帝京餅店 (已結業)

素聞 "帝京餅店" 的 "中式鬼馬蛋糕" 好睇又好食，今天見到有迷你 size ，立即外賣番碗 "紅腸煎蛋飯" 及"人氣拉麵" 回家孝敬母親大人 J媽媽。Mini size 比平時的1磅裝更精緻可愛，售價 $58元/碗，一點也不貴，因為這價錢包埋那隻 "中式公雞碗" 及 "日式花花碗"。急不及待叫阿P飛車回家，品嚐一吓這兩碗新鮮熱辣的白飯及拉麵... 先論造型，個人認為 "紅腸煎蛋飯" 比 "人氣拉麵"更鬼馬。"人氣拉麵" 的麵條太肥了，比較像烏冬多一點。"紅腸煎蛋飯"上那令人唾涎欲滴的荷包蛋，斜放在碗邊，顯得份外立體。公雞碗令整件事情顯得非常懷舊。先吃荷包蛋，很明顯是用白朱古力做的，啱哂阿P，被他一啖KO了！那紅腸原來是肉桂味曲奇，是令人有驚喜的配搭。那些鬆軟的白飯其實是甜米通，帶點脆脆的口感。白飯下原來是令人意想不到的栗子蛋糕，栗子味好濃，不會過甜，用來伴脆脆的米通一併吃，三扒兩撥已清了碗！這甜點我絕對會 Encore。拉麵是阿P的至愛，不知帝京餅店的鬼馬 "人氣拉麵" 又能不能夠俘虜他的心呢？先吃 "魚旦"，都是白朱古力，開始有點悶了...拉麵其實是芒果吉士蛋糕，有粒粒新鮮芒

帝京酒店的松茸菌皇蠔豉糕真的很特別嘅口味豈可不試呀,一取回家車車已虎視眈眈索完又索呢haha~ 蠔鼓我也十分愛吃所以萬分期待更即時煎來做了我的午餐^0^ 將蠔豉糕慢火煎至焦香,第一啖吃下先嚐到菌香味再來便是香濃蠔豉味,糕身軟綿正是我愛的質感一吃便四分一底哈哈^0^(有點不夠喉呢!!)

收到朋友送來的一張年糕卷，出品自近期極愛的 "帝京餅店"，就算新年前有多忙都一定要抽時間來 pick up 此底年糕。朋友真有 taste，選購了女仕必定喜歡的 "綠茶紅豆燕窩糕" 給我，紅紅綠綠的顏色十分漂亮。Royal Plaza 的年糕 size 超級巨型，可輕易切成20小件！紅豆糕味道甜美天然，大大粒紅豆肉為比糕增添一點嚼頭。燕窩都集中在綠茶糕內，份量好多，基本上是均勻地散佈於整件綠茶糕內。綠茶糕味道好濃，甜度輕手，個人較喜歡吃綠茶部份。於花墟忙了一個下午，PJ 終於為家居及各分店準備好年花了，希望猴年大家也身體健康，PJ 貪心一點，當然希望生意與隆啦，

嘩, 不得了, 當我仲埋頭苦幹四出品嚐原味芝士撻, 抺茶芝士撻時, 今天就被這個名貴既"龍蝦芝士撻"KO了. 帝京餅店既餅廚果然好諗頭, 早前推出既扮拉麵, 餐蛋飯蛋糕已好勁gimmick, 今次又快人一步用龍蝦肉加入芝士撻內面層焗到金黃既芝士, 食落去就如食更起咗肉既芝士焗龍蝦, 芝士和龍蝦本身就係prefect match!!  龍蝦肉數量絕不吝嗇, 我一開4份, 每份都有龍蝦肉, 肉質彈牙不梅軟, 實在是有龍蝦味. 芝士餡軟但不流也不膩, 淡味芝士不會搶過龍蝦味. 餅皮鬆脆帶少甜, 為味覺增加層次感.  基本上這件撻加上沙律菜伴碟就變成appetizer.   價錢雖是全城芝士撻之冠, 但配搭真的出色, $38值既 ($70/2個).  反倒另一款原味芝士撻$20/個, 就未能突圍而出.  面層雖脹卜卜但過熟, 芝士餡雖軟但不夠滑不流心, 芝士味不足, 蛋味較多 (所以配搭龍蝦或其他咸味材料造成咸撻款式較適合), 餅皮鬆脆但過厚. 整體味道不差, 只是當和全城比較下就較遜色.沒有花巧包裝盒, 只用上膠盒, 凹位剛好固定撻, 但兩邊既"的位"不能拍合, 要用膠紙封盒口.  

