廣隆行

营业中

休息中

今日有親戚黎屋企食飯, 就去上環拎大閘蟹, 早排見團購有得買又平D, 咪買定COUPON, 想食時就去拎, 上次試完老三陽, 今次試下其他地方, 比較下 買左5大3細, 先食大蟹, 唔爆膏, 有D失望, D膏仲有小小苦細蟹反而爆膏, 而且D膏較香, 個人覺得整體不及老三陽

尋晚臨放工，朋友打電話黎話好想食大閘蟹，就即興去左廣隆行買！我都係第一次幫襯呢間舖頭買蟹，以前就去九龍城永富，但上星期去永富買過一轉，七百幾蚊斤但斷「扛」既蟹，覺得唔抵食～　上黎openrice 見呢間幾多好評，就去試下～收工後七點半去到舖頭，同舖頭阿伯（老闆？）講明要最大既公蟹同埋雌蟹，佢就拿拿臨打開個竹籠，拎左四隻大公蟹出來，仲遂隻放上磅比我睇，隻隻都有7.5 兩！跟住另一個阿嬸就入舖後面，拎左兩隻大雌蟹，大約 6 兩一隻～　總共6隻蟹，$480 一斤，公乸同價，盛惠 $1200因為蟹大，所以返屋企蒸左 25 分鐘，打開蟹後真係不得了！先講隻雌蟹，打開中間一大舊橙紅色既膏，一啖咬落去，好味到唔記得左影相！除左肥美，蟹膏仲好清甜，同之前買既貴價所謂「陽澄湖」蟹味道唔同～　到食隻公蟹，更加不得了！勁多白膏，ｄ膏仲多到漏出黎！下次一定要再幫襯呢間買蟹！

終於等到農曆十月食蟹季節,繼上次去上環買蟹自己煮後,今次再幫櫬!由於事前知道時間緊迫(要OT),成8點收工,我地一早就打電話落去叫佢地pack好晒D蟹(反正我地都唔識揀),放工即飛車落去,車都冇落,俾完錢即走!!言歸正傳.今次買左六隻,兩乸四公,兩個人分,乸就真係好多膏,比起公的膏就稍為硬身小小,啲公呢就有啲白色的膏,就真係正到飛起,聽啲員工講宜家啲蟹係最正架啦!!宜家唔食唔通等出年咩?不過我兩個星期都已經食左三次啦!!我諗都要停返一個星期先,因為我覺得我成身都係膽固醇呀!

今年第一次食大閘蟹,朋友話呢間佢買左幾年,都算水準唔錯有保證.我同男朋友去到佢地都幫我地揀左十幾隻蟹,佢好用心一隻一隻檢查,揀過先俾我地,而且又有好多附帶嘢送,醋,紫蘇葉,黃糖,話梅等,我地仲買左支酒添.食過真係唔錯,蟹膏最係好多.正!!!!!所以決定要再係今個星期六去買同屋企人食呀!!!!!

今年已經係第3次食蟹，其實之前已經幫襯過呢間，又試過第2間，最後都係揀返呢度，因為上年同今年都有幫襯，D膏真係好爆（可能係我好彩），晚上放工接埋女朋友到上環揀蟹，去之前本來諗住每人食2隻算，但去到之後，見到D蟹咁生猛又驚返到屋企唔夠喉，o係魔鬼既引誘下最後都係每人揀左3隻賣單，照舊都係乜都送晒（紫Ｘ葉＆剪刀＆醋＆薑＆最後仲有好正要黎煲薑荼既黑糖），我就係鐘意佢咁方便，同埋我好唔鐘意飲薑荼，係呢間既黑糖煲出黎既我先接受到。返到屋企即刻整黎食啦，水準仍然頂瓜瓜，我諗今年食埋呢次都係停一停，雖然好好味，但真係怕高膽固醇，不過對於我呢個大閘蟹愛好者黎講，我諗都都必頂得到，哈哈！

上年試過呢間老字號廣隆行, 很回味, 今年決定再幫襯, 老闆娘照樣都係咁好人慢慢同我揀左5隻,3乸2公, 一樣都係乜都送(醋、薑、黑糖、紫蘇葉、較剪套裝)返到屋企, 女朋友負責蒸閘大蟹, 食隻乸先, 由蟹爪開始....嘩!!好鮮甜, 肉質結實, 打開蟹蓋, 好多蟹膏呀, 嗯! 好香呀!!蟹膏是實的, 到蟹公了, 蟹肉就無蟹乸咁結實, 但同樣鮮甜, 蟹公的膏滑一滑, 各有各好, 好正呀!!真係回味無窮. 醋唔係我心目中鍾意個種味道, 唔夠香, 不知道是醋的問題, 還是我們只放薑茸,沒有用其他調味料調較醋汁所致. 不過蟹咁靚, 原汁原味食更覺鮮甜, 不會喧賓奪主.老闆娘話10月尾D蟹仲靚, 到時一定會再幫襯!!!!

