甜甜的水果茶入面有各種水果，非常refreshing食物也很快就到了，賣相是不太討好的這個糖醋肉排份量少，炸漿偏厚，而且上桌時只是微熱，感覺就像在吃food court 三餸飯的其中一個餸。。鹽酥排骨湯扁麵賣相好一點點，但兩件薄身排骨炸得很乾。扁麵口感不錯，煙韌有咬口。整體來說，這裏的午餐實在不值得排隊吃。如果你有時間等位吃台式午餐，我會建議你到同區的茶x。

呢度環境唔錯，坐得幾舒服，試左幾樣野，都有台式既風味，飲左個荔枝玫瑰綠茶，呢個幾清新，好有夏日既感覺夏天飲都唔錯頭盤點左一客屋喔牛肉雜錦沙律，份量都好多，有好多牛肉隻糖心蛋整得唔錯，好似平時拉麵店食到既一樣，再加少少既nachos 都有唔同既口感仲點左一客海苔鹽酥雞，五十幾蚊，份量好多，炸得都幾透如果可以點杯啤酒黎送，會更好仲有叫左個加拿大海膽干貝燉飯，都有唔少海膽，２個人點一個都夠曬喉，仲有干貝 tim２個人食左三百零蚊，抱隻個肚走

冇乜嘢特別事情發生，只係同女朋友嚟呢度食左碗麵，覺得好食，就在呢度講幾句。台式牛肉麵，碗麵嘅正確嘅名稱我就唔記得咗啦，不過覺得大家都應該知道係乜嘢，個湯底好濃有牛肉味，(我女朋友話係偏鹹) 但我認為係濃郁而唔係鹹，兩者係有分別嘅，麵煮得煙煙靭靭，食落去好有咬口感，牛肉/牛腩 炆得好淋，淋到係應該連冇牙都食得到嗰種，仲炆得好入味。我本來一向對牛肉麵冇乜研究，亦唔係太喜歡嗰種，不過呢碗牛肉麵係我真心推介，閣下唔like係你哋嘅事，係咪正宗台灣麵嘅味道，我都唔會去理，反正我就好喜歡。

今日同朋友係中環經過一條巷仔，好奇轉入去見到入面有一間裝修幾有格調既餐廳，menu既價錢又ok，就決定今晚dinner食呢間啦。餐廳入面燈光昏暗，好有feel，仲有成兩層，都幾大間。我地被安排坐係卡位，有大大張梳化凳坐，非常闊落。我地首先叫左一個蜂蜜芥末雞鎚做小食，menu話呢個係小朋友既最愛喎。雞鎚既醬汁調配得幾好，蜂蜜味較重，芥末味就較少，加上雞鎚細細隻，真係好適合小朋友食。成餐飯既重頭戲就係西班牙龍蝦紅花鑊仔燉飯。一上枱已經見到賣相非常之靚，顏色非常豐富。個西班牙燉飯係成個鑊上，有一大隻炸過既原隻龍蝦係面頭，加上好多海鮮配料，有青口，魷魚，蝦，帶子，非常豐富。另外燉飯既份量都好多，夠2-4個人食，汁既味道好濃，帶少少微辣，非常惹味。另一個主菜係加拿大海膽干貝燉飯。海膽既份量都幾多，味道仲好鮮甜，無腥味。帶子都幾大粒，有微微煎過，味道香口。另外燉飯煮得啱啱好，唔會太過淋，醬汁既味道都可以。食到有少少頸渴，我地就叫左個蜂蜜桂圓紅棗玫瑰花茶share。茶入面有好多桂圓同紅棗，飲落味道好香甜，玫瑰味就比較輕，感覺好滋潤。總括黎講，係中環呢啲高消費地區搵到間價錢合理，野食好味又坐得舒服既餐

平日weekend放假鍾意約朋友去上環中環飲杯咖啡，今次想有少少唔同，去左呢間食台灣野。環境格局幾舒服，都幾 chill台灣野黎講，我覺得一定要食炸雞，我地叫左海苔鹽so雞賣相幾吸引，睇落都幾乾身食落味道好重海苔味，好香！！呢個份量適合2－3個人食$28/5隻餃子，中環區黎講：好平！同餐牌講ge一樣，超薄皮主菜叫左海膽帶子焗飯帶子原粒上，仲有海膽喺上面，好吸引野飲方面，好鍾意呢個 ，天氣熱熱地點呢個好爽呀˜好好味！唔會太甜，仲有少少果香味 地方位置都幾方便，唔洗上到soho區，已經可以享受下午茶 so good!

去到間餐廳感覺氣氛幾好，好適合情侶去既，因為幾有情調，燈光較到好暗，適合談心。坐低之後就叫左台灣腸，糖心蛋，意粉，海膽帶子飯，黑松露薯條，海苔鹽酥雞，海撒沙律。咁多樣我最鐘意食台灣腸同鹽酥雞，覺得好可口，海苔鹽酥雞送酒一流。^_^但係覺得海膽帶子飯同沙律就稍有改善空間啦！可能因為我本身不太中意食熟左既海膽，但朋友就話好中意，覺得好特別咁話。D飲料都好好飲啊，士多啤梨沙冰整到好靚。而且服務態度都幾好，所以呢間十分我俾8分，鐘意食台灣野既人可以考慮下架。

台灣野不嬲吾系我喜愛既食物,但朋友介紹中環一間台灣fusion 餐廳令我對台灣食品有所改觀,唯一美中不足既系餐廳燈光偏暗,雖然系幾有情調,但就連我睇menu都有困難...台灣小食第一時諗起鹽酥雞,所以我地先嗌,佢入口非常夠味肉質都算嫩囗台灣香腸同黑松露薯條亦都系必食推介👍👍黑松露味覺香濃我地仲嗌左個凱撒沙津加兩隻塘心蛋亦都好新鮮同好味道!! 另外仲嗌左個海膽帶子飯,份量都算多但味道就一般. 總括黎講以中環餐廳價錢吾貴,有機會都會再去!! 

今日跟朋友嘅介紹，黎咗食中環嘅呢間屋喔 Ocasa！😯入面裝修都幾有格調，好適合一班friends 放咗工黎chill 下😂😂！ 睇睇個menu，原來屋喔有西餐同埋台式晚餐食。 首先黎到嘅係一碟小食。蜂蜜芥末雞鎚$48 -- 雞鎚十分惹味，隻隻雞鎚都沾滿蜂蜜同芥末， 甜甜酸酸嘅好開胃！🤣加拿大海膽干貝燉飯$118-- 燉飯真係好香，海膽份量都比想像中多😯。 加埋輕輕燒過嘅帶子，食落真係好滿足！👍🏻西班牙龍蝦紅花鑊仔燉飯$168-- 另外呢個燉飯一送黎真係全枱都「哇」咗一聲！ 個燉飯上面真係有一大隻原隻龍蝦！ 😯 龍蝦比油炸過，個殻勁脆，啖啖彈牙嘅龍蝦肉！ 個燉飯材料都好豐富，有蝦又有青口、魷魚，仲有大量芫茜，食落好香好有海鮮味！ 不過如果你唔係好似我呢個芫茜控嘅話就記住要走芫茜啦！ 😂😂 呢個燉飯真心唔錯！ 飲品方面，都有好多選擇。我地叫咗個花茶。蜂蜜桂圓紅棗玫瑰花茶$42-- 花茶十分精緻，仲有好香桂圓味，飲完即刻覺得好滋潤😊！ 屋喔仲有好多其他食物都好吸引，等我下次再黎試埋佢先！