川之味麻辣米線 (已結業)

這間餐廳開咗好耐，環境好逼，座位好密，整間店舖感覺也好逼，但想講客人係晚晚爆棚，原因就係好食啦，如果晤係，晤會甘多人，麻辣米線有好多款送比你揀，又大碗，辣的情度1-10，仲有更辣。😐佢個香草雞亦今次食晤夠味，但以住就好有味，可能掩得晤夠時間。

今日行行下見到間米線，睇落甘多人排隊，咪諗住試下入到去客都未走，枱又未收，明明張枱只夠坐四人，又逼六個人入去，哪佢落單，又不耐煩甘，米線又淋，得個大大碗，芽菜仲黑黑地，一路食一路手都抬唔起，點樣食，俾錢個震一望佢廚房，污穢到即刻想吐番出黎，無下次，永不回頭，點解甘都可以甘多人食同等位，完全唔明白

係太子番工既大少👦🏻常常推薦我食呢間米線，因為豬軟骨煮到非常既淋同入味🤤，所以上星期接佢收工時就一齊食呢間米線～～豬軟骨炸魚皮腩肉米線 $30+$7+$8 貪心既我叫左好多餸，豬軟骨真係幾正，軟骨都變晒膠質，炸魚皮如果可以分開上就更好，之前試過單點，口感非常酥脆，浸落熱湯便發出「炸炸」聲音😛腩肉就肥肉多啲，份量都幾多❤️ . 豬軟骨米線 $33 麻辣湯底有小(1-10)/中/大辣揀，大少最中意個湯底夠晒麻同好入味既豬軟骨💁🏻‍♂️ 香草雞翼 $16雞翼正正常常，但夠晒熱同惹味不過餐廳坐位唔多，同坐得有啲逼，屬於食完要即閃既餐廳一類🤣餐牌

蘋果仲話推薦呢間米線😥滿心歡喜試下太子有乜好米線，真係有啲失望。第一樣想講下衞生先~disgusting見住個呀叔倒完垃圾, 返黎唔洗手直接用手捧碗米線俾啲客人食好歹你間鋪咁細個個見到你都做下樣洗個手是常識吧至於環境同服務，服務態度極差,自已鋪頭唔夠位又係咁迫人換位比佢😡啲座位又窄又迫，仲要趕住收走人地啲碗，方死人地霸住啲位。唔想做生意可以唔好早，thanks啲餸都過得去，但個湯底得個麻淡而無味，唔知係兌左水定點。

呢2日天氣又凍返，又會心思思想食米線，每次行到太子酒吧街，就會俾川之味既麻辣味吸引左入去，實在太香啦之前黎趁都會同男朋友share大碗米線，貪佢多餸唔洗諗，但呢次由於我要介口唔食太辣，係辣度配合唔到之下就各自叫1碗！都係好事黎既，總算有機會試到豬軟骨今次叫左2餸，1小辣 ，豬軟骨+蘿蔔豬軟骨~果然係黃牌，好入味好入味，軟骨入口瞬間軟化，可惜只有2件白蘿蔔~好得，蘿蔔有4件，夠晒清甜，重點是沒有渣米線配有少量芽菜，腐皮，韮菜另外，再叫碟炸魚皮，脆卜卜~即食又得，放落湯浸3下再食又得，脆既程度自己決定男友叫左豬軟骨+墨丸~墨丸就令我最失望，墨丸還是3哥好d

唔知點解米線，係大部份女士嘅favor，我都唔例外，好鍾意食。出名個裕X,三X,其實都食過，始終最愛呢間。平時我會叫炸醬酸菜，最多加個雞絲，我食唔辣嘅。不過今次。。。。居然無酸菜，我即時跌落谷底，佢嘅酸菜少酸夠爽，一試難忘，次次實叫嘅不二之選，企係到唸左一陣，好在佢大部份餸都唔錯，退而求其次，食佢嘅豬軟骨，其實都尚算入味，軟骨真係夠軟嘅，炸醬唔駛講 好少嘅辣，但送米線 ，一絕。不能不提，我聽過幾次，包括朋友叫4小辣或以上，姐姐係會同你講，我地真係好辣喎，你唸清楚，第一次試住3小辣先啦！我2個朋友好食得辣，都話3小辣都差唔多，所以。。。。奉勸各位，千其咪亂試。仲有，雞翼亦係一絕，如有朋友一齊食，就叫一客香草雞翼share,正當然呢類米線店，食完即走，人多迫到死，呢個無辦法，為二食好嘢，我唔介意，當然有時買下外賣，佢放一段時間都唔會索晒D湯，好正。

