彩晶軒 (已結業)

由於爸爸是港晶中心彩晶軒的常客，服務倍感親切熱情食物水準向來不錯，價錢亦相當合理，值得推介而環境則普普通通，跟一般酒樓無異，挺熱鬧的，空間尚算寬闊洗手間很乾淨，十分衛生，可以加分哈哈首先點了叉燒酥，記得上次未有此點心，因此有點驚喜酥皮很脆，有牛油香味，亦不算油膩，唯一美中不足是酥皮略嫌太脆，碟上有不少皮碎至於鮑汁鳳爪，鮑汁味很重很香，相當特別，亦頗軟身，值得一試雪山叉燒包對我來說尚算新鮮，以前吃的是菠蘿叉燒包，十分懷念！類似墨西哥包的表皮甜甜的，不過再配上蜜汁叉燒，甜味稍為過重，相信女士還是會喜歡的蛋撻仔可算是本次最回味無窮的一道點心！酥皮超級鬆脆，蛋餡中心更是熱騰騰的！甜味剛好，香噴噴的小巧的體積，不出兩口就能吃完，簡直完美哈哈，超喜歡另外亦點了菜心，一般一般，可以接受，並不特別而馬蹄糕可算抵食，一碟多件，味道也不錯，不感油膩另一是日至愛非斑片窩米莫屬！湯底清而鮮味，米線軟硬恰好，一大煲很抵食，餵飽六人肚子哈哈斑塊雖說不上十分鮮味和嫩滑，但可有口感，推薦！最後來了一個水果拼盤，有西瓜和蜜瓜蜜瓜清甜多汁，好味道，而西瓜則一般個人認為，港晶中心的彩晶軒在服務，環境和食物各層面亦做得不錯，

因為訂了座，不用等。由於週未，好多餐廳都會想做多幾轉生意，所以好難食完慢慢坐底傾計。由於前一晚已經吃過，覺得好好，所以今晚又返來吃。10個人，叫了8個小菜，當中包括了北京鴨二食$188金沙蝦球$98，土多啤梨肉排 $78，石頭碢牛仔肉值日一提的係，叫了「蝦醬通菜煲」$50，廚師加蝦醬重手了，我們同部長講，他好好有禮貌的主動幫我們換個煲新的。老實講，今時D物價高了，仲有幾多酒樓餐廳肯主動願意同你換呢？衰D既，分分鐘用水沖一沖再返炒tim!!!正因為佢呢個服務，我本來只睇唔寫open rice的我，都要寫來表揚彩晶樓!!!吃到尾聲，仲送紅豆沙和大大的鮮果盤!!! 讚!!!結果10個人食晚飯都係$982 !!!!一千蚊都唔駛!!! 7pm食到10:30pm，其實想坐耐D，但大家明日都要返工!!!!!呢個價錢，係尖東邊搵呀!!!

壽桃飽賣相本身不俗，熱騰騰的，外型大大隻，外皮厚度適中，蓮蓉甜度亦適中，不太甜，軟綿綿的，內有完美的原隻蛋黃，簡直完美；吃過後並不渴望吃外出的月餅。價錢方面，祇是$10一隻（兩隻起），這樣的水準，簡直超值！最佳品嘗的時候是當晚酒樓有筵席的晚飯時候。之後嘗試數家有原隻壽桃飽的酒樓品嘗，還是這家最好。稍為有七八成水準的暫時祇有馬鞍山的金都海鮮酒家。

預早訂左位, 一點去到唔算好爆, 仲有幾張四位枱同2張大枱, 我地叫左十樣點心連甜品, 點心紙比較特別, 好似做多項選擇題咁, 仲教埋你點填, 唔可以畫圓圈, 又唔可以寫數字, 只可以喺中間畫一橫, 點心名亦都好特別過人既特式手切蜜味叉燒腸 - 味道一般, 但叉燒料好多百吃不厭撚手流沙包 - 真係好流既流沙包, 啲蛋黃係淺啡黃色既, 蛋黃味一啲都唔重, 同京寶既流沙包差好遠, 人地果啲真係蛋黃係金黃色仲有蛋黃粒喺裡面!雜豆南瓜銀杏燕麥粥 - 甜既粥, 除左有南瓜粒外仲有芋頭粒, 紅腰豆 老斗門活拆鮮蝦餃 - 蝦餃皮都ok, 蝦都好大粒冰梅豉蒜蒸排骨 - 未見過咁肥既排骨, 完全一啲瘦肉都食唔到, 結果食淨晒香港特式豉蒜蒸鳳爪 - 鳳爪超級多油, 又未淋, 麻麻地好食鮑汁生扣鳳爪 - 鮑汁味唔太重, 鳳爪一般滷水豬腳仔 - 滷水味好重, 豬腳仔好淋, 幾好食三拼小杯香芒布甸 - 幾等別既甜品, 有三款, 除左有香芒布甸外, 仲有黑色既涼粉同白色既椰汁糕黑珍珠生磨合桃露 - 唔明點解要叫加多個黑珍珠喺個名前面囉, 合桃露唔錯, 但都係食到有粉, 即係好似用粉開咁 雙皮奶 - 熱食既, 有微

