岩盤牛扒 ミディアムレア ステーキ (博文街) (已結業)

黎大角咀帶唔一定淨係係奧海城揾野食既，原來附近有間日式鐵板牛。😎好少見食牛扒之前，有鋪頭既門面比你睇同親自揀牛肉。🥩🥩🥩有唔同部位可以揀，即刻現場睇到啲牛肉夠唔夠新鮮同油花分佈靚唔靚。牛扒按重量收費，要係入座之前落order，店員就係我面前磅重，🍖保證足磅，然後即放上鐵板上面煎好，夠熱辣辣～我就鐘意比較tender既牛肉，所以叫左🔸牛柳🔸300g，都幾大份。🔪一切開煎得岩岩好，最怕過熟，呢個內裡仲係好鮮嫩，肉質不錯👍，再加上面既蒜，非常惹味。加$28仲有套餐，我就揀左🥗沙律解下膩，同🥚温泉蛋，牛肉沾蛋汁都唔錯，飲品就再加$28叫左冰凍既suntory 啤酒，咁先夠爽！鋪頭裝修好似一間磚屋咁，幾有味道，而且位置幾寬倘，有唔少座位。

揸車經過銘基書院，今日架車唔知做乜唔系太掂，入左大角咀博文街近匯豐中心停低順便休息下，見到11號有間叫Medium Rare 牛扒專門店，香氣十足，隔住條馬路都聞到，於是泊好架車過去望下。未入店已經有分立食區，架設左幾張高椅同埋食枱，好方便就算有煙癮啲朋友或者鍾意企響度食啲朋友。店門橫額位置仲有成隻牛啲位置簡介，不過系日文，唔系太識，哈哈。左邊就系氣味傳黎啲地方！系點餐區！好細緻咁分左肉眼、牛柳、牛板腱、西冷、後腰三角肉同埋後腰上蓋肉。選左您想食啲牛肉類別之後，就系選配料啲時候，有八種比您選！有白飯，味噌湯，沙律，溫泉蛋，雪糕，飲品，波子汽子同埋啤酒。我就選左肉眼，配味噌湯、沙律同埋溫泉蛋，跟住仲有得選要蔥油、洋蔥油或者蒜油，我因為想香口點，所以選左蔥油。店內防疫措施十足，防疫隔格也有手工啤酒，好好飲咁，不過因為要開車所以無點到。店內仲有形形色色啲酒櫃陳列，想必老闆系有品味啲人！等左陣就可以自動取餐了，經廚師即切即磅啲西冷扒已經響三百度高溫啲熱石板上，果然系medium rare，有成一吋咁厚，最正啲仲要系專門店有特製啲柚子燒汁，每一口牛都點埋燒汁食，開胃又超有牛肉味。沙律亦都夠凍，平

好耐未試過咁期待啦！事關本人真係一個牛肉瘋狂愛好者！那裏有牛！那裏有我😝😝大大少少都試過吾同既高級牛中價牛同平貨牛😈😈今次聽朋友講話大角咀匯豐總行附近有間食牛一流既日式鐵板燒牛鋪！性價比一流❤️❤️今次呢間餐廳去到門口已經發現左好多打卡位！裝飾同埋啲燈光都好岩影相👅👅門口仲擺左個雪櫃！見到哂可以揀既牛扒🤤🤤今次我就order左 300g既西冷牛扒🤤🤤加左個套餐！有湯有沙律🥗有飲品😈😈 我叫左個5成熟既牛扒！我揀左蒜香汁😩真係一絕！再再配合埋佢個souce又有少少柚子味咁樣嘅醬汁真係配搭得天衣無縫可以令到牛扒嘅肥膩感覺一日消失晒喺口入邊咁就可以越食越多越食越飽🌻🌻其次仲有個好緊要嘅地方就係食牛扒一定要配合呢一個岩鹽呢一間餐廳嘅岩鹽十分之出色絕對唔係低價貨應該係來自日本本土出品嘅岩鹽西冷牛扒嘅肉質鮮甜入口十分之嫩滑❤️牛味濃郁令到人切完一舊又想食一舊完全抵抗唔到呢個價錢黎講真係物超所值CP值超高

