山景閣

营业中

休息中

好耐冇食自助餐, 見到呢間酒店自助餐價錢唔貴, 而且有齊先生最鍾意嘅長腳蟹同生蠔, 於是即刻book位😁我哋book咗7:30, 入座嘅時候酒店座位已經full得7788, 雖然成間餐廳唔係話好大, 但係座位之間有足夠嘅空間, 俾人感覺好寬敞舒服👍🏻自助餐嘅食物選擇種類豐富, 最鍾意佢將唔同種類嘅食物分開唔同位置擺放, 例如Pancake雪糕區, 煎炸物區同熟食甜品區係分開嘅, 咁就可以避免人多嘅時候出現擠擁嘅問題👍🏻👍🏻仲有值得一讚嘅係, 餐廳侍應嘅服務非常好, 有時食自助餐好怕次次都冇人嚟收碟, 但呢度啲侍應個個都好主動加水同收嘢, 隔離枱個女仔倒瀉左杯水亦都即刻有人過嚟幫手清理, 好抵讚😃

一間平時不顯眼的酒店，想不到有如此經濟的自助午餐，而且環境清幽如其名"山景"！酒店餐廳內部環境及座位舒適，可以輕鬆悠閒地享用午膳。自助午餐由12nn至2:30pm，閒日只需$158 另加一服務費，就可以享用到2.5小時的悠閒自助午餐。以這個經濟實惠價錢，閒日更每人有4隻生蠔食。侍應會每枱落單，不需要自己去等開蠔的。當日的生蠔很肥美，蠔味很濃很creamy，愛吃生蠔的友人大讚！雖然自助午餐的食物款式一定不及自助晚餐多，不過以午市來講，其實款式已經足夠，熟食款式都算多。有冷盤、熱食、日式壽司、中式粥粉麵飯、甜品、水果，食物多元化。冷盤食物新鮮，而且添加得快，當日見到最搶手是凍海蝦，快清光，又好快添加，不用搶。喜歡這裡是一間真正可以享受食自助餐的餐廳，悠閒地食，不用擔心食物被搶購一空。熱食中有一個點心，是奶皇水晶角，要特別一讚！外皮柔軟煙韌，奶皇餡不會太甜，熱食很好食！燴牛尾，牛尾燴得很淋好入味。午市都有東風螺食，很入味、很辣很惹味！自助餐在場內可以任飲青瓜檸檬水、檸檬茶及咖啡。驚喜發現！如果以這個價錢用來食甜品自助餐，可以推介來這裡食。因為這裡除了食一般午市自助餐食物款式，更有很多款甜點及

朋友介紹，尖沙咀仕德福酒店自助餐出名抵食，一於book枱試一試，自助晚餐價錢竟然三百幾蚊一位，本身無乜期望，嚟到見到有最愛嘅長腳蟹．生蠔．青口．海蝦，熱盤都好吸引，甜品都好選擇，cheese cake．木糠布甸好味😋要推介一下紅酒燴牛尾，好好味，牛尾豐富骨膠原，啱哂我😋到咗8:00pm, 仲有師傅即製Pancake, 有芒果杏仁．朱古力香蕉，兩種口味都好夾👍🏻任食Dreyer's Collection, 啤酒都任飲，每位都贈送龍蝦，仲要好多蝦膏...出面閒閒食放題唔係酒店都要三百蚊，今餐環境寧靜舒適，餐廳有service, 埋單仲有指定信用卡優惠，真心覺得抵食又好食，下次嚟尖沙咀食飯又多一個選擇👍🏻👍🏻👍🏻

