山城小麵 (太子中心)

营业中

休息中

酸辣粉真係會令人深深上癮！想不到這間川菜的酸辣粉又平又好味，仲要比平時掃價食既大碗，但價錢又差唔多，又可以坐低慢慢食，以後食酸辣粉黎宜度就得了！酸辣粉可選大、中、小辣，而我揀既中辣已經勁辣十足，薯粉入哂辣味，愈食愈爽呀！另外再加了豬軟骨，又軟又稔，軟骨部份很多，入口黏黏的，補充骨膠原岩哂！山城牛肉麵同樣可以揀辣度，麵條煙靭粗度適中。牛肉肉嫩，肉味濃，加上辣味，非常滋味！口水雞翼一分為二，方便進食既同既雞翼更入味。麻辣手絲雞辣得黎又帶有麻勁，先辣黎麻既感覺帶來更豐富既層次刺激。雞絲夾雜青瓜一齊吃，感覺更fresh ！脹卜卜既紅油抄手粉皮厚對適中， 裏面肉餡滿測的，超足料！蒜泥白肉肥瘦相間，蒜香味突出，辣度適中，真的回味無窮！冷凍既豆漿解凍一流！豆漿香滑又夠大杯都只不過係$6，認真又平又好味！紅糖冰粉很有特色，四川菜必食之選！晶瑩剔透既冰粉口感似jelly, 紅糖同乾果香甜。雪得冰凍的，夏天消暑一流！

最近去左上興趣班, 老公接放學再喺附近開餐~ 行吓行吓就見到呢間小店, 價錢經濟 , 仲有D川式小食啱哂老公~ 等左陣位~ 本身麵食都唔貴, 仲有一人/ 二人套餐更加抵食~ 最後緊係食二人餐啦! 先黎豆漿, 黑糖薑茶,跟餐唔洗加錢 . 我杯黑糖薑茶真係恩物黎,我好中意飲薑茶,越辣越好,佢呢杯夠哂辣,仲有好多薑粒添~ 麵食揀左山城牛肉刀削麵 先試一口湯. 好清甜既牛骨湯味 , 牛肉粒炆得夠入味, 刀削麵吸收哂湯既味道紅燒肥腸紅薯粉雖說肥腸,其實大腸唔會好肥, 配埋少辣既紅薯粉, 份外惹味 清湯鮮肉抄手比外面食既大粒, 咬開粉紅色既豬肉陷, 用料新鮮尖椒皮蛋, 好香既花椒油,加埋香蔥蒜粒, 減輕左辛辣度, 對於我呢d 唔太食得辣既人黎講真係剛剛好~ 蒜泥白肉, 平時食米線都會叫, 呢間感覺好有heart , 雖然只係一個跟餐既小食,但份量足之餘, 五花腩脂肪比例平衡, 連埋蒜泥一齊食真係好香最後點少得冰粉吖~ 水晶晶, 比蒟蒻軟身, 加埋紅糖水同埋乾果,提子乾, 清一清味蕾既辛辣味既同時又可以冰涼一下~ 埋單先$119,已經食到捧住個肚走學生lunch 黎仲有得減$ 2 , 真係良心老闆~

※本文以用餐當日的環境、服務和食物質素為準，口味亦因人而異，文章只作參考之用。-前排係網上睇到介紹「山城」既報導，佢地既酸辣粉同小食都很吸引，見近近地搵日放工就去食晚餐。不過店子位置介乎於深水埗同太子中間，太子站行過去都要約十分鐘，不算就腳。店子環境不大，只有數張枱椅，由於去到時間尚早，仍有卡位可坐。餐牌上有各款麵食和小食，小妹覺得佢地既二人套餐係非常抵食，晚餐約一百蚊有兩碗麵兩個小食同兩個飲品/糖水，好佛心價！「食均山城二人餐」$109麻辣手撕雞及蒜泥白肉，前者手撕雞的份量都幾多，味道主要靠麻辣汁帶起，味道可以；蒜泥白肉面頭放了很多蒜泥，與白肉一同食相當惹味，咀嚼中帶有脂肪香又沒騷味，好食。黃金皮蛋 $26黃金皮蛋同平時的皮蛋不同之處，在於平時食開既係港式醃法，四川醃法會係黃色透明皮，食落同一般皮蛋味道無大分別；中心蛋黃帶點點流心，蛋味突出，加埋辣汁、蒜粒同蔥等，小妹食唔停口，食親米線和酸辣粉必點皮蛋黎過過口癮！山城牛肉麵男人的山城牛肉麵，揀左要刀削麵，叫左中辣都唔會好辣，刀削麵咀嚼中富口感；牛肉用上略帶筋位的牛腩部分，食落唔會好韌，整體都唔錯。正宗酸辣粉 （腩肉+$8）到小妹至愛既