🍴奧海城附近街邊都有唔少隱世食肆，呢間啲牛扒價值幾實惠，黎鋸扒唔錯😮原來係自助模式，要先在門口點餐，門面已經有唔同款牛肉比我地親自揀，揀完仲係我地面前磅，包保充斤兩。一大份牛肉放係度，睇落都好新鮮，我見牛板腱油花分佈唔錯，而店員都推薦鐘意食腍啲既肉質可以叫牛柳，我地兩樣都要🤩🤔大大份牛肉大概百幾就有，可以揀配料，加$28仲可以配餐，真係幾抵食。😌點餐完成後，入座等店員煎，搞掂就可以出去拎餐啦🍺餐廳環境幾似有underground wine cellar 既感覺牛柳 300g ，沙律，温泉蛋，啤酒 $167牛板腱 300g，白飯，温泉蛋，coke zero $163🔥鐵板上，仲係熱氣騰騰。300g 牛扒再配埋餐真係食到好飽。😍切開牛扒煎得岩岩好，仲有好香蒜油味。😋我自己較鐘意牛板腱，肉質結實啲，最緊要係肉味最濃🤩原來沾柚子醬都幾夾😚温泉蛋撈飯一流😉呢度都係自助模式，所以食完記得乖乖放番餐盤上架啦

今日去開大角咀有條食街，見到哩間牛排店新開，就拉住朋友入去試下先，門口已經好似去左日本咁，好有feel首先要係門口簡左要咩部位同套餐比左錢先，佢會比個牌，到時響就去拎野食，食完就自己擺番係架上，等佢地收番！現場見到有好多款吾同既肉放係個雪櫃度，有肉眼、西冷、牛板腱、日本和牛等等，應有盡有肉係用g去試算，如果單點大概0.33-1.33 度，簡蒜油/蔥油/洋蔥油，仲有套餐可以選擇，只需要加$28，好抵🥰選擇有白飯、雪糕、溫泉蛋、沙律、湯、汽水🥤等！我地叫左肉眼同西冷，好快就出左餐。但係肉既生熟程度店主無問我地，我地睇番出面先知道，佢地會幫你燒到3 成熟medium rare steak 為標準，岩哂鐘意生野既我！想食3成熟既肉，鐵板燒上黎既時候會2 成度，等佢慢慢燒到3-4 成就岩岩好！肉眼肉質好嫩滑香口，西冷就較為有彈口，食落更有層次！所以要睇下你本身鐘意點食牛！300g我地女仔食都一定夠飽，吾夠飽可以叫飯，有特色既一間餐廳！

對於鍾意食肉特別係牛仲要係牛扒嚟講，一般都唔會食well done.或者係我心目中，3成熟先係最食到個舊肉究竟質素如何。從友人口中得知，原來香港一直有間高質扒店，一間位於旺角另一間就係大角咀。避免排好耐隊，今次決定一訪大角咀店。店舖唔算難搵，呢條街算係靜中帶旺，不過行近舖頭之前已經遠遠聞到肉香！可能今次收工嚟食大約8點零，竟然唔需要排隊，簡直係討厭排隊人士既福音！一開始我已經揀好咗我要食肉眼300g而朋友就order咗牛板腱200g再配返個set，咁先滿足架嘛！個牛仲可以揀3種汁，有蔥油，洋蔥油同蒜油！入便都幾乾淨企理，空間寬敞，仲有日本文化“返卻口”唯一美中不足係抽煙系統有待進步，始終我對食完飯一身油煙味既感覺有點不太喜歡，希望往日再嚟食，會有進步。牛板腱200g配蒜油香味十足，絕對做到我心目中既medium rare! 蒜油好香，不會蓋咗個肉味你亦可以根據返自己口味落鹽或者black pepper，但我覺得食牛其實唔需要加太多額外調味品先食到佢本身個味！肉眼300g配蒜油絕對足料！好有牛味，不過有點過熟，唔算係3成，但可接受既範圍！入便仲有舊大肥膏，鍾意食肥膏既朋友可以叫肉眼，一定

