山本屋 (圍方)

营业中

休息中

這碗烏冬賣相不錯，上菜速度也很快！麵條煮得恰到好處，口感滑順，湯頭香氣四溢，讓人垂涎欲滴。配料新鮮，增添了風味，每一口都令人滿足。份量也相當豐富，讓人吃得心滿意足。整體來說，這道烏冬不僅美味，還兼具速度，絕對是麵食愛好者的首選，值得一試！賣相不錯，上菜速度快。

好耐之前喺名古屋食過一次山本屋。覺得味噌烏冬香濃而不膩，烏冬仲好彈牙煙靭。一直都好想再食行開圍方，發現原來香港已經開咗兩間！湯底同埋烏冬都有日本嘅水準。喺香港都食到日本嘅味道好開心，希望可以keep住！

Yummy…..  delicious 手切烏冬非常之好味喺沙田大圍圍方5樓，估唔到仲有三種唔同嘅湯底，自家製鰹魚清湯；招牌咖喱湯；老店傳統味噌湯；真係估唔到非常之地道，10分驚喜😋😋👍👍真係值得推介，佢自家製嘅手打烏冬同埋手切烏冬真係估唔到口感非常之好味，真係值得推介，名古屋地道經典喺香港都有得食，烏冬係自家製手打㗎好大牙好有嘴勁估唔到香港都可以食到呢一種烏冬一定會再次幫襯，裝修非常之簡潔，真係好好去到日本地道嘅feel

成日見佢排長龍，好似係出的手打烏冬專門店，專登揾日一開門食咁就唔洗排。我哋兩大一bb，一入到去職員安排我哋坐門口的8人位置(4張2人枱)，有小朋友就會怕騷擾到隔籬枱。入面有其他4人枱，梳化位(真係一開店就入去)但我哋要強烈要求下先安排比我哋。到落單，我哋忘記寫枱號，有一名店員因枝筆墨水唔順而大力掟筆發脾氣😨我哋當下嚇一嚇。我哋唯有無奈接受佢嘅脾氣😐講番食物，我哋叫咗親子煮烏冬鰹魚湯及安格斯牛肉平烏冬。手打烏冬的確彈牙的，平烏冬則比較軟滑，配料份量適中。但食完後有啲口渴🤔

今日腸胃唔係好舒服，行街見到山本屋就諗住試下。第一次食鍋燒烏冬，揀左鰹魚湯。暖笠笠，入冬食都幾暖胃。湯底味道鮮甜，烏冬麵好煙韌，雞肉好嫩。關東煮都好入味，兩個人share啱啱好～

第一次食認真唔錯！😋推介推介！店員見張枱唔夠位仲幫手加埋第二張枱，真係好好，咖喱湯都好好食，鍾意食咖喱湯真係唔好錯過，中午時間去食人都唔係幾多，地理位置都好方便！真心推介👍🏻

叫咗個味噌味嘅親子烏冬唔特別，口感偏硬同淡味，湯底都可以。本身食完個烏冬，覺得都幾一般，同埋越坐越熱，然後覺得唔明點解有人排隊，跟住發現佢個食法係可以另外追加一個飯撈落去食，張枱嘅右上角有寫呢個食法，話係名古屋嘅食法。試完之後，好感度大增！佢個飯係免費嘅，個飯好香米味，加完飯落味噌湯之後，好食好多倍！！！！！以後都會叫小烏冬多飯 😋其他湯底暫時都未試過，有機會會再去試買鰹魚同咖喱湯底服務嚟講都可以嘅，但要提醒店員唔好收走個烏冬湯底，同埋追加個飯PS. Interestingly, It is found that title have to including udon even I pay for my dinner and the restaurant provide the rice for free. To OpenRice: For the rice, you can see there is a sticker mention it on the table. And it totally doesn’t make any sense to say the udon is

*餐廳空間比較狹窄，位置有限。明解職員入場要收好BB車以免阻位置。入場唔夠5秒，職員重覆提示係咩玩法，指令速度會快啲！*職員落錯單，顧客已回覆上錯單，另一位上菜職員未揸單對答囂張，沒有禮貌到一個點。跟單職員覆我哋會轉番俾你。攪清楚就得，落錯單，完全沒有歉意。*已完膳職員行埋黎：原來我哋未俾茶你哋，問我哋要唔要。但是入場時係帶位嗰個！入場感覺餐廳很忙，從事服務性行業辛苦。既然已選擇工作，請保持基本禮貌。

名古屋過江手工烏冬！主打三款湯底，分別係鰹魚清湯、咖哩湯，和味噌湯。今次試了蝦天婦羅煮烏冬配老店傳統味噌湯，味噌大有來頭，採用了岡崎八丁味噌，發酵了超過三年時間，味道濃稠，適合重口味者。蝦天婦羅香脆，手打烏冬彈牙，整體不錯。值得一提砂鍋的持溫力十分強，冬天食絕對適合，但係夏天食可能會流汗。-🔘 蝦天婦羅煮烏冬配味噌湯底 | hkd$108-🍽️ 食物 | Food: 4/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.

