山本屋 (圍方)

营业中

休息中

難得男友放假，佢就早啲黎到最近好出名嘅山本屋排定隊等埋我收工一齊食飯。佢到個時已經17:30左右，因為冇得攞飛，門口已經排咗4-5個圈嘅人龍。Around 18:00我到咗，條龍係冇乜點郁，咁繼續一齊排，排到7點終於入得。舖頭面積唔大，大約淨係坐到40個人左右，相信都係大排長龍嘅其中一個原因。而我同男朋友一人嗌咗一個烏冬，等咗起碼15分鐘先上菜，感覺佢啲烏冬係一輪輪起，一起幾枱一齊起。我就叫咗個廚師推介嘅親子煮烏冬配味噌湯，加年糕(+$15)。首先，部分烏冬係痴埋，散唔開；然後個湯係無味，隻生雞蛋放喺個湯上面都無作用；啲雞肉份量較少，食落有雪味；啲腐皮食落普通，最激氣係個年糕，唔知係個湯太熱定點，溶咗，中間完完全全冇味。男朋友嗌咗天婦羅烏冬加腐皮，點知用10幾蚊加嘅腐皮都係碎上。而隻天婦羅蝦浸住啲湯，一夾皮肉分離散哂，隻蝦細過隻手指尾。仲要佢個湯底同我個個唔同，唔知點解越食越杰。最後唯一值得讚嘅係個煲由頭熱到尾😂同埋個波子汽水好飲😂埋單成$271，食唔飽又要排個幾鐘～我自己就絕對冇下次～～

排左40分鐘左右，入到去有幾空枱，佢哋又唔肯安排你入座，俾你見到好似好多人排隊咁。叫左個牛肉烏冬同炸豬排烏冬，D牛肉正正常常，我個frd話有少少鞋口。但係個味噌湯真係唔得，味噌味係好重，好咸，又唔好飲。D烏冬太硬，好似未煮熟咁。個炸豬排勁難食，塊豬排質感好差。烏冬個腐皮食食下有陣酸味，好奇怪。叫左隻生雞蛋佢浸左落個湯度，變鬼左做熟蛋。見到有好幾枱都剩低左D餸，隔離枱仲話譚仔都好食過佢🤣🤣。賣咁貴又冇返咁上下質素，以後一定唔會再去😡😡。

今日放假，去圍方行吓，行完所有餐廳，見呢間最多人排隊，又見係日本手打烏冬(百年老店)，幾吸引，就排隊試吓。今日係間日，都幾快，入門前派定點餐紙，剔好咗，入去坐底，等吓等吓，等咗好耐，店員話，烏冬要專誠煑20分鐘。冇所謂啦，我放假，同時亦都充滿期望，專誠煑，應該好好食。等咗差不多半個鐘，第一個烏冬到……表面睇，冇咩配菜，一個麵豉湯底，好似漿糊咁，食吓啲材料：烏冬(硬而無味)牛肉(好細塊，冇乜味)腐皮(冇質感，冇味)湯底(冇麵鼓香味，亦冇其他味，合成感覺)雞蛋： 呢個係唯一好食(用靚蛋)一碗烏東，百多元，其實唔係貴，喺大商場，舖租成本都貴，只係我一時間唔記得咗，一心諗住百年老店，一心諗住以為是手打，期望過高，所以失望(但比起一般日式店，還是有很大差距，不會再來)。我通常都係，唔啱食，伏咗，就即刻停手(叫屋企人都停)，止蝕離場，結果出咗去大圍火車站果邊，食個茶餐，算了。

從未寫過食評，呢次係因為實在太難食，所以先寫，希望其他人唔好中伏！叫左兩碗烏冬，一碗係豚肉烏冬味噌湯底，打開蓋第一眼望落去已唔開胃，個樣就好似一窩隔左夜嘅打邊爐咁樣，油益味，豚肉好鞋。另一碗親子烏冬，估唔到可以比豚肉更鞋，唔知道用咩方法可以煮到呢一個口感，無雞咁，唔講都唔知係食緊雞肉。烏冬方面，好似煮唔熟咁，感覺就似食油麵。另外還叫左一客雞翼同天婦羅蝦，雞翼係可以嘅，外脆內軟，亦好juicy，天婦羅一般。呢一問無下次！

