廣島沾麵本舖爆彈屋 (已結業)

傳說有間拉麵店裝修超日本，比較隱世同靜，所以想拜訪好耐。之前星期日摸過一次門釘冇開，所以今次就趁星期六黎試吓啦。一入到去真係好驚喜，超日本裝修，仲有日本電視，咁岩又有兩個架仔食緊野，座位大概有十二個，簡直就係鬧市中一片靜土。本來想嗌沾麵，但係店員話沾麵一定要嗌辣。因為我唔係幾食得辣，所以就嗌咗一個唯一唔辣嘅拉麵。豚骨醬油拉麵分量充足，肉質新鮮，麵質彈牙。湯底濃而不膩，食得出唔係味精湯。美中不足係差隻蛋同紫菜，成碗麵只有蔥，荀同埋兩塊豚肉，感覺上性格比不足。其實間鋪最出名係佢啲蠔同沾麵，所以決定下次會再來試。有少少失望係連水都冇杯，冇乜誠意。

每一個月都會光顧之小店餐牌選擇不多，但食材真係高質素⋯⋯好難想像一間樓上店會有超日本裝修、高質新鮮廣島生蠔、超好味沾麵、炸蠔、日式炸雞.........所有野都好好味！2 個店員都係好用心去做，真係值得支持

沾麵之所以叫沾麵，是因為湯汁能夠掛在麵上。昨晚試了一碗熱沾麵，湯汁完全掛不到在麵上，湯頭亦沒什麼香味。慶幸的是叉燒肉質不柴，肥瘦比例合格，但只有兩塊也太吝嗇了吧。另外亦叫了一碗拉麵，湯頭比沾麵香，但以$80-90這個價格來說，市面上有更好的選擇（不在此舉例，免得有被稱打手之嫌）。唯一值得稱讚的是餃子外皮煎得很香脆，但涵料非常一般，同樣沒什麼香味，附送的醬汁也沒有味道。環境有點偏暗，而且窗口很多塵埃，有減食欲。

今日咁啱係銅鑼灣做野，放工後決定去試試哩間想試很耐嘅廣島沾麵。之前有聽過哩間店係主打200倍辣拉麵。不過我今次就無試。 哩間店比想像中難搵，有種隱世小店感覺。一入到店內覺得成個裝修都好日本feel,不過就細間左少少。但都ok既，係張櫈坐得耐可能會有少少攰。我叫左一個豚骨醬油拉麵。麵唔會太軟，口感適中又彈牙，而湯底都夠濃郁，仲有淡淡胡椒味，正！叉燒味道中規中矩，都唔會硬。另外我地叫左個蒜味枝豆同奄列，枝豆好好味，外皮好香蒜味，送酒一流！奄列都唔錯，不過好大份，食到我地好飽。試完今次感覺真係唔錯，擇日要再來試200倍辣麵同其他小食😋

都有一段時間冇黎呢間日本沾麵店今晚同女皇CWB睇完戲都成12點幾！！搵野食時就諗起呢間樓上沾麵店。記得係收好夜0既！呢間沾麵小店比我既感就像回到日本！好有日本感覺～可能因為有日本電視睇。w同埋墻身裝飾都好有日本Feel。不過座位就唔多！因為唔係太餓就同女皇一人叫一個麵。冇叫小食！叫左呢到0既招牌冷麵同應該之前冇既新menu辣拉麵加隻半熟味蛋。女皇唔係食得好辣就叫左兩倍辣！4眼哥哥員工話（20倍以上可以0係小木板上寫下感想）我辣拉麵就要中等辣度！辣度都好0岩我食，整體感覺都幾好味，麵同湯都好夾。隻味蛋好正！但我食完成身濕晒！女皇個冷麵都好彈牙，個掛麵湯係酸辣味好開胃。不過兩片叉燒就好瘦同有Ｄ薄！同辣拉麵個叉燒好唔同！辣拉麵個叉燒肥D好食D！員工都好Nice 有禮。見我成身濕晒仲比左杯冰水我。w

