川之味麻辣米線 (已結業)

好好味第一次食川之味！ 我地都係open rice 隨機搵間米線🍜舖頭去試食！ 好彩我地早左小小到，唔係就有排排隊！ 我點左個豬潤、雞肉 小辣米線！ 米線底幾好食，有煙un既感覺！ 湯底都好好味！ 夠麻夠辣又夠香！ 不過雞肉就煮得太老，扣左分！ 另外我地都有點雞翼！ 佢地既雞翼燒得好香，又夠乾身！ 因為我鐘意食 香口d 既野！ 所以雞翼都好啱我食！ 但麻辣雞翼都幾辣！ 食唔到辣既人 建議食香草味🌿下次一定要試佢既炸醬！ 試左朋友既炸醬，真心 係食過最好食既炸醬！ 因為我唔鐘意偏甜既炸醬，所以呢間太啱我口味啦！

我好少特登用我寶貴的時間去打一篇差評, 但氣上心頭, 希望呢篇文唔好比果D 要交數的好評蓋過。首先係我係六點八入座, 食之前我知自己有下一場要七時左右去到, 我知自己未必夠時間食晒, 我自己帶定了食物盒諗住食幾啖然後帶走D食物就走。當時餐廳仲未好full, 有檯有凳有空位剩,而我又一袋二袋, 用左一個位放野呀姐叫我坐埋一個位,我同佢講「我好快就走」佢好不憤氣地問我「gam 你係唔係外賣?」我話: 「唔係」佢再問多次: 「gam 你係唔係外賣?」最後我答: 「唔係, 我係到食兩啖」佢一連發悔氣地問左兩次, 明眼人都聽得出佢想趕人走 (你外賣就唔好坐入黎)然後落完order, 佢好大聲叫廚房「呢張單快D」一, 首先我係你仲有位剩, 仲未好多人full house 要等位時, 我先攞多你一張凳,你洗唔洗gam 的態度? 二, 如果你人多到要等位我梗係會讓番個「寶貴」的位比你, 作為香港人, 難到呢樣要教?三, 我有盒帶走, 唔代表我外賣, 你需唔需要趕一個堂食的人走?或許係今日香港充斥著連鎖的店舖時, 小店是要多多支持, 讓他們在夾縫中生存。But I am so sad to tell y

之前見到呢間米線排好多隊，今日星期一就約朋友去食。好彩都唔洗點等🤓咁我唔太食得辣就叫左個腩肉、貢丸，麻辣三小。一開頭已經心諗，呢個辣度嘅分類做乜咁似譚仔😂😂之後食左第一啖，我真係覺得自己食緊譚仔😨😨對我黎講香港嘅米線就分兩類，一個係譚仔，個湯清清地，唔算太有味。一個係好似雲貴香咁，本身個湯都好咸好有味。咁呢個係個湯清清地個款。個人唔太中意。咁係幾抵食。大大碗另外又叫左個雞翼，有辣有唔辣土匪雞翼嘅味，即整。本身我都覺得土匪雞翼好食，所以呢個我都俾好評😂😂

呢日食LUNCH去左呢間度食米線 -川之味麻辣米線。其實呢間野極近我公司, 每日返工/食飯/放工都周不時會經過~每次經過都會聞到好香嘅麻辣味同香料味!我之前食過都覺得好食的!只係呢間野成日LUNCH都好多人,見到要等, 我就會放棄的了今日見唔洗等, 就入左去食~都係自選餸菜米線啦~佢呢度主力係食麻辣米線的~但我個人一向中意食酸辣米線多D~如果食麻辣米線, $35包一餸~但酸辣米線, 可能因配料多左吧?會有酸菜同炸醬。同價, 都係$35, 但唔包餸, 餸另計~少來食嘛, 一叫就叫豐富D來食啦我叫左墨丸, 羅白, 牛肉, 腐竹酸辣米線~4款$7餸, 加$35酸辣米線, 合共$63其實都少貴~ 但好食, 同堅大碗的!羅白大大舊! 夠林夠入味!墨丸彈牙, 都可以腐竹大大塊! 吸湯一絕!吸左酸酸辣辣的湯, 真心正炸醬酸辣米線配料來, 辣的, 份量都多的~ 攪勻佢落個湯到,同米線一齊食, 酸菜酸辣米線會有酸菜做配料,堅酸, 但好食, 超開胃~成到成個湯都酸牛肉量都唔少~ 唔係畀醃肉粉整到林晒冇晒口感嗰D來~唔un, 都有肉味~唔錯的~呢間小店, 店細位唔多, 但成日都坐滿人, 總有佢原因: 當然係