鍾意芝士的我，一直都想試下芝士撻，偶有機會經過 APM 見到帝京餅店有擺 booth, 馬上去買左兩個來試下。賣相相當吸引，撻面焗至金黃色，放在暖爐里暖暖的唔會凍，芝士心暖暖的有點流心，融融地，幾好味。芝士味香濃也很 creamy. 有點似食蛋撻加了芝士的感覺。撻皮是酥皮，店員說是人手做的，整的鬆化唔錯！價錢$20/個， 而家社會百物騰貴，$20/個酒店質素的撻已經算系唔貴了，值得一試！

朱古力軟心撻（$20）又到聖誕🎅🏻🎅🏻，又到聖誕☃☃！司令最近行apm，見到好熱鬧，又湊埋去，睇下有啲咩！原來開左apm 狂夜聖誕市集，有幾個攤仔喺道賣野，司令行過見到有朱古力軟心撻賣😍，即刻衝埋去睇下。原來係帝京酒店出既撻，20蚊個，都幾貴下！不過身為朱古力控既司令，唔試過又對唔住自己喇。個撻皮又幾鬆化，而朱古力軟心，非常之咁好味呀，好濃郁既朱古力，湧出嚟！朱古力軟心，食到司令個心軟晒添喇！不過個撻即買即食，都係唔熱，連暖都唔暖，有啲失望！因為熱既話，朱古力味會再出啲，個味道就變得更加淫賤邪惡😈😈😈！雖然要二十蚊一個撻，好似好貴，但食完就發現都幾飽肚下嫁！

同集團的餅店都非常出色，帝京餅房早兩年的甜品拉麵，像真度可以說是出神入化，自己也忍不住買了來試試。早前跟朋友晚飯，當然要順道食返個人氣芝心撻，芝士面烘焙至金黃，時間掌握得恰到好處，一切開濃香四溢，咬落撻皮很酥化，原來是全人手製作，難怪，誠意度十足。改良版的朱古力芝心撻，餡料是更濃郁的朱古力，撻面鬆軟，混和了芝士的朱古力味道更添層次，好味。一口氣連朱古力軟心撻都吃了，撻面灑上糖霜，令賣相變得可愛，剖開兩半時，還以為是心太軟，因為朱古力漿正徐徐流出，很有特色。三款各具特色，口味各有不同，而且每個只是$20，意想不到吧 ?

芝士撻熱潮一路都未有減退, 之前聽過帝京餅店都推出左芝士撻,但未有去開果邊, 所以一直未試, 今日經過APM竟然見到有帝京餅店既booth,原來係因為christmas, 所以做christmas fair,不過呢個booth只係擺一星期, 所以大家如果想試都係去番帝京酒店買吧除左芝士撻, 仲有朱古力軟心撻同朱古力芝心撻, Vi 3款都買左黎試下首先試芝士撻, 切開唔係太流心, 芝士呈creamy既狀態, 食落有淡淡芝士味, 唔太濃, 芝士味無咩層次, 但外皮幾鬆脆, 呢個芝士撻比另外2間人氣芝士撻店遜色~之後就到朱古力芝心撻, 切開d朱古力係咁湧出黎, 好流心!原來朱古力芝心撻係分左2層, 上面係朱古力軟心, 下層有芝士,一食入口朱古力超濃郁!! 好正聽講係用72%既朱古力,所以唔會太甜, 但因為朱古力太濃郁, 所以掩蓋左下層芝士既味道~最後係朱古力軟心撻, 朱古力流心一樣咁澎湃食落一樣濃郁好味, 但全個都係朱古力流心Vi覺得有d膩,同朋友share半個好d本身一心諗住食芝士撻, 點知原來朱古力撻更出色!! 呢個朱古力撻值得再encore 啊

