帝京餅店 (已結業)

很快便過農曆新年了, 除了必吃的年糕和蘿蔔糕, 今年我帶了帝京酒店新出的燕窩藜麥芒果糕與家人分享, 給她們一個驚喜.  姨甥女一看到紅色的禮盒, 便嘩了一聲, 說要拿來做收納. 確實又是挺實淨的. 把密封袋解開, 清香的芒果味已讓人垂涎, 晶瑩通透的啫喱上層混有藜麥及燕窩, 好輕盈健康.  對於初吃藜麥的媽媽, 覺得口感不錯. 而下層則是芒果糕, 看著芒果糕會想起芒果布甸, 但質感卻不然, 所以吃時要記著這份是糕而不是布甸. 芒果糕內有粒粒芒果, 算是軟滑. 整體來說很有驚喜, 而且味道不錯, 是傳統賀年糕點的突破, 於新年期間當作飯後甜品也絕不覺膩. 

無獨有偶，今年連收兩底芒果糕，而且兩底都有水準，相比多吃會膩的年糕，特別適合團年飯後當解滯甜品吃。首先分享帝京酒店的燕窩藜麥芒果糕，同樣是新鴻基集團關係，帝京偶爾會在 YOHO Mall 設 Pop-up store，今年也有，非常有方便甜魔媽媽，上週三辣聚團年飯時就帶了一底去分享～辣聚當晚的食物水準不如理想（內容遲些再分享），甚至連團年必吃的湯圓也令人失望；還好有這上層爽口、下層軟清，口味清新輕甜的燕窩藜麥芒果糕作為結尾。結果一大底糕都給大家吃光了！加上燕窩、藜麥既健康又有美容之效，特別適合女士。經開旺角／元朗的，不妨一試呢～

有售芝士撻的店舖比比皆是，但事實上我所吃過的芝士撻屈指可數，向來頻頻標新立異的帝京餅店早年亦乘勢推出了數款芝士撻，卻成為了我個人嚐過認為最合心意的一間芝士撻店。芝士撻、酥餅、包點等等都放在暖燈之下保溫，整齊劃一地排列起來。抹茶紅豆芝心撻 ($20)抹茶芝心雖不至於流心但卻相當軟滑，抹茶味清香未減，相比之下半熟工房的抹茶芝士撻的抹茶味更見遜色。底層藏有紅豆粒，份量不多亦沒有過甜，不會蓋過抹茶味；最令我驚喜的是牛油撻底香脆鬆化之餘極富牛油香。藍莓芝心撻 ($20)藍莓與芝士向來是天生一對，藍莓的酸甜能夠中和一下芝士的膩。雖然撻底的藍莓醬酸度甚低，味道較甜，但是反而與芝士的酸香相輔相成，不得不提的是同樣鬆脆香濃的牛油撻底，令我這個牛油愛好者如痴如醉。除了抹茶紅豆味及藍莓味之外芝士撻更有原味及朱古力味，不過更加吸引我的卻是其他金黃色的酥餅及包點，高質的芝士撻絕對是讓我再臨的動力。

吃飽飽想回家嘅時候行經帝京餅店忽然間醒起佢哋嘅{海南雞飯}大家咪誤會車媽媽係世紀黑洞呀！其實已經到好飽好滿足，但為何會想起海南雞飯呢？其實我講緊嘅係佢以海南雞飯做型的蛋糕$58，帝京餅店做蛋糕已經做到出神入化之境，竟然連海南雞飯都做得到蛋糕，真係佩服佩服！帶了它回家送給車爸爸品嚐，佢開心到連想都未影就已經放了入口，果然喜歡食雞呀！我都試了少許味道十分不俗呢，最喜歡偽油飯粒的脆米，加埋蛋糕一起吃好有口感喔！

前文提到還未滿足的甜胃，就回家吃海南雞飯，不，是像真度99%的偽海南雞飯蛋糕！搞鬼蛋糕其實是帝京酒店的出品 ($58)，前晚吃飯後特別帶回來。蛋糕面層的雞皮是菠蘿啫喱，至於具層次的雞肉則是椰子慕絲，「配菜」就由奇異果切絲扮蔬菜，又配上木瓜；最後油雞由脆脆所扮，底下是鬆香軟綿的菠蘿慕絲蛋糕，食味清新。面對這個蛋糕，兩兄妹的反應先是驚訝、後是爭吃，笑死媽媽了！大家經開酒店也不妨一試啊。

