山景閣

营业中

休息中

難得放假，約了前輩食飯。見到酒店做緊生蠔海鮮自助午餐，才不到二百蚊，不吃就罪過了。中午也有不少人來。但我們仍坐到望向靚街景的位置，perfect😆！環境服務當然有酒店級數，環境乾淨漂亮，走道寛躺，座位舒服，店員收碟迅速。食物方面，種類當然沒有晚餐般豐富，但是質素很好。生蠔丶凍蝦新鮮肥美，日式小吃螺肉大粒鮮爽，前輩和我都讚不絕口。意大利巴馬火腿拌蜜瓜、雞絲蟹籽釀撻、鮮芒果蟹肉雜菜蛋卷都絕不能錯過。老火湯老黃瓜煲豬展好鮮甜，前輩説有益叫我喝多幾碗。日式炸花枝餠香脆可囗，同樣令我一吃再吃。師傅煮的生滾粥都好有水準，粥很綿。而且師傅還很貼心怕我選的材料太少不夠吃😆。我們吃得很滿足，前輩還説得閒來hea下，快活過神仙。看來今餐她很滿意呢。

臨時想去食自助餐，最終選了山景閣，太約3百多元，在尖沙嘴區不算太貴，諗住應該沒有太貴嘢食，但都有生蠔，生蠔都新鮮，熱葷食物味道也不錯，亦有dryer雪糕，以這個價錢，都已經十分有交代了，會再來。

平日想平平哋食個自助餐 可以去尖沙咀試吓山景閣 午市自助餐都係158一個 仲可以食到好多嘢🥰熟食方面豉油王雞翼雞翼大大隻 唔係出面普通嘅雞翼 雞翼醃得好入味🤤星洲椰汁咖喱牛筋腩咖哩味唔算太濃 唔辣 牛腩浸得好淋 算唔錯👍🏻金蒜椒鹽三文魚頭腩呢樣出面好少食到 而呢到炸得算脆🤭都幾好食 日式炸花枝丸呢個係必食‼️外皮鬆脆而入面好淋 超好食☺️好快會俾人搶曬香草牛油焗煙肉青口超香煙肉味😳加上牛油同青口簡直一流 🥳值得一提嘅係呢度啲甜品意大利芝士餅呢度啲甜品蛋糕整得超好食 呢個都係必食🤤 味道都唔會太甜 岩岩好👍🏻日式草露和菓子少有嘅日式甜品🥰 入邊嘅餡係抹茶紅豆 口感煙煙韌韌芒果班戟芒果超足料‼️仲有啲杏仁係入面 班戟係即整 但要等到一點半先有 呢個係必食！仲可以自己加啲雪糕上去😂

之前黎食過lunch buffet覺得都幾多野食, 質素唔錯, 價錢又經濟實惠, 今次黎食埋個dinner buffet睇下有冇驚喜先六點半前就嚟到喇, 準時等入座好豐富嘅食物已經準備好, 未食先興奮第一時間去冷盤區先~好豐富喎, 有大大隻嘅生蠔三文魚, 蝦, 長腳蟹同埋青口等全部都好新鮮好正丫!!大大隻生蠔超級鮮甜肥美!!好滿足呀呢個價錢有長腳蟹食, 冇得輸啦嘛~~另外仲有啲冷盤小食, 例如日式小食有中華沙律, 螺肉.....仲有鴨胸, 牛展等... 熟食都有好多選擇, 有蟹蓋啦, 咖哩蟹, 咖哩蝦, 魚, 蔬菜香草燒牛肉 牛肉好軟腍, 而且牛味濃蟹粥雖然已經食到飽飽地, 但見到有蟹粥又忍唔住試下果然正, 好鮮甜丫, 必試!!!每位送碗肉骨茶~好有新加波味道, 胡椒味濃郁終於到甜品喇, 超期待!!種類都好多下, 味道亦好好, 每款細細件可以試到好多丫, 正!!!另外仲有dreyer's雪糕同糯米糍食到捧住個肚走, 性價比超值丫!!!!!