星期六中午，跟大小姐午餐忽然想吃米線，今天先放下那些連鎖的米線鋪頭，去光顧一些小店。川之味 - 是一間從我十年前讀中學就在的麻辣米線鋪頭，從來覺得他一點都不比連鎖米線店差，而且味道也相當不錯，最重要的更是他帶有一點人情味，店內的姨姨沒有有趣的口音，卻偶爾有點親切的問候！麻辣米線 ( 3 級辣) - 雞翼尖、炸醬、牛丸大小姐點了麻辣米線 ( 3 級辣) - 雞翼尖、炸醬、牛丸。不加掩飾跟解釋，確實是賣相欠奉，炸醬的醬連在碗邊都可以看到！雖然如此，味道還是不錯的！炸醬雖然是於湯中，沒有攪伴的話味道還是濃濃的；雞翼尖的汁也是相當惹味！大大碗的視覺效果算很不錯！(註: 3小辣大概是平常出面點的"小辣")麻辣米線 ( 1 級辣) - 冬菇、炸醬、墨丸我點了麻辣米線 ( 1 級辣) - 冬菇、炸醬、墨丸。賣相還可以接受，至少沒有骯髒的感覺，炸醬於碗中央，覆蓋著米線跟其他配料。冬菇跟墨丸都是些不會難吃的東西，所以就不多加篇幅描述了。Er…？就這樣？ 那有什麼好介紹？當然是這個香脆炸魚皮！！脆，這是真的酥、真的脆！把魚皮浸泡到湯兩秒鐘，那些"炸炸炸"的聲音，太性感了！被湯浸過的魚皮，沒有變成糊漿，還是

米線團出動，黎到太子既川之味。呢度既十小辣唔係最細既辣，相反，一小辣先係。聽講呢度既辣度比起出名個間連鎖米線係再高d，於是我就簡左二小辣，比我既感覺係佢係麻的，不過相信可以再挑戰多一度。加左杯凍樽茶，不過平時都係食完先飲既我，今次都一樣。至於炸醬，係唔辣既，反而係甜。而且味道好似珍珠雞入面個隻肉碎既醬味，好有趣。呢碗就係二小辣米線，係我既印象中，佢既辣、米線都唔係印象深刻既野黎，所以我覺得佢出色係佢既麻味，反而配料個d我就無話特別鐘意。食完真係好飽，雖然話就話可以挑戰再辣d，但因為佢米線本身唔太吸引我，所以未必會返兜了。不過，對於鐘意麻既朋友，真係必試之選，因為佢真係我試過咁多'麻'辣米線入面，最有'麻'既感覺。

香港數一數二辣米線🌶，鐘意挑戰辣既朋友一定要試👍🏼同一般米線舖一樣都係有n咁多種餸可以揀，但呢間只會叫一種！豬軟骨！呢間既鹵水豬軟骨真係無得輸，非常極之入味，中間既軟骨炆到變左做啫喱，好好味🤤。如果個日貪心啲想叫多個樣，我就會叫墨魚頭，都非常爽脆😋。講到有幾辣🌶呢，呢間有1-10小辣，中辣，大辣，特辣！記住1係最小，10係最大！我平時都算食得辣既，譚仔食小辣既，黎呢間只會食2小辣😬可想言之呢間有幾辣😬。不過食得呢間都一定會受過個個呀姐氣🙂，分工仔細既舖頭，只可一個人負責落單既，指定要個個呀姐。啲唔咸唔淡既廣東話加上個啲語氣，係要食多幾次先習俗到😅

呢間米線仔，鋪仔細細又逼，Ｄ姐姐又霸氣唔慣人講野大聲既人類會覺得佢地服務態度好差其實佢地都幾有人情味。想當年住太子既時候，成日都嚟街口呢間小店差唔多一星期都去三至四日，開頭都覺得Ｄ呀姐冇咩禮貌，原來佢地認得你，仲記得你食咩配料而我食過呢間米線，都好少食其他米線鋪。雞肉豬軟骨豬脷米線中辣每當客人叫親中辣以上，呀姐都會話：你食唔食得辣架，中辣好辣架的確，呢度既中辣已經等於譚Ｘ大辣重點係湯底唔係單一辣。因為每碗都係跟據客人需要煮出來唔係將材料烚完放入湯，係真正入味而且佢既麻真係好麻食完個咀好似冇乜感覺咁豬軟骨好出名，炆到軟骨變哂膠質入味不在話下，最喜歡這種口感。豬脷亦是多人叫之選，滷得入味不會太咸口感軟唔會咬唔開另外煎香茜餃同雞翼都好食有伴既不妨試埋。