2019年6月25日 星期二呢排係網上面見到呢間有和牛自助餐食，作為和牛控既我當然要捉埋女朋友黎試下究竟係咪真係咁多牛食喇一去到搵左個位已經即刻放低啲嘢沖出去睇吓有咩食，之後就見到有一口和牛肉眼同和牛西冷，嗱嗱臨夾左黎試下。一口和牛切得岩岩好，一啖食晒，入口即融，肉同脂肪嘅比例啱啱好，唔會太難咬開。而和牛西冷就煎得好腍，好有牛肉味再行出去準備進攻海鮮，有蝦、蟹腳同最重要既生蠔！！即時拎左幾隻返埋位食！！生蠔每一隻都好肥美，上面加埋少少檸檬汁就更加鮮同無晒腥味，咬落既蠔肉充滿海水既鮮味，好滿足之後店員送上海鮮酥皮盒，原來係每人都有一份送既，裡面有好多款唔同嘅海鮮，例如青口、大蝦、蜆咁，配埋少少白汁，食落去個外皮好脆，而裡面就有濃濃既海鮮。食完再睇下熟食有乜，發現又有和牛既蹤影，係炸和牛腩片，無諗過和牛都可以脆炸，再加埋咖喱汁一齊食又幾夾，好似食緊咖喱牛腩咁仲好似覺得唔太夠喉，於是去左拎個冷麵食，有原味同綠茶味可以揀，而配料同醬汁方面可以隨意挑選，加幾多都得，於是我就加咗好多蟹柳同紫菜落去差唔多去到8點，突然聽到有鐘聲，原來係有火焰雪山整出黎，全場既燈都熄左，睇佢倒d酒落去造出火焰雪山既效

又到月尾啦😍出左糧要食好野慰勞自己。 今晚Happy Friday 又同男朋友黎尖沙咀山景閣酒店自助餐。 鍾意依間酒店既生蠔同長腳蟹，而且佢既熟食甜品都唔錯。-自助餐六點半開始，我們大約19:00到。職員有禮貌地安排，餐廳今晚full house ，但環境座位又唔會有逼狹感。食物refill 都算有效率，食客排隊拎食物都有跌序。-冷盤方面:先黎一round 刺身壽司, 款式有三文魚、油甘魚、希靈魚，色澤新鮮魚味濃-😍再來就是最愛的海鮮。海鮮款色相對刺身多，有生蠔、海蝦、長腳蟹、青口。 放在冰盤上，賣相好新鮮。 生蠔我地每人各自吃了一打！ 生蠔相當肥美，質感creamy ! 海水味不重，味道相對清甜。 每次食buffet 都好享受拆長腳蟹！蟹肉鮮甜帶海水咸香，同樣食了好幾round 。靚青口絕不比生蠔遜色，質感又嫩又鮮味，食完唔痴牙😂-沙律🥗及水果亦相當不錯。有大粒又多汁鮮紅車厘茄、雜果沙律、當造西瓜🍉、蜜瓜、菠蘿🍍等等。-熱盤方面有惹味咖喱煮青蠔、嫩滑豉汁蒸海鱸魚、香脆炸蟹鉗、即煎雞扒、日式和牛西冷、嫩滑海南雞、螺片西蘭花🥦、蝦仁翠肉瓜等等，食材新鮮而且refill 得快。 湯品有冬瓜

或許每個月一次聚會能嚐到各式各樣道地食材心己非常萬分能一班人團聚暢談享受到這份滋味之餘更可體會到餐廳與客人之間的需求競爭力時尚開放式寬敞舒適的大廳優雅沈隱環境下，餐廳嚴選上乘食材分時段現做餐點現場奉上/陳列/擺放應有盡有富有國際色彩傳統的主菜，熱騰騰時令鍋物料理烹調，現切燒牛肉豐富自助( 紅咖喱煮青蠔 )( 螺片扒時蔬 )( 蝦仁雞片 )( 蒸原條海鱸魚  )( 壽司/刺身/生蠔 )( 冷盤 )( 雪糕 )光是走進店裡眼前琳瑯滿目，足夠讓人興奮!以中高價位自助餐$380來說相當划算，滿足任何基層家庭皆可滿意品嚐是一個重點