博文街餐廳林立，今日就揀咗呢間以日式料理為主題的牛扒餐廳，平時路過都覺得好得意因為佢係逐gram計，感覺好均真。今次試咗西冷套餐（300g)同埋牛板腱(200g)～先係門口點餐，店員就去拎切件肉排～然後再係面前的磅比我睇返牛排嘅gram 數，都計到好準！好接近個數～之後店員姐姐就拎件扒去煎，睇下想要幾多成熟～ 煎到差不多就上盤～ 係熱辣辣嘅鐵板。如果覺得唔夠熟，可以自己再煎下。兩份嘅厚切牛排份量好足夠～啖啖肉好滿足！個蒜油令肉味升咗個層次！而座位好闊落，坐得幾舒服～

突然間好想好想食肉😳🤭同閨蜜上完公司workshop決定大！解！放！搵到呢間超值牛扒餐廳😍我呢個食肉獸表示好滿足！我就係俾呢個雪櫃吸引咗！有好多款牛俾我揀🥰仲可以選擇要幾多gram👍🏻我地揀咗牛柳同肉眼。食牛扒又點少得pink salt同black pepper😆值得一試係，餐廳係提供圍裙嘅，好細心💕唔會整污糟件衫🤭其實呢，食鐵板牛扒都算我一個童年回憶黎♥️中意食鐵板係因為塊扒可以keep住熱辣辣，好香口。餐廳係將牛扒本身煎到大概3成熟，咁食客就可以再根據自己喜好調教好個生熟程度，所以唔會有過熟嘅情況👍🏻講番塊牛朳，肉眼同牛柳都好出色，牛味濃郁，而且唔多肥/筋位👍🏻Coffee and caramel coke又幾好飲♥️溫泉蛋撈飯，正呀

我係一個牛魔王，由細到大都鍾意食牛肉，牛扒 。剛剛見完客，路經呢間大角咀，見到呢間牛扒嘅專門店，見到佢放喺玻璃櫃裡面唔同牛扒嘅部分，就真係忍唔住要入去幫襯吓。 當獎勵下自己，為自己加加油 啦！😊我選擇咗 一般常食嘅西冷扒，因為咁樣，我先可以比較到，呢一間舖同其他鋪的水準分別。我叫咗個套餐，300克鐵板西冷牛扒，佢攞嚟，就聞到香噴噴，嚟到差不多5成熟。如果你想熟d,可以繼續放喺鐵板燒，但我當然唔會啦，我就喺要食到鮮味。好juicy呀，唔會好韌，而且夠厚，食落真係好滿足。 佢有一個西柚味醬汁伴碟，牛排點埋呢個醬汁，就唔會覺得好膩。套餐包左飯，湯同飲品。飯同麵豉湯，就真係好一般般啦 。佢仲包一個嘢飲，都係汽水（紙包罐裝 ）都有得揀。如果你鍾意食牛，就不妨嚟呢間試下。

老公早前睇到報導，知道有間 “Medium Rare Steak”牛扒店 – 一間可以按照自己食量去落單，而且即切、即磅、即燒嘅扒房！舖頭以自助形式，門口餐牌已列明每款牛肉嘅價錢，而且加$28起配套餐添！揀好就直接喺點餐區排隊落單，店員會因應客人所揀嘅部位同gram數即切即磅牛扒，今次我就揀咗西冷部位 (300g)加配set1 。落完單，店員就會俾個取餐電子牌我哋，然後就可以入去搵位坐低等喇！另外，呢度仲提供即棄圍裙，唔做驚啲牛油會彈到成身都係，好貼心呢！大概等咗十分鐘，當個取餐電子牌響&震動就可以出去取餐！店員先將牛扒煎封至三成熟，以鎖住肉汁，再放上鐵板上，客人可以按自己嘅喜好煎至合適自己嘅生熟程度。塊牛扒真係好足份量，西冷厚身有嚼口，肉味味濃，配上自己所選嘅蒜油，真係絕配！另外，如果嫌唔夠味的話，本身牛扒已附上燒汁，枱上亦有粉紅色岩鹽&黑椒可以自己調味，絕對滿足所有嘅客人。Set 1 就從白飯、溫泉蛋、味噌湯、沙律同飲品中5選3，當中個溫泉蛋非常唔錯，加上醬油同調味倍添風味。成個set埋單唔使$200，而呢個價錢，呢個質素，我覺得絕對超值⋯下次真係要過嚟試埋其他部位！

