彩晶軒 (已結業)

荃灣如心廣場V CUISINE平時係網上都見到V CUISINE呢間野都有不少好評,星期一個曰，就同家人去荃灣個便飲茶。都幾多人係度排隊等位ＷＯＲ，　睇睇下，原來做緊大優惠。星期一至五，早上及中午有７點５折ＷＯＲ。之後，如果消費夠２００元，仲有現金券送呀！！好抵呀。。。。呢間既食物都幾好味，佢地Ｄ點心款式好特別呀！由大大隻，都真係落足料ＢＯＲ。而且都有素菜的點心，可以比一Ｄ食素既朋友，由唔洗食咁多肉類。ＧＯＯＤ呀！仲有甜品食ＴＩＭ。有多選擇，而且由細細份咁。都唔錯呀。。

星期日和屋企人去荃灣行街, 先去如心廣場間 V Cuisine 飲茶。這間酒樓用上英文名字, 原來它是像fusion 菜般, 設計出很多新穎的點心, 餐廳的格局裝潢都很有格調, 感覺良好。我們叫了:墨魚子花菰燒賣 – 每次必叫, 可是大家一見燒賣就蜂擁而上, 影唔到相。 脆皮蘿蔔絲腸 –腸粉幾滑, 不過我麻麻地蘿蔔, 係媽媽想食得清D, 所以叫俾佢食蕃茄蛋鮮竹卷 – 很特別的, 好喜歡吃蕃茄蛋的, 而且這個點心創意十足, 出面食唔到, 令人有驚喜。小籠包 – 個皮都幾薄, 有D 肉汁, 都幾好味。咖喱清湯牛腩 – 牛腩食落幾諗同埋幾滑, 都入味, 不過多 D 咖喱會仲好D。 我同妹妹忍不住order 左佢D西式小甜品,焦糖蛋和藍莓撻, 2款黎講, 焦糖蛋好 Creamy 好滑, 藍莓撻就普通D, 不過我地2個食完甜品都非常滿足。埋單時, 有 Coupon 送, 還有75折, 好抵食 ;)

Two people had:蘿蔔酥: so so.蝦餃: OK.黑魚子燒賣: nothing special珍珠雞:" very poor. much fat inside. no other things. very oily.veg: so so.the service is poor. we ordered the tea for three times. not cheap. need to wait for quite long time on Sun. black-listed

聽朋友講如心廣場開左間新唔錯既酒樓, 就同屋企人去試下估唔到如心廣場入面有間咁靚既酒樓, d裝修好靚, 好新~叫左幾款點心小菜, 全部都好特別, 味道唔錯~胡麻醬茄子, d麻醬好香! 未試過咁既配搭食茄子~~ 又唔錯wor!墨魚子燒賣, 平時唔係好食酒樓d燒賣, 但呢個真係要推介~蘿蔔酥, 超級金黃鬆化, 必吃!!咖哩清湯牛仔脯, 牛脯好林好入味!見到d甜品好精緻, 雖然已經好飽, 都忍唔住拎左幾款黎試~ 紅豆椰汁糕, 焦糖蛋, 芒果布甸, 全部都正!! 而且細細件, 可以試多幾款, 又唔怕食唔晒~~總括黎講, 值得去試下間新派酒樓既食物!!

見咁多笑臉就同老婆尋日朝試下去飲茶，先打左去訂位(其實都唔係好多人等位)，去到等左一陣就有位，雖然都係好彩集團，但環境裝修得好靚，同其他好彩酒樓唔同。個知客帶我地埋到張檯，有個部長既物體走埋黎當住我地面同個知客講張檯要留起唔比人，跟手行左去。張檯你要留咁叫左我地入黎，係咪應該講聲唔好意思叫我地再等，直頭當我地透明，我地兩個就棟左係到冇人理，我已經火火地，跟住另一個知客同講佢左兩句，咁佢又行埋黎叫我地坐低，我好唔滿意咁話坐得啦？坐低問人拿點心紙，阿姐轉頭又同另外一個講，自己走左去，我地唯有再搵人拿。講真，點心質素係唔錯，樣樣的的骰骰，又可以比你揀要少D份量，雖然食物環境都唔差，但服務仲維持係街坊酒樓既水準，咁點好都係晒氣，下次要等耐D都去返老婆至愛既馥苑算啦。