要了一份全酒樓最廉宜的十二人套餐後，全枱十五六人都有讚無彈，已經說明一切。由於昨天晚上是中秋前的星期日，除了當晚婚宴所用的地方，餘下不多的成為全部祇有大枱的地方，可想而知這酒樓是親朋戚友飯聚的好地方之一。至於套餐本身，份量絕不欺場，足以令十五六人吃得飽飽，尤其是飯後壽飽，賣相本身不俗，熱騰騰的，外型大大隻，外皮厚度適中，內有完美的原隻蛋黃，味道適中，不太甜，簡直完美；對於筆者來說，吃過後並不渴望吃外出的月餅。 其它菜式除了份量足，味道亦適中，即使全枱最挑剔的也沒有投訴。其它方面，服務也算不錯，當晚由於滿座，有時也有慢下來的地方，地方亦稍為擠迫（其它時間不算擠迫）。或者食物水準非常好，吸引到一隻小蚊在附近徘徊了一段時間。這次是我們第二次在此聚餐，兩次水準都不俗，本人外母表示下次再回來聚餐。而本人事前無意寫食評，但經過兩次光顧套餐後，真的忍不住在此讚讚它。

今日去尖東做野, 到差不多lunch時間, 黎左彩晶軒飲茶~ 感覺呢間酒樓裝修非常靚, 好華麗, 我入到去直頭 "嘩!" 左一聲~ 果然係俾人擺酒用喎~ 叫左幾個點心試下:咸水角 ($8)新鮮炸好, 上台仲係熱辣辣, 出哂煙, 所以唔會覺得佢油膩~ 呢個炸物既皮都算薄, 所以都唔會吸好多油. 個皮既厚度同入面既餡成正比, 所以入面唔會令人覺得好空洞~ size大細岩岩好, 好味!韓江欖菜小粉果 ($8)咁平, 唔叫真係對唔住自己! 雖然每隻細細粒但都有4隻, 所以都好抵~ 個粉果皮非常薄 (如紙般), 而且晶瑩剔透, 可以睇到佢入面既餡料, 而家好多酒樓都做唔到架喇. 你知啦, 皮厚真係好難食, 吞都吞唔落架~ 雖然皮薄, 但唔會易穿, 唔怕一夾就爛, 十分好~ 餡料就同平時食既粉果一樣, 但就係冇左花生, 所以無野咬, 有d唔慣, 但他料好夾, 而且唔膩, 可以食多幾個.迷你玉米四季豆欖菜炒飯 ($32)呢個係咁多樣野入面最唔掂, 因為太油喇, 成口油既感覺唔多好, 又唔健康, 見到d閃閃生光既飯即時唔想食~ 食落就發現炒得唔夠大鑊氣, 但d料就好足. 一般啦~蝦餃 ($25)蝦餃

佢位置都幾隱秘,正門又無開,要行入商場,再上幾層先到.可能這樣, Walk -in 飲茶境然唔駛等位..加上此處裝修豪華,舒服光猛,服務恩勤,好難得呢..佢同樣有下午茶時段.由二點開始.就這樣叫了一大埋點心.小食.燒賣, 蘿蔔糕 (外脆內軟,好特別) , 叉燒腸粉, 牛仔骨, 炸蕃薯, 梅子紋豬手,馬拉榚 ,雙皮奶:好飽呀最後埋計約130蚊.這樣有水準的食物來說.真係低食.一定會再來..呀 !! 佢重有2小時免費泊車..如果食得快,重可以係尖東行個 round 都得..