今次嚟食嘅呢間日式扒房。可以滿足我想食好嘢又要有得揀而且價錢又貼地嘅要求。食店係自助形式，排隊點餐同店員講食邊一款牛扒，大約要幾重同配邊個set。今次叫咗西冷牛扒(300g) 店員直接從雪櫃拎咗塊好大嘅西冷牛扒出嚟，即場切出相應嘅份量然後就係隔離磅比你睇，再話畀你聽塊西冷牛扒大約幾重&幾錢，然後再揀配邊個set，咁就完成落單。我就揀咗Set 1，可以響飯、溫泉蛋、沙律、味噌湯同汽水當中五選三。落單後店員會畀個電子牌你，等它震動然後出去拎食物。值得一讚，食店有即用即棄圍裙提供，唔會令牛肉汁彈到成身都係。揀咗西冷牛扒配蒜油，牛扒好新鮮而且勁大塊仲要厚切，肉質嫩，好有牛肉味。三成熟嘅牛擺喺鐵板上真係啱啱好，開始切塊西冷扒時仲出緊血水但鐵板超級熱，會不停煎直情可以令牛扒去到 Well Done添，怕食生嘅朋友都唔使驚！粟米+蒜油勁香，牛扒配埋佢哋真係好好食！假如味道唔夠，每張枱都有 Pepper & Salt 可以自行調味。沙律配麻醬份量啱啱好，味道唔錯。因為佢係自助式，所以係需要自己去攞位，同埋食完嘢要將自己個餐盤連餐具放到收集架上。唔洗$200就食到好味嘅牛扒，好滿足！

呢間之前成日經過都好多人排隊！🤣今日趁早收工，就心血來潮自己一個去食😍真係好好味😋😋值得寫篇食評介紹首先我哋要起出面點餐嘅👍🏻有唔同種類嘅靚牛揀：美國肉眼部位、牛柳、牛板腱、西冷、後腰三角肉同日本和牛肉眼/西冷。揀完牛肉就揀要蔥油、蒜油或洋蔥油，三選一，加Set就$28 揀三樣😍我最後揀咗牛板腱300g+蔥油+Set(飯、波子汽水、溫泉蛋🥚）😋😋😋❤️因為餐廳用鐵板上，所以店員煎嘅時候唔會煎太熟，鐵板會一直保持溫度♨️如果你唔想咁熟就拎開，我咁就岩岩好🤣牛板腱好有嚼勁，肉嫩多汁，口感👍🏻好香😍肉質緊實，睇相都見到十分嫰滑😍外面煎香，內裏鎖住肉汁，十分鮮嫩😚一咬落去，嘩！！😳😳😳感覺軟熟，係我好鍾意嘅肉味🤣配佢嘅汁，撈飯同溫泉蛋🥚真係好好味😋😋波子汽水係西瓜味🍉塩😋第一次飲😋好特別價錢係合理嘅，呢個高質素😍大埔同新蒲崗都有分店，大家不妨試吓😍包你一試難忘😍好好味👍🏻👍🏻👍🏻餐廳食品得到日本認證👍🏻仲有外賣自取提供👍🏻大家都可以喺度買返屋企用石板燒😍😋