大路既點心唔多見，但就有好多出面少有既特色點心！橙香馬拉糕：都幾橙香下，唔錯！生煎叉燒飽：上枱精緻，味道惹味，正！酥皮馬楴糕：不太特別！趣趣蘿蔔絲腸粉：滑滑既腸粉包住酥趣既蘿蔔絲，好夾好味道！菜干豬骨粥：好好味道，正！賽螃蟹蒸餃：一般！

知道如心廣場雖然沒有甚麼商舖在作業，但酒樓倒有兩間。又聽聞這間新派酒樓的點心頗為別緻和美味，便聯同長者阿媽到此下午茶。二點鐘才開始的下午茶，完全不用等位(雖然我都預先訂好了)。商場內冷清清的全無人氣，酒樓內則約有三分一滿座，看來有一大部份人都是專程走來「試食」的。長條形的酒樓，桌子放得並不算擠迫。室內裝修以至餐具全以黑色為主色，天花那如仙女散花般的吊燈頗為養眼。往洗手間的走廊路段，部份是以玻璃箱裝著飾品砌成，走在上面，真有點令人擔心會踏破玻璃掉下去。酒樓用上的裝飾亦中西合壁，包括有牆上掛著的中國古時服裝，和入門口後見到的大大支閃閃亮的裝飾刀叉。但個人並不太欣賞這種拉雜的「fusion」品味，只覺有點不高不低，不倫不類。反而欣賞洗手間內那個幾個人可以圍著使用的新穎洗手盆。用過之後，真有點開了眼界的感覺。可能是午市剛過，大部份侍應都忙碌於收拾碗碟，人手不太足之下，招呼並不特別熱情。茶送上來後，發覺泡了很久都沒有茶味，打開蓋後發覺內有一個茶包，而水並不太熱。只好再叫侍應多加一個茶包，味道雖然變濃了一點，但卻沒茶香。愛喝茶的人一定以後不回頭。我和長者阿媽則覺心內一沈，一壺茶就泡散了之前對這新酒

因為住荃灣的關係，經常到此店飲茶，點心很好好吃，很多款式，不是太貴，環境舒適，值得推介，公關的服務很好有禮貌， 有兩位我相信很高級的經理都很好，其他職員一般啦，再訓練下會好些，但有位經理的態度很差，講嘢快動作快，問多佢一句，我係客，佢仲惡過我，客當然是有要求的，有佢既存在簡直影衰呢間酒樓，呢間算係荃灣較高級既酒樓，希望高層要認真考慮下再訓練過佢或調走佢! 正所謂，今時今日咁既態度係唔得架! 你估荃灣得你一間酒樓咩!

趁住假期, 作為乖孫既我梗係要同阿婆去飲下茶之前都有網友話v cuisine坐得舒服, 果然唔錯, 可能假期關係都需要等位因為得兩個人食得唔多, 淨係叫左幾款點心, 蝦餃、燒賣, 每籠都係兩粒啱啱好好彩份量唔多, 可以試多幾款賽螃蟹蒸餃個皮超薄, 唔肥膩啱晒阿婆食滷水豆腐勁滑, 冇牙都食到平時酒樓d腸粉都係一碟三條, 依家切開左一舊舊, 覺得好體貼, 但份量就比較少老人家始終都要叫飯先覺得飽, 我怕炒粉麵會大碟, 於是叫左個芥菜豬骨粥, 一大碗, 味道幾好menu上有多款都想叫, 最後受唔住芝士藍莓撻&小白兔既誘惑食物味道ok, 賣相亦相當精緻, 所以一定唔係大大碟果種