今日一家人下午去嘆點心。食佐蘿蔔糕同馬拉糕，每樣特價8蚊, 其餘仲有燒賣, 綿花雞,桂花豌豆黃, X燒包, 再加個炒米粉, 四個人埋單210蚊, 點心都唔錯, 米粉炒得好味, 最有特色係個豌豆黃, ,唔係一般酒樓有得食, 做得都幾唔錯, 不個坐正個位好涷, 好似想趕客,

大學同學們都為口奔馳, 很難得聚首一堂, 是晚大家都抽空出來共進晚餐慶祝農曆新年，　由於大家的工作及居位地點遍及港九新界，所以今次選了交通方便的酒家-彩晶軒, 位於尖沙咀港晶中心。雖然很久沒有聚會，但大家一點也不生疏，依然有數之不盡的話題，整晚笑聲不絶，氣氛融洽、食物美味，期待下一次聚會的來臨。是晚的餸菜如下：即炸 BB 鴿名副其實的BB 鴿，肉質嫩滑，而且它的皮很薄，所以亦很脆口，炸的時間剛剛好，令肉汁沒有流失。沙參玉竹燉翅群（例）湯水味濃，喝得出用料、火喉十足，隨湯附上的湯料，裡面有很多翅，算是超值之選。台式鹵豆腐豆腐很滑、鹵水汁很夠味，豆腐皮脆且薄，入口時覺得非常滑溜，值得堆介！甜酸明蝦球這個沒甚特色，很多餐廳也有同類型的餸。三鮮鍋巴（例）堆介之選，鍋巴鬆脆，那碟用來佐鍋巴的三鮮份量十足，卜卜脆的鍋巴加上各種鮮味，　味道一流，吃時令人有一份滿足的感覺。欖角醬烤骨啖啖肉加濃郁的欖角醬味，幾惹味！銀杏米湯浸豆苗水平作品，加入銀杏杞子頗有諗頭。酢炸日本珍珠蠔餐廳選用大大隻的蠔，肥美之餘，蠔本身很滑，由於炸得剛剛好，把鮮味和蠔汁都鎖住，咬入口時啖啖的蠔汁令人回味無窮。生果盤（免費贈送）估

我同一班理工大學既師兄係理工開完會, 其中一個帶左我地去呢度食飯, 簡直有d surprise, 好得喎, 又底食. 8個人(重要大部份係大食壯男) 都只係食左$1050. 有雞有鮑魚架. 佢有個孖寶, 有半隻炸雞加四隻鮮鮑, 勁正, $188 咋. 起初以為D鮑魚實好細隻啦, 點知都OK大隻喎, 好鮮甜, 不過隻炸雞就咸左D. d前菜小食都好好味, 燒腩仔d皮勁脆, 名副其實"化皮"燒腩仔, 肥廋分布均勻. 豬仔腳好入味, 爽口彈牙, 拍得住酒店水準. 個素菜海鮮餅煎得好香口, 一D都唔油膩, 重有個煎藕餅, 細細個, 一人一個啱啱好. 正! 埋單問佢有無糖水送, 佢話有紅豆沙, 但最後俾左個勁大碟既生果盤, 可能糖水無晒啦, 重好, d生果好新鮮好甜, 個西瓜皮重雕埋花添, 送既都咁有心思. 抵讚! 下次一定要帶阿媽黎食.

對於一間食肆的要求，我想最基本的三個願望大概就是食物好吃，環境舒適和價錢便宜吧。能一次過滿足這三個要求的並不多，可是今天來到彩晶軒，覺得它真的做到呢!今天媽媽在尖東工作，而我剛好又在佐敦工作，所以工作完畢後便過去找她了。我們兩個都未吃午餐，當然要去找個地方好好的吃一頓啦! 想起彩晶軒在我們附近，便立即整裝出發! 我們大概一時四十五分去到，姐姐說二點下午茶，叫我們可以坐低稍等一會。準時兩點便立即安排我們入座了! 內裏的環境真的非常好，首先不用和別人爭位排隊是一定的，一定有位置給你坐。另外就是環境寬敞得不得了，而且裝修很漂亮，一閃一閃的，大概是因為它們主做婚宴吧。它的大廳真的很大，我看整個下午茶大概也只坐了 1/4 的位置，可能由於今天是平日吧，又是下午茶時間，所以客人真的不多。坐下後當然立即看看有什麼好吃啦，因為我們真的挺肚餓呢! 發現它的下午茶真的挺便宜的。它有頗多款點心也只是 $ 6，例如馬拉糕，燒賣，蛋白燉鮮奶等等，其他的我都不大記得了。反正就是它有頗多食物都挺平的。我們叫了一碗叉燒湯檬也只是 $10，不要以為$10一定好吃極有限，它是很不錯的。檬粉軟硬適中，而且湯底很入味，就這樣