今晚收工同媽咪出咗太子行街買野，行到咁上下有啲肚餓就係附近搵咗間餐廳食個晚飯行過見到有間小店有川菜食，我同媽咪都係食辣之人，當然唔會放過紅糖冰粉之前去四川都有食過冰粉，不過係香港就真係小見，依度竟然有得食透明既冰粉加上小小紅糖，仲有龍眼肉干，冰凉香甜，夏天食就更適合山城牛肉麵 $35又平又抵食既牛肉麵，份量唔算好多，相對牛肉比較多，刀削麵彈牙有咬口，牛肉偏瘦湯底可以選擇辣既程度，因為我地叫咗好多辣既食，所以就選咗清湯，味道都夠濃郁老麻紅油抄手 $26/6粒 大大粒又足料，味道唔算太辣，皮都夠薄，肉餡料好多，調味啱啱好，小小麻既感覺蒜泥白肉 $24白肉肥瘦均勻，辣味香濃，不過唔會太辣，蒜泥好似雪咁，好白夠溶爛手拍青瓜 $22青瓜唔夠凍，切得比較太粒，不過都爽口，辣味唔重

角落位置, 店的大小跟台式飲料店差不多差一點以為是外賣店 價錢不算貴, 而且選擇配搭多總有一種岩口味 山城牛肉紅薯粉微辣呢個粉份量超多, 而餸菜都有唔少我點左既係微辣, 成碗都只係$35蚊超平!! 微辣黎講都幾惹味, 辣得黎幾開胃如果下次再食我會選擇叫中辣因為微辣唔多夠喉!!牛肉好嫩滑, 即叫即煮既味道果然不一樣 紅油抄手6粒我地幾個SHARE一個小食呢個抄手好掂, 皮薄餡靚最正最正就係個麻辣!!辣得黎又麻, 味道好正宗 紅糖冰粉好特別既甜品又飲得又可以食得甜甜地好清喉嚨每一份都係人手整出黎有心思之餘又好味!!

紅燒肥腸紅薯粉+雞翼微辣我叫了一個紅薯粉, 單餸的話只需要35元性價比高, 我再加多了一份的雞翼由於是第一次食, 只敢吃微辣 肥腸又多又大粒, 最重要的是肥腸已被清洗得非常乾淨不會吃到有雜質, 而雞翼一客有2只已被煮到很淋滑, 最正的就是個微辣的辣味很獨一無二的味道, 他的麻處理得非常好, 以至食落去會一直想繼續吃 紅糖冰粉吃完麵其實已經是很飽, 我們就叫了一個甜點吃這個冰粉口感和味道都很特別是在香港一般都吃不到的味道甜甜的, 有點像糖水, 但又沒那麼的濃烈很清爽, 而冰粉的口感很彈Q特別得來又幾好味!! 