同朋友慶祝生日，叫左一個八人餐 $2388 - 另加一茶芥野食味道係唔錯既，但服務真係唔得囉....請臨時工好多食肆都會，但呢個臨時工似新人多 d 喎收得咁既價錢，除左食物外，我諗 expect 有返咁上下服務都唔過份丫....一開始，個伙記已經撞到我朋友，整濕佢隻手，好彩唔係熱水... 跟住收碟果陣，可以碟上面既水，滴落另一碟未食晒既送度.... 上菜位成日轉，唔係應該次次一様架咩，咁人地坐果陣係特登有個位疏 d 俾佢上菜架嘛，搞到 d 菜成日o係我地頭頂過....我原本個碗因為食魚，所以好多豉油，就用左飲湯個碗繼續食，佢收左我個湯碗都合理但係佢就咁俾返原本個碗我，見到有豉油，唔係應該換過隻俾我咩?好啦，咁大家食完雞，換過隻碟清左 d 骨，佢又換 d 唔換 d........請臨時工可唔可以都做下 quality control 呢?

今天太太相約了她的老師喝茶，一行三人來到了如心廣場(VC.)，因上次吃過，喜歡這裡的點心，所以再次重臨。龍王太子卷，外皮鬆脆，餡料有蝦膠與疏菜，咬吃時，有爽而微韌嘅口感，設計具特色而好味。杜小月雜菜炒腸粉，這道腸粉不知何解叫杜小月？只是添上雜菜及豉油炒成的腸粉，味道也可以。滋味香芹腊味粿，跟粉粿外型差不多，外皮蒸得很通透，吃下時，芹菜味濃過腊味，也是不錯。魚茸糯米卷：質量無變，一樣好吃。引用上次的介紹：{這道點心設計很別緻頗具心思，最外層是腐皮，第二層是魚蓉，第三層是紫菜，內心釀入糯米，面上還添上呈絲絲狀的肉鬆。吃起來時，有糯米與魚蓉的微黏而煙靱嘅口感，也有肉鬆與紫菜的香脆味道，整體味道也可以配合，可算是成功的一道點心呢！}香煎蘿蔔糕，配來辣醬小碟，蘿蔔味香濃，醮上醬汁來吃，香口惹味。碧綠桂花蚌帶子腸，跟上次一樣好吃，餡料除了桂花蚌及帶子外，還有少許西芹，吃時桂花蚌爽及帶子滑，好有鮮味。蝦子抽皮雜菌，抽皮軟腍，也許芡汁深濃，蝦子看不到，雜菌也不少，這道點心算幾有特色。桂花蚌咸肉粥，桂花蚌爽口，咸肉入味，粥底綿滑。米奇蓮馬拉糕，一籠三隻，每個糕點用錫箔紙盛載，馬拉糕鬆

又來一月一度荃灣飯局，來到年終決定吃好一點，就選了如心廣場的人氣食肆V Cuisine。　餐廳又名彩晶軒，其實隸屬主攻中下價市場的好彩集團。別看它門口不起眼，餐廳內裝修可是華麗堂皇，相當吸引，因此生意不絕，與靜局的商場形成強烈對比，週四的晚上竟也遇上婚宴及公司宴會同時進行，店內侍者忙個不停。本來我早一晚已致電訂位，不知是口音不正的侍者抄錯了電話，還是真的忙中有錯，到場才發現訂位被取消了，之後搞了10分鐘才被重新安排座位，不過也因此有幸就坐貴賓偏廂，偌大餐檯加上鮮花佈置，環境十分怡人。　晚茶$10/位，要的水仙也算清幽，而且加茶挺密。挾著華美裝潢，小菜叫價由$88起，炒飯/麵也要差不多$100；考慮一會四人決定要$488六餸套餐，貪它抵食又不用煩，介紹如下：　芥香雞絲華多夫沙律沙律配料豐富，除雞絲還特別加入火箭菜，口味清新；也欣賞芥末醬量中適中，既香口又開胃，不要計較中菜前吃沙律有點怪怪，其實這作為開胃菜挺不錯。另外沙律碟頭甚大，每人差不多分到2碗，原來接下來幾味也是份量十足，不用點靚仔也夠飽肚。　東瀛雪場蟹忌廉薯蓉濃湯明明是中式的餐具及分湯方法，內容卻是日式的雪場蟹與松茸，而忌廉薯仔湯