好朋友表示很久冇食拉麵我又好鐘意食沾麵，就找了這間廣島沾麵一試。這間店在一棟頗為隱蔽和舊的商業大廈裡，進門看見裝修多少有點頹廢，只有高凳，坐得不算舒適。點好餐後向店員要水，結果店員回答只有賣樽裝水不提供水，我真的是第一次遇到這個狀況，食拉麵的餐廳沒有水供應！？點了兩份小菜，蟹鉗和明太子薯餅。蟹鉗是解凍即食的感覺，自己可以去超市買到。薯餅和快餐廳10蚊件的沒有分別，明太子我只在淋在薯餅面的汁看到，薯餅沒有明太子味，而且在上面淋汁令薯餅唔脆口，只有一口的油膩感。和朋友都點了一個20倍辣的辛味噌廣島熱麵，賣相不吸引，湯底只有鹹和辣味，沒有味噌、豬骨或者任何鮮味，整份也只是微暖。麵的份量不多，湯汁亦掛不了在麵上，整體沒有找到好食的部分。

這間拉麵店是朋友介紹本人前往的，但近日有見有數負評出現，不禁卻步了一下。。但既然昨晚友人誠意拳拳邀請，我也恭然接受邀請我們到達時晚上７時左右，店內座位確實很少，目測只能坐二十人左右吧翻一下菜單發覺有不少酒精類飲品提供，先叫了一杯梅酒降降溫店裡的沾麵可自選辣度，從１至２００倍，任君選擇，我心想初嘗這裡的沾麵，又不是十分吃得辣，所以先小試牛刀，叫了一碗１０倍辣度的沾麵麵的份量看起來正常，並沒有遇到如之前食評所寫的份量過少情況辣醬汁撤上了芝麻，不配麵先嘗一小口，發現芝麻香及而比辣度及魚湯的味道更為出色，而十倍辣就相對小兒科，我不太能吃辣，但測想下次來可挑戰３０倍辣！麵的口感都是不錯的，頗為彈牙，叉燒味道正常吧，沒有特別之處

今日食完，完全同意某評價，店內裝修雖然好日本，但店員態度差，食物差，3個人食，其中老婆叫小麵個款，真係少到無論，咁就$90,多謝灑（請睇相），得個辣字仲要無咩什麼什麼湯底味，餃子都可以叫做唔錯既小食，開始食個陣見水都無杯都覺得奇，問完店員竟然答我："我地無水供應，得樽裝。" 所謂日本餐廳最基本都做唔到，冰水係日本餐廳對客人最基本既禮儀同對客人既尊重，比人食辣但連水都唔比客人，迫你強制叫佢啲野飲，唔使旨意我再去。***朋友表示好評從何來。😥

自從看了網上的介紹，就一直想挑戰一下傳說中的二百倍辣沾麵，這天特意來吃。我們來到的時候已是晚上九時半，由於店子不大的關係，一進店門已經是滿席，店員安排了在門外等候。靜候了十分鐘，店員便讓我們選擇坐吧枱或圓枱，順帶一提，這裹也算是半間居酒屋，四人枱在繁忙時間也不會要求客人搭枱，非常貼心我們選了圓枱坐下，因為之前已經在網上看過餐牌，決定一戰招牌的廣島辛辣熱沾麵，沾麵主要分為冷沾麵和熱沾麵，辣度分別為0～200倍和2～200倍，我們兩個人都叫了熱沾麵，我決心挑200倍辣，而朋友則叫了100倍辣。我們等了良久，期待已久的辛辣沾麵終於來到了，看上去跟圖片一樣火紅色，聞起來只有淡淡日本辣油的氣味。因為心裏還是有點怯的關係，事先每人叫了一杯烏龍茶。先沾了一小口辣湯吃，出奇地沒有什麼辣味!!一入口只有少許鹹味加上一點點辣油香，不像譚仔米線的辣很快出來。再多吃了幾口，它的辣味開始慢慢的滲出來，充滿了整個口腔，算是後勁型的辣。至於辣椒的味道則比較淡，不是那種我們平時吃麻辣火鍋吃到的辛辣，不會大起大伏，卻很平穩地一直滲出來，良久揮之不去。此店用於熱沾麵的是曲麵，我個人來說比較喜歡吃這種麵，其麵質有彈性，麵身