於「帝京軒」的晚膳接近尾聲，提到來自日本的芝士批品牌，原來「帝景餅店」於最近也推出人氣芝心撻出，於是我們便「有機可乘」，順道將人氣芝心撻當作為飯後甜品。除了人氣芝心撻外，另外還有朱古力軟心撻和朱古力芝心撻兩款的口味，當然因利乘便，一次過滿足三個願望，把三款口味一同品嚐，我們真是口福不淺！香氣四溢，率先品嚐的是大熱的人氣芝心撻。全人手製作的撻皮，入口特別鬆化脆香，與別不同；撻心軟綿、芝香濃而不膩，輕甜的糖粉至合心意！朱古力芝心撻混合了朱古力和芝士兩款口味，最初以為朱古力的味道定必將芝香掩蓋，豈料芝味更形濃厚，這巧妙的化學作用就是餅師的功力所在！朱古力軟心撻的效果突出，仿如心太軟澎湃的朱古力流心，朋友面上即時流露出喜悅之色。趕快一試，朱古力滑溜、味道濃郁，絕對是喜愛朱古力的朋友的必然選擇。朱古力芝心撻是我個人心儀的口味，不過每一款口味均具其獨特性，相信能迎合不同的喜好。鬆化的撻皮是我最為欣賞的，一般機械製作的質感都較死硬，一試便知龍與鳳；加上不用花時間排隊，每個只售$20元，可稱得上是全香港最知妳心的人氣甜品！

來到Happy Friday，最後還有邪惡的魔鬼芝心撻分享！！！ 沒錯帝京餅店 新出了三款芝心／流心撻，分別有：人氣芝心撻、朱古力芝心撻，以及朱古力軟心撻，不同排隊，大大個只售$20，而且每一款都很好吃！講過了，這裡的酥皮類很出色，當晚的三款撻的撻身都做得超酥香輕脆；是會較為易碎，但同時那入口碎開的滋味，真的美妙難忘～口味方面，用上兩款芝士製作的芝心撻口味不算很濃，但香又滑的流心很討人愛；朱古力那款用上72% Valrhona ，超級香濃我很喜歡，但最特別是結合兩款口味的朱古力芝心撻，甜魔必試！寫著寫著，我又好想吃這撻了.... 天，那麼多的美食、那麼多的大餐，轉眼卻下週就是中同的婚期，說好了的減肥呢？

近期大熱芝士撻風靡全港某大商場內的日本品牌或本地薑也火紅連帝京餅店也不落後於人分一杯羹製作了三款口味芝士撻$20/隻~芝心撻底鬆化不油膩真的很讚而芝士味都算豐富~朱古力芝心撻三款之中我最喜歡它用72%朱古力泡製擁芝士鹹香之餘還有甘甜朱古力頗滋味呢!!最為流心係朱古力軟心撻同樣用上72%朱古力製成朱古力魔必要一試呀~

超人氣芝士撻直捲全城，就連各大酒店也爭相推出各式各樣的自家製芝士撻。今天前來帝京酒店吃晚飯，巧遇帝京餅店的出品，整間餅店瀰漫着香噴噴的芝士味，終於忍不住試了最具人氣的3種口味 ：原味流心芝士、流心芝士朱古力、流心朱古力。全部只賣$20元一件，比坊間的便宜些少。原味芝心撻非常creamy，芝士味香濃，最欣賞個撻皮，比Hanjuku Kobo更鬆脆。芝士味不及Hanjuku濃，但芝士勝在沒Hanjuku的酸。朱古力軟心撻用70% cocoa的朱古力製成，是3款撻中流心效果最澎湃的。味道不會過甜，一啖放入口，可可味滿瀉，朱古力迷千萬不容錯過。最後的朱古力芝士撻是我的 personal favourite，它溶合了芝士撻的香及朱古力撻的濃，很成功地將兩者的優點結合。誠意推介給大家。