今晚黎到呢間位於寧靜與熱鬧交界嘅仕德福山景酒店食自助餐｡頭盤冷盤有生蠔、青口、大蝦、長腳蟹生蠔係必食回本之選, Size 勁大, 超厚肉, 蠔味十足三文魚刺身、希靈魚、各款雜錦壽司、中華沙律、螺肉三文魚新鮮又肥美多種沙律、雜凍肉、煙三文魚、Parma Ham、冷麵熟食中湯 (霸王花湯) 、西湯 (露筍忌廉湯)紅咖哩煮青蠔 (個咖哩汁超正)螺片扒時蔬、福建炒飯碧綠蝦仁雞片、燴牛脷伴野菌汁 (牛脷炆到夠淋身)咖哩汁脆炸和牛腩片 (第一次食炸牛腩, 又幾特別喎)、燒鴨胸配香橙汁迷你和牛漢堡扒、意式燴和牛臉頰肉蒸南瓜果海南雞、涼拌麻辣木耳卡邦意大利粉芝士輪 (芝士味非常香濃)蒜香雞扒、一口和牛肉眼粒、七味和牛西冷、炸鯪魚球、炸蟹鉗涼拌柚子蓮藕片、香辣豬耳每位客人會有一份白汁海鮮酥 (個酥皮好鬆脆)甜品自製熱香餅桂花糕、德國芝士餅、芒果布甸黑森林蛋糕、Macaroon日本番薯布甸、雜果啫喱、熱情果慕絲餅、紅豆芝麻球朱古力噴泉雪米糍、3 款 Dreyer's 雪糕 (開心果、呂宋芒果、比利時三重朱古力)水果即製自選配料鮮果 Pancake每晚7:45 左右仲會出火焰雪山飲品 橙汁、啤酒、咖啡、奶茶

我真係好鐘意食三文魚，平時係日本餐廳食2碟刺身都過百蚊，所以我成日去食自助餐一次過食到夠皮就止，我呢個格價王上網搵左好耐，知道呢間自助餐價錢唔算貴，食物種類唔會好似大酒店有勁多選擇，但我鐘意食既野呢度都有，所以放假同老豆嚟試吓。我第一時間梗係走去睇吓三文魚靚唔靚呀，結果實在令我太開心啦，正到好似三文魚腩一樣，好肥美好多油脂，加上後厚切口感一流，我呢個三文魚控終於可以瘋狂食一餐大滿足嘅三文魚，Yeah！除咗三文魚其實呢度都有其他海鮮，生蠔長腳蟹蝦，三款我都食過我覺得真係對得起佢嘅價錢，全部食落都好鮮甜，好好味。同埋仲有廚師即叫即整嘅牛柳粒，即燒牛肉，牛肉味道好濃郁而且好好味，咬下去好軟林，靚牛真係要食多兩碟。仲有我去飲好鐘意食既野呢度都有得食，太開心啦！食到差不多尾聲餐廳忽然熄燈，我仲以為有人生日，哈哈！原來係有火焰雪山推出，比大家圍住影相拍片，哈！賣相吸引亦幾好味喎，有少少酒香亦唔會太甜。自助餐有任飲果汁咖啡都算正常事，但竟然有飲任啤酒，哈，老豆即刻講「正啊，飲！」😂😂

朋友生日，當然要食返餐好既慶一慶祝，Book左位於天文台道一酒店，上網見到buffet只要$368，又近陣間下場，雖然要行上去大熱天時有少少辛苦，不過都算易搵。入面人流唔錯，食物中西日式混合，有自助日式涼麵，沙律吧，熟食有翠玉瓜雞肉，木耳，另一邊有海蜇，炸蟹鉗，仲有即切和牛片，口感幾軟嫩。甜品除左有蛋糕，仲有朱古力噴泉，亦有pancake, 唔想排隊可以係自助pancake機試整，雖然要等1分鐘，幾得意。同場仲有限量火焰雪糕，廚師即席放火同切餅，口感同味道都唔錯。