仲記得第一次食係六年前，朋友結婚時我哋出外等拎早拍晚播碟時，同..一齊食到噴火，出曬汗，差啲裝都溶埋。六年後既今日，環境、格局無變，變係價錢貴左、餸種類多左，最重要要係態度好左好多👍🏼我以前係好鐘意食呢道既豬軟骨，但每次繁忙時間都係得一舊仔，所以好少左博。好肚餓既朋友，套餐係抵食既！我有時都會叫餐又有野飲❤️不過我今日挑戰多一度，兩小辣！我竟然食到啦！佢個湯底真係唔覺得辣既，因為無紅、無油，但係唔好俾佢呃到🙊我今日就叫左生菜、豬潤同豬皮，生菜、豬皮索曬啲湯，真係好正！我朋友就推介黑栢葉，因為唔係道道都有得食的👅

同朋友一行4人食米線，佢地話呢間以前幾好食。去到見到間鋪細又迫，等左陣個啊姐叫我地入去，入到去個客都未走，枱又未執，間野又細喎，我地又要出返門口讓人地走落單佢好心急咁，但又唔聽清楚人地要咩，譚仔姐姐都會覆單啦，呢間個啊姐落完單自己都睇唔明寫咩咁，喺廚房叫出黎問我地係咪要乜乜乜，答完佢轉頭又問過 失憶？等左15分鐘先陸續有野食，煮咩煮咁耐啊 食左識飛架？！上菜仲衰 勁求其！將我朋友碗米線湯倒左落隔離個客個身到雞翼係拋隻碟過黎咁，啊嬸你以為自己表演雜技？碗米線得個多字，譚仔腩肉同雞翼好食過佢好多，呢間芽菜仲要自己加錢！呢間腩肉肥到成舊肥膏冇肉咁，香草雞翼唔香嘅 肉又鞋，景霖好食過佢！其實我嗰刻勁肚餓都覺得唔好食，真係好唔掂真心唔明咁嘅質素憑咩咁嘅態度，仲學人星期日休息 米線大把好食又抵過佢啦

實在太愛食辣嘅為食Chloe行街行過太子川之味迎面撲向我麻辣的味道實在是不能抗拒的麻辣~先點了一個豬軟骨鱷魚丸米線(2小辣)。配菜及米線份量十分多認真大..大..碗！！！好抵食呀！最有驚喜的是豬軟骨，燜得十分入味😍👍必點呀！溫馨提示麻辣即使我點小辣都令我吃到💦汗流浹背😌吃得辣的你不妨來挑戰喔！！✋

女仔十個九個都喜愛米線呢樣食物。今晚女性友人就帶我黎到川之味搵食由於第一次嚐原因，店員姐姐表示未試過 就最多選辣至飛起（中辣）程度啦! 穩陣保守派嘅我 就選辣得過癮 （3小辣）試下就可以女友人選的辣至飛起豆卜米線，圖中所見，豆卜比例都算多 ，有8大舊 湯底非常濃郁，聞落都幾嗆鼻麻辣拼香草雞翼：呢度麻辣雞翼麻香味好夠，唔會剩辣食唔到香味!香草味就屬正常，無甘突出。我嘅辣得過癮米線配料有炸魚皮同腩肉。湯底可見濃郁度有別於女友人果碗！腩肉肥肉部分較少 份量都算多，如果魚皮會分開上 效果會更佳! 值得一讚嘅係呢度麻辣米線唔會有感覺有肥油圍邊浪浪下咁，食得比較安心。最後，如果同友人過黎只係想醫肚、快食，呢度就適合你進餐。但想詳談的話，筷子未放下就俾職員催促了!

對於食譚仔大辣用個爽字的我，我發現我又知錯。今日到太子幫襯了十幾年但又不經常食但又一定會食的米線店。今朝我第一個客。我叫大辣豬潤，好不好吃已不是討論範圍。韭菜多而爽，米缐彈，豬潤多到食極都有是基本。5 蚊杯豆漿我飲左3 杯。平時譚仔大辣我飲幾啖水處理到。「血池地獄」真的名不虛傳。「川」字頭不是蓋的。個d 日本赤王最辣十級都要行開。食完個唇都震多10 分鐘。不過平均來說my love 係仲勁d 既。辣米缐榜：1: 大家食2: 川之味3: 譚仔4:雲貴川