康瑞涼茶 (已搬遷) 新店位置

想試這間糖水好耐，5點多路過，先食飯？食甜品？原来4點才有甜品，好彩冇早到。。在中醫傍開的店,糖水有藥用價值？試咗1号。特式仙草百配:有芋圓,地瓜圓應該黄色,小丸子,薏米..碗很多材料,分吾到芋圓,小丸子$25好抵..细细粒口感很好,仙草似涼粉..很滑有點草藥味...清熱材料充足。。如果凍一點更好生意太好,借了中醫師枱给我坐,服務很好,扮咗一陣醫師...

吃貨也好有誠意💁差不多半年前專登去搵佢點知冇開今日終於食到啦 想不到宜加係咁咁咁多人一間小小涼茶店逼爆晒人👍等位是常識吧 好彩唔洗等太耐不過製作需時始終係小本經驗見10個有9個都叫左尼個仙 草 百 配 $25老老實實$25蚊價錢都ok啊入面有仙草、芋圓、地瓜圓、小丸子、紅豆、薏米、西米等等仙草好野黎，清熱氣、排毒。整體都唔錯啊，雖然叫左凍但唔係冰凍果種算係室溫凍小小。味道唔太甜，而且好多咬口十足既野咬下，不錯

上次因沒留意開店時間而吃不到，今次特意再來，一到埗已經見到大堆人在聚集，原來碰巧TVB在拍劇，可惜遲了一步不能跟馬明合照看到餐牌已覺得十分吸引，雖然選擇不多，來來去去其實都是仙草芋圓，但勝在一碗有齊多個願望點了碗椰奶紅豆沙配芋圓、地瓜圓、小丸子，紅豆沙淨食味道較甜，但配合芋圓吃則剛剛好，先說味道真是真材實料，芋圓同地瓜圓都有淡淡的芋頭和蕃薯味，絕不是那種人造味道，加上口感煙韌，比我在台灣吃到的更好更QQ除了紅豆還加了西米增加口感，每吃一啖都十分滿足！以這價錢就可以吃到一碗製作用心，而且用料十足的甜品，在這個社會真的已經少之又少，往後日子一定會多加支持

呢晚晌康瑞涼茶食糖水，出面好多人等，晌炎熱嘅晚上企咗成半個鐘先入得。一坐低即叫嘢食。凍特色仙草百配，入面有地瓜圓、芋圓、小丸子、仙草、西米、薏米、紅豆、台式珍珠、淡奶同糖水，係豆類同糯米糰嘅配搭。地瓜圓同芋圓都係佢哋用人手自家製，地瓜圓煙韌微甜，芋圓嘅芋頭味突出。仙草係台灣說法，即係我哋成日食嘅涼粉，因為佢表面非常滑溜，體積切得較大嘅就比較難用匙羹舀起。西米、薏米同紅豆煮得腍軟得來有嚼勁，加咗淡奶同糖水，甜度適中。食完有涼浸浸嘅感覺，雖然地瓜圓同芋圓唔錯，可惜入座安排有啲混亂，同埋佢哋係即叫即煮，所以出得好緩慢。住晌附近或唔介意晌街上面食嘅話建議外賣，堂食要等咁耐就有啲唔值。

我好鐘意食芋圓，點知網上面好多人推介呢間中醫涼茶舖。去到真係睇唔出佢有芋圓食，我叫左個特色仙草百配。等左十分鐘左右，芋圓見係人手猜，人手造，入面仲有燒仙草，綠豆，珍珠，西米，大熱天時食碗仙草的確透心涼，味道講真就普通，但係香港有得食，頂一頂住台灣芋圓癮先

由網上得知街坊小店有做糖水後15年12月第一次試，已經覺得好有家的感覺，初時無人認識，連街坊既我都唔知佢有賣糖水，淨係知呢度有間涼茶店。佢喺舊馬會隔離，連住隔離舖位係中醫診所。舖頭好細，日頭只係得舖面賣新鮮涼茶，到夜晚中醫關舖後就攞埋隔離位放到3張檯，加埋舖外地面2張檯。第一次黎既時候見到有心人採集資料似乎想幫老闆娘喺網上宣傳，聽到老闆娘講佢從台灣既朋友學識整芋圓地瓜圓，所以喺自己間涼茶試下賣，啲手繪"手工芋圓 仙草"都係佢個女畫既，平時應該放左學喺舖頭幫手。第一次食果時可能未有人知無乜人幫襯，配料應該一早準備左好耐，試左個仙草百配既配料好多都水準質差，例如薏仁、西米痴埋一齊已變硬，芋圓地瓜圓又係變硬左唔煙un。不過隔左一兩個月再試，多左好多客人黎食，成日都坐滿曬，煮得密左，果啲問題無曬，芋圓地瓜圓仲改善左好煙un。而且1號仙草百配由$20變到$25，有仙草薏仁紅豆西米珍珠芋圓地瓜圓丸子咁多料，改到$25都不無道理。不過最近見到有食評講堂食等成粒鐘個糖水仲未黎。其實每次黎都係滿座，所以我會選擇外賣。因為佢本身係涼茶舖，夜晚高峰時期見到都係得3個人打理，要應付滿堂時有20個客都唔易。由於