估吾到百物騰貴既年代 仲有咁抵食既小店我同朋友都係第一次食 見佢吾貴就入去一戰食物選擇都好大路 可以分散叫/套餐我地決定一人一個麵 再叫吾同小食share麵底有刀削麵/紅薯粉/米線我揀既五花腩肉 朋友就要山城牛肉由於我地都怕太辣頂吾住 就揀小辣一上菜見到一層紅油好擔心 點知食落又接受到辣度喎感覺上米線本有鹽調味 咸咸地加埋辣湯好食五花腩肉一層肥一層瘦 層次分明件數吾算多但都足夠回味朋友仔盛讚牛肉夠冧同入味 吸晒湯汁好滋味小食有我第一次食黃金皮蛋蛋白透明狀好靚 皮蛋無咩味 主要靠辣汁味食左咁多辣野梗要番碟白烚菜balance一下去油膩不過最重點想推介既係蒜泥白肉薄切白肉連脂肪夠香口面頭上生蒜同炸蒜個汁吾太辣 反而好香醋味 酸酸地好吸引每塊肉夾集埋蒜一齊食 重口味到爆抄手分紅油/抄手兩款 食左咁多辣野都係揀番湯抄手大粒薄皮 豬肉饀好足一碗有埋小量菜 細食既朋友可以叫碗10粒抄手當一餐食到尾我我地叫左冰粉 聽聞係老闆親自每日自製四川人食完野會食冰粉解辣冰粉口感似啫喱 本體無味道主要靠糖水同提子乾粒等配料帶出甜味糖水幾香桂花味 好清 甜而不膩飲品方面有甜豆漿 我幾中意佢呢個包裝夠衛生食川菜配凍

店子雖小，但價錢親民，服務又好，難怪得到一眾街坊支持，連我這個街外客也來湊湊熱鬧。招牌山城牛肉麵一定要試，賣相頗得，陣陣香味。麵條好有韌性，爽彈好味。牛肉最另我驚喜，非常軟腍，好有牛脂香。辣度只選少辣，不死辣反而慢慢滲出辣香，另食欲大增。口水雞翼是店主大力推介，皮彈，肉質嫰，味道多層次，感到有酒香，有辣香，好入味。我末見過咁大粒紅油抄手，平常吃的餡料少得可憐，但嚟到餡料好豐富，咬落扎實有肉香，辣香有勁，滋味。食過辣嘢來一碗冰粉，我越來越喜歡。似果凍的口感，甜甜地中和辣度，正！

新年後又凍凍地，食下川菜系最好~食個正宗酸辣粉先，熱辣辣紅薯粉配上入曬味既滷蛋，入口既化既豬軟骨。好正~雖然係麻辣，但係唔太辣，反而係香比較多。最適合想食川菜，但係又受唔到勁辣既朋友仔。老友食牛肉刀削面~正。刀削面唔同其他店咁鞋，好滑好彈牙比紅薯粉仲更加有咬口。牛肉好霖，配上小小麻辣~牛香同辣香。絕配~至於小菜方面，份量唔會太大，剛剛好，價錢親民，可以試曬全部都唔貴。有麻辣雞絲，雞絲真係一絲絲唔似其他地方求其搣條狀，夠曬索味，又唔鞋。還有清脆手拍青瓜，香濃尖椒黃金皮蛋，蛋黃濃郁香滑。仲未飽?繼續，熱辣辣皮薄餡多既紅油抄手。口水雞翼就略顯唔入味。食完梗係試下招牌甜品，紅糖冰粉~淡淡紅糖甜香配上彈性十足既冰粉…面頭撒小小提子乾同山楂碎。味蕾升lev~呢間真係好食~抵食質素高。讚！！

提早约朋友去行旺角花市和年宵，去行之前當然要去醫肚，突然想食辣 醒起附近有間食酸辣麵館， 嚟到未入去試下啦， 服務員 推介著幾款小菜同招牌麵。麻辣手撕雞 ，唔算太辣 適合食唔到太辣嘅朋友 ， 加上佢嘅雞選擇咗雞胸肉較為受冇乜脂肪啱曬靚女士食。麻醬雞絲涼麵， 食落幾清爽， 如果鍾意食麻醬嘅人可以叫佢多醬。山城牛肉麵，牛肉好大件睇落好像牛腩，食落幾淋又入味。豬腸麵豬腸洗得幾乾淨點肥膏都沒有，食落無壓味好鬼爽口。紅油炒 香料十足皮薄肉厚多汁。蒜泥白肉無苦澀味，豬肉選五花腩位厚度適中配蒜泥正。口水雞翼 夠惹味雞翼中間破開適合女士進食。

今日經朋友推介去左間傳統既重慶麵食晚餐，就係呢間"山地小麵" ,一坐底就決定叫佢個"食勻山城二人餐",個餐包兩款noodle,兩款小食再加兩杯豆漿或都紅糖冰粉。最終，我地叫左一碗紅燒肥腸麵，正宗酸辣粉，而小食就分別有麻辣手撕雞同蒜泥白肉，另外再加多個手拍青西瓜，最後再點左兩碗紅糖冰粉。紅糖冰粉相當特別，有d 似水玄餅噤透明。再加埋紅糖水，甜甜地，係食到成身出晒汗時食，相當解辣透心涼，食晒已經飽到行唔玉，埋單兩個人二百蚊唔洗，相當抵食，鐘意食辣既朋友不得不試。

