廚匯濃湯雞

营业中

休息中

想食啲粉麵，行過喺旺中後一條街快富街見到這一間店舖門口睇餐牌覺得ok就入去食餐廳都幾多人食， 好彩咁啱有人走執完係枱就可以入坐我自己好鍾意食濃味，一見到有胡椒豬肚就揀咗胡椒豬肚雞鍋以為胡椒豬肚雞啲雞會好粗鞋點知唔係,超級嫩滑,好好食仲有好多豬肚湯底好舊濃味,底嗰度有不少胡椒我今次配薯粉,薯粉吸咗湯底胡椒湯覺得好惹味價錢只係58蚊真係覺得好抵食朋友就揀咗濃魚湯三寶鍋裏面有魚腐,魚片頭,魚蛋朋友話覺得呢個選擇好適合佢因為裏面有好多蔬菜, 面見到有好多雲耳，底仲有好多娃娃菜朋友話如魚腐非常吸湯， 香香滑滑的朋友配咗米線，米線份量都好多最尾朋友稍稍吃不完見到隔離枱叫這個腐皮釀蝦滑又叫一份估唔到係咁脆但係又唔會太過油膩裏面蝦滑都好爽口整體覺得餐廳份量多價錢都好抵食兩個鍋各自都只係58蚊, 仲配埋 米線或者薯粉或者飯, 食完整晚都冇覺得口渴覺得不錯

氣溫突然驟降，梗係要食返碗熱辣辣嘅麵食暖下身，放工同同事一齊落車見到有間原煲上嘅雞湯米線「廚匯濃湯雞」門外已經有人排隊，我地排咗一陣就有位入坐👍🏻每張枱上面都放有一個一人鍋，等鍋物上枱店員就會點火加熱，確保每一個鍋都夠晒熱，冬天食返一鍋就最適合不過👍🏻胡椒豬肚雞鍋我點嘅胡椒豬肚雞拼米線，大大碗超足料，雞件大概有十件，雞肉嫩滑啖啖肉，湯底胡椒味濃郁鮮甜，再加入大量唐芹、本菇、木耳、紅棗同豬肚，不加任何味精，好飲到我飲晒成碗湯😆濃湯魚三寶鍋同事點嘅魚三寶，有魚腐、魚片頭同潮州白魚蛋，再加入娃娃菜、本菇、平菇、木耳同唐芹，每樣我都試咗一件，魚腐吸滿湯汁勁鮮味，魚蛋彈牙有魚味，魚片頭亦都好爽口，冬天飲完好暖胃香芹墨魚餅另外我地再加咗個小食煎墨魚餅，裏面加入咗香芹粒令口感更加豐富，墨魚餅Q彈鮮美，配上泰式辣醬更加惹味😋📍廚匯濃湯雞 (旺角)旺角快富街33號地舖人均消費：$100食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

呢排天氣凍,下午快食但想食D暖身既野,係度叫左個胡椒豬肚雞窩,有好多豬肚、有唔少雞,仲有大大碗既米線,豬肚洗到幾乾淨,煙煙靭靭、爽口,無腥味,味道唔錯,口感好,好暖身。雞幾滑,都有幾件。米線仲有D腐皮。食到咁上下,個湯底變左奶白色,有濃郁嘅胡椒、雞味。如果唔想食米線可以選米粉或者其他野,都多選擇。呢度有幾款湯窩,我果個只有7十幾蚊,係旺角呢頭快食,呢個價真係算係咁。同埋呢度環境都唔錯,上餐快,可以試。

見到新店咁多好評就去試吓 點知勁失望晚餐叫咗個黃酒雞鍋同埋藥膳醉雞黃酒雞鍋米線: 個湯完全冇酒味藥膳醉雞: 原來係凍食 自己冇留意 以為藥膳係都係一鍋嘅 呢點唔扣分但係米線啲湯又係冇雞味 P.S. 坐得好迫 好食嘅話逼都唔緊要 但係佢真係唔好食