今日11點去排隊食山本家，食第一轉，排半小時可入座， 先來左天婦羅蝦，皮厚，夠熱，但天婦羅汁無味無蘿蔔溶，不正宗。 然後來烏冬，聽講是手打的，我是專程過來一試，在openrice 見到差評較多，但都想比次機會，話晒咩百年老店，又有朋友話好食。好啦，入返正題，叫左親子味增烏冬， 一夾入去， 完全無一條烏冬係長過2cm 嘅 ，成碗都係碎烏冬，同痴埋一舊舊嘅烏冬，完美演繹左貓砂沾濕左成結塊嘅形狀。口感好粉好硬，成碗烏冬眾多小結塊我真係第一次食，唔好話日本店，去茶記食最多痴埋一舊但會搞得散開。亦都唔會成碗無數小結塊咁啦！ 個雞肉，雪藏味勁重，好硬好鞋，我好後悔一早來排隊食，亦唔知點解佢會成為排隊店。另一碗咖哩牛肉烏冬，得2.5塊牛肉，湯底味道正常，是烏冬結塊混合烏冬麵條，比我果碗正常返少少，但絕對唔係一間日本百年老店應有嘅品質囉！如果我唔係11:30就入去食，我會覺得自己食緊人地食剩嘅烏冬碎！而個炸豆腐， 咩事，果pat 醬完全唔知咩來，豆腐無味，又係唔知自己食緊咩…個炸菇算是正常但唔駛咁樣排隊食啦！

-{圍方名古屋烏冬🍲🍶}🤤 親子煮烏冬 🤤 ($88)配上老店傳統味噌 味道咸咸地好濃郁 但烏冬嘅粗幼好不一 有啲太厚又有啲好幼薄 口感唔太一致😗而雞肉同蛋都係普通🤔👖褲評: 7/10🤤 美國安格斯牛肉煮烏冬 🤤 ($108)牛肉較香口😋配味噌湯都係夾啲！👖褲評: 7.8/10🤤 天婦羅拼盤 🤤 ($58)包括蕃薯 菇 南瓜 蝦 外皮炸得啱啱好既薄又脆 係中上水準嘅天婦羅☺️👖褲評: 8/10性價比唔錯 但真係排隊排太耐了😳而且前面大約有10人其實都係未齊人 只係覇住條隊的😥我覺得可以改善下 可能齊人先排隊咁性價比: 7.5/10服務: 8/10環境: 8/10🚩 山本屋 🚩地址: 大圍車公廟路18號圍方5樓527號舖#fuudjai #fuudjai日本菜 #fuudjai大圍

之前經過見到好多人排隊，一直好想去試，今日見人龍短終於可以試下，滿心期待……結果失望！烏冬百幾蚊碗，落單計等左45分鐘先到，食落一般冇驚喜！總結……唔值！冇下次！

超長龍所以吸引咗老公排隊試吓前後排咗大約一個鐘烏冬係人手打，同一般人心目中彈牙嗰種係有分別呢度嘅烏冬係軟糯有咬口煙韌嗰種我形容為有啲似刀削麵嘅質地因為佢用熱鍋上嚟到啲湯仲係起晒泡食用要小心熨口但賣相比食落好親子烏冬係可以話係無餸，只有生蛋一隻味噌湯嘅味道偏濃但鏗魚湯又太淡唔係話特別好味反而小食個天婦羅蟹棒幾好食黑豚肉烏冬嘅豚肉都偏少而天婦羅蝦烏冬就正常啲有兩隻蝦總括嚟講，排過一次就算，再食嘅話都等到唔使等先再諗

一向對手打烏冬好有要求難得香港開左間手打烏冬，早啲黎排隊試下啦建議5點排人數比較少門口有餐飲，最好諗好左食咩先入去但因為新開張，食物只有張紙上面既，餐廳小食就無麵豉烏冬，名古屋既麵豉係深色同好濃，香港人未必能接受到，唔係平時飲既麵豉湯。而烏冬食得出係手打既，但煮既未必太有經驗。手打烏冬煮完又要過冷水又要再煮，我食到既明顯未係完全透心，係中間硬到未煮透既狀態。豬扒唔太大塊，亦唔係鬆軟。雞翼係最好食既。佢用 Hot Casserole 上，食到最尾個啖都仲係熱架。如果唔使排太長龍可以黎試下

大圍有新商場🏬 當然要去行一行喇呢間日式烏冬系日藉師傅坐陣 當然要黎試一試我地兩個人 大概排左45分鐘我叫左 蝦天婦羅煮烏冬$108 咖喱湯底 $10有兩隻蝦 蝦望落幾新鮮 唔算細隻 size可以第一次食人手做既烏冬 幾彈牙 有咬口烏冬好熱 食左好來都仲系滾咖喱味唔覺有太大驚喜😹 吉列豬扒烏冬 $108 味僧湯底豬扒煎到岩岩好 食落個皮有點點硬但個豬扒又炸到岩岩好 唔老唔嚡 幾好食整體感覺唔差日式炸豆腐$28食落好似我平時食既普通炸豆腐😂呢間整體感覺系唔差既 但系真系唔值排咁來唔會話好好食 只系普通既一餐飯