今日行完位於奧運站既奧海城，就行咗去大角咀裏面去搵美食，咁啱行到呢條街周圍都係酒吧佢淨係買牛扒，咁最後就入咗去你間舖頭度食鐵板牛扒。呢間餐廳有幾個室外位置，類似吧檯，但最後都選擇左室內。咁就叫做一個後腰三角肉同埋一份牛柳兩個都加咗個套餐，套餐就加28蚊有五樣嘢可以揀三樣嘢，或者套餐就加45蚊有啤酒再三揀二，咁5揀3號,就揀咗沙律一個飲品同埋呢個溫泉蛋，咁除咗呢三樣嘢其實仲有飯同埋味噌湯可以選擇。由於所有嘅肉都係喺收銀嘅時候佢即場切，即時已收取價錢，所以你叫200gram嘅都冇可能會做到exactly200, 但出入不會太多。後腰三角肉肉質鮮嫩牛味充足，牛柳雖然價位比較低，但肉質鮮嫩。如果想平食都是一個不錯嘅選擇，雖然整體價格不是很貴，但後腰三角肉值得一試，一來唔係度度有得食，同埋價格真的不是很貴。下次會再返嚟試牛板腱

疫情唔知幾時先完，唔知幾時先有得去旅行冇得去旅行唯有去來自日本的餐廳止下痕奧運站附近做完野，未夠6點但是好肚餓，唯有叫朋介紹間好野黎醫下肚一去到間間都冇人，唯獨呢間有幾個人排緊隊，即時對佢信心大大提升餐廳有分立食區同室內區，天氣甘熱我當然簡有冷氣無論咩區都是先到外面點餐然後入去靚牛都有好多選擇由最平的肉眼去到最貴的和牛都有後腰三角是比較少見，細問一下原來脂肪比例比較少🤫岩食我們呢d又為食又怕肥簡完食邊款肉就簡幾重，太餓的關係簡左300g, 即切即磅童叟無欺+28蚊就可以變套餐有8款任配簡曬所有野就會比部機仔你，整好就會叫你出去拿餐廳仲好細心準備埋圍裙仔tim嘩!後腰三角配上鐵板磁磁聲地烤住，大大塊牛配上蒜汁，真是香味四溢切開大約有3成熟，切開幾份擺住鐵板上 繼續烤熱，去到鐵板去溫時牛大約已經5成熟後腰三角牛味濃，而且極少肥肉，燒到外面微燶，内面保持軟淋配醬係柚子燒烤汁令牛肉更加提鮮去肥膩由於靚牛本身就唔需要太過調味，所以店家沒有調味就拿去燒因此台面都有 黑椒同鹽作調味西瓜味波子汔水純粹想有多點日本感覺所以叫黎點綴

經過咗咁多次之後，終於搵到機會拉埋阿妹一齊try try有得自己係石板燒嘅Medium Rare Steak！menu有好多款牛，有選擇困難症嘅我地真係揀咗陣先決定到食咩🤣係門口落完order俾錢，就可以入去坐住等。坐低無耐就已經可以出去攞餐🤣基本上店員會燒到要求嘅生熟度，攞到埋位就可以即刻開餐！.係出面睇都唔覺原來入面都幾闊落🤣🌟牛柳300g+汽水、沙律、白飯set （蒜油）依個set真係一見到就wow咗聲😂 好 大 舊真係完全唔怕會唔夠飽識食嘅緊係嗌三成熟啦！一切開見到入面仲好粉嫩，肉質鮮嫩，完全唔韌鍾意食生啲嘅完全no problem，食食下想食舊熟啲嘅又可以切開攤係塊石板上燒，方便晒鍾意食唔同生熟程度嘅人一齊share🥰🌟後腰三角肉300g+汽水、沙律、白飯set（蒜油）另外見到後腰三角肉好似無試過，就緊係order埋黎try try啦🤣相比起牛柳就更重牛味，更有咬口鍾意重肉味嘅，絕對推介後腰三角肉！因為塊肉真係好厚，入面相對比較生如果要達medium rare熟度就要比少少耐性係石板度燒多陣喇🤣順帶一提，張檯上有放唔同醬汁。特別推介柚子汁🌟燒到熱辣辣嘅肉配柚子汁真係越食越開胃