近排小朋友好鍾意食自助餐，不過今時今日食自助餐閑閑哋都$4-500 ，朋友介紹尖沙咀呢間酒店食自助餐三百幾蚊就搞掂，所以一於帶小朋友去試吓其實小朋友食自助餐都唔係咁容易回本，好彩呢度有長腳蟹，我小朋友近排愛上左食長腳蟹，佢一個人竟然可以食到10隻長腳蟹，唔計其他食物我估已經回本了😂😂呢個大大嚿芝士的煙肉意大利粉都係一大賣點，見到廚師即刻整，芝士溶化係意大利粉上面，味道好香濃我個仔好鍾意食日本冷麵，呢度有兩款冷麵我個仔見到隻眼簡直發光，麵質好滑，佢一個小朋友可以食三大碗就知好味。燒牛肉大大份，好多肉汁，燒得剛剛好，啱晒我呢個牛魔王。而小朋友就話好鍾意食呢個燒雞扒，雖然唔係貴價食物，但係真係好有蒜香味，好味。餐廳每位會送上一個酥皮海鮮批，酥皮好脆真係新鮮焗起，海鮮大大粒好足料。小朋友梗係最愛甜品啦，呢度有即叫即整pancake，除咗有香蕉味，仲有小朋友最愛嘅芒果口味添最正梗係有雪糕任食，要回本小朋友食多兩杯已經抵返晒啦，估唔到呢度自助餐咁抵食，下次可以再嚟。

上次同朋友去吃海鮮吃到意猶未盡，今次再約吃飯，朋友就建議去尖沙咀山景閣吃，她說這裡自助晚餐好啱我哋這些海鮮控吃。 一入到餐廳就看到好多珍寶size 生蠔，大大粒好肥美，一見已心心眼。 第一碟已也全是我至愛，又新鮮又肥美。由中式甜品到西式甜品，應有盡有。熟食款式也多選擇，有酥炸和牛丶和牛漢堡扒丶青口丶魚丶螺片等等烤牛柳好正，肉質嫩滑帶肉汁，吃到好飽也忍不住再encore 吃多一塊。今天每人加送酥皮白汁海鮮好少見到自助餐有撈原個巴馬臣芝士意粉，每條意粉也沾上了芝士，好香濃芝士意粉。多款雪糕杯有果汁丶咖啡丶茶，方便整潔。

今晚食既呢間自助餐，可能因為地理位置方便，喺正諾士佛臺隔離既酒店，價錢亦相宜，眼見唔少食客都係打工仔，似係放工同朋友黎聚餐既👯‍♀️.任飲既酒店自助餐真係少之又少！除左自助斟既茶同咖啡外，仲有啤酒🍻 .重點當然係食物🤤選擇都幾多元化，基本上總有啱食既👏前菜有不同種類既凍肉同沙律🥗海鮮方面，有生蠔、蝦、青口、長腳蟹！回本之選🤩熟食方面，中西式既食物都有。中式個人推介柱侯牛腩，好入味🤣 意粉撈原個芝士，廚師即場煮意粉，擺落個芝士，我再自己撈同夾，呢個好正！🥰甜品除左有自家制外，仲有雪米糍、dreyers 雪糕，仲有即整pancake! Pancake 要試下，唔錯👍🏻

We went to the Hillview Cafe tea buffet on a Sunday afternoon a couple of weeks ago. Before we got there, I hadn't entirely grasped the meaning of the name, but it's actually up quite a steep hill at the Eastern end of Kimberly Road in Tsim Sha Tsui, in the Standford Hillview Hotel.We arrived while they were still setting up the buffet, so we waited for a few minutes in the hotel lobby, along with other hungry buffet-goers.       Once we were allowed inside, we were seated by the window and the