朋友介紹過幾次有間米線係太子好食, 一直無咩時間黎食, 黎得呢頭多數都係去飲下野啦,點會黎呢到食米線。 今次就去終於去食, 川之味,舖位細細, 小店經營。必食係豬軟骨, 由於我唔係好肚餓,所以我只係叫左大腸同埋豬軟骨。佢係以點餸形食,唔係set死既我要左豬軟骨,大腸,中辣, 我叫中辣時,個店既姐姐都好驚我辣得濟。不過在我黎講無問題, 因為我鍾意辣既。而且咪道好好,又足料, 好值得黎食。而且佢啲米線都好好食,唔會林到散晒既, 絕對可以再 encore 。

今日放工約左友人食米線 最後簡左呢間一坐低即刻叫左好出名既豬軟骨 另外要炸醬 竹笙 麻辣米線 小辣 （炸醬吾記得叫另上 但其實浸湯又幾好食真係好好食呢個豬軟骨 有2大舊 軟骨入口即溶 吾係講笑 叫左小食 香草煎雞翼

如果你係好中意食米線但又唔想食到上癮，咁你就千其唔好黎川之味食呢日朋友帶左我黎川之味食麻辣米線，佢話係佢食過最好味既米線，我就即管試下有幾好味平時食米線最怕個湯太咸同埋食到d淋patpat既米線，但係川之味個湯底非常之重麻辣味，米線亦都唔會煮得過火，食既時候都非常之有咬口麻辣米線都有分大中小辣，落單個陣本身想試4小辣，但係侍應問我食過未，如果未食過又唔食得太辣，第一次就唔好食4小辣。我唔算可以食得太辣，聽完侍應建議就叫左3餸米線3小辣。同行友人就叫左大碗米線乜餸都有上菜個陣即刻試個湯底，3小辣的確係岩岩好，如果再辣多一度就應該會辣到食唔落豬肚豬軟骨炸魚皮三餸米線～d豬肚同豬軟骨滷得好入味，炸魚皮都好脆口～友人的十餸大碗米線～d餸好似冇散叫咁吸引，建議大家黎可以散叫唔駛叫大碗～另外麻辣芥雞翼非常惹味，大家可以叫黎試下

太子既川之味米線係我心目中最好味既米線top3之一，小小既店鋪但有好多既配料可以揀，其中，我每次都必點既就係豬軟骨墨魚頭麻辣米線。川之味既麻辣分大、中、小辣，其中小辣又再分十級同埋1/20既bb辣，同其他連鎖米線店相比，呢度既麻辣係比較辣既，而且未入到間鋪頭已經喺門外聞到陣陣麻辣香，好吸引，又香又夠辣。至於配料方面，墨魚頭係比較少見既配料，所以我每次黎都必點，夠哂爽口。同另一款我叫配豬軟骨有好大既反差，呢度既豬軟骨淋到有入口即溶既感覺，而且非常入味，係我既推介！

自從食完麻辣火鍋，我已經唔再怕辣，仲好鍾意食辣。就係鍾意果種食到口水鼻涕流哂出黎果種感覺。 火鍋唔可以日日食，但有一種叫麻辣米線就可以喇！我同叮叮係附近睇完戲都差唔多９點半，好多店舖都應該last order左。全靠開飯喇，輕輕鬆鬆搵到間收好夜既，忍唔住喇！！ 豬潤肥牛麻辣米線(6級辣)豬潤同米線係不可或缺既，索哂湯底精華，冇得輸。 豬潤豬軟骨麻辣米線(5級辣)豬軟骨都煮得好入味，不過覺得同麻辣味會唔太夾。 麻辣雞翼本身都怕樣樣都辣，會食唔出果種味道。點知都有驚喜，食到果種辛辣粉味，各有特色，唔會喧賓奪主。 依度既員工態度唔係好好，因為我提問辣度既分別，又或者唔夠辣可唔可以加辣，員工都唔太明客人想問D咩，同開始唔耐煩。不過地道小店加上員工多數家庭式運作，咁都係接受範圍之內既。 但出品就真係有番咁上下保證，就好似5級辣同6級辣係有明顯分別，依樣真心覺得做得好。同埋依度有提供大大碗既套餐，岩哂放工麻甩佬又或者兩個人開心SHARE，又試到咁多款料。 又一個美好星期五，雖然雨水滴嗒滴嗒，亦沒有令我們狼狽起來，反而在人來人往的街道上看著雨境，藉此貪多一刻鐘。