繼第一蟹幫趁老字號上海老三陽後，見廣隆行亦有不少捧場客，姑且一試！實行買一公一乸，自己同自己撐檯腳...店員一邊在柜旁邊為剛到貨的蟹乸噴水，店前都有三四個揀緊蟹。多數人買280-260一斤嘅，但見價格由$100 /3隻，至最貴$360一斤都有，店員話係太湖嘅貨。一於對自己好D，買$360一斤的蟹皇試試先！請店員代勞揀一公一乸，佢揀完攞出黎俾我睇，見D蟹凍到眼仔唔係幾識郁...但腳仔仲好有反應，總值二百六，隻公有成七両，ok啦...紫蘇、醋、紅糖同薑例牌係送嘅。收現金EPS或credit card，半籮以上有平，俾錢其間亦聽到有客人由沙田打黎訂蟹，好似仲有得送貨添！名片後有教蒸蟹方法，不外乎係洗淨反轉連紫蘇，隔水蒸20分鐘，冇乜技術。返到屋企即刻蒸，佢送嘅紫蘇好香，一蒸起真係香到全屋都聞到。先蒸試隻乸，個肚唔白嘅(淺黃色)，但肉幾香，唔算好甜。膏ok多但唔爆，都好甘香。至於隻公，肉ok香甜，亦十分多膏，透明膏幾多但較實，不黏口，香味普通，味甘。合格啦！食得好慢...一隻食足成個鐘...係時候煮薑茶啦！佢俾嗰舊薑細到...仲細過一隻雞蛋...咩事咁孤寒？薑好貴咩？上海老三陽俾嘅紅糖係淡橙色

今年好想食大閘蟹，之前幾星期不斷做功課上網搵資料希望可以見到今年大閘蟹既食評。 可惜我搵來搵去都未搵到，可能我唔識搵啦。最後從報紙得知今年第一批大閘蟹會於9月25日左右運到香港上市。 見上年有網友介紹過廣隆行既大閘蟹所以我決定試試。有$100蚊3隻，$180一斤，$240蚊一斤，$260一斤蟹皇同$280一斤的蟹霸。波霸我就聽得多，蟹霸都係第一次聽。我選了$180斤既貨色，店員姐姐問我想要公蟹定雌蟹，我問佢邊樣靚，佢就話兩樣都咁靚。我見佢地賣既蟹大都份係公蟹，而且好似香港人多數愛食公蟹，咁我決定要兩隻公蟹一隻雌蟹。係選蟹過程中店員姐姐幫我選了兩隻公但我發覺細隻左少少，所以我要求換了一隻。當拿雌蟹既時候，佢走左去$240一斤果度拿左一隻，我見個櫃寫住雌蟹，咁我真係唔知係咪所有誰蟹佢地都係賣緊$240一斤。最後3隻蟹合共$150。價錢還包了一舊薑，紫蘇葉，1細支鎮江醋及1包黑糖，很方便呢。因為沒有較剪送，所以我用$10買了一套較剪工貝。由於第一次蒸大閘蟹, 所以問了店員姐姐點蒸，佢話D蟹有4-5兩一隻, 不過我睇似4兩一隻多D，最終參考左佢地卡片背既蒸蟹方法。佢地卡片背連整食蟹時點既醋都有

因在公司附近,回家時忍不住買了數隻試!有很多款:$100-三隻,$180斤- 四至四両半$240斤- 五両之前我試過揀蟹但 not good ,今次比佢幫我揀蟹,果然熟手技工,亞姐幫我揀咗三隻公足五両$230…..回家馬上蒸並用附送的禮物包(黃糖、薑、醋)但欠剪刀膏多很香,連腳都嗒嗒肉,街市$15隻無得比,因過度興奮忘記拍照