星期六唔想排隊等餐死就決定寧願食早d, 唔使同人迫, 見到呢間d野食幾吸引就去試下...上到去似係居酒屋既感覺, 好彩好早去到, 間鋪得我地去食姐...燒明太子去到邊都要食明太子, 好似第一次食燒既明太子, 外面燒得好脆, 配埋青瓜食就唔會覺得膩生蠔呢度既生蠔好creamy, 而且唔會話太細隻, 可以過下口癮冷麵未食過廣島既沾麵, 開頭以為個湯係熱, 估唔到係凍, 仲有勁多芝麻, 佢有得揀個辣度, 分別有0-200度, 不過想試下原汁原味, 所以就冇辣啦~個麵配左好多青瓜絲蔥絲, 仲有3塊叉燒, 咁樣食沾麵都幾新奇, 麵唔會好淋, 食落好彈牙

上次嚟呢間沾麵舖已經係一年幾之前嘅事。呢間係樓上舖，大廈個入口又細又隱蔽，我同朋友搵左一輪先搵到。今次夜晚9點幾上到去，難得只有一枱人，可以坐得鬆動啲客人食完辣度20度以上嘅沾麵，就會獲得小木牌畫公仔，而吧枱嗰邊就用咗呢啲小木牌裝飾👇🏽👇🏽收銀隔離有一個滿滿嘅sake同梅酒櫃🤤我記得炸雞好好食，即刻叫咗4件。睇多陣餐牌，我同朋友都叫咗辛味噌廣島熱麵，沾麵辣醬由20至200度，我地分別叫咗25同20度(上次我食湯麵，所以今次只係叫少少辣試水溫)。另外，我地都叫咗一隻燒魷魚。👆🏽炸雞配檸檬汁超醒胃，雞肉嫩滑無雪藏味，皮炸得超脆、粉唔厚，用了少少鹽同味粉已經好入味👆🏽辛味噌廣島熱麵及炸雞👆🏽25度嘅辣醬，食到譚仔大辣的我表示係5小辣，不過佢係辣椒嗰隻辣，食完個胃感覺好暖醬汁滿佈白芝麻，沾上麵條加添咬口👆🏽拉麵煮得剛剛好，咬落微微彈牙，不過淨麵就無咩味道，得好少麵香，連大量葱絲及醬汁食就好好。叉燒比好多舖頭嘅厚及大塊，膏肉比例滿分煮得淋，食到濃濃嘅醬油味流心蛋熟咗啲，煮少30秒應該會正好多，不過重蛋味，補返數啦👆🏽燒醃魷魚，燒得比較乾，內裏醃漬好咸，送啤酒好嘅(不過今次無叫)，唔係我心水，自己

深夜食肆既選擇不太多，又唔想下下都食一蘭，所以就黎試下呢間。我地去果陣麵類得返冷麵，所以只好叫呢個。呢度既麵都有辣度既分級，冷麵由0-200級。Waiter話小辣一般係5-10級，我地第一次試，所以叫住5級先。個麵咬落都幾彈牙，仲有3塊薄薄地又淡淡地既豚肉，而5級對我黎講都不算太辣，所以下一次可以再嘗試挑戰高一D既等級。如果挑戰20級或以上，仲有一個牌仔比你，你可以隨意畫野上去，然後個牌可以掛係店鋪既牆上面。另外，我地仲叫左個omelette，d蛋好滑好香，個醬汁同d蛋同配料好夾，令成個菜式更有味道。最後我地仲叫左個餃子，豬肉同韭菜既比例岩岩好，而且咬落去好多汁，非常好味。

