康瑞涼茶 (已搬遷) 新店位置

在網上無意中得知深水埗有間中藥店有芋圓食，我自已非常喜愛食芋圓，自從在台灣食過好味芋圓後，一直都很懷念，所以得知香港有間好評如潮的芋圓店，便立刻飛奔去食。雖然今天落很大雨，但都沒有減退我前往食芋圓的熱誠！即使黃雨，仍然有不少人在排隊購買。由於店內只有應診中醫師那邊的幾個座位，所以多數人都買外賣，站在店外旁邊慢慢食。先付錢購買，便會即時製作，所以等了大約15分鐘。我們在店內進食，大約坐著6-8人，大家並排而坐，中醫師看著我們食芋圓，非常有趣！我們選了仙草百配，包括有仙草，芋圓，薏米，地瓜圓，紅腰豆。非常足料，而且味道不太甜，吃起來很健康。一碗仙草百配只售＄25，非常合理！

一離開9份就立刻掛住芋圓，好懷念讓我得悉原來深水埗也有一間賣糖水的涼茶舖，當然要去朝聖，解下掛念台灣芋圓相思之苦！居然還有手寫的餐牌，真是買少見少了！而且地方有限，只有門前兩座位供堂食，看見很多人都是外賣的。酒釀桂花芋圓：由於這個是即叫即制，所以只有熱的。有芋圓及地瓜丸：非常煙韌，而且芋圓有芋頭味，很有台灣的風味！只是略嫌細粒，如果跟台灣一樣大粒，相信會更有趙口，更有口感！另外，還叫了特色仙草配搭：裏面有芋圓，地瓜圓，小丸子，紅豆，西米，當然還有仙草啦！非常足料，芋圓有芋頭味，很有台灣的感覺！！如果芋圓再大粒點再多點就好了這個可選凍食或熱食，而我選了凍食！很遺憾，只有仙草是凍的，如果整個甜品再凍點就正正子了！！！ 就$25這麼足料已非常不錯！可暫且解下對芋圓的相思之苦！

成日係ig見到人推介尼間啲芋圓，話又平又大碗又好食! 上次黎賣晒試唔到，今次個朋去食有，叫佢幫我外賣食招牌芋圓，一食落係冇咩味，因為佢應該冇咩點落糖。不過我超級中意!!! 因為味道好自家制，一定健康唔係落埋啲奇怪調味。我自己落左啲糖，因為真係好淡，我本身個人食野好淡都落啲糖先得。不過個味我堅中意，因為太甜反而冇得救! 今次我連水都飲埋仙草食落勁似龜令膏，好健康好滑! 芋圓番薯圓仲有隻白色嘅圓，都好煙un, 不過材料個味出，唔太食得出番薯/芋頭味~ 啲料仲有薏米，紅豆，珍珠同西米，全部都煲到岩岩好火喉，唔會太林，有咬口!超級推薦

第一次幫襯，叫咗招牌的仙草百配，味道微甜，不會太膩，感覺較健康。除了燒仙草，「百配」包括我最喜歡、香港較少有、煙韌軟糯的芋圓和丸子，另外加有紅豆、西米等等，口感豐富。份量頗多，吃完已半飽，在附近吃些小吃，已是不錯的晚餐。

深水埗的中醫館內裏的糖水鋪 我叫左特色仙草百配 滿滿的紅豆、薏米、芋圓及焼仙草，嘩！好豐富呀！甜味就剛剛好，不會過甜，又足料又唔貴，仲好飽肚，抵

上次在嘉頓山拍了夜景後，就打算順道去康瑞吃糖水，可惜摸門釘遇著醫師番大陸飲，今次終於有營業。剛巧排隊的人不多，等約10分鐘已有位。 全部糖水也有供應，上次聽朋友說有時候大部份已售完，我們很幸運。 特式仙草百配 $25，芋圓是人工做的，相當有心機。凍食約是室溫，不是冰凍的那種。芋圓、地瓜圓好QQ，切得很工整，仙草滑到跣入喉嚨，又抵食又好味，好幸福。而後面的桂棗雪耳甜湯 $20，微甜，很滋潤養顏，很適合女生品嚐。