-朋友仔食過呢間酒店嘅buffet，話平靚正‼️性價比高‼️帶我去試一試。Tea Buffet嘅時間係1500 - 1700。 我哋都早15分鐘去到排隊，門口已經好多人喇。一坐低、放低個袋👜，我地就梗係即刻出去睇下有咩好食啦。以下午茶🍴嚟講，選擇都好多元化🍖🥪🧀🥞🥗🥣🍱🍙🍣🍰🍧🍮。頭盤可以食下生果🍉🍇、沙律🥗先。中段就成熟食、 中式美食🍜🥘、日式魚生🍣、海鮮🦐等等....尾段梗係食下甜品🍰🥧🍮喇。 甜品🍧🍨🍩係用第二個胃呢裝嘅，一定食得到。果汁🍹、茶🍵、即磨咖啡☕，任飲唔嬲。真心讚呢度嘅服務一流👍，收碟速度驚人。==========山景閣地址：尖沙咀天文台道13-17號仕德福山景酒店大堂

這次是我第二次的光臨，上一次嚟食是於上個月的時份， 這次再來的原因全因為上次良好的經驗。這次同樣選擇自助餐，但吃的時間有點不一樣，這次我選擇了午市時段，有了上一次的經驗，明知道晚上是人較多，故避之。這次我更加入了沙律吧的行列，沙律吧是健康之選，又是一個大顯身手的機會，如何使用最少嘅資源，能做出最穩健的沙律塔，而我不幸地失敗了，只能多行兩次，吃多一點。食物質素一如以往的好， 在我眼中沒有失水準，以我最欣賞的就是三文魚，全因為這是香港人的最愛，也是我的最愛。這就是性價比太高了，下次見。

口痕痕想食自助餐，任食蟹腳同生蠔，結果搵到呢一間位於天文台道嘅酒店自助餐。飲品方面選擇有咖啡，茶，啤酒。海鮮有基本嘅青口，海蝦，蟹腳，生蠔，而且仲有花蟹。生蠔已經預先拆好，唔使排隊就有得拎，隻隻都好大隻，幾新鮮同埋有海水味。刺身唔多選擇，但係三文魚幾肥有油香。生滾粥非常足料，入面好多花蟹嘅肉同埋殼。每位都會送燉湯胡椒豬肚湯，胡椒味好重。西冷牛扒軟熟同有肉味。比較少見嘅炸鯪魚球，蟹鉗。呢度冇燒味，不過有海南雞。甜品都有唔同嘅款式，雪櫃有無限Dreyer’s 雪糕，開心果味值得推薦，同埋八點鐘有即整班戟，師傅會包忌廉同埋生果。佢仲有一部自製Pancake機，效果比較厚，適合落糖漿。

海鮮@款式有比較受歡迎嘅生蠔、蝦、青口同長蟹腳。最受青睞當然係生蠔，幾大隻肥美，口感偏爽口，帶點海水鹹味，好鮮甜，可能為咗確保開殼後進食時間唔好隔太耐，每次攞出黎嘅份量唔算多，但係補給嘅速度都還可以。 刺身@刺身只有魚同蝦，種類比較少，三文魚色澤鮮明，幾厚切肥美， 冷盤@除左一般自由配搭嘅沙律，呢到都有唔少小食，其中巴馬火腿配蜜瓜最為吸引，呢度仲有蜜瓜同哈蜜瓜可供選擇，蜜瓜比較香甜，哈蜜瓜無咁甜，但係比較爽口。天然甜味嘅蜜瓜配鹹香嘅巴馬火腿，口感好豐腴，～其他仲有煙三文魚、香芒大蝦沙律、煙鴨胸、螺肉、中華沙律等，份量少少令人可以試更多唔同類式 熱盆@熱盆款式有10款左右，味道比想像中好，配搭都比較均勻，有魚有海鮮有肉有飯～意式燒原條鱸魚、金菇瑤柱扒時蔬、燒羊肩、菠蘿咕嚕肉等等 甜品@甜品無人會嫌多，呢到糕點嘅款式都頗多，有焦糖布丁、意大利芝士餅、不同味道嘅慕思、馬卡龍、和菓子等等，仲有朱古力噴泉，不過最鍾意嘅係Dreyers雪糕！開心果味一食難忘，忍唔住encore呢幾次