早兩天參加了朋友在彩晶軒設下的48圍大型婚宴，覺得非常好，必須上黎讚一下。從來去飲都係20-30圍, 咁大個場成個場包晒真係第一次見。 雖說個場沒有柱位，山頂的朋友要見到台都係一件困難事，因為實在距離太遠。好彩，我唔駛坐山頂，兼且對正部電視 ^^。平時都有去彩晶軒飲吓茶，本身覺得佢個場除左樓底唔夠高之外，裝潢已經好閃好有結婚FEEL，原來搞婚宴時的佈置更華美，大門口有個帳做裝飾，RECEPT位的佈置亦配合埋場地，浪漫童話FEEL。一坐低待應就好醒目隨即拎左幾杯fruit punch比我地。搞完一輪影相同開場白就開始食。酒樓方面的時間配合非常好，一開始48個待應一人捧一隻乳豬進場，豬眼有閃閃燈，加上全場DISCO燈效果，好有氣勢 ~~ 乳豬拎到出黎仲係熱辣辣，而且個皮好脆。其後的幾味係 '帶子貴花蚌' 、'瑤柱甫' 同 '炸蟹箝'。雖然啲名好普通，但食落一啲都唔普通。首先，碟碟出到黎都係熱到出煙既 (小妹就試過去飲啲野食唔夠熱，都唔知擺左幾耐)，四十幾圍，要做到碟碟熱其實都幾難；第二，碟碟都好大碟，絕無偷工減料，我地半圍係男仔都食唔晒；第三，真材實料! 我最愛既花菇，隻隻都有一塊消化餅

不可思議的事情發生了。某年某月某個下午，上上份工作的老友同事ABC君說要替我搞個中秋前午飯「做節」，為失業的我打打氣。「你去彩晶軒搵定位先！我地放lunch再過黎搵你...」心裡想著怎樣彩晶和彩雲軒那麼相似，原來是同一個集團，不過個人基本上不大關心此事...只是覺得很有趣而已。胡鬧三人組出現時，我已經按自己喜好點了點心：牛肉腸是滑嘟嘟的，裡面足料很討我歡心；魚翅灌湯餃可以，個人口味喜歡比較淡一點的湯水；南瓜粥很好吃很綿；台式鹵豆腐是可以再鹵一點啦(笑)；馬拉糕是鬆鬆軟軟很香很有溫暖的感覺，記得一定要趁熱食；豬仔骨很香口，可以用來配白飯的。以上的都是我個人較推介的點心，其他點心也是ok/可以/有水準啦...這次也吃了BB乳鴿，看著三人組把乳鴿吃得煎皮拆骨的樣子相信也不用我多說。的確，皮是脆身的，難得的是汁還是鎖了在乳鴿肉內，吃起來肉嫩不會嫌老。坐了一會，聊了一會，三人如風似的要回到工作崗位，走之前也不忘幫我埋了這張單。謝謝你們！P.S. 彩雲和彩晶這兩家相隔千里的酒樓似乎也各有特多嘛~

接完女朋友放工，近近地去佢做野間學校隔離間彩晶軒飲茶。女朋友叫佢做御用飯堂，因為佢班同事差唔多個個星期都去一次飲茶。女朋友推介奶皇飽，果然與眾不同，不似一般茶樓的奶皇飽，個皮有點似西式面飽。我鐘意食蝦，叫左蝦腸同蝦餃，兩樣都大大件，蝦肉好爽脆，只係略嫌皮不夠軟滑，可能係擺左一陣先食先咁。台式鹵豆腐就香鹵水味，好哂味，而且好滑。美中不足係想食的魷魚鬚賣哂。總體來說味道中上，價錢都不算貴，難怪女朋友班同事成日去飲茶。

好友生日, 想飲茶, 就特登出去佢公司附近的彩晶軒搵埋位等佢放工.自從愛上左v cuisine之後, 對"好彩"集團的酒樓都有了好感.以前總覺得老字號的酒樓一定係烏煙瘴氣, 又殘又舊,去過v cuisine之後, 先發現老字號搞革新, 其實比其他新字號更有保證.早排去過的彩雲軒無令小妹失望, 今次呢間彩晶軒亦一樣.華麗的裝修外, 食品賣相極有心思, 味道亦十分好, 就是傳說中的"色香味俱全"~今日只一行四人, 全部女生, 所以叫的食物唔多, 亦唔係heavy類.點了前幾篇食評有食家介紹過的冬瓜盅. 每人1碗, 份量剛好.點了到彩晶軒不得不吃的懷舊馬拉糕, 同芝麻卷(甜點). 呢d懷舊食品, 好多新開的酒樓食肆已經搵唔到, 仲要好食就更難.雖然街邊/ 街市有時都會搵到呢種黑色的芝麻卷, 但總覺得已經塵封萬年, 唔敢買.另外值得一讚的是鹵水豬仔腳同鹵水豆腐, 入味得黎唔會喊, 而且嫩滑, 兩者都係小妹的推介.p.s. 有2小時免費泊車, very good~最後一提係佢的裝修的確好靚, 服務亦好.大堂的紅花牆紙拚英式梳化, 好特別.如果有fd結婚, 我一定會介紹彩晶軒比佢~~~