大熱天時，在街上多走一步都會大汗淋漓。 但朋友堅持要到深水埗這間出名的中醫糖水店食糖水。 想不到在夜晚九時多，門外已坐滿及站滿了食客，我們也等了一會兒才有位坐。 朋友大力推介這裏的招牌糖水，特色仙草百配($25)。台色糖水，大大碗，有齊仙草，必試的芋圓，地瓜圓，薏米，紅豆等，十分足料。 重點是老闆會加上大量的奶，食落又香又滑。這個價錢但有這個質素，絕對稱得上價廉物美！

特色仙草百配 💲25 @ 康瑞涼茶上次去到摸門釘，今次終於試到。唔知係咪因為早去既關係，無得堂食，只可以買外賣坐係中醫館度食。配料果然好豐富呀，有薏米、紅豆、西米、仙草凍，仲有k最愛既芋圓同地瓜圓。k覺得呢度既芋圓地瓜圓係k係香港食過味道最接近台灣既，而且佢既糖水唔會過甜，呢點加分。 

每次同朋友食完晚飯後，總係覺得意猶未盡，要食下甜品再吹下水先過癮! 當然，如果食到一碗足料又滋潤既糖水，咁就非常滿足啦！不過今時今日係香港地，都幾難搵到間好味又多料既糖水，但意外地發現，係深水埗醫局街既康瑞涼茶，除左賣涼茶之外，亦都有賣足料養生糖水，而且主打台式芋圓、仙草！ 呢晚9點幾黎到，舖頭外面已經圍滿人等外賣，舖內有冷氣既位唔多，得三枱 (連醫師平日診症既枱都開埋出黎)，於是都等左一陣先有得入去食。雖然係小店，但安排都好好，入座同外賣都會派飛，唔會立立亂。 一開始以為得幾款普通糖水，點知都有接近廿款食物飲品賣，而且價錢都只不過係$18-25，以糖水既價錢黎講，已經係好抵！ 為左食到哂佢地既主打，我點左1號 特式仙草百配！糖水一上，我已經好興奮，因為糖水面上淋左好多奶，配埋仙草一齊食就更香更滑。糖水配料真係十分豐富，有齊紅豆、薏米、西米、芋圓、黑珍珠、小丸子... 熱天食呢個糖水對身體唔錯，因為涼陣陣既仙草有清熱解毒功效，而紅豆薏米則可以消脂去水腫！ 我特別欣賞d紅豆同西米都唔會煮到溶或者糊口，佢地煲到依然保持到原本既形狀但又夠淋！另外，佢地自家製既芋圓亦要一讚，口感不但

琴晚食完晚飯 我朋友話想去試下哩間 佢話openrice特輯見到好似好正 所以我地就特登搭車去深水埗試下😏 (註: 如果唔係諗住行深水埗既話 南昌站行過去行得舒服d 因為沿路比較少舖頭 反而深水埗站出就好多收電器既夜冷)我地一去到💦🔥 大概9點鐘左右 舖頭入面已經坐滿哂人 但好好彩我地見出面仲有一張空枱 見唔算太熱 就坐低咗😀😊😀😊餐牌好簡單 一睇就明 都有十幾款可以食😆😊我就嗌咗3號 桂棗雪耳湯底配芋圓 小丸子 地瓜圓 可熱可唔熱 天氣太熱既關係 我就嗌咗碗凍既 不過其實都唔算好凍 再凍少少會好食d 會更透心涼 一碗都算幾大碗 材料十分足 有好多雪耳 芋圓 小丸子同地瓜圓 夠一個普通食量既女仔 即係我食 而我朋友就覺得大碗得滯🍧睇相都睇得出佢一碗好足料 食落好解渴 唔會話好甜 岩岩好😆 入面仲有龍眼肉 比起台灣個種更港式 我覺得絕對可以試下去食 好多人都外賣拎走🏃 我建議可以早少少黎食就可以唔洗等太耐位⏰⏰ 同埋想外賣就可以早d打去同老闆講定幾時拎 咁樣一黎到就拎得😎😎😎😎

之前去過一次，哎呀！未開門！要4：00才門！百行一趙！昨天，6月中天氣30度，熱死辣辣，我們當然想食涼浸浸的甜品啦！我和朋友再次提議去，4：00由尖沙咀出發坐2號巴士是最方便，最接近涼茶店。去到發現原來店面超細，只能企街食，oh no! 我們叫了：凍綠豆沙+芋圓，小丸子，仙草，蓮子熱桂棗雪耳+芋圓+小丸子好好味！真材實料！但仙草不及台北好！欠缺甘草味！總結，味道好，但無位坐，要改善。旁邊已夠有人搶他生意，有位子坐，做生意要懂得留住客人。

