山本屋 (圍方)

营业中

休息中

原本見到烏冬配砂鍋，勁吸引，仲要係日本師傅主理，心諗一定冇得輸啦，就算見到留言話排長龍 我都要試一試！點知試完真係勁失望嗰日一早未食早餐 11:40去到排隊 等左1個鐘左右 終於入得去 點知喺勁肚餓既情況下，都竟然覺得吾好食 烏冬，配料，同湯底都令我大失所望 唯一好食就係炸雞翼兩個人加埋差吾多$400 好食都冇問題 吾好食真係勁肉赤⋯今次中曬伏喇 其實圍方仲有好多好野食 建議大家要試就試其它啦 呢間野真心搵笨，第一次對日本野咁失望

11:30開店，11:15到，已經見到排左十幾人～確實既名古屋來既百年老店總要親身嚐嚐～經營百年，總有其特點砂鍋煮烏冬面🍜我選左味噌湯底(麵豉湯朋友應該會like既)，親子煮烏冬（雞肉雞蛋腐皮）， 腐皮吸曬湯好味～而冬烏係硬麵，有嚼勁（不過係香港食慣左有咬口既 可能會一般like呢隻質感)為食既我，仲叫左燒雞翼😗，好味➡️佢地係用🐓地雞 ：雞味濃厚、油質適中未試過佢既總店，不知風味是否一致

中午朋友帮忙排了整整一小时多的队伍才排到，人不到齐不给进…满怀期待结果味道真的很一般…三个人一人点了一碗乌冬和一份小食～三份小食中我点的紫菜炸鸡柳就是普普通通无功无过，紫菜还有点腥，朋友说她点的小食豆腐就是乌冬面自带的那种…三碗面的味增都太重了，吃起来很咸很咸不像是主食反而像是一道菜…我是上海人，吃口本应该略比hk的local要重一点都觉得不太适应…真是大失所望…吃一次就彻底拔草了…以后也大抵不会再去

每次都見咁多人排隊，好想去試吓！今天下午同朋友特登排隊去試吓！叫咗個黑豚肉烏冬加腐皮，雜錦炸天婦羅，檸檬茶味汽泡酒(超貴)，朋友叫個咖喱安格斯牛肉烏冬，汽水。食完之後覺得烏冬煙韌（就係咁），其他真係好一般，朋友話個咖喱冇乜味。但要排隊，又咁嘅價錢，失望！唔會再去食！

放工18:15去到排隊，已經超長人龍。經過漫長嘅等待終於入到去。因為預先填好點餐紙，所以即刻落得單。叫咗：親子烏冬（味噌湯，加腐皮）吉列豬扒烏冬（咖哩湯）紫菜炸雞柳雞翼（3隻）山梨葡萄果汁先上小食。雞翼味道正常，貪新鮮叫嘅炸雞柳無味。親子烏冬，話明「親」「子」，如圖所見，無咗隻蛋（子）。都驚自己理解錯，問一問職員確認。職員話有，叫我睇吓個底有冇。（如果真係係個底都無語🫠 正常係擺係面？）確認冇，佢就搵廚房拎返隻生蛋俾我，但當時個湯已經唔滾。豬扒烏冬先上烏冬，隔咗一陣先上到個豬扒。要求個餐齊哂先上都唔過份呀（得兩樣嘢）雖則呢度係香港，係失望嘅。烏冬味道一般/正常。總結個人感想，未試過嘅可以一試，但唔駛去排隊😀

11:30 開門, 11:22am 開始排隊, 好好彩 最後一批入坐, 黎個總結先 如果要排一個鐘 一定唔會食, 可能見之前咁多人排隊 期望值拉高左, 食落冇好驚艷嘅感覺我哋叫咗鰹魚湯黑豚肉烏冬, 招牌味噌親子烏冬, 湯頭正常, 味噌湯濃郁 掛湯能力唔錯, 手打烏冬比較煙靭, 鍾意食彈牙嘅朋友 未必鍾意黑豚肉煮得啱啱好, 係好食.d 人排咁耐隊, 梗係希望影到張靚嘅打卡相, 點知招牌親子烏冬, 嚟到時候隻蛋居然熟透附圖 係一上菜嘅時候影. 唔係唔好食, 但係要等一個鐘頭就唔會encore, 餐廳上菜速度正常, 最少有一個日本店員晌樓面, 剛開業人手充足, 服務亦唔錯.埋單$205