繁囂的都市生活，日復一日，一直想找一個世外桃源，享受片刻的寧靜。在這裡可以找到一份久違的愜意，是我短暫逃離俗事的一處避難所。近日經常無故失眠，滿懷心事下久久不能入睡，有時甚至靜聽點滴到天明。一夜無眠，總會想當年。憶想曾有一段深宵日子都流連於銅鑼灣的「廣島沾麵本舖爆彈屋」，現在也有一段時間未有光顧這家店了。舊地重遊，決意一吃解千愁。這家店的招牌菜是客人自訂辣度的拉麵，有熱湯的，也有冷麵。拉麵的辣度可以由0級遞增至驚人的200級，吸引了無數嗜辣如命的狂迷直來挑戰極限。可惜我並不偏好富澱粉質的食物，抗辣能力亦不足。為免因嚐辣而香消玉殞，也只能點一些輕口味的招牌小吃。用餐前先來一杯威士忌，是我一如既往的用餐習慣。由於太烈的酒入口灼熱，空腹飲用亦對胃壁造成傷害，因此我不是太喜歡烈酒。所以這次也未有點酒精濃度較高的清酒，也未有選擇較甜的果酒，還是點上平日至愛-Beer吧！微酌半杯後，馬上點了數隻廣島生蠔。這家店的生蠔入口軟滑creamy ，沒有半點腥味，可見生蠔的確是每天新鮮空運抵港。一口啤酒，一口生蠔，兩者混合在口腔裡漸漸溶化的感覺絕對非筆墨所能形容。爽脆的櫻花蝦可以說是我每次必點的一道佐酒小食

廣島沾麵 (小)對比起店內其他食物廣島沾麵稍為遜色🤔麵可以揀熱麵或冷麵🔥❄️面頭鋪上極大量既蔥絲😂但又好難撈埋落啲麵度一齊食😂😂麵條比較幼 掛汁度相對較差🙄而且叉燒奇瘦無比🤔沾汁辣度 由0倍到200倍任君選擇😱😂但整體味道真係冇太大驚喜 普普通通😋😋😋-廣島蠔人生一定要試一次廣島蠔😭😭😭真係可以用creamy形容佢!!!!!廣島蠔係呢度其中一樣驚喜😍蠔殼會用一堆鹽巴係底部托住固定🙈防止隻蠔周圍走🏃🏽🏃🏽店員會俾埋一枝lemosco配生蠔🙈咩係lemosco?🙆🏼就係一枝用上廣島檸檬所做既辣椒汁🍋🍋 配生蠔一流喔😚只係落左2,3滴 鮮味已經提升左好多!!!(噢長知識了😆😆)-講返生蠔先😳生蠔非常新鮮而且開得好好無碎殼😆完全冇腥味而且而且食落非常creamy😍😍咬落口好似食緊好重蠔味既忌廉咁🙈可以話係呢度最岀色既食物😳😳真係好好食架我地都忍唔住encore😭😭😭🙈

話說啱啱喺廣島翻嚟，喺佢到食呢間祖宗店意猶未盡，翻到嚟香港之後仲想再試多次果種辣到沖天同時又被惹味嘅鰹魚汁衝擊奈何一上到去樓上鋪已經感覺到濃烈嘅頹味店面頹唔緊要，連食物都頹過人上圖分別喺50倍辣同100倍辣我喺廣島一百倍就已經辣到要去廁所呢到食完100倍之後完全無乜感覺個沾面汁就得個紅字，其實無乜特別味唔好話佢唔夠辣，連個汁都單調過人除左辣椒皮果種pepper味之外乜都無冷麵嘅質感都好裂，菜麺比例fail如果食嘅話請大家坐平機票翻日本食啦唔好因為呢間啲quality而對爆彈屋產生質疑