阿P一向都不喜歡吃蛋糕，所以為他選擇生日蛋糕其實冇乜難度，只需選我喜歡的款式就可以了。平時我都會大費周章為小朋友訂3D cake，而這次，我則睇中了帝苑餅店的限定中秋節蛋糕。這個以「玉兔」為題的芝士蛋糕造型非常可愛，立體感十足，而且只是1.5磅，體積剛好，是大家輕鬆可以吃完的size。那可愛的白兔以及月球都用了我最喜愛的valrohna白朱古力去做，是名副其實好吃又好看的蛋糕。阿P見到這個蛋糕，非常喜歡，因為他的生日願望正是人月兩團圓，大家身體健康，齊齊整整的吃一頓晚飯，他便心滿意足了。這個老公，非常容易please的啊！帝京餅店的出品一向是信心保證，今次的芝士餅也一貫高水準。最佩服那漂亮的紫色chocolate glaze，非常有光澤，製造出galaxy的效果，上面還撒了一些銀色的閃星星。肥肥白白的"小松松"當然走過來湊熱鬧，聞到朱古力的香味也乖乖不碰。恨心將蛋糕切開，內𥚃也呈漂亮的淺紫色，原來師傅選用了法國雜草莓混了mascarpone cheese去做，難怪味道這麼天然幼滑。老公，生日快樂！希望你身體健康，聽教聽話。

帝景餅店都有出品芝士撻嫁喎！為好既我就梗係買黎試下啦，叫做「人氣芝心撻$25」。味道不會太膩，芝士味剛好，不會太濃，食一個已經好滿足既感覺。推薦大家去買黎試食！最後，如果外賣買返屋企，可以放入微波爐加熱再食，咁芝士味會再香濃，因為熱騰騰食係最好味既！

搞盡腦汁同亞女搞下生日高興下，蛋糕係生日活動既靈魂，由細食到佢大既餅店食到悶，來來去去都係咁上下款，咁上下味，今年想比啲驚喜佢，呢款賣點夠港式風味，又係佢平時最鍾意食既牛丸河，唔洗擔心佢唔興奮。果然啲細路見到就嘩嘩聲，好開心咁影相，又send 比朋友睇，做到呢個效果已經值回票價。講到味道方面，仍有進步空間~底層係芒果味 mousse+蛋糕，唔會太甜，清清地，面層有河粉滑流流，似糖水舖果啲扮河粉物體湯汁，可樂啫喱朱古力牛丸，對朱古力有要求就唔好食喇。紅椒，糖製，超甜小記，我們一家只在孩子生日才買蛋糕，因此很感謝創作這款蛋糕的師父，給我的孩子留下難忘的生日。

藍莓芝士撻 $20.今次就試酒店出品既芝士撻 別有一番風味👍🏻就咁眯個樣同市面上既芝士撻有d唔同 個樣冇咁吸引 而且冇乜人買都有一刻諗過食唔食好.拎上手係熱辣辣 我仲以為係放左好耐凍晒呢😂然後我想講既係無論味道同餅底同出面食到既係有出入😌個底係鬆化架❗️第一次食到哩種質感😋個人較為喜愛哩種口感❗️.至於芝士都偏酸味道香濃 好滑既質感 藍莓同芝士都幾夾 唔會係甜 小小酸咁 不過其實有少少搶左芝士既味道😗因為食到藍莓醬就會成口都係莓味😛流心度都算是不錯 跟市面上的差不多吧 很喜歡軟心既感覺呢.overall黎講 我覺得係唔錯 算係有質素既撻 不過熱潮過後仲係咁貴我就寧願食下其他野 

媽媽十分喜愛吃Royal plaza的芝士撻，見到有新口味，於是便做乖乖女買了回家給她吃。有R字代表Royal Plaza 嗰款係藍莓味芝士撻($20)，返到屋企用微波爐叮大概30秒，便可吃到又熱又脆的芝士撻。切開一半和媽媽分享，立即見到漂亮的藍莓醬，味道天然亦不會過甜，藍莓與芝士一向都是絕配，這個新口味非常成功。今次亦試一件鹹的龍蝦芝士撻($38)，平時需要於3日前預訂，但今日咁啱有現成做好的，於是便買了兩件回家慢慢嘆。自從吃過帝京出品的龍蝦粽之後，我便對這𥚃的龍蝦pastry信心大增。原來鹹的芝士撻味道也非常不錯，內藏粒粒龍蝦肉，令整體味道有點像在吃海鮮湯，迅速俘虜了我的心，阿P當然唔執輸，大啖大啖的KO了一件!帝京餅店除芝士撻出色外，造型充滿驚喜的"鬼馬蛋糕"系列亦非常有心思，大家絕對不要錯過喔。