朋友話呢間涼茶店的芋圓同台灣食的一樣, 很新鮮, 引到我口水直流, 放工第一時間開車去食返碗去到只係7:30左右, 但已經有人幾個人等緊, 隔離中醫店已經變身成為小店的一部份, 坐得滿滿的.  由於重有嘢要做, 只好叫一碗特色仙草百配外賣返公司食完再出去.  由於人真係太多, 足足等左10分鐘先有.  見店內兩個年紀較大的女仕一直係到整芋圓, 呢到D芋圓應該幾好賣呢!返到公司急不及待即開嚟食^^ 好多煙煙韌韌既芋圓同地瓜圓呢! 除左芋圓同地瓜圓外, 重有仙草, 西米, 珍珠同紅豆, 口感十分豐富, 真係真係好好食! 味道亦不會太甜, 感覺比較健康!  大大碗只需$25, 真係好抵食!最可惜係佢只配奶精, 而不是鮮奶, 如果配鮮奶味道應該會更香更滑, 下次如果再嚟食會自己帶盒鮮奶去, 唔好浪費左碗咁美味的甜品。

某天好友傳來一張雜誌報導的照片，是介紹一家晚上有甜品提供的中醫館，細仔一看原來在我家附近，於是便前往一試。叫了一碗特色仙草百配，才不過$25而已。抵食，是因為它很足料，已經很美味。仙草底加上小丸子﹑地瓜圓﹑芋圓﹑珍珠﹑西米及紅豆等，用料十足。仙草微甜，帶點煙韌，食落透心涼。而地瓜圓及芋圓十分有嚼勁，彈牙，而且食得到蕃薯及芋頭的香味。食完一碗真的很飽肚，感覺很滋潤。不過可能所以糖水都係即整的關係，食之前要有心理準備要等一陣時間，這次我們就等了30分鐘左右。

今晚同甜心去行深水埗行街，係網上有專輯介紹過康瑞涼茶，係一間中醫鋪頭，搭賣台灣芋圓糖水，佢有唔同嘅糖水底，我今日試左招牌"特色仙草百配"佢唔係好甜，而且芋圓嘅份量仲好多，唔同其他賣芋圓嘅甜品鋪，2x蚊得幾粒，價錢實惠佢係涼粉底配薏米，小丸子，3色芋圓，珍珠，西米露，紅豆，值得再試!!另外一個係椰汁西米(小丸子，地瓜圓,芋圓)，份量就無招牌嘅百配咁多，但都不錯丫題外話，老闆都幾好人，夜晚食係會多啲人，要等等，而且地方唔算大，去之前要有心理準備丫

早前看雜誌才得悉這涼茶有經營糖水，今日有機會去試試。到下午4時已有約10人排隊，店主約4時08分趕到開鋪。先說味道，試了仙草百配及雪耳湯底，味道清新，小丸子彈牙好味，雪耳底甜度適中，整體值得推介一試。再說價錢，今日要$25了，增加25%，好明顯係因為近來有雜誌推介，人多了而加價。畢竟還是可接受及合理的價錢。經營方面，店主當時開鋪接單，客人沒有收據或派飛去取食物，純粹是店主嗌糖水的號碼，客人自己上前取。因此，約10個人，已有3個客人因這種混亂而錯取他人的糖水，然而，這是很容易可以改善的地方，派飛或給輪號碼咪得囉。另外，似乎店主剛開店才煮小丸子或翻熱部分糖水，使我係第7個客人，要等35分鐘先可以取糖水。當時有啲等到忟。同時，由於佢鋪內地方有限，有兩位後來的客人order涼茶，佢都話啲茶未熱，叫客人轉頭再來。若再光僱，我不會選擇剛開店時時間來。整體來說，糖水是值得試，但似乎不在剛開店的時間去會好一點。

：特式仙草百配 熱或凍都得 奶可選忌廉奶或椰奶 $20中醫店涼茶舖 有胡醫師做廚師整好多獨家甜品食！小店自家製 因為人唔多～ 所以出品都比較慢 但比少少耐性就可以係寒風陣陣之下❄️ 廿蚊就有暖笠笠既養身甜品食 抵到爛足料到爆😍胡醫師真係好有人情味 好好人💖～ 有凍或者熱揀 本身好struggle因為坐到店入面好暖食熱好似好熱😂 最後都係揀左熱 黎到之後唔係熱到燙嘴個隻 反而係啖啖都微溫 飲落去岩岩好唔會太熱✋友人凍既都唔係個陣凍到入心 透心涼咁誇張 夏天未必夠凍 但宜家既天氣 口痕又想食凍甜品 呢個最好不過啦🙆🙆 仙草百配大大碗 入面有：滑luekluek既仙草凍，健康既薏米西米，煲得剛剛好 好綿既紅豆，煙煙韌韌既黑珍珠 芋圓地瓜圓🍠好多料呀😋 不枉我同朋友山長水遠去深水埗食 真係好正 好少可仲可以有咁既價錢咁大兜好足料😳😳 呢個真係一定要去食 唔係講笑😭😭😭👍：滋潤紅棗雪耳 熱 $16 飲一啖已經覺得好滋潤😂 見之前個post大家都好似好想去 即刻post多款先🙈 不過唔係講笑呀真係要去試下👍 呢一款飲落去比較熱 超級暖胃 絕對唔會太甜 所以好正😋飲落去好香既紅棗味 料一樣咁多！雪耳好

