峰壽司 (已結業)

與係壽司郎等幾粒鐘食壽司，不如喺度坐得舒舒服服咁食 -「峰壽司」峰壽司依個名我由細聽到大，我諗喺香港都開咗10幾20年，細細個嗰陣就會覺得依間野都幾貴下，好耐好耐冇食過，又見到都有人排隊，所以都入去試吓。今日係星期日中午12點，依間舖頭12點開，早15分鐘已經有人排緊隊，香港人真係幾痴線，咁鬼鍾意排隊，當然我都湊熱鬧排咗陣🐽我同Mcdull，mumug媽一行三人坐係一張都幾舒服嘅四人枱，冇限時咁食嘢真係幾好，仲記得喺壽司郎食，得嗰一粒鐘食野，匆匆忙忙都唔知為乜。我哋叫咗唔同類嘅壽司，普遍嘅質素都幾唔錯幾新鮮，小食蒸蛋沙律都幾唔錯。推介有幾樣野黎到可以試吓：極上蒸蛋$48就咁睇價錢可能貴咗少少，但貴得黎我覺得係值。呢個蒸蛋除咗夠熱夠滑之外，真係幾足料，有啲疑似真嘅蟹肉、另外一細碟上嘅三文魚子，勻埋一齊食幾好食。夏之刺身沙律$69都幾多件刺身喺面，仲有唔少嘅三文魚子，配埋沙律醬一齊食，個味又係嘅夾，抵食夾大件。火炙魚背$26兩件感覺有啲似食元氣嘅左口魚裙邊壽司，可能火炙嘅關係，件壽司入口溶化，充滿魚油嘅味，好食。3個人食到好飽，坐得舒舒服服，食得開開心心，都只係$435，真係咩都抵返晒Mc

下午四點，嚟到峰壽司食下午茶，原來佢仲有lunch set，不過選擇好少，想篤機叫其他嘢食，又篤唔到，想叫人幫手，又無人行過嚟，算啦，求其叫個A餐，追加三文魚刺身刺身薄切，亦講唔上鮮味，$19/3片，算啦套餐A有沙律、8件壽司+1件炸蝦手卷、味噌湯，沙律超hea，就係得椰菜「碎」，個湯好淡，只暖不熱，壽司感覺都好一般，真係唔太鮮味，成個餐最好食係個手卷，夠熱夠脆要加一，感覺唔值，店員成日圍埋吹水，叫極都無人

之前試過其他區嘅分店，始終覺得屯門呢間分店最好食同新鮮，繁忙時間經常大排長龍，如果無用app拎定飛，繁忙時間就咁walk in我試過最少要等1-1.5小時🥲🥲所以以後每次想食都會提早用app拎定飛先過去🤣如果五點幾去到就通常唔洗等太耐😏·1️⃣辛辣龍之卷($78)雖然個名叫辛辣，但其實係指壽司上面嘅熱浪薯片同埋明太子醬，第一次食覺得幾特別，唔會放過碟上嘅薯片🤣🤣中間嘅炸蝦都炸得好香脆，一啖過連埋蟹籽同薯片，個口脆有脆又軟，仲有惹味嘅明太子，好正🤤🤤·2️⃣五點刺身盛($158)總共有五款刺身：三文魚、吞拿魚、甜蝦、帶子，同埋油甘魚(應該係🤔)厚度正常，唔會話特別厚或者薄，都新鮮，呢個份量黎講都算抵食👍🏻·3️⃣特大三文魚三點盛($39)三款長長三文魚壽司，我自己一個ko一碟都得😂平均都係$13一件，每次黎食都必點😍😍·4️⃣特大一本海鰻魚($38)呢款得一件相對貴少少，我自己麻麻地中意食海鰻，海鰻唔同鰻魚，但佢無平時果種鰻魚，唯有叫海鰻😢😢味道正常，係乾左少少·5️⃣竹輪薯仔沙律($42)基本上我食上面果幾款野食已經飽飽地，呢款係A先生想食嘅😂我只係食左一件，其他佢自己食晒😆竹輪好彈牙，中間塞滿左薯仔沙律

今日去咗試下呢間峰壽司平時都無留意開呢間壽司鋪咁岩今日朋友黎屯門提議食呢間壽司於是我地就去咗試一試😊因為我提早係app拎定飛所以就返時間去餐廳就入得，唔洗係門口等咁耐環境同平時既壽司鋪差唔多我地今次坐卡位座位都幾舒服同乾淨😁之後就叫咗幾款壽司以呢啲平民價錢黎講呢到既壽司絕對係超抵食！！魚生都係幾新鮮，唔會有雪藏味另外我最鍾意既就係燉蛋😍😍😍希望下次黎可以再試下其他壽司因為今次得兩個人，所以食到既壽司太少🥲

天氣熱，於是叫外賣送到上門。打開餐盒之後其實幾滿意，野食一黎冇少到, 外觀同份量比起之前堂食體驗既好。另外，亦都有細冰袋減低大熱天時壽司變壞既機會。可惜既係，食三文魚腩壽司既時候，咬咬下發覺有舊硬硬地既野，吐出黎之後發現原來係條細骨。希望師傅以後處理食材個陣會更加注意。