呢度嘅價錢實惠，晚市先係三百幾蚊位，匯豐信用卡仲有八五折，嘢食種類都幾多，性價比算幾高😎於是今日帶咗屋企人嚟食 安排左我哋坐呢個窗邊位，望出去都幾靚㗎😍其他位置都幾闊落，見到好多一家大細嚟食😋呢度有好多唔同嘅熟食，會定時refill，好似有時燒雞扒炸魚柳炒蜆吉列蝦等等~中西日泰式都有d~覺得比較得意嘅係呢個南瓜糕，賣相可愛，南瓜蓉清甜😋另外日式燉蛋亦都好滑，各式燒物亦都好香~冷盤方面就有青口，生蠔，凍蝦同長腳蟹生蠔食落新鮮爽口，海水味唔太重，長腳蟹蟹肉鮮甜，冷盤十分受歡迎，大家都食得好滋味，餐廳亦都keep住refill👍🏻另外即時叫即切嘅牛扒，配上燒汁，惹味惑嫩，可以自己夾啲薯菜做配菜，例如西蘭花薯仔，即係西餐嘅maindish😝呢度嘅甜品同生果區亦都深得我心🥰推介綠茶紅豆蛋糕，朱古力慕絲蛋糕同雜果啫喱😋另外仲有馬卡龍添😳嘢飲亦都係自助形式，有各類熱飲，蘋果汁，仲有啤酒任飲添！去到八點鐘有pancake時間，可以自選自己鍾意嘅pancake味道，即叫即整，熱辣辣更加好食🥞窗邊位更加可以慢慢傾吓計，慢慢享受唔同嘅菜式🤓食飽就梗係拎返杯雪糕做最尾嘅終結啦❤️

今日嚟到尖沙咀嘅山景閣酒店到食自助晚餐，餐廳大堂唔算好大，客人也唔會太多，而且景色優美。感覺食物選擇相對不算太多，擺得井井有條，味道正常，絕對夠晒充裕嘅時間試哂所有食物。壽司刺身方便種類唔算好多，刺身有三款，三文魚色澤鮮明，幾厚切肥美。最驚喜嘅係有生蠔、長腳蟹/蝦，生蠔都好Creamy好大隻，充滿海水味，好快無哂，但都有refill。依家凡惠顧自助晚餐，都每位送上胡椒排骨湯一客，都幾重胡椒味，冬天飲啱啱好！焗蟹蓋的蟹膏味不算多，除此之外都很不錯！西冷牛扒肉質唔太韌，牛味都很重，拍得住一般的扒房，出奇地好食。一舨的炒飯粉面這裡都有。甜品方面這裡糕點嘅款式都頗多，有意大利芝士餅、慕思、和菓子、朱古力噴泉等等，當晚仲有焰焰雪糕蛋糕，外層cream有重重的lum酒味，內裡的雪糕蛋糕軟綿綿。最驚喜嘅係呢度仲可以自己整pancake。而這裡的Dreyers雪糕都是任食！開心果味一食難忘。在假日裏面可以在一間酒店食晚餐，真的很好享受啊。

自從早前在大角咀吃過lunch buffet 後，媽媽又在追問我何時帶她再吃自助餐。 早前經同事介紹，知道Stanford Hillview 3月份推出蟹之美饌海鮮自助晚餐，價錢挺親民的，所以這天就帶著媽媽試試。 這裏的食物選擇挺多，先由冷盤開始介紹，包括有美國生蠔、長腳蟹/潮洲凍蟹、雜錦刺身、凍中蝦、加拿大藍青口、日式雜錦壽司及小食、日式香辣醬雙色冷麵等等，看得令人花多眼亂。 美國生蠔大大隻的，口感creamy，非常鮮味，而長腳蟹入口淡淡肉，肉質結實香甜，沒有雪味，凍中蝦爽口彈牙，加拿大藍青口厚身肥美。 熱食方面，選擇亦不少，包括焗蟹蓋、蟹肉扒時蔬、星洲咖喱炒蟹/炒蝦、蟹肉蛋白伊麵、香草牛油煙肉焗青蠔及參巴醬爆雞片等。 由於平日多肉少菜，所以這次我主攻蔬菜類，西蘭花炒得非常爽口，味道不會過鹹，鮮腐竹浸節瓜圃煮得夠入味，節瓜圃吸了滿滿的湯汁，非常惹味，芝士忌廉汁焗美薯味道不錯，不過吃後挺撐肚子。 除了以上的冷盤及熱食，還有大廚精製生滾蟹粥、蒜香雞扒、炸蟹鉗及炸鯪魚球，全都是即場泡製，保證新鮮。 而甜品方面，其實由甫入餐廳的那一刻就可以看到枱上放滿了各式各樣的甜品