平日傍晚經過，見到餐廳內已坐滿食客，聲稱日本老店過江龍，好似幾吸引，同朋友排隊等位，好彩排左10分鐘左右就入到。🔸黑豚肉煮烏冬配老店傳統味噌湯底 $98咸左少少，味道普通，賣相都冇乜特別。🔸吉列豬扒煮烏冬配招牌咖喱湯底 $118豬扒都大塊，但肉質有啲乾。咖喱味道都係一般。埋單二百幾蚊，唔係話好貴，不過呢個味道就不太值。而且枱好細，座位之間都好迫，坐得唔係咁舒服，食完都想快啲走，性價比一般，唔明點解咁多人食。

我平時喺大圍附近返工放lunch嘅時候經過間舖，每次都好多人有十幾20個人排隊所以好想食，但奈何每次等候時間都要超過30分鐘，所以我就從來都冇食過，但係今次咁難得放假我又去開葵芳行街嗰時三點幾冇人排隊就梗係要即刻入去啦入到去環境雖然唔光猛，但係有有種好安靜令人舒暢嘅感覺，我打開咗個Menu睇到佢有唔同嘅烏冬湯底選擇，我就揀咗最傳統嘅麵豉湯而我朋友就揀咗濃嘅咖喱湯底。估唔到佢煮個烏冬大約要20至30分鐘，終於到了烏冬，佢哋係用一個鐵兜去裝住啲烏冬，而店員都好細心咁樣同我講話唔好掂到個鐵兜因為會灼傷我一咬落烏冬感覺到烏冬嘅面質同傳統烏冬並唔同好厚好似人手打咁，然後我就詢問店員。店員就帶咗我去睇個師傅手打烏冬，原來駐場有日本師傅喺度指導啲新員工，我極度推介俾大家，我會再嚟。

日本名古屋百年老店「山本屋」🇯🇵主打砂鍋烏冬🎎.招牌咖喱湯+芝士+美國安格斯牛肉煮烏冬🍜採用伊賀燒窯爐特製砂鍋🔥一開鍋蓋仲見到個湯滾緊🫧咖喱湯由多款香料混合鰹魚清湯製成🌿🐟再加入洋蔥🧅番茄🍅蔬菜🥬雞骨、豚骨燉煮🦴味道香濃辛香😋加上半熔芝士更加惹味🧀安格斯牛肉肉味濃郁🥩且有咬口😆配菜有大蔥、玉子同油揚😍.老店傳統味噌湯+蝦天婦羅煮烏冬🥢味噌湯係由自家發酵超過三年製成岡崎八丁味噌製成👩🏻‍🍳質感濃稠，味道豐厚🤤烏冬煙韌偏硬身，十分掛汁😗蝦天婦羅蝦肉彈牙🦐同樣配有大蔥、玉子同油揚🍳.天婦羅拼盤🍤有炸蝦、炸菇🍄‍🟫炸南瓜🎃炸蕃薯🍠炸到金黃薄脆，沾上天婦羅汁更佳☺️.炸雞皮餃子(3隻)🥟以雞皮包住餡料🐓雞皮炸到酥脆，同時又有彈性😝內餡軟嫩多汁👍🏻.柚子汁芝麻昆布漬🥗昆布清新爽口💦.冷豆腐🧆.山梨葡萄梳打🍇.靜岡蜜柑梳打🍊

吉列豬扒煮烏冬 $108Agu Pork Cutlet Nikomi Udon湯底:招牌咖喱 +$10Soup Base:Curry +$10好味指數 3/5 🍭🍭🍭{店舖是自家製烏冬 烏冬爽口 吉豬外脆內軟 味道很好 +$10可把湯底轉做咖喱 咖喱辣度🌶️1/5 咖喱味不算濃 湯底較稀 掛不上烏冬}黑豚肉煮烏冬 $98Agu Pork Nikomi Udon湯底:黃金鰹魚清湯Soup Base: Dashi Broth好味指數 3/5 🍭🍭🍭{豚肉很好味 脂肪不多 肉質很嫩 烏冬配鰹魚清湯 味道都不錯 湯底清甜 濃度適中}蝦天婦羅(2本) $33Shrimp Tempura(2pcs)好味指數 4/5 🍭🍭🍭🍭{非常好味既蝦天婦羅 外脆內較 炸皮好薄 蝦肉新鮮爽口}

這間日式烏冬店的餐牌相當簡單，只有三款湯底可供選擇，隨後可以搭配牛肉、豬肉或吉列豬扒（好似係）。湯底的味道十分濃郁，不過味噌湯底偏鹹，適合喜歡重口味的朋友。原本我打算點牛肉，但看到隔壁桌的吉列豬扒實在太誘人，於是決定跟風。果然不出所料，吉列豬扒香脆可口，肉質保持著豐富的肉汁，令人一試成主顧。而烏冬才是這裡的真正亮點。店內的手抓烏冬條條粗獷，形狀各異，口感煙韌彈牙，與湯底的搭配無比默契。這是我第一次到烏冬專門店用餐，整體體驗令人驚艷，絕對值得再來！

職員對食客極度無禮，以囂張之態度代人，本人請求職員幫忙拿一個杯，結果無人回覆，本人曾向三名職員發出請求，結果無一回應，因此此次用餐體驗極度差劣希望貴店可以作出改善