在深水埗食完泰菜後，意猶未盡梗係要食個飯後甜品。每次去食晚餐前，小妹都會預先揀好某間甜品店，就好似今晚就揀左呢間可以叫隱世但又唔隱得晒既糖水店。位置係深水埗一間賣涼茶的中醫店內，小妹都係經由網上先知入面有糖水食，仲要係台式糖水，足料又抵食咁話!.其實位置有點偏，位於醫局街某間不太起眼的涼茶鋪 (仲要咁岩最新有人搭棚)，就係佢喇康瑞涼茶! 七點多去到，只有我們一檯客，本身室內都只有約三、四檯座位，後黎直情坐滿，要老闆娘係出面開埋檯，認真厲害! (店主話平時開2，3點鐘架，所以唔好太早去撲空).糖水款式一本相簿睇晒，即叫即整，包括有特色仙草百配、雪耳湯底小丸子、紅豆沙配小丸子、椰奶紅豆沙、椰汁西米露、酒釀桂花湯丸、薑汁湯丸、蓮子腐竹蛋、海帶綠豆沙等，仲有糖不甩、手工咸肉棕和什果啫哩。而且價錢實在太佛心了，都係約廿蚊碗，超抵食的說!.特色仙草百配(凍) $20裡面有兩種芋圓、仙草、薏米、紅豆、西米、珍珠，椰汁底。芋圓煮得軟硬適中，食落有咬口；紅豆煮得夠綿，仲有食落涼浸浸既仙草，口感豐富得黎最重要係好食!整體黎講又平、足料又好食! 雖然好誇張，但小妹真係食到停唔到口，小妹好少會一路食一路點頭架

< 涼茶鋪嚐台灣味 >特色仙草百配 ($20)一間隱世般的涼茶店憑口碑先被發現有台式甜品一碗仙草底的糖水中有幾色芋圓 仙草 珍珠配料甚多顏色多彩吸引 加入小盒花奶就更誘人糖水有淡然的黑糖香 加上甘甘藥材香的仙草幾夾芋圓煙韌不過不夠芋香或蕃薯香 珍珠軟腍 丸子淡味薏米帶穀物香 西米入口即化可能在糖水中浸軟了整體足料又大碗味道不錯 抵食 不過未太大驚喜Rating💁(7*/10*)

已經是第二次專程來到這間涼茶舖吃芋圓，今次同樣地選擇了特色芋圓仙草百配。雖然味道不算是正宗台灣味道，但芋圓、地瓜圓即叫即整， 煙韌軟糯，每吃一口芋圓也帶微微的芋香，而且配以仙草凍、黑珍珠、小丸子、薏米、紅豆等多種配料，口感十分豐富，充滿了qq口感。份量適中，而且價錢適中，對於芋圓愛好者來說是值得一試。*特別留意是堂食只限晚上大約七點開始

早在數月前已在 iger 朋友得知這隱世甜品, 因為無事不去深水埗, 一等就到年尾。  那天是平日的下午, 吃完惹味的有一腿後, 喉嚨急需舒援, 可是手上拿著的康瑞涼茶資料並非更新版, 只好博博看。在街上若然不細心留意, 肯定會走過龍。舉頭看見「台灣名產」等幾個字, 更加知道就是這裏。門面沒有顯示太多有關「有甜品賣」的資訊, 而且iger說過的堂座位置也看不見。直至開口向店內女仕提問, 她才拿出一本相簿給我, 並告訴我要在晚上七時, 旁邊老中醫下班才會開放桌椅堂座。我們點了 (左) 特色仙草百配 及 (右) 雪耳湯底小丸子 , 各售 $20。雪耳湯底煮得足夠火喉, 起膠的, 喝進口裏是超潤滑, 差不多可以凝固, 甜度適中, 雪耳軟滑, 吃的時候千萬要小心, 一不留神足以滑進喉嚨, 其他材料還包括大粒又甜的紅棗、龍眼肉、芋圓、地瓜圓, 小丸子口感極之煙韌彈牙。仙草百配滿滿的, 滑嫩Q彈有回甘, 百配中有粉圓、薏仁、紅豆、芋圓、地瓜圓, 略嫌芋圓、地瓜圓沒有預期的大塊, 口感差一些, 勝在少甜而我們不會落隨甜品贈送的奶精, 無謂浪費了健康的心意。