彩晶軒 (已結業)

買左架車, 就會開始四圍去.女朋友唔知邊時拎左本”飲食地圖”, 介紹呢間v cuisine, 話有免費泊車, 點心又好吸引咁, 就決定搵埋居於爵悅庭的荃灣朋友, 兜埋佢去如心廣場試下.朋友話v cuisine超好食.“超好食”!? 有無咁誇…事實都真係無介紹錯. V cuisine係有少少高檔路線, 睇裝潢就知. 食用的餐具都好有心思. 依家星期六仲有精選特價點心, 有的items仲抵食過一般酒樓. 我自己就精選左幾個:豉油汁乳鴿 – 特價品. $28/隻, 好抵. 抵在真係好味, 鴿嫩又入味, 一人一隻先夠喉~鹵水豆腐 – $20, 超滑. 好怕的d地方整到好老, 變左”老水豆腐”, v cuisine的有鹵水味, 但唔會太咸, 最緊要真係好滑.芥菜咸豬骨粥 – 香. 一上桌已經好香, 賣相亦佳. 食落口夠綿, 最怕水溜溜果d粥, 岩晒星期六清腸胃的日子~仲有馬拉糕, 鳳爪, 牛肉球等傳統點心都係$8.8, 同普通酒樓差無幾~

見到有雜誌介紹自家製點心，這間除自家製外還有創意點心吃，一於試下蕃茄蛋鮮竹卷 $$20/4 鮮竹卷外層香脆內裡是素菜，金黃熱辣，味道不錯，但略嫌油多了點蕃茄蛋汁沒有想象般蕃茄味濃，及多了點中式醋的砌味道，失色點脆皮奶皇南瓜仔 $20/3 外形可愛炸得脆卜卜，入口奶皇即流出，但奶皇內欠蛋黃茸，味道不夠豐富。虾餃 $14/2 不錯，虾餃皮不太厚，雖未覺得好有鮮虾味，不也食不到有梳打粉醃製過酥皮菠蘿叉燒包 $14/2 未至於好金黃，但都算香脆，叉燒餡料也好味道日本酥皮燒鰻魚酥 $32/3 好食，鰻魚香、酥皮鬆脆，沒有濃得變羶的牛油味，但反而更好，不至油膩懷舊馬拉糕 $20/3 不見突出，我還以意為是大大舊圓形切開的，賣相不似懷舊感覺魚香茄子炆米粉 $58 一般，油多、未覺到有好香的魚香味，麻麻交外油菜 $28Summary: 欣賞有創意的食品，不至令這簡單的點心食厭，創意可嘉獎。

好耐無去荃灣，上網搵到呢間餐廳，但原來地點都幾唔方便，好在好味道和環境舒適。南靖毛筍伴雲滇四寶 ($68)：最好味係青瓜，青瓜爽脆，個醬汁好香。相反，菇菌就味道太淡，唔好食。方魚蚵仔泡飯 ($88)：湯水鮮甜，食完唔會好口乾，應該無放大量味精。德妃鮮菌炒牛肉 ($88)：牛肉炒得有鑊氣野味，如果牛肉切得厚身些會更正。食完有生果送，西瓜冰凍清甜，飯後佳品呢！另外，呢間中菜館環境有些西餐廳feel，坐得舒服。下次想黎食下點心。

喜歡到此處飲茶，因點心精緻小巧，款式新穎，唔錯唔錯！特別喜歡蘿白金絲腸，軟滑既腸粉包住趣趣米網蘿白絲，雙重感覺，好match！蟹子燒賣又係另一傑作，讚！蝦餃皮薄剔透，好味好味！絕對係岩人小小去飲茶既好地方！

如心廣場仍然靜靜, 只有2間店開業, 但見這間裝潢華麗酒樓, 環境舒適, 即管試試~~4人行叫了以下幾個餸:1)福州欖角醬燒排骨生炒骨的味道食得太多, 欖角醬第一次試;感覺新鮮, 還不錯; 但排骨的確無肉味;相信是冰鮮豬肉; 要求不高者可一試無妨;2) 清蒸大蟶子十分嫩滑, 沒有過火, 不錯不錯;3)鮮胡椒醬烤牛肋排 (推介)呢個認真不錯; 食出新鮮感;牛肋燘得很淋; 很入味;加上五柳汁; 開胃醒神;4)石頭窩黑魚子醬麼羅炒飯;食到飯焦; 呢個男友十分欣賞;飯炒得乾身, 沒有一舊舊; 很有水準;5)柑桔炒蝦球柑桔醬的蝦球; 酸甜酸甜;很不錯;總結: 服務很週到; 環境不錯; 食物都很有新意;三五知己共聚十分合適; 但多人的話; 份量未必足夠;因為頗精緻;一定會再去!!!