今日同朋友去旺角行街睇戲，到食晚飯嘅時候就到附近搵嘢食，旺角有好多美食嘅店舖，我哋行到花園街附近嘅快富街，見到一間店舖入邊都好多客人，外邊亦有客人等候，這間店舖叫廚匯濃湯雞，喺快富街33號地舖，近旺角地鐵站B2出口，我哋都係等咗10分鐘就可以入內，店內裝修簡約乾淨光猛，店員服務態度亦好，來這裏食都不錯。我哋每人選一個主食同一個小食，就叫咗胡椒豬肚雞鍋配米線、香辣蓮藕片，濃湯魚三寶鍋配薯粉、腐皮釀蝦滑。🥢胡椒豬肚雞鍋嘅湯色乳白，胡椒味香味四溢，滋潤暖胃，肉質鮮嫩入味，每一口中都能感受到細膩的口感和滿滿的滋養，有驅寒暖身之效，是道暖身好味嘅湯，豬肚份量都不少，食落爽滑，口感脆嫩，彈牙有嚼勁，令人食不停口，雞肉肉質鮮嫩可口，味道新鮮可口，每一口都充滿新鮮雞味，唔錯嘅靚雞，連埋紅棗、紅椒、白蘿蔔、香蔥、黑木耳、小白菇、米線一齊食，好配合湯嘅味道，非常好食。蓮藕片片切得好適合做開胃小菜，香辣味好豐富，又唔係太辣，食落蓮藕片爽脆可口，真係令人食得開胃。🥢濃湯魚三寶鍋又係大大鍋，濃湯有香氣和滑順的口感，入面有魚腐、魚片頭、潮州白魚蛋， 亮點是魚腐，魚片頭，特別是魚片頭，切得大大件，彈牙滑溜，而白魚蛋

天氣凍，又係時候要驅驅寒，食返啲暖身又暖胃嘅美食。今晚嚟呢間旺角區小店，地方確係比較細，但都好多捧場客嚟食，爆場要等位。香芹墨魚餅 $32、椒鹽墨魚咀 $32 先來此店的兩款招牌小食，墨魚餅即點即炸，外皮熱辣辣，內裡墨魚肉爽彈有咬口，又帶少少香芹味，好食。至於墨魚咀炸得極香脆，一口一粒彈牙脆卜卜，加埋炸蒜蓉碎粒，鹹香惹味。胡椒豬肚雞鍋 $58這裡的鍋物可跟配米線/白飯/薯粉/米粉，份量不少；先飲一口湯，湯底真係無添加味精，充滿胡椒香，有少少微辣但好暖胃；豬肚煮得軟硬適中，軟嫩中帶有嚼勁，雞肉幾嫩滑，還有芽菜、秀珍菇和白蘿蔔做配料，配米線一齊食確一流。魚三寶湯鍋 $58奶白色的湯底入口有種滋潤入心的魚湯香味，當中的三寶分別是魚腐、白魚蛋及魚片頭，共有十件之多，全部都非常彈牙，魚香突出；碗底有大量娃娃菜，飽肚又健康。

每次黎到旺角都係唔知食咩好，因為太多選擇而又往往唔知會唔會中伏，四圍中之下見到呢間舖頭入面坐滿哂，斷估幾好啦，望下餐牌係食一鍋鍋既熱辣辣湯粉，適逢天氣涼涼地就即刻決定入去了，地方細細但唔會焗促，係正鐵站出口同T.O.P附近胡椒豬肚雞鍋除左應該係既胡椒同豬肚之外，佢配料都好充足，紅棗雲耳西芹蘿蔔每樣都唔少，成鍋上枱然後用爐烘住保証左個熱度，最高興係佢個份量好鬼出色，男仔連湯飲埋都會飽，雞夠滑而又唔太肥，胡椒味入哂落腍身既蘿蔔，淡湯係暖胃首選tim濃湯魚三寶鍋三寶分別係魚腐魚片魚旦，配料就有雜菌+蛙蛙菜，湯底係鮮味取勝既湯頭，個人口味齋飲湯我會鍾意呢個多過胡椒湯，不得不提既係佢無論魚旦魚腐抑或魚片，大舊到應該叫魚片頭就岩，三個寶都係彈牙十足，口感一流，魚味又濃，配合到個招牌冇令我失望，呢鍋配左薯粉食，韭菜夾薯粉同佢自家製既辣辣油，一絕！腐皮釀蝦滑有趣，外面係唐式脆腐皮，入面係靚蝦滑， 扎實有蝦味之餘點埋泰式辣醬就係正