朱古力芝心撻 💲20 @ 帝京餅店唔止芝士撻，連朱古力撻都出到成行成市。貪心既k揀左朱古力芝心撻，貪佢一個撻可以試哂2款味。✌佢朱古力係creamy果種，底層係較實身既芝士，但可惜朱古力味太濃，蓋過左芝士味。如果鐘意食芝士建議揀返傳統芝士撻。👀

大哥生日, 之前經過見到人氣拉麵蛋糕已經好想買黎食! 外表有趣, 內裡好味, 個餡係芒果慕士蛋糕, 佢啲紫菜配料同隻蝦都係由朱古力製造, 又可以食, 又可以影相呃 like =) 成家人都話好好食, 食得好開心, 下次會試埋其他款式

現代人注重健康飲食，以前端午節例牌吃的果蒸糭、鹹肉糭現在都少吃為妙。但為了應節，我一向都有搜羅健康美味粽子的習慣。今年見到帝京酒店推出了創新矜貴口味，標榜少油少鹽，梗係第一時間撲去買啦。這件黑松露芝士龍蝦粽，中西合璧，體積大小適中，和阿P分享來當早餐吃，份量剛好。端午節早上，我們就蒸了它來吃，一邊欣賞龍舟比賽，一邊嘆靚粽。蒸了大約30分鐘，整間屋都充滿着清新的香氣，家中的小松松早已按奈不住，徘徊在廚房門口。我急不及待的張粽拆開，即時肉香四射！糯米部份的黑色點點其實是黑松露，綠豆的份量不算多，因為這隻粽的主角是大大粒的龍蝦肉。將粽子切開，我和阿P都不禁「嘩」了一聲，龍蝦是意想不到的足料，足足有成粒乒乓波咁大，心急的我立即挖了龍蝦肉來吃，非常鮮甜，絕對是用心的製作。糯米帶有濃厚的黑松露香氣，多吃也不覺得膩，綠豆蓉已被蒸至香糯軟熟，整隻粽子都軟綿綿的，三扒兩撥已被我們吃清光了。希望帝京酒店明年又會推出這口味，因為實在是太好吃了。

灰姑娘爆裙兼飽到甚麼都喝不下，但最後還有帝京餅店新出的芝士撻及軟心牛角酥！仙女啊，為什麼妳不變大一點碼數的裙呢？雖然真的很飽很飽，但要講 芝心牛角酥 ($15) 及 朱古力軟心牛角酥 ($15) 都香濃酥脆超好吃！甜魔經過必買必試！後方的 藍莓芝心撻 ($20)、抹茶紅豆芝心撻 ($20) 其實也不錯，不過滋味稍不及前作芝士撻／朱古力撻，也給流心牛角包比下去。故事終於結束了。一如一千零一夜中，國王最後愛上了講故事的女子，二人相愛大團圓結局，最後灰姑娘（其實變了灰大媽）也捧著大團圓肚腩回家！好一個浪漫悲壯的愛情故事！

帝京餅店出品的芝心牛角酥,朱古力軟心牛角酥各$15/件,藍莓芝心撻,抹茶綠豆芝心撻各$20/件,真的好有驚喜 呢個軟心牛角酥真的太魔鬼了,流心的外表已令我跟好友歡喜若狂 ,芝士味鹹香酥脆,一吃下更加欲罷不能,尤其那朱古力軟心牛角酥,酥脆的外皮配襯香濃甜美的流心朱古力醬,真的好吃得很喔!! 帝京餅房的芝士撻一向出色,這次試了新口味藍莓芝心撻,撻底同樣鬆化,而酸酸的藍莓加上香而不酸的芝士,又真的起到化學作用,我很喜歡這新口味啊~ 而綠茶芝心撻味道亦不俗可惜還是被藍莓芝心撻比下去了