抵食自助餐☺️天文台道行到最高有間酒店裏面有平價自助餐食 有生蠔添架😏星期一至四 成人大概390星期五至日 就大概420 真係平過岀邊架三月份主題係 蟹之美饌海鮮自助餐🦀 有多款用蟹做題材嘅菜式 例如 焗蟹蓋、蟹肉蛋白伊麵、蟹肉扒時蔬都見放左好多蟹肉架 味道也不錯👍🏻冷盤都有長腳蟹 新鮮 啖啖肉😍仲有另一款 生滾蟹粥 師傅即場為你煮每碗都會有隻蟹 粥底夠綿 有蟹味 不錯吃✨ 美國生蠔侍應岀生蠔岀得好密 唔怕無呀👍🏻美國生蠔夠大隻 不過蠔味較淡✨ 香草燒西冷呢個好好食☺️ 見到西冷扒半生熟 啱唒我啦肉質夠嫩 味道濃郁 我encore左兩塊😂✨ 刺身選擇較少 三文魚肥美厚切 正呀✨ 甜品八點鐘竟然有火燒雪山蛋糕嘅環節 大家都企喺度睇🙈又有朱古力噴泉 仲有即製pancake 選擇都好多仲有任食Dreyer’s 雪糕 非常豐富🍽 山景閣🔎 尖沙咀天文台道13-17號仕德福山景酒店大堂

秋去春來，過左大閘蟹當造既季節，估唔到呢度仲有蟹主題既自助餐食平日夜晚唔算太多人食，雖然食物種類唔算好多，但勝在地點喺尖沙咀個個都就腳自助餐必有既燒牛肉，外皮燒至薄脆，肉質呈鮮嫩既粉紅色，有牛味又唔韌除左冷盤既蟹腳外，仲有焗蟹蓋、泰式炒蟹、蟹肉扒西蘭花、蟹肉伊麵等。一出去就見到岩岩焗起既蟹蓋，一拎拎左三隻，仲出梗煙咖裡面釀左魚肉、蟹肉、蘿蔔同西芹等，食落啖啖肉、幾鮮味。好多時西蘭花都煮得好生，但呢度既稔得黎仲掛滿蟹肉絲同醬汁，惹味十足。左邊既黑松露忌廉豬扒都好好食，豬扒鮮嫩易切，而且真係食到黑松露香，用料唔馬虎唔好蟹既仲有其他肉類選擇，白切雞、牛𦟌、魚生，仲有沙律吧既牛肉同煙鴨胸等。照燒雞扒燒得夠香，偏鹹左少少，肉質肥美滑嫩。甜品款式唔算好多，有泡芙、慕絲蛋糕、芒果布甸、輕芝士蛋糕等。仲有部pancake機，㩒個掣等一分鐘就有即製既班戟食啦上面既南瓜布甸都幾得意，上層係滑身既布甸，下層係帶絲既南瓜蓉，入口淡淡南瓜香同南瓜既口感，又唔會太死甜。仲有即叫即製既crepe，我揀左藍莓杏仁，酸酸甜甜，餅皮好薄身輕盈，食落無其他甜品咁飽滯。三百幾以自助餐黎計性價比幾高，間唔中想食好少少，又想坐得

假日下午茶 多人嘅…… 價錢$188 網上訂位有優惠下午茶食物唔太吸引 包包多 …凍虾壽司 成搶手貨 refill好快嘅冇蠔嘅 冇火腿片 冇凍牛扒 冇湯有包包包…… 都很飽肚頂胃焗芝士火腿三文治 咖哩牛肉角 牛角包 法包 凍麥包/白包三文治熱葷 ：有炸三文魚骨 咖哩角照燒雞扒 滷水雞翼 翠肉瓜炒雞肉好多雞重覆比較肥膩 冇炒菜 冇灼菜炒蜆~ 多沙 大部份蜆冇肉嘅牛肉燒賣 湯水餃 水晶角甜點 旦糕 生菓 朱古力bar 麵檔提供: 雪菜肉絲湯米 比較咸白汁吞拿魚通粉 好味道皮旦瘦肉粥~ 粥棉皮旦香相比午市$168… 午市冇得輸午市有生蠔 沙律火腿片凍牛扒 切雞 生滾粥 多款熱葷……等等

不知不覺今天已經是相識的四周年， 回想起我們還是年青的時候，這次朋友安排了我們一同吃自助餐， 酒店位於尖沙咀， 近尖東位置，地利上還是很方便，因為距離最相近的地鐵站只有十分鐘路程，絕對可以接受。自助餐地點位於酒店大堂地下，清晰易搵。食物種類方面， 熱食選擇還算多 ，菜，肉，魚，該有的也有， 另外當中我最欣賞的就是燒牛肉， 牛肉香嫩，肉味十足， 新鮮熱辣，絕對適合享用， 牛魔王之選。另外更有甜品吧， 任食任拎， 自由發揮， 當然最重要的就是，不浪費為大前提， 咪做大嘥鬼。價錢方面還算大眾化， 下次再嚟食過。