川之味麻辣米線 (已結業)

（中辣＋木耳＋蘿蔔＋豬潤）＄28（包1餸）＋＄2辣＋＄14餸（2款@＄7）＋＄5自家豆漿＝＄49冷氣夠，無流汗，食得最舒服嘅一間。湯夠熱夠多，食完個湯仲熱，食落無咁油。米線可以少啲啲，食唔哂(╯з╰)食完先飲豆漿，唔覺豆漿甜。*中辣＝其他店撈薯粉（無湯）大辣*地點方便，太子地鐵步行3分鐘*愛麻辣者值得一試

喺太子食米線，除左乜哥米線呢個選擇外，不得不提呢間川之味，認識佢係有賴我有個入得廚房出得飯堂嘅女友，佢除左鐘意入廚房…揾野食之外，喺每一區都揾到飯堂，川之味就係其中之一間飯堂嘞，今日自己一條冷，天氣又涼涼地，都係食碗米線暖下胃先，上次食過麻辣就怕怕，怕係只怕會上癮，所以今次食酸辣湯底，唔知係咪因為酸辣考工夫啲，28蚊唔包送，叫送另外錢，唔緊要，哥有的是本錢(發緊夢)，好！就叫左豬軟骨酸辣米線(不加辣)一上枱同乜哥果度啤米線好唔同，睇佢湯底好似日本果啲醬油湯底咁，點知呷一口，好似阿嫲成日個：好孫(酸)!並唔係酸得過份，佢嘅酸打開你嘅味蕾，完全感受到酸同米線混為一體，而最考妙係化解豬軟骨嘅肉膩感豬軟骨簡直係天使同魔鬼嘅化身，豬肉唔會因為烹調時間長而變得粗鞋仲好稔身，而佢豬軟骨部分，經呢度嘅師傅煮完，入口即溶，好似中左化骨綿掌咁，啲骨膠原真係只溶喺口，唔溶喺…湯，好想再食多舊…食到呢度，好似唔係幾夠喉，叫埋個香草雞翼30蚊有6隻，我就唔食咁多嘞，話晒都係下午茶，收斂啲，叫左3隻黎食，嗯，香係幾香，不過略為唔夠入味，但化骨豬軟骨係我唯一嘅選擇！

無意間發現呢間米線店，叫左我好喜歡既豬軟骨！好有驚喜！未試過食咁淋同埋咁香鹵水味既豬軟骨架！！！佢個軟骨部分淋到我覺得好似食野啫喱咁！正！！仲有佢個米線都好多，最正就係小小辣唔使加錢！仲有好多爽口既韭芽！推介！

本人都幾終於食米線，聽聞ｅ間都辣得幾香，咁果日去飲酒之前就去試下啦，我就叫左個蘿蔔，豬手，豬皮最少辣，女友就叫左個腩肉，豆卜，豬潤清湯啦！黎到啦，咁我就試下豬手先，豬手紋到好林，好入味，豬皮就無咩特別啦，最厲害就係ｄ蘿蔔，真係好入味，好好食，至於個湯底啦，落單果陣呀姐同我講少辣都好辣，好彩就真係聽佢講，個湯好好味，夠香夠辣，辣到流鼻水，重要即刻叫罐可樂tim!下次會再黎！

d同事知我鍾意食譚仔介紹我黎既。其實今次已經係我第三次黎啦。所以其實佢味道都唔差既。不過其實我對佢印象麻麻，因爲第一次去佢就落錯我朋友張單，將唔辣落左辣，叫佢轉返俾我地仲要我地自己加錢anyway, 佢係服務差d遮，食物質素都幾好既。餐牌都幾多選擇，最正係有大腸，豬手等譚仔無既選項。今次試左豬手米線。佢個豬手好香，燜得好林d骨唔使好用力"損"就會自己甩！仲係鹵水豬手，其實我覺得好好味！個米線好多，比譚仔多！芽菜，九菜都比譚仔多。今次叫左1/10，對返譚仔應該係5小辣。我其實好喜歡呢個辣度。不過今次就失色左，因爲d鹵汁多左，令湯底咸左d, 辣味又淡左d。如果佢可以用個碟分開上就好！

近呢幾個月成日都去呢間食米線~ 呢間既辣度真係十分之夠... 佢分既麻辣辣度都係大中小辣, 而小辣有十個LEVEL, 同譚仔三哥一樣, 但係就辣過譚仔好多!我呢度次次都食10小辣...今次都唔例外, 但係感覺仲好似辣過以前咁!食完個咀唇"慶"左一段小時間先冇事~_~ 不過佢既麻辣湯底味道都好穩定好香好正~ 仲要好大碗米線!食完一定夠飽...甚至有時太飽~所以都見到有D女士會叫少米線的~ 同埋我差不多次次都會食佢既菜肉餃, 塊皮又唔算叫好薄, 但我好鍾意佢個錎既味道~ 佢另外仲有酸辣湯底的~就冇分辣度~都好食㗎!通常我去到落單時就會糾結究竟要麻辣定酸辣湯底好....環境黎講就一般啦, 因為間店唔大, 如果LUNCH時間去 都會坐得相當迫㗎,  不過地方都唔算污糟, 起碼我SO FAR都未見過小強行過...!HAHA! 同埋佢有一樣野好, 就係枱面會有卷廁紙供應, 我懷疑可能係FOR人地太辣抹鼻水......