今天工作來到旺角，下午和同事來到快富街的「廚匯濃湯雞」食粉麵，想不到有驚喜。細細的店舖，有各式各樣的雞煱，招牌菜當然是雞啦！每款雞煱都有熱爐跟上，保證熱辣辣，在凍凍地的天氣，食物能夠保持熱度已經可以加分。《椒鹽墨魚咀》$32墨魚咀香脆爽口，不是很多餐廳有得吃，一口一粒脆卜卜又彈牙，很惹味。《花膠濃湯雞煱》$73真材實料，有大大舊的花膠和超多雞肉，花膠養顏，雞肉滑溜《胡椒豬肚雞煱》$58豬肚和雞肉份量都很多，豬肚切成細塊，爽口彈牙，還有很多秀珍菇和白蘿蔔。湯底值得一讚，真材實料，沒加味精，非常鮮甜，不知不覺把湯都喝乾了。米線、米粉、薯粉、白飯都是分開上，麵類還配上超多的芽菜、腐皮和韭菜，毫不吝嗇。

放工食啲野先返去，冬天就梗係要食啲暖笠笠嘅野，到左濃湯雞食米線。七點多來到，全店滿坐十分受歡迎，點了一個雞鍋同小食，慢慢等食先。⭐花膠濃湯雞鍋 & ⭐米線每個鍋都係即叫即煮，大約等左十分鐘左右就有得食了，一上枱就聞到香噴噴呢😋個鍋有花膠、雞件、雜菌同娃娃菜等，湯頭鮮味，除了雞味仲飲到魚湯味，正喎。米線好爽口，一個鍋有湯有肉有菜有澱粉質，一次過滿足所有要求啦😋⭐腐皮釀蝦滑小食就叫左個炸蝦滑，腐皮好脆蝦滑彈牙，點埋個酸辣醬勁正。有火燒住個鍋真係好，慢慢食都keep住暖。

🥢近排天氣比較凍，行開旺角見到有間新開張嘅濃湯雞，今日中午就嚟咗試吓呢度嘅一人一鍋。🥢每個鍋都可以選擇配米線、白飯、薯粉、米粉；小食都有十零款，好吸引，有開胃既，有香脆炸過既。🥢花膠濃湯雞鍋配薯粉$73:大大鍋奶白色嘅花膠雞湯鍋，總共有5塊花膠，花膠煮得好腍，雞件大大件肉質嫩滑，仲有紅棗、雲耳、菇類、娃娃菜墊底，係一個真材實料嘅花膠養生鍋🥘。聽店員講湯熬製左幾個鐘而成，唔怪得飲落有濃濃嘅雞味，娃娃菜又吸收晒湯嘅精華。配埋薯粉一個女仔真係食唔晒，建議女士們可以叫小薯粉。🥢濃湯魚三寶鍋配米線$58:又係大大鍋，入面有魚腐、魚片頭、潮州白魚蛋加埋成10件，仲有其他配菜雲耳、菇類、娃娃菜。真係大件夾抵食，魚腐、魚片頭大大件；潮州白魚蛋爽口彈牙冇得頂，配米線食完都超級飽，建議女士們可以叫少米線。🥢蜜糖芥茉炸雞件$32:炸雞件細細碟，啱晒二人嘅份量。雞件啱啱炸起熱辣辣，非常脆口，點蜜糖芥茉醬一流。🥢好在嚟得早，中午越來越多客入嚟食，好快就坐滿晒人，想食就趁早喇。

天氣凍凍地想食熱辣辣米線。來到尼間新開舖，湯底清甜，胡椒味濃郁，帶有一絲微辣，非常暖胃。豬肚煮得軟嫩，雞肉鮮嫩多汁，米線吸收咗湯汁，滑口又入味。整碗米線色香味俱全，讓人一口接一口，食完之後十分滿足。這道菜真係適合寒冷的天氣，令人感受到家的溫暖，值得再來！

寒冷嘅冬天，行過見到，價錢合理，每個鍋一上台，都會點火滾下滾下，就入去試下。小菜叫左香芹墨魚餅 ，絕對係必試之選。外層炸到好脆，咬落去聽到「咔嚓」聲，而內裡嘅墨魚餅充滿咬口，再加上香芹嘅清香，簡直完美。主菜叫左濃湯魚三寶鍋配飯。呢個湯底真係濃郁到不得了，魚三寶其中嘅魚蛋有彈性，食落去充滿魚香，配上飯一起食，簡直係一個字“正”。另一個唔可以唔提嘅就係胡椒豬肚雞鍋配薯粉。呢個鍋嘅胡椒味好香濃，豬肚煮得好入味又嫩滑，雞肉都一樣咁嫩滑，最正係薯粉吸晒啲湯汁，入口勁有嚼勁，食到停唔到口。呢度啲食物不僅分量十足，仲俾你暖晒個胃，呢個價錢真心抵食。喺咁凍嘅日子裡，來呢度飲熱辣辣濃雞湯，絕對係一個好選擇！