很久沒有在這邊活動，行過見到依間小店，有很吸引人的人情味，所以決定一試其實這裡的套餐很便宜，50蚊有麵，小菜和飲品，不過因為我入店時，見到位姐姐好努力包餃中，所以決定散叫，要個清湯抄手和特別的燃情刀削麵燃情刀削麵有花生，炸醬，紅油小小辣，都幾惹味，味道主要由花生和炸醬主導，而開始覺的辣時，一定要有碗紅糖冰粉，聽聞川菜館一定會有冰粉給客人解辣，甜甜地，冰冰涼涼，是中國食物的智慧體現不得不讚都係抄手，雖然我唔係食紅油，但清湯一樣精彩，拎起一啖湯，細心一望有好多蔥，蒜，少少薑味，飲落味道足夠地鮮，而主角抄手，真的無失望，紮實和飽滿的豬肉餡，係要自家整，先會包得咁滿足，抄手真係可以再食多碗

由於平時都很少運動，所以一般在旺角逛街後，我都會走路回深水埗的家，當作一個小散步。這左放工後要到旺角買野，之後就拉著寶寶一起走路回家。行到太子中心時，看到本來的台灣麵食店竟然變了食四川酸辣粉。辣野是我的至愛，反正未食晚餐，一於試一下。舖面很小，大約6張檯可座20人左右吧。留意到店員之間的對話和交流，感覺上似家人一般，簡單的家庭式餐廳一般。這裡主打不同的麵食，有酸辣粉﹑刀削麵﹑甚至涼拌麵食。單人餐有主食有小食和飲品，都只是$50多，就每日一個套餐吧。正宗酸辣粉我點了酸辣紅薯粉，有大量肉碎，青蔥和炸豆。湯底唔算太重酸味，辣味在初入口時亦都不太覺，但食著食著會愈來愈覺覺到其多層次的辣度。紅薯粉很滑溜，帶點煙韌，掛著湯底的紅辣油，芝麻和辣椒渣。湯底用上十足香料，所以味道才會如此的豐富，而不只是一種死辣的味道。紅燒肥腸麵肥腸很乾淨不肥膩，煮得稔身，完全不會難咬開。麵條是偏幼身的，口感沒有特別，不算彈牙。再點了2個小食，而2個小食我都十分喜愛，最主要的是小食配上的醬汁都很惹味開胃，微酸加點甜味，辣度又剛好。手拍青瓜食辣野一定要配上一碟涼拌青瓜。青瓜的清新不單止可中和一下酸辣的重口味，又能消除油膩感

今日同家人係太子行街辦年貨，辦完就入左間親民餐廳醫肚，點解親民？就係因為價錢夠親民啦，哈哈！一坐底就上openrice睇下有咩熱門推薦，即刻order左份蒜泥白肉，夠曬野味，香濃蒜溶實在耐人尋味！手拍青瓜清清地，岩曬一家大細。麵食方面我地點左秘製豬軟骨麵同山城牛肉湯麵，麵質口感彈下彈下，個人幾喜歡。另外因為dad唔太食辣，所以叫左小辣，味道又ok。鮮香清湯抄手就岩曬佢老人家啦，清清地。最後就叫左個最出名嘅必食甜品，呢個唔食唔得，好味到要食多碗，食完個人好舒服！下次會再光臨。

山城小麵 正宗酸辣粉 $26加肥腸 $8 滷蛋 $5我點了小辣🌶 個人覺得不夠麻辣 🌶這店酸辣粉偏向酸 吃得出放了不同香料 不錯~比傷心酸辣粉好吃~😎麵條是曲的薯粉 滑嘟嘟又有咬口 😛肥腸不夠肥 太薄身 滷蛋一般 下次淨點酸辣粉好了~😍其實仲有冰粉($10)好想試!!!但太飽一個人真係試唔到 😳