川之味麻辣米線 (已結業)

平時到太子行街，第一時間會諗到食川之味，因為佢嘅麻辣米線係我嘅最愛。。。。價錢合理，食物品種又多今次點左蘿蔔，豬軟骨米線，麻辣湯底就左6小辣，由於太好食，最後食到連湯底都清埋咁叫左一份麻辣雞翼（6只），一碟油菜，雞翼上枱時唔好即刻食，因為真係超熱，會燙到👄仔最後仲要加埋咸檸七做ending，簡直完美吖 後記：食完發覺原來7月29日係全國 雞翼日🤗🤗

係一條好多酒吧既街上，有一間唔顯眼但幾出色既米線餐廳價錢唔算太貴，同三哥差唔多。今日同男朋友黎食下午茶，因為我地兩個唔算太餓，就叫一碗share黎食。因為男朋友唔食得辣，我哋就揀咗清湯。餸個方面，我地揀左豬腸同豬軟骨。兩者都炆得好腍好入味豬軟骨直頭係入口即化，然後有種骨膠原漿住個口既感覺～十分推薦！男朋友話呢一度嘅麻辣好正，不過佢連最小辣都頂唔順😂😂所以好期待下次自私食既時候一戰呢度既麻辣！另外好推介呢度既凍豆漿，豆味濃，甜度適中，而且一杯都只係5蚊咋！

上次睇完戲以為佢好早收所以嚟唔到 ，今次專登過嚟再睇佢有冇開工，原來佢星期一至星期六係可以開到凌晨12點 ，都好方便。之後我哋十點幾嚟到嘅時候其實都已經到滿座 ，我哋今次兩個人就諗住叫一碗大嘅米線再加個雙拼嘅雞翼 。大米線 62蚊 ，米線今次比較偏淋口感，但係餸份量去十分之多， 而且仲有生菜坐底所以其實兩個人嚟食都幾飽肚 。我哋揀咗二小辣就比較少 辣 ，所以如果下次再嚟食應該會食4小辣會比較好啲 。之後雞翼冇耐都嚟到，今次我哋嗌咗一邊係辣一邊唔辣 ，唔知點解喇嗰邊係特別細隻。 但係好彩係兩個嘅味道都保持到水準 。呢度坐嘅位都算係舒服都夠有空間，唔會話太迫而且衛生程度都唔錯。所以有陣時上嚟食米線嘅話都會呢間食。

我都幾鍾意食米線，經過附近未食過，一於試吓啦。叫左三隻香草雞翼，好乾身同鞋口。米線叫咗小辣，但係我覺得同出邊食嘅中辣辣度一樣，湯底得個辣字，完全唔想飲，餃子似係自己包，因為個皮真係好厚😅，肥腸係我食米線必點嘅餸，可惜味道都係麻麻，唔拎好食既黎比較，我寧願食返譚仔。

今日去川之味食lunch ，兩個人share個一小辣大碗米線，可惜我唔係學生，無得送雞翼，惟有另外叫咗一客香草同一客麻辣雞翼米線雖然叫咗一小辣，但呢一小辣俾譚仔辣好多，好彩食食下適應到，米線幾多餸，但啲餸味道普通，比較好係豬潤夠爽，豆卜吸湯，米線都幾爽，可惜無包呢度出名嘅墨魚頭。麻辣雞翼唔算好辣，香草雞翼有啲似土匪雞翼，每份各三隻。提提大家呢間舖唔包茶水，口渴要叫野飲，要讚係咁辣食完都唔口渴，頂得住冇叫飲品