星期日下午五點幾排到六點幾，排咗接近五十分鐘。❤🧡💛💚💙💜🤎🖤🤍我們3人分別點了鰹魚湯·咖哩湯·味噌湯嘅烏冬，烏冬夠煙韌💞，個鍋夠熱，湯味濃郁，但服務有待改善， 落錯單又落漏單。 🤭蜜桃梳打，變咗蜜柑梳打。美國安格斯牛肉煮烏冬$108+$10選咖哩湯，但得三片薄切切的牛肉，cp值一般🤫。 相反親子烏冬居然最平😏但係材料最多最豐富。靚仔日本烏冬師傅喺冇做烏冬嘅空檔時候，都出嚟幫手樓面，好落力💯👍。

先唔講排隊時間長，坐低嗌嘢食等食物嚟嘅時間仲長見咁多人又有師傅即場搓烏冬，本來好有期待。分別叫咗一個吉列豬扒味噌湯烏冬同埋咖喱牛肉湯烏冬。點知食落口，只有兩個形容詞:湯咸、烏冬硬。吉列豬扒就好似麥樂雞一樣咁紮實，除咗麥樂雞真係搵唔到一個更適合嘅形容詞。另外叫左個炸豆腐小食仲離譜，味道好似中式茶樓嘅特色，炸豆腐，加啲西蘭花菜。總結係勁失望。期望過大，食落零驚喜，仲好嬲。。。奉勸大家唔使嘥時間排隊食，唔值得。

唔值得食！唔值得排隊！垃圾到不得了！食物難食，食材差，仲要收咁貴！伏到不得了😡😡😡😡😡😡😡😡唔明點解仲咁多人排隊去食，食左一之後唔會再有下次！垃圾垃圾

我地星期六諗住行下圍方，行到6點幾肚餓，就周圍搵野食，知道呢到有間名古屋過江龍，就諗住試吓啦大概行到7點到就去排隊，已經打緊蛇餅，目測都有四個圈，咁一場嚟到點都試吓啦，再加上7點半關閉排到咁上下，有個侍應叔叔行出來話已經截龍，一日350碗，排到我哋後少少就賣哂，好難唔繼續排，咁侍應叔叔都好好，同我哋講唔好意思要等咁耐，又有茶俾我哋飲，態度真係好好㗎👍🏻👍🏻等咗差唔多個幾鐘，終於可以入得去，落單紙同menu好唔一樣，Menu好多嘢，但落單紙就好多都無既😅咩泡菜烏冬、平烏冬都係無既😥咁我哋就嗌左炸豬扒、蝦天婦羅同埋豚肉烏冬，另外仲叫咗吉列蝦，炸豆腐同埋冷盤凍豆腐小食小食就不過不失，冷盤都幾好食，幾濃豆腐味，炸豆腐熱辣辣👍🏻吉列蝦個皮同天婦羅唔一樣，吉列蝦都唔錯，唔會太厚粉👌🏻四個烏冬我哋分別淨係嗌咗清湯同味噌湯，清湯就梗係冇問題啦，味噌湯亦唔算好咸，不過唔係同個烏冬好夾，無掛汁。至於麵質方面，山本屋主打手打烏冬，可以睇得到烏冬條條大細不一，但食落去就冇滑溜感覺，可能係我唔好彩，我個碗口感亦都唔係幾好，好似啲麵團咁，亦都唔係好熟，完全冇平時食烏冬煙煙韌韌嘅感覺，加上同個味噌湯唔係好夾，難聽啲

下午茶時間見排隊人龍不多就試一下，點了咖哩湯炸豬扒烏冬，等了15分鐘烏冬先上枱，勁熱，先試啖湯，竟然係咖哩味勁淡，比日式咖哩磚開水煮餸還淡，烏冬入口硬而無味，炸豬扒上台，薄薄的也是無味!真係冇下次，勁伏勁失望。