康瑞涼茶有次故意走來才發現下午四時才開門，第二次友人路過幫忙買外賣，多好。明明「芋圓」的製作，是將芋頭蒸熟壓泥，加入地瓜粉及水拌成糰，但怎麼味道完全沒某芋頭味道🤔，既Q彈又爽口😵？小碗仙草芋圓內裏「不乎合」商品說明條例😍，因載著🤘🏿更多👍🏿沒說明的料，如紅豆、綠豆、薏米、珍珠奶茶的珍珠、西米，極為豐富，每口都充滿粒粒，吃飯後再吃康瑞的芋圓，必定飽至肚腩漲漲。仙草很大團，又軟林如絲，𠝹開了也難以盛起來🙄。芋圓小小的，比九份的小得多，又黃又紫，煙韌彈牙，差點咬到「牙骹」軟。份量極多，每次都會盛到芋圓在羹上。糖水不算太甜，還額外提供了小杯花奶👍🏿，外帶也提供如此服務，真細心（因為有時連麥當勞早餐叫咖啡也漏給了奶精的）。

友人最近向我推薦康瑞涼茶的芋圓很有台灣風味叫我如果想去台灣旅行不如黎呢到望梅止住渴先😅所以今次我就黎試下係咪真係咁有台式風味先🤔看店舖外觀只是一間平平無奇的小食店隔壁有間中醫診所但原來兩間是打通的😯有不少食客會坐在中醫館吃一碗碗糖水因為最近天氣燥熱所以我和友人點了一杯清肝茶和兩碗招牌特色仙草百配它們店的糖水是即叫即整的所以我們邊等糖水邊等位等了15mins左右就有位坐啦☺️可能是因為剛開舖不是太多人🙈我們坐下來之後外面就越來越多人差不多有二十多個人在外等位或外賣呢😮涼茶功效不是一喝便有所以很難評論但$9就有一杯咁大杯的涼茶☕️真的物超所值👍🏻特色仙草百配材料十分豐富有仙草、芋圓、地瓜圓、紅豆、薏米等多種配料紫色的芋圓和黃色的地瓜圓一碗就有數十粒😳😳😳用料份量十足☺️而且咬下去煙韌彈牙😬喜歡吃小丸子的人必試啊😌雖然配料很多 老闆娘還為我們加了一點兒花奶但吃下去倒是很清新🍃烏黑黑滑溜溜的仙草帶一點甘甜😗😗😗有點兒像吃龜🐢苓膏的感覺但又不是那種甘苦味所有配料混在一起吃真的很有在台北九份吃芋圓的感覺😍

早排睇到好多blogger推薦深水埗呢間隱世芋圓我呢個芋圓控當然叫慕名去試一試去到深水埗嘅時候 啱啱兩點鐘 涼茶鋪仲未開門於是乎就去附近行一行等到佢四點開門就過去點知一去到嘅時候已經好多人等緊買芋圓我都唔執輸排埋一份 等左十分鐘左右終於有得食仙草百配($25)果然佢個名係真係冇呃人仙草佔成碗糖水嘅80%涼茶鋪整嘅仙草好好食 除咗有仙草本身嘅味道亦有果凍嘅質感係呢個炎熱嘅天氣食有一啲消暑感覺係芋圓方面 係由駐店師傅製作 識落同台灣傳統嘅冇太大分別糖水方面 師傅加入薏米芋圓既煙韌加上薏米既咬口 加強左整體嘅口感整體來講完全覺得＄25買到一碗質素高嘅芋圓係真係好值

相信不少食友跟我一樣，看過【開飯餐廳專訪】，才知道這小店的存在吧！一心來此吃台式糖水，即使有多隔涉也在所不計。走了足足十分鐘才到瑞康涼茶門前，這醫局街遠離鬧市，如非傳媒的魔力，相信前來的食客不會太多。才不過八時，小店的門前已聚集了三、四十人，也不計算店内的堂食客人了。  看到如斯光景，當然是選擇外賣了吧! 瑞康涼茶日間只做外賣，晚間則以醫館作堂食之用。小小的醫館候診區内放滿食桌，目測該有二十人左右吧! 廚房裏一陣忙亂，糖水是即做的，芋圓也是即煮的，誠意可嘉。 毛筆字寫成的餐牌點在牆上，除了燒仙草、地瓜圓、芋圓外，更多的是紅豆沙、綠豆沙、腐竹白果、西米露一類的港式糖水，但由於可以互為搭配的關係，絕對可以稱之為「港台糖水」。  既為台味而來，選擇當然是特式仙草百配吧！外賣的等候時間頗長，足足等了二十分鐘，真有點讓人等得不耐煩，而堂食的食客也好不了那裡去，既要等又要迫，如不好吃就相當不值了。老公對如斯光景有點嗤之以鼻，無他，他是不吃台式芋圓的。 外帶的關係，凍食較為穩妥。這碗特式仙草百配($25)份量不少，黑卒卒的糖水當中主要有燒仙草、芋圓、地瓜圓，也有紅綠豆、薏米、珍珠、西米伴吃，配料繁雜