二零一六年在香港的第一餐川之味麻辣米線相比起另一間著名的米線連鎖店這一間小本經營落單阿姐十分親切豬潤　竹笙　黑柏葉　菜肉餃　米線豬潤咬落爽口，不會有粗鞋感竹笙爽口亦十分吸味，配合麻辣湯底一流黑柏葉略為過了火候，有點難咬菜肉餃皮厚肉少，不值一試至於米線，對其他人來說，米線彈牙或是一個賣點但我卻不喜歡過份彈牙會有點像象膠的口感這間店鋪的米線不會太淋，彈牙程度亦剛剛好絕對值得一試香草烤雞中翼味道有點淡，而且外層的雞皮亦烤得不夠平均

今日要出太子拎啲客嘅野，搞下搞下竟然搞到8點幾，唯有喺個邊搵野食，有個太子達人就搵左呢間米線比我食，入到去叫左個肥牛腩肉米線，3小辣，因為再多一級辣就要加錢，咁緊係叫個唔洗錢啦，嚟到個飲一飲個湯，哇好辣，起碼有X仔嘅小辣呀，飲一啖已經FEEL到好麻，即刻要叫杯野飲頂一頂，，成碗米線都係辣味，就好似我呀嫲嫲個呀媽咁，太麻HAHA所以都食唔到佢啲料有咩味！不過都不失為一個頹食好選擇。

閒日去太子的話，一定會黎食，節假日太多人就未必啦。雖然係人都知呢度既辣湯底先係精髓所在，但由於本人極之唔食得辣，所以小小都唔敢試。所以今次我點左牛肉加黑柏葉，清湯。首先講下D牛肉，熟成度剛剛好，熟得黎又唔會老同韌，食落嫩滑彈牙，而且量都幾多，唔似有D連鎖店兩餸以上時每樣象徵式得小小，錢加左但份量無變。而黑柏葉更是我最愛，因為我鍾意食D比較爽口既野，而黑柏葉比起一般白色更有過之而無不及，而且佢本身既加工步驟比較少，即係1相對健康D。其他配料就一般質素，未知是否因為烹煮過程較久，質地上都比較腍，就連米線也一樣，幸好我唔介意較腍身既米線，米線口感滑溜，非常易入口。

椒麻雞只有小小麻不辣。虎皮尖椒不辣但爽脆。富順香辣魚頭好細亦都不辣有少少甜味。辣酒煮翡翠螺不辣但味道還可以。辣子蝦大隻但不辣蝦完全入唔到味，俾隻細既新鮮蝦好過。

今天要獨個兒午餐,想起米線迷朋友說過這附近有家一定要試的店就去試試看～我大約1:10到達，不用等位，幾乎是滿座的樣子裝修就一般茶餐廳格局，店面不大，大約有30個位吧我點了豬軟骨竹笙米線，走芽菜走（九）菜所以米線看上去超雪白的（笑）這豬軟骨真的不得了聞上去很香，肉煮得很夠淋，一咬即鬆開，軟骨比例剛剛好，每一口都有肉和軟骨在裡面而且有些軟骨成啫哩狀，可以吸入口裡的柔滑真的非常出色性價比極高啊！！麵條和竹笙則一般般，但要讚讚份量很足可知道有些地方用竹笙用得很"孤寒"的這家的份量絕對對得住價錢！會再來的！

店名：川之味麻辣米線地址：太子通菜街212號地舖好味指數：7.5／10價錢：$58大碗米線套餐雞肉 、牛肉 、豬肉 、蘿白 、牛丸 、 豬潤 、腩肉 、火腿 、豆卜 、山根 、炸醬 、魚蛋 、韭菜 、腐皮 、生菜 、黑柏葉 、酸辣菜 、墨魚丸識我的人都知我麻麻地譚仔，原因係唔得惹味得泥辣又唔夠香。呢間米綫店同譚仔有幾分相似，不過是升級版的譚仔。先說辣度選擇，有小辣1-10級加$1（辣得過癮） 、中辣 +$2（辣到飛起）、大辣 +$3（辣至顛峰）。雖然自問食得好辣，但礙於唔想食得咁辛苦，加上睇到d形容詞咁誇張而淆淆地的關係，隱陣少少揀中辣。好似譚仔咁，有大碗米線，方便唔洗諗樣樣有d，兩個人share一碗岩岩好。湯底味道果然有料到，但未至於辣到飛起，味道比譚仔惹味得多，米線都幾彈牙，配料味道正正常，沒有太有驚喜。

我在花園街行完,在太子地區醫肚，飄來好香四川麻辣香味，原來是川之味麻辣米線傳來的.我都好愛食米線叫左翼豬軟骨麻辣米線 ---3小辣麻辣,是有微微辣,不算太辣有2-3塊大大豬軟骨好入味及非常之霖,好味道.香草烤雞中翼好有香草味,香脆可口,必選小食.這店經濟合理,經過必定經常去食呢!

上堂前醫下肚時間…同事介紹，叫左墨魚頭小酸辣米線。一上枱就覺得好大碗，甘同佢價錢都應該有啲關係。酸辣味好夠，同譚仔吾同，但都令人回味既感覺。酸菜份量一啲都吾孤寒，仲舊舊大大塊好入味！肉碎吾似其他麵店一撈就散哂，反而仲可以保持夾到既大小，所以食個陣，夾埋一齊食好有滿足感。

豬腸可以算是必叫的餸之一，雖然非常好食，但數量已經變得越來越少了，現在一份豬腸只有5件，還要薄切，而本人還叫了兩份豬腸⋯⋯不過其他都算是好食，只是如果要選舉豬腸作餸菜時要加以衡量該份量