依間米線店係facebook見有老友記推介，我依啲米線迷梗係要去會一會佢啦！試下佢究竟有咩咁好食開到晚上12點，我差不多晚上11點到都差唔多全場爆滿，可足見佢既魅力有幾強勁！坐低睇睇，想試腩肉同香茜餃，老友記試墨魚頭同香茜餃~但想叫豆漿飲已經賣哂了腩肉香茜餃中辣米線好多料呀，腩肉都好多片，咸香爽口，幾好食呀香茜餃都有茜味，如果茜味可以再濃啲就好（我係茜怪）整體偏咸，但皮薄肉多，都唔錯既！我夾左老友記個墨魚頭試，爽口鮮甜，好食！米線個量多到好似食唔完咁，好勁呀！男土都肯定足夠飽肚喇！至於個辣度都唔係流架，佢個中辣等於譚仔大辣咁上下，食到我狂噴汗！哈哈哈！

川之味，很多年前是一間毫不起眼的小店，隱身在繁囂的鬧市中，沒有光鮮的門面、華麗的裝修、精緻的擺設。吸引着我而來的，是那陣刺激味蕾的麻辣香氣。由幾年前＄24，不斷加價，到現在＄30一碗一餸，加幅大，但也是無可奈何，租金壓力和原材料價格上升吧！不過相對於一般食肆，價錢還是吸引。當然還有份量，一直沿用大大的面碗，可惜蘿蔔已經由以前六舊減到四舊⋯⋯說說味道，毋庸置疑是10分美味！那一種麻甩的香氣令人欲罷不能！這裏的辣分了大中小辣，單是小辣已經有五級，初嘗小辣第一級已經10分足夠！相比起其他知名的米線店，這裏的湯底是比較辣的，最強烈的辣味是來自於表面的那層辣油。我曾經試過中辣，是一碗橙色的液體，吃到口水鼻涕一齊流，試了一次之後不敢再吃（傷心酸辣粉我吃中辣沒有問題）至於用料，不可說是很新鮮，是一般貨色吧！除了米線之外，喜愛吃煎炸的我，每次都會點雙拼雞翼和雙拼煎餃。雞翼的價錢比起外面算是實惠，煎餃價格也合理，餡料充足，只是煎的時候每一隻都破口，未能保存肉汁。 靠着獨特的味道、經濟的價錢，這小店不立不倒。希望這種美味能夠一直保存落去。

呢間野都食左三四年，門面雖然好up dup，但係你一經過門口，總會比佢既香味深深吸引住！個陣香味相信係土匪雞翼既香料味！十分正！食左幾年，以前覺得D呀姐都幾cool幾串，但近年發現，佢地都會同熟客吹下水咁。今日我健康D食左竹笙米線，四小辣（不用加錢，五小辣以上要加錢的！但四都已經辣到飛起！）米線都好大碗架！有需要就叫少米線啦～最喜歡竹笙索晒D辣味! 裡面有芽菜同韮菜（我喜歡走九），芽菜都好索辣味架！奶茶都好正！十分好飲！ 解辣最好！

無辣不歡的我最愛食麻辣米線而且一定會叫最大的辣度。試過不同的食店，大辣的多數係完全唔辣不特止，仲成碗油。所以我嘅最愛始終係譚仔，欣賞它的特辣也不會帶油。而川之味，就是我心目中的第二位。大辣-雖然油多過譚仔，但尚可接受. 仲有，鍾意佢有黑栢葉, 出面唔係好多地方有。譚仔迷一定會覺得'川'泊得住'譚', 分別在於，譚仔: 辣而不麻~川之昧麻而不辣~今次唔係第一次來，同樣地點叫大辣，同樣地阿姐問, "你食過未㗎?" (我心諗，怕你唔夠辣咋~~)不同是，今次食完後阿姐同我講..."嘩，勁喎，食得哂"忠告: 唔食得辣真係唔好亂試，坐我對面兩位哥仔叫10小辣係咁話辣到飛起，而我就.....冇咩反應😑

自從辣友介紹呢間全港辣度檑台榜三甲之後，我就經常黎排戰。平時食開大辣嘅我，只敢試小10辣（小辣之中最辣），加一蚊。雖然中辣只係加2蚊，但我怕成碗食唔到要送番俾廚房。言歸正傳，推介豬軟骨，我每次都食兩份。軟骨部分已經炆到近乎溶，肉質浸住湯仍然非常入味。兩人的話不妨試食大碗，極飽。唯一係上菜都等幾耐，等到忟，同埋阿姐好大聲得黎有禮貌，廚房係感覺幾污漕，視線要避開。