之前路過見到超多人排隊… 今次特等5點幾黎諗住會少d 人，結果都排左差唔多一小時，6:30 有得食！餐廳主打味噌湯烏冬，另外仲有咖喱湯同埋清湯可以選擇👌🏻 見到佢個咖哩芝士烏冬好似好正🤣不過第一次食都係試下signature 嘅味噌湯底先！我今次就試左個親子味噌醬煮烏冬($88)！友人分別要左黑豚肉同埋吉列豬排，全部賣相都好吸引🤩 一上台見到3 個瓦煲好似食煲仔飯咁🤣 侍應一打開個蓋就見到煲滾左嘅湯，聽到blublu聲已經好肚餓🤤 首先飲一啖味噌湯，味道濃郁得黎唔會好鹹同埋油膩，比我想像中出色！烏冬口感煙韌，完全係我鍾意嘅嘢🤣 烏冬掛起曬味噌湯，真係好正！食落有d 似河口湖蔬菜味噌湯餺飥面嘅感覺😍😍😍不漏都細食嘅我竟然都覺得個烏冬唔夠食🫢 份量真係偏細🤔️ 雞肉就正正常常，友人話吉列豬排都鬆脆不過就唔夠熱🤔️ 我地仲另外加左個燒地雞手羽($38)，熱辣辣都幾好食👌🏻 食飽飽出返見到超多人排隊🫣慶幸自己咁早黎到🤯 整體黎講，烏冬同埋湯底都好好食，好符合我嘅口味！配料就一般，份量都偏細，如果唔係要排隊我都會想encore🤔️

今日往大圍圍方山本屋食日式烏冬,首先門外排隊,之後填點菜紙點菜,我點了蝦天婦羅煮烏冬,蟹棒天婦羅,燒地雞手羽和可樂,排了二十分鐘便入座,蝦天婦羅煮烏冬我點了味噌湯底,湯底味道香濃,蝦天婦羅炸得金黄,蝦彈牙鮮甜,烏冬是手打烏冬,食落帶點嚼勁,食落爽口,配菜腐皮和葱吸收味噌湯底,整碗蝦天婦羅煮烏冬,材料豐富,口感滿足,蟹棒天婦羅共有兩件,蟹肉爽口香脆,配上醬汁口感惹味,最後燒地雞手羽共有三隻,雞肉肉質鮮嫩,雞皮香脆,佐酒一流,餐店裝修很多木擺設,猶如置身名古屋,餐店食物美味,口感滿足,食了一頓美味日本烏冬

我真係好少食一間野食到要俾負評😅真係搞唔掂，成餐飯試晒三種湯底，全部都鹹到癲，一路食一路要係咁飲野。烏冬碗碗都粗幼唔同，有碗粗到好似食緊刀削麵咁，咬落去唔係平時食開既烏冬，好硬，有啲位仲要食得出係未熟，就算係幼身既烏冬都係好硬，食落好似未熟咁。完全唔明點解要排成個鐘，伏到嘔。成餐飯最好食唔係啲烏冬而係嗰碟雞翼。呢個食評我第二日寫到而加我都要係咁飲水。為咗證明我唔係打手，po返兩張相證明我真係有食到🙂要排隊真係唔好食，唔洗排都唔建議食。嗰種鹹係真係唔係人可以接受。

終於明白點解咁多人話中伏，可能係我個人對呢間舖頭期望有啲高，結果由一開始所有嘢已經埋下伏筆，一步一步令你唔想再體驗呢一間餐廳。❌排隊由5:15排到6:05，明白新舖頭多人去食係需要時間等待，但係要用人肉方式排隊真係好缺乏彈性，排隊過一段時間行唔開，而且冇位坐一直企住等。❌Menu有好多款式，但係實際落單紙只有六款，選擇並唔多，湯底有三個選擇。❌舖頭員工訓練亦都唔夠，唔係每一個客人點小食都會主動比碟仔，而且主動加茶亦都少。餐廳環境方面，每一台位置擺放亦都太窄，食嘢坐又坐得唔舒服，食完離開都好麻煩。講返最主要嘅味道，個人覺得味噌湯底，雖然好濃味，好香，但係味道過於單一。其他小食例如炸豆腐，天婦羅組合，沙律就不過不失，略嫌失色，甚至有其他日本料理餐廳可以超過山本屋。。。身為主角嘅烏冬的確好出彩，可以話係最值得去嘅點，可以喺舖頭出邊見到師傅現場拉麵烏冬的確好煙韌好彈牙，好有咬口的確100分滿分。雖然烏冬真係驚艷，但係綜合以上咁多失望嘅地方，我本人就唔會再去食多轉😂真係第一次為咗一間餐廳打咁多字😂

一般，麵不彈牙，咖哩味中等不太咸不太濃有幾塊腐皮都幾好食豬扒炸夠脆，無羶味，價錢偏貴，530pm去排，等15分鐘入得，食完出嚟20人起排緊隊唔建議特登排隊去食，名大過實性價比中下