今天早上與山友們往遊城門登針山，然後再落沙田，午間回荃灣與太太共膳。我們會合後，我說：「往那裡吃午餐呀？」太太提議：「如心廣場開咗間新酒樓喎！」我回應：「好呀！反正還未試過。」我們便前往如心廣場，這商場冷冷清清，商舖不多，人流更加不用說了，這裡酒樓共有兩間，一間是陶源酒家，之前我們已經試過了，所以今天選擇了這裡(V Cuisine)，中文名稱為彩晶軒，不如簡稱為( V.C. )易叫點。V.C.是好彩酒家集團旗下之新食店，而荃灣好彩酒家也是我們喜歡的其中一間酒樓。今天是星期六，竟然門前沒有人輪侯，侍應帶領我們進內，原來廳堂內各檯已客滿，我們被引領到店內一角的等候區，這等候區裝修也不錯，有西式的檯及梳化，估不到坐在那等候區都幾舒服，在這等候期間，觀察到內部的情況，這裡雖為中式酒樓，但裝修也很西化，座位空間寬敞，整體環境感覺很舒適。不久，侍應已安排我們入座了，今天我們品嚐了如下的點心。芥菜鹹豬骨粥：配料有芥菜與豬骨，一般食店都是採用菜乾配豬骨粥，這裡採用芥菜配豬骨，幾特別，原本芥菜是帶苦味，但吃下時不覺有苦味，仍感到有芥菜味，豬骨帶咸味，粥底稀杰度適中，味道不錯。酥皮菠蘿叉燒包：外型比一般菠

約左女朋友大人行街，未行之前先醫肚，前排去過V Cuisine食過飯覺得唔錯，所以帶埋女朋友飲個茶。呢間v cuisine似乎走高檔路線，裝修都ok靚，同埋今日有人擺酒，同部長八過，原來可以攪埋中西式婚宴。兩個人，叫得唔多野，蝦係女朋友最愛，叫左蝦蛟又有蝦腸，v cuisine 的菜名好長好難記，不過好似蝦蛟叫活剝，食落又真係好爽口，你會食到係鮮蝦的感覺，蝦腸都係一樣，大大隻，雖然一籠得兩隻，不過叫交足貨。之前睇食評講呢間店都話奶皇飽好食，我都叫返個，個皮有d 似鮮奶球，脆脆地，入面d流沙真係好流，而且好熱，個面明明擺涼左，入面都仲係好熱，要小心燙嘴。整體而講都滿意，點心都幾精緻，味道中上，最滿意莫過於女朋友，佢話個椰皇雪蛤糕好好味，我自己就麻麻。埋單兩個人100多小小，唔係好貴，最緊要o岩口味。

眼見openrice的食評全都是哈哈笑...抱著不會太差的心態出席是此的生日飯局v cuisine是好彩集團..但走貴價高尚fusion菜每道菜的取名都很有特色,若于是碟餸在你眼前..你根本不知它掛咩羊頭賣咩狗肉...價錢與分量不成正比,不是說味道不好食,而是若果要和同集團好彩比較,我情願去好彩也不會再來多次v cuisine ~~每碟只可用精緻來形容,其實是有點兒搵笨.....美心集團有映月樓,翠園,八月居,而稻香集團有鐘菜等走高檔格局的酒樓,但v cuisine,我想不可與它們相提並論吧~~點了1968陳皮蒸牛肉-~~陳皮味很香濃 麻醬茄子~~好香麻醬味..但略嫌鹹了點 堤岸雞絲牙車快~~很fresh,但個汁也過鹹 吊燒雞~~皮脆肉滑,最值得讚的一道菜 鵝肝脆豆腐~~朋友話好食,oh~~$7x,3件...當然好食吧!!! 原個椰皇燉蛋白雪烚膏~~成餐最經濟的一道菜$18.8...亦是最飽肚的一道.... 壽包半打同場還有生日蛋糕,但因不收切餅費..竟然會成個紙盒上連碟也沒有,真是現實臨走時,門口企了