工作地點附近，食左都好幾年。其中有一年冇食，係因為我試過食廁紙。。。我以為碗入面塊野係腐竹點知放入口覺得好怪。。。隔左年幾，都係鼓起勇起再去，畢竟係我覺得最好食既一間。麻辣程度有十級，四小辣以下不用加錢，但我覺四小辣已是其他米線鋪中辣級數。推薦係豬軟骨，十分入味星期日不開門，大家不要摸門釘啊～

每年行年宵前總會到訪呢間米線，但今日心血來潮想食就約左住旺角既friend 子一齊食。佢個門口都幾up dup，但係通常越up dup代表越好食（小編定律only🙈）其實他賣既種類都同出面啲米線專門店差唔多，價位平少少咁啦！我地今日兩個人就order左個大碗米線套餐share💁🏻啲料極多！啲料極多！啲料極多！很重要所以要重複三次😂本人最like配料係雞肉，在場聽到人地自選都係雞肉配xx，可見雞肉真係猛料😏但可惜friend 子唔食辣，所以今日只可食清湯，實在美中不足😌雖然清湯都唔錯，但更懷念麻辣的味道，下次等我自私食碗麻辣先😋😋

呢間店有返咁上下年紀以前去太子補習，曾經同同學成日嚟呢度當係飯堂，讀書時慳錢丫嘛印象中麻辣米線幾好食，經過回味一下自從譚仔開到周街都係，食親辣野心𥚃面都有個比較，呢度嘅小辣都分好多級，一於試8級小辣呢度1級小辣先係最小辣鯊魚丸雞肉麻辣米線$36比我預期大碗，好多米線辣味係偏麻，輕微甜甜地嘅香，餸嘅份量唔算多，但可以接受嘅。另外凍檸茶加$8係呢度其中一個重點，係身邊不斷出現有霸氣嘅姐姐，其實想坐多d客係正常嘅，不過唔知係咪食客都大致上後生過佢，所以感覺上大家都似佢條o靚不過算啦，食快餐本身唔預有咩服務見到有熟客同佢傾到下計，可能無咩惡意嘅。

我真係好鍾意食米線㗎！除左喜歡吃譚仔，川之味就係我嘅second choice！間唔中都會掛住呢度嘅米線！佢個種辣同譚仔有少少唔同，湯底有啲甜味。喺呢度我就會叫十分之二辣。呢到比譚仔正既野係佢有得揀豬手或者係豬軟骨米線佢嘅豬手同豬軟骨都係非常之正嘅！滷水滷得好入味同埋好冧！ 而且米線嘅分量好多，每次都食到好飽！價錢亦都唔會好貴。不過呢度真係街坊生意，話開11點，我11點半黎都未準備好。 呢個就係我叫嘅雞肉豬軟骨米線啦！佢哋雞肉比譚仔嘅大舊，唔會散收收一舊仔一舊仔咁樣。所以好有咬口而且淥得都入味！d辣融入左雞肉到既時候好好味！旁邊就係煲到啲軟骨完全林哂，基本上咬唔到骨既程度！啲滷水入曬去肉嘅當中，基本上可以唔洗點咬就吞，好香好香！

今日晏晝再黎川之味，佢真係有種魔力，令你一再光顧吸收左上次嘅經驗，食酸辣就28蚊另加送就加7蚊，今次就食麻辣米線唔辣跟一個送28蚊，加個7蚊嘅炸醬呢個清湯底奶白色，相信都煲左一段時間，加上有腐皮，芽菜，韮菜做伴菜，同酸辣比就雖少左一份吸引力，但跟一個送，雞肉大件其實都幾抵食，不過炸醬都好吸引！味道較出衆，撈埋啲米線一流，呢個都幾有乜哥嘅影子，但略為濕左小小，份量都算多，今次咁食都係35蚊，都ok