最近天氣又開始凍，收工經過旺角發現間一鍋鍋嘅米線舖，一於入去食下。小食叫左個腐皮炸蝦滑。蝦滑外層包裹住香脆嘅腐皮，炸得金黃酥脆，咬落去即刻感受到蝦肉的鮮甜。內裡蝦滑滑溜，口感非常豐富，配上特製醬汁，味道更上一層樓，實在係一個完美嘅開胃小食。叫左個胡椒豬肚雞米線，湯底清甜又帶有濃郁的胡椒香氣，令人一飲而盡。豬肚煮得好入味，軟嫩而有嚼勁，而雞肉則鮮嫩多汁，絕對係一個滋味嘅組合。米線滑爽，吸收咗湯汁，食起來非常過癮。這碗米線不單止飽肚，仲能暖心，特別適合寒冷的天氣。再叫左個魚三寶紅薯粉。三寶包括魚腐，魚丸同魚片頭，每一樣都非常新鮮，魚味濃厚，特別係魚丸，口感Q彈，令人回味無窮。紅薯粉滑爽有嚼勁，與魚三寶的鮮味相得益彰，湯底清淡，讓人感受到食材的原汁原味。

天氣開始轉涼，又係時候同朋友食返啲暖笠笠嘅嘢保暖，同朋友就今日去咗旺角呢邊行街，見到呢一間餐廳嘅評價都幾高就決定去食，餐廳位置都好方便，喺朗豪坊行過去都好快，食完仲方便可以繼續去附近shopping！午市嘅時候都好多人，好彩我哋都有位！😇呢碗花膠濃湯雞米線真係好正！一開碗就聞到陣陣香氣，湯底奶白色，睇落就知熬得好耐，味道濃郁得嚟又唔油膩。每一口湯都充滿咗花膠嘅鮮味，飲落去暖心又滋補，真係好適合冬天食。而且餐廳嘅雞湯絕對冇加任何味精或者防腐劑，所以質素真係非常高，冇諗過呢一個價錢喺旺角都可以飲到咁高質嘅雞湯！😇雞肉用嘅係新鮮走地雞，肉質滑嫩，每一口都咬得出肉汁，搭配上花膠，口感更加豐富。米線煮得剛剛好，唔會過軟，吸收咗湯底嘅味道，每一條都彈牙。仲有啲香菜同蔥花點綴，令整碗米線更加有層次。佢嘅配料非常多，本身好鍾意食腐皮，佢嘅腐皮給入晒雞湯嘅精華，真係非常好味！而且亦都有好多唔同嘅配菜，例如芽菜，都非常爽口！份量方面都好足，可以滿足一個大胃王！而且價錢合理，性價比高。總括來講，呢碗花膠濃湯雞米線真係值得推介，同區嚟講我覺得佢嘅性價比真係唔錯，而且店員亦都非常客氣，覺得鍾意食雞湯嘅朋友真係唔

今個星期天氣又開始凍返，係時候又想食返暖笠笠野食❤️濃湯雞鍋性價比高，一人一個鍋，多款湯底選擇，個人推薦必試花膠濃湯鍋！🍲花膠濃雞湯鍋 $73每日湯底熬製達 5個鐘 ，呈現自然既奶白色, 冇添加味精，絕對係健康之選。花膠滑順，大大舊花膠，湯底香濃，麵底仲可以自選米線/白飯/薯粉/米粉，味道層次豐富，大滿足。🍲胡椒豬手粒鍋 $58濃郁胡椒湯底，豬手肉質軟嫩，仲要豬手份量多同大大粒👏味道口感正，配料有大大份蘿白，口感一流。如果你鍾意胡椒湯係必須一試，飲完啖湯成個人暖哂❤️🍤椒鹽墨魚咀 $32椒鹽墨魚咀外脆內嫩，鹹香味十足，椒鹽香氣提升了墨魚的鮮味。每一口都有豐富口感，價錢又抵食。🥙泡椒雞腳 $36泡椒雞腳味道鮮辣，泡椒的酸香令雞腳更添風味，肉質軟嫩，口感Q彈。鍾意食辣既朋友，必點必點❤️