巴蜀烤全魚 (已搬遷) 新店位置

其實本人對於魚就興趣吾大，但係烤魚加上辣味就有改觀，以往都食開酸菜烤魚多，今日好友帶我來挑戰麻辣中辣烤魚其實有大、中、小辣揀，但未食過尼間所以試試水位叫個中辣尼間店未夠晚上6點已經好爆人潮，聽好友講晚上8點幾排左個幾鐘先食到，所以我地好早來吃了，好彩仲有一、兩張枱叫左個《香麻辣味大邊烤魚》中辣$148等左大概15分鐘上爐上魚見到都好惹味紅色一片另外每人包一個飯驚吾夠仲有配料加好似打邊爐咁我地加左個大豆芽$20同加左兩支飲品最開頭食魚吾夠入味，因為無入到辣汁，要反左條魚先夠惹味，魚既肉夠嫩不過都幾多骨要慢慢食中辣吾魚好辣，大豆芽沾上麻辣汁先食到辣味，所以魚要反一反沾多點辣汁先夠惹味兩個人好快就食晒成大邊魚啦size剛剛好除魚外仲有其他魚湯麵或小食加配的兩個人平均$100仲有找超抵食

是日元宵佳節，與男朋友相約於尖沙咀參加綵燈會，原來綵燈會並非有燈謎猜，而是一系列的表演項目。坐不住的我們，便蠢蠢欲動率先離開座位前往美食的懷抱。尖沙咀美食多如繁星，而我們卻走回舊區紅磡去，品嚐地道烤魚的滋味。晚上八時許，甫到蕪湖街，只見某店舖前人頭湧湧，一看原來便是巴蜀烤全魚店面。見到如此多人，心知不妙，趕緊問問老闆娘要等候多久。結果前面尚要等候7張枱！ 如此唔上唔落的數字驅使我產生離心😂 然後我步伐慢慢慢慢移動至豪大大雞排，不小心地買了一去雞排再回到烤魚店，回頭卻發現居然便有位置了！ 店內座無虛席，裝潢新簇，簡單明亮，但稍嫌不夠精緻，座位數量亦不多，通道較窄，是典型舊式家庭式經營小店，頗為溫馨。晚飯時間人流多，店面卻幾乎只有老闆娘一人傳菜、下單，弄得好忙不可交，服務質素尚有改善空間。老闆娘說這裡來的客人通常都是附近老街坊，大家都熟口熟面，通常點菜會點半邊魚及一個小菜，如椒尖皮蛋、口水雞等，我們環顧一周，的確如她所述。可惜剛才手多買了塊雞排，肚量不夠大，吃不下了。我們點了鹹鮮麻辣味大邊魚（小辣）。大邊魚的意思是大皖魚切開半邊經烤熟後，放到此盤上，加上辣椒等調味及配料後，在盤下放置三個燃

巴蜀烤全魚是舊的舖名，新的舖位。仍是主打烤魚、魚湯米線。大堆頭的京葱、辣椒灑在烤過的鲩魚上，可選全魚、大邊或小邊，不同份量適合2人或一班人一起分享。如你只得一人，也可試吓不同材料的魚湯米線。不過就最好是中午試吧！ 同行者有些不嗜辣，故叫了兩盤魚，一盤小香麻辣味大邊，一盤酸菜味小邊，剛好一條魚，但價錢反而比全魚較便宜。能試到兩種味道，而且又化算呢！ 小香麻辣味烤魚先上，魚上舖滿辣椒，驟眼看好似勁辣的樣子，因為只選小辛辣，覺得魚帶甜辣，無泥味，不吃辣的也能試上。魚雖大條，可肉質不粗硬，但頗多骨，吃時要多加小心，以防哽骨。 另一盤酸菜小邊的酸菜不太酸，魚肉與酸菜汁很配，因不辣，可吃到本身的魚香。而京葱在酸菜汁中煑軟吸味後，帶有微酸配上魚味，很好吃。 每盤魚都會附有2碗飯，而且可對換為1碗米線，友人們各有已見，說濃味烤魚配飯很夾，但亦有說米線較清新。總之各有喜好啦！ 為增加菜量，叫了一份芽菜、菇、芹菜和金菇，份量很大。放在盤中煑來吃，亦能減少油膩感。寒冷天氣中吃著熱氣騰騰的烤魚，真暖和呢！

以前就有聽過呢間餐廳名不過未試過，知道佢最近重開返就決定同個好鐘意食魚煲既朋友去試下。佢地專做鯇魚，店員推介我地食小邊全魚小辣，即係兩份冇骨既小邊砌埋。另外加左鮮枝竹同蓮藕，仲有份雞全翼小食。上枱望落賣相好好，份量亦比預期多。不過魚肉入口唔滑，仲Hi烚烚，小辣亦唔麻唔辣，滾多10分鐘左右鹹度更以幾何級數增長，平均一啖仔魚要食4份1個飯先解到鹹。要形容味道除左鹹就係鹹，冇其他味。食到一半，我同朋友係食而無味棄之可惜既情況下決定埋單走人，不作無謂堅持。佢地用既爐設計差係導致唔好食既好大原因，簡單解構就係爐下面隨意擺放2個可移動燭台，局部地區受熱，成盤魚火候溫度唔平均又點會好食？仲要好容易癡底煮濃。總括係失望既。

朋友帶左我黎試下呢間烤魚，佢話食左幾次都好好味喎，由舊舖食到新舖位都無失手。講到咁正，今晚Happy Friday特登撘車黎到何文田一試，八點黎到都仲要等位，門口已聞到香味，好似好得咁樣。小店都幾迫，兩排枱間緊緊夠過，坐低後店員隨即送上熱茶一杯，快快落埋單等食了。泡椒鳳爪（$30）朋友推介話好正，叫左份試試，食第一啖都無乜野，再食就不得了，超辣呀！辣得又幾正喎，雖然辣到有啲目口目面，但又停唔到口。秘制雞全翼（$15/ea）一隻全翼15蚊，價錢都ok，炸得好香口，皮脆肉滑，新炸起熱辣辣，幾好味。剁椒味烤全魚（大邊$138）＋配菜（$40）兩個人食叫左大邊，有頭有腩有尾，份量都幾多。再加多40蚊配菜，又紅有又綠顏色好靚，哈哈。魚肉唔係滑個種，但幾有咬口，正所謂魚有魚味囉。口味選了剁椒，極微辣帶咸香，個人好合口味，朋友則覺得唔夠辣。叫烤魚送白飯兩碗，辣辣地嘅魚勁好下飯，好味好味。魚好味又唔貴，下次黎試下其他口味先。

一個怱怱的下午，路經此店比佢既烤全魚相片吸引只可惜我當日隻身一人，冇可能完成原條烤魚，霎眼望烤魚有多款口味，每款都好似好惹味下次一定要試下！店舖環境尚算舒適，舖面唔算好大，當日一人都係坐2人卡座簡單的餐牌，但已選擇十分多其實小妹一個人係連呢碗鮮雞件鮮魚湯飯都食唔晒架但湯係冇味精，飲得晒可以飲晒都唔口乾加埋$8要枝可樂，其實真係太多做左大晒鬼，但雞件算係多，不過未至於勁嫩，尚算新鮮飲湯都飲飽埋單$54