前陣子位於大圍的圍方終於開幕，趁著週末去湊湊熱鬧，中午時分每家餐廳都需要排隊等候。在人群中，山本屋兩位身著和服的職員引起了我的注意，加上店內的廚師正在熟練地揉麵團，看似吸引，於是決定排隊試試✨親子煮烏冬（$88）雞肉和生雞蛋，雞肉質地柔嫩，但份量稍嫌不足✨蝦天婦羅煮烏冬（$108）兩隻天婦羅大蝦半浸在烏冬之中，即使未完全浸泡，天婦羅皮仍然保持脆嫩，蝦身的大小也相當滿意兩款烏冬湯底都選擇了老店傳統的味噌湯底。味噌湯底濃郁香濃，不過吃到最後有點略微鹹，至於烏冬本身的口感則比較硬身有嚼勁，口感特殊✨炸紫菜雞柳（$38）以紫菜包裹著雞柳，呈現出脆嫩的口感，幾特別雖說是日本人氣過江龍，但並沒有給我太大的驚喜。而且，餐廳排隊時間長達一個多小時，而烏冬的出餐時間也需要超過20分鐘。等候時間過長，性價比不高。不過，作為一家新開張的餐廳，宣傳模式確實成功吸引人

新登場！當相受歡迎👏🏻環境幾靚✨山本屋已有百年歷史，第五代傳人日藉青木先生嚟到香港駐場‼️每日全人手現場製作正宗手打烏冬！可以睇到青木先生認真製作的一面，而且佢為人友善、可愛😆烏冬$78起‼️👍🏻 有3款湯底選擇～我哋揀咗：招牌咖喱蝦天婦羅煮烏冬 $108招牌咖喱美國安格斯牛肉煮烏冬 $108咖喱湯底好味喎🤤👍🏻 味噌湯試咗2啖都唔錯！下次試下鰹魚清湯先☺️烏冬幾有咬口，整體嚟講值得一試👍🏻天婦羅拼盤 $58好抵食！！唔錯呀👍🏻日式炸豆腐 $28幾好味🤍

圍方新店 | 人氣店🇯🇵100年名古屋手打烏冬 : 山本屋最近日本百年老店山本屋嚟咗圍方開店😍有第5代傳人青木先生駐場，佢切烏冬超型😆擺pose好funny😝開店前半個鐘已經有人排隊🫣人氣超勁🍜烏冬係有咬口煙韌厚實嘅感覺，每日新鮮人手製作，用日本伊賀燒砂鍋煮，特別保溫熱辣辣🔥🍲有3款湯:✨老店傅統味噌🐟鰹魚清湯🥘招牌咖喱+$10味噌湯底用至少三年時間製成，味道濃郁(不會偏甜)。個人鍾意咖喱湯，惹味啲😋佢哋嘅炸物岀色👍🏻吉列豬扒好脆，雞翼好食😋夠乾身，推薦加配料芝士🧀️湯底會夠濃郁，年糕會溶化煙韌口感。沙律係炸雞肉沙律🥗✧ 吉列豬扒煮烏冬 $108✧ 親子煮烏冬 $88✧ 燒地雞手羽 $48/3隻✧ 山本屋特製沙律 $48✧ +年糕$15 +雞蛋$10 +芝士$15 +蔥$10📍山本屋大圍圍方5樓527號舖

2023年8月9日12:20喺大圍商場圍方 人氣必排隊手打烏冬 山本屋，叫咗三個餐：親子煮烏冬跟味憎湯底、親子煮烏冬跟咖哩湯底加燒地雞手羽同 蝦天婦羅煮烏冬跟味憎湯底，埋單354元連加一。人均118元。題外話小故事：店舖喺1130營業，我地11點15左右開始排隊，食唔到第一輪，喺第二輪嘅頭3個，要等到1220。事緣有一對男女喺第一輪，入到去叫咗野食，但喺佢地喺1210左右開始情緒激動，話啲餐好耐都未到，最後決定離場唔食（並稱之後都唔會嚟食）而剛好佢地走左之後，格離台嘅女仔都食完埋單，我地可以入場。因為第一輪有同事喺度食緊，所以都知佢地出餐比較慢（餐廳有提示喺手打烏冬，製作需要二十分鐘）所以喺排隊時間已諗定食咩，同一入座就馬上寫好落單建議：服務員可以提示排隊嘅客人，烏冬製作需時，同派定紙仔比客人填定食咩，有啲服務員好似唔知做緊咩，建議可以扮吓工味道方面：感覺到喺手打烏冬嚟嘅，同平時食個啲唔同（同事話似食緊刀削麵）雞翼好食！（同事話洗咩特登排隊入嚟食雞翼）咖哩湯底唔夠濃～可能食撈烏冬會好味啲，味增都喺一般～如果要排隊真喺唔會特登嚟食～暫時唔會喺固定飯堂～