呢間店其實由我中學開始已經開始食😂😂😂😂😂😂但我到而家先幫佢寫食評 因為唔想佢紅左就大排長龍（好耐之前已經要排隊喇😭😭😭）我唔係指我寫完就會紅啦🙈🙈🙈🙈🙈黎呢度我淨係食一樣餸！ 豬！軟！骨！❤️❤️❤️❤️❤️❤️❤️❤️❤️❤️❤️❤️❤️真係大愛佢地既豬軟骨呀❤️❤️❤️❤️❤️佢地既係滷水豬軟骨係非常超級入味同埋燘得好稔❤️❤️❤️❤️❤️❤️❤️❤️❤️❤️超級正！佢地豬軟骨燘到入口即溶..... 鍾意食稔豬軟骨既人一定愛💕💕💕💕💕💕💕💕我係食米粉 麻辣2小辣通常係譚仔食開中辣既我黎呢度都係食到3小辣！落單既時候 可愛既紅紅係會提醒你架～但有d人會覺得地態度唔好... 但其實愣地內心係真心善良同好好人架😊😊大家唔好誤會佢地啦如果佢可以散叫豬軟骨就好了🙈🙈🙈

每當經過太子，都一定會想起川之味，因為她的麻辣真是獨一無二的。今晚十點是世界盃季軍戰，已經約了一班好友在太子酒吧一同觀看賽事，所以，自然要去在旁的川之味吃晚餐了。這次試試她的中碗米線套餐小辣 + 豆漿 ($61) ，大概等了五分鐘，一碗麻香噗鼻的米線就到我眼前，看得出非常足料。先試試個湯底，由於這裡的麻辣比其他米線店都來得辣，所以，小辣已經差不多是我的極限了。雖然很辣，但卻很爽。原本我不吃酸菜的，怎知吃完覺得沒想像中那麼酸，而且酸中帶甜，十分開胃。豬潤也十分爽口，腩肉則肥瘦剛好，大部分的配料都是恰到好處。

每嗰月總有幾日想食川之味🤩🤩想食哩度既豬軟骨，啲骨膠原多到呢💕💕💕係女仔都想多啲骨膠原架啦🤫🤫🤫不過見每次食親都好似淨係食哩款，所以決定今次試新野，其實都係雞C，牛丸，腩肉同埋菜，米線轉米粉，食最小既麻辣🤨🤨🤨次次都想挑戰食辣啲，但又怕頂唔順喎！等食其間有嗰男人頂唔順叫姐姐加啲清湯，佢好次話食三小辣架，好采我乖乖地嗌最少辣😵😵😵一路等食，一路睇心宮計🤩🤩🤩碗粉終於到吐，啲雞C又真係好多喎，牛丸就麻麻地，腩肉好野味，索哂啲汁，有少少辣既，所以拎到成碗湯啲辣度提升左🤩🤩🤩

平時可能大家都係食米線都係揀譚仔多，但係其實仲有好多其他 choice, 我最近就發現，其實呢間係太子站附近嘅 川之哋麻辣米線 都唔錯，價錢差唔多，但係佢個辣味好過隱，回味，面條都係軟硬程度也係恰到好處。另外，小食比如雞翼亦係非超水準，超級推介。小心呢，個辣度都幾厲害，無論係食面，定係雞翼小食，唔食得辣就唔好亂食啦，記住叫小辣，或者走辣tim ！但係呢，對普遍嘅連鎖米線鋪頭黎比較，呢到無論係用餐環境，定係服務都可能會略遜。

5月5星期六下午六時四十五分，入到舖頭，全場得三四成客，我和女兒找咗轉弯一張四人枱，老板娘幫我落單，諗著靜坐等食，點知果位資深的樓面經過，叫我地坐埋一邊，我講仲有好多枱，如果你客多，我會自動轉番比你，佢係都要我轉枱坐埋一邊，好我轉，怕咗你依依哦哦，入去食碗米線啫，要比阿媽教訓完先準食，我食完全店不夠一半客，有2個客咪又係霸四人枱，啞咗呀資深員工，提議門口貼番張纸，要安排入座啦。 碗米線都幾好味，但真係加埋一肚氣

服務態度差，叫極都無人落單，洗碗阿姐唔落單，但見到都唔理你，又唔叫第二個幫你。老水原來唔係湯底，問下就串你，雙併35蚊+8蚊，最後唔知點解係48蚊，都廢事同你計。米線林到好似一pat 野，原全無口感，湯底得個辣字，無其他味，豬軟骨叫做ok，叫入味，但無用，d 湯底辣到你feel 唔到老水味。廚房污糟到嚇人，成地濕立立，d 食材又放側面，如果一早見到唔會食。比錢唔知邊到比，出尾要行人廚房比，垃圾到咁都有人排隊。