午市套餐價錢親民之餘份量亦做足，制作認真👍，怪不得有一定捧場客。Set A 壽司盛🍣 $698件壽司+1件手卷，超值到不得了！壽司有三文魚腩、三文魚、鯖魚、八爪魚🐙、千尋蝦🦐、北寄貝、八瓜魚芥辣軍艦、蔥粒吞拿魚腩軍艦，鮮味一般。反而炸蝦手卷就有驚喜😍，炸蝦酥脆可口，食落索索聲，紫菜亦係脆卜卜。沙律🥗係高麗菜+蕃茄🍅，份量比預期大好多，蔬菜新鮮。麵鼓湯亦好大碗，裏面有我至愛嘅炸豆腐卜絲，鹹度適中，好飲係必然啦！

今日叫左峰壽司嘅午市套餐:蒜香三文魚飯+迷你湯烏冬+沙律 ($79)另叫一碗三文魚麵豉湯好飲！好飽好抵食！所有野食都落足料！三文魚飯裏面有紫菜，所以更加提升左三文魚飯嘅味道。另外，個三文魚飯都唔需要特別加豉油，因為啲蒜汁同紫菜飯已經夠味！不過始終每個人嘅個人口味唔同，就因人而異啦！

呢間壽司店喺屯門Vcity都開咗幾年，今日午市嚟食，只係等咗一陣間就有位。.午市有套餐選擇，個人覺得價錢唔算平⋯選擇亦唔係好多，不過唔啱食都可以散叫。.//「Set A壽司盤 $69」🍽：我揀咗最平嘅套餐，包沙律、麵豉湯、8件壽司及一件手卷。壽司盤好快就經輸送帶送到，我食咗幾件壽司，沙律同湯先由職員送上，明顯地我覺得先後次序唔啱啦！😂🤷🏻‍♀️壽司都算新鮮，湯都幾大碗，至於個沙律真係唔食都無所謂！😌

想食屯門食壽司就會諗起峰壽司，就近屯門西鐵站，係正 v city 入面，但次次黎親v city 呢間峰壽司都排哂長龍，呢度食壽司唯一唔好就係冇得電話訂位，每次黎到都唔知要等幾耐不得不說呢度午市堅抵食，～ 60 蚊就叫到個拼盆，再有埋都豉湯同沙律，cp 值高。壽司黎講話好高質特別好食又唔係，不過都唔差，呢個價錢可以食到咁多壽司都算係咁，重點係款式都好多仲可以再散叫其架壽司 or 小食，個炸蝦天婦羅食落都好香脆得黎又唔係全部都係粉，值得一推。

屯門市中心呢一個vcity商場喺正西鐵站旁邊～位置好易搵㗎咋當日去到就約埋細佬一齊去食個壽司下午茶有機會要等一陣啊你知道下午茶呢啲抵食時段一定好多人都係自助落單模式～用枱頭嗰部平板電腦落單就得㗎啦

無論打電話嗌定app外賣自取都有85折自從佢有依個優惠之外，好似食多咗好多😂但兩邊嘅menu唔同例如app有lunch set但又無我最鐘意嘅辛辣龍之卷所以通常我都係打電話嚟嗌85折完之後，依兩盤加埋都係$234-辛辣龍之卷 $78每次都一定嗌依個其實就係炸蝦卷+蟹籽+熱浪+辣嘅沙律醬依個配搭邊到有得輸無論係口感定味道都好正生啪成條都唔難-軟殼蟹卷 $64另一個我都幾鍾意嘅卷物不過都係龍之卷好食啲🥳-油甘魚盛 $32刺身好厚身，不過質素就一般般唔算好鮮甜-特大三文魚三點盛 $39三舊都真係特大size一件嘅刺身等於平時嗰啲嘅兩件-火炙明太子醬玉子 $16如果多啲醬就更加好啦🥺-魚背$28 & 三文魚細卷 $18都係正常質素啦

話說好耐冇食峰壽司，見疫情好翻小小就黎食下啦。蛋壽司、燒三文魚、燒帶子、腐皮壽司都好味；食物上得快，服務都可以。唯一係食緊野見隔離枱叫左個蒸蛋，突然大叫，原來有隻小強係蒸籠爬緊😂如果係我實驚到反枱🤨

冇等好耐就入咗去，距離上一次食都係好耐之前嘅事。叫咗鵝肝壽司，不過比起上次食細舊咗少少。不過壽司都一樣咁好味。整體環境都算乾淨同埋舒服，服務不錯，價錢合理，期待下次再食。

8點入席 同男朋友諗住食番個日式晚餐😩1. 特上峰壽司盛合全部sold out 2. 熊本直送鮮魚幾乎全部sold out 3. 軟殼蟹係硬既 >> 咬唔開4. 最恐怖係條燒靖魚 >> 腥到嘔番出黎

之前食飯時間行過都見到唔少人係度等位，可能因為附近食迴轉壽司嘅選擇唔係好多！不過近排因為疫情關係，佢地暫時都無做迴轉壽司，客人可以用電子落單，壽司都會照係輸送帶傳過黎嫁😂**********<峰壽司盛合(2人前)> $188因為太懶唔想揀嘅關係，而且盛合價錢應該比散叫平啲，所以我地就直接叫左個壽司set！每款壽司都有兩件，適合兩個人share食嫁😚如果唔係特別唔食某啲魚生嘅話，依個set都唔錯嫁，有三文魚、呑拿魚、左口魚邊、帶子、蝦、玉子壽司⋯⋯不過刺身就唔係話特別新鮮，叫做不過不失啦🤓**********<特大三文魚三點盛> $38依個盛包左三件特大壽司，有特大火炙三文魚、特大三文魚同埋特大漁師風三文魚，三文魚係平時嘅double size，可以拖到條尾出黎嫁😍依三件三文魚嘅部位比上面個件靚，食落口感好肥美，可以用三文魚包住舊飯咁食好滿足😈