沒想到返工路過商場，帝京酒店的餅店在做推廣，看見美麗蛋糕心動停下來，才發現他們都有芝士撻，賣相都不錯，和名牌價錢差不多，二話不說的買一個來試，確實沒有下錯決定，確實芝味香濃。有機會再試朱古力芝心撻，和軟心撻，相信品質和味道都不錯的。***********************沒想到返工路過商場，看見帝京酒店的餅店正在做推廣，看見這裏的蛋糕賣相幾吸引。突然間給我看見有人氣滋味撻，人氣芝心撻、朱古力芝心撻和朱古力軟心撻，都是賣HKD20/個，便忍不住留下來看看。看見還放了實物，賣相都不錯，有點像蛋撻。還有燕窩芝心撻。我最後決定買了人氣芝心撻，HKD20。沒想到買一隻都會給盒放好，酒店格調此終都是不同的，買時還是暖暖的，回到公司都不暖了。看看這個芝心撻，芝士面有點乾身感，都幾大隻。咬下，是曲奇餅底，都幾香脆，芝士味也香濃，但芝心不是流心，也不是半熟，有點像蛋撻的蛋漿，但芝士味道香濃，確實做的不錯，相信熱食會好好多，HKD20/隻，和名氣品牌同價。

返工咁岩經過moko就醒起朋友成日介紹既帝京流心朱古力撻😗(而家諗起都好想再食)!! 先講員工態度,男仔黎既,見我拎住好多野無手食個撻會主動問我要吾要盒同膠袋方便我拎走食,我一路掛住影相無理佢,佢都話吾緊要叫我慢慢影啦,影相重要呀👏👏呢d咁有禮貌同耐性既員工真係買少見少👍佢有3款撻,分別係朱古力流心撻,朱古力芝士流心撻,同芝士流心撻,老實講呢排試左咁多大熱芝士撻(周街都係),真係有d厭😂黎帝京梗係食流心朱古力撻啦,20蚊一隻,我拎到返poly先食都仲係微暖,而且流心程度超級高,朱古力淊吾膩,吾太甜,非常濃郁!!!!!!!!每一啖都好幸福好似食緊心太軟咁😙如果真係要彈既,可能就係個撻皮好似無咩牛油香同吾夠鬆化😂

之前在美酒佳餚節因為人群太多，未能嘗到帝京酒店大熱的流心芝士撻，感到十分失望。沒想到元朗廣場竟然有pop-up store，毫不猶豫地跑到櫃檯前購買一個芝士撻。價錢＄20一個，掛著酒店招牌來說，這個價錢尚可接受，坊間很多標榜有流心芝士撻的店舖也要＄18一個吧。終於入手。外觀看來像一個快要熟透的芝士蛋糕一樣，烤得金金黃黃的，膨脹了的芝士看來快要流出來一樣。第一口咬進去，芝士頓時慢慢地流出來，有點像溶了吉士醬。一入口便嚐到忌廉芝士奶酪味，但如果你期望有巴馬臣芝士味道的芝士迷可能會失望，因為芝士不太濃，可能芝士味太重的話會擔心香港人接受不已。牛油曲奇撻皮頗鬆脆, 但牛油香略為欠缺，沒有太大驚喜，心想應該芝士為重點所以少放牛油，以免奪去主角的地位。由於略欠牛油，所以一咬進去，撻皮就會碎成幾片。曲奇餅底來說，實淨一點，但又做到鬆脆的話會更好。Pop-up store還有大熱的拉麵蛋糕，下次必定再來嘗一嘗