有天伯母打來相約我和女朋友，說請我們吃點好東西，見識見識云云。我和女朋友都覺得有趣。細問之下，原來伯母也有光顧那間食肆，結果儲起了一些現金券（有三百元之多）期限將到，也很久沒相約我們吃飯，正好襯此機會，相約吃飯聚聚，又可乘便用了些現金券。一開始我和女朋友也有些猶疑，不過既然伯母有現金券在手（想來也只是補上一百幾十也可吃頓晚飯吧！）而且盛情難卻，也就不好推辭了。當天相約八點在如心廣場等候，後來伯母說要遲點到，著我們先到三樓，陶源對面那間酒家，可就沒說出名字。當我們上到三樓時，原來酒家叫V Cuisine（怪不得伯母說不上來了，一間中式酒家改上一個英文名字，有時想約老人家吃飯也蠻困難的）伯母一早訂了枱，部長安排我們入座，不一會，伯母也到來了。伯母著我們點菜，我和女朋友研究了一下餐牌，菜式的名字和賣相都充滿Fusion的味道。近排很想吃咕嚕肉（坦白說，要吃到好吃的咕嚕肉真的不容易，很想看看這裡的古法山楂咕嚕肉會做成什麼樣子）於是我率先提議了古法山楂咕嚕肉，女朋友和伯母都說想吃蠔仔粥，因此我們亦叫了方魚蚵仔泡飯，另外亦叫了海味不同籠仔飯及麵醬燒汁扒茄子椰菜。古法山楂咕嚕肉咕嚕肉先來，賣相相當精

一年一度中秋飯, 舅父今年選址荃灣的V CUISINE.自從舅父的公司搬左去德士古道果邊, 佢就成日渣車去V CUISINE食飯, 話貪佢有FREE PAKING, 仲有COUPON送.舅父講到咁掂, 今餐真係”落足嘴頭”, 要食個夠本!!先上一個前菜: “芥末華多夫雞絲沙律”. 感覺係個汁有點點酸, 又有點點辣, 好開胃. 沙律用上的菜款式亦多, 係酒店或西餐廳會選用的蔬菜, 不是一般餐廳食到的生菜ONLY. 而且賣相吸引, 第一道菜已令人非常期待。之後有”手吊一品脆燒雞”.係唔係手吊無從稽考, 但皮脆肉嫩是真的. 燒雞一上桌已經好香, 味道係甜豉油的味道, 唔太甜又唔太咸, 剛剛好.接力是”威士忌金栗燴牛膝”.牛膝燴得夠腍, 帶有好微的酒香. 個汁餸飯VERY GOOD, 最細心係送埋紅酒兩杯, 同有枝吸管比你啜骨髓. 果然係食得唔好0徒! 另外要一提的就係栗子. 依家好少菜色會用上栗子做材料, 因為要煮到栗子熟得黎有少少脆身, 好似炒栗子既感覺, 很需要技巧. 連在坐廚藝最了得的舅母都讚D栗子好食, 咁…應該真係唔錯.其後再上的是”大杉斑兩食”, 一個炒球, 一個蒸頭腩.蒸魚可以

中秋節又係食做節飯的日子. 今晚輪到同女朋友一家人食. 女朋友親戚不多, 連同我才6個人, 就去左女朋友之前推介過的V CUISINE.不是第一次到V CUISINE, 不過都係飲茶多, 晚飯才第一次.之前已經覺V CUISINE的裝修好特別, 下面多位食家已有提及, 小弟就不多此一舉.今次主要係想推介一下這裡的龍蝦. 覺得這裡的芝士焗龍蝦好食, 除了因為我已經好耐無食過龍蝦外, 更因為這裡的芝士焗龍蝦不但用料新鮮, 汁醬的味道都非常好. 可說是我有生以來食過覺得最好食的! 以往食龍蝦, 都係覺得海鮮檔好吃, 比方說是西貢全記. 因為覺得用料新鮮已經係成功的秘訣, 芝士味只要夠濃, 又唔 『杰』就得. 但今日食過V CUISINE的龍蝦, 才頓覺做芝士焗龍蝦, 除了要用料新鮮, 如何去焗都是一個很重要的技巧.V CUISINE的芝士焗龍蝦, 拎出黎的時候是金黃色的, 面頭的芝士焗到有一片脆面, 略帶少少燶, 汁不是水溜溜的那種, 而是有點似把卡夫芝士放進微波爐叮溶了那種. 龍蝦入口彈牙, 有龍蝦味之外, 芝士味都好香, 但不會太搶. 最難得是那伊麪, 似乎炒左底, 撈埋D汁真係好食到唔

呢間酒樓食物味道okay, 但係份量細, 價錢貴 , 不可以與同一集團的食市食物一同看持. 好在朝早有活動, 已經食過一餐 Brunch 打低, 之後有生日蛋糕, 否則實唔夠食. $98 的炒烏東是女生的一人份量, 一籠蝦胶只有兩只 , 腸粉一碟由兩條切開...

因要@荃灣慶祝阿媽既生日,所以膽粗粗簡咗呢間野因唔想成日死'固固'食酒樓既餸 (好悶架嘛) 叫咗個$488既4人套餐有: 芥香雞絲華多夫沙津 ~ 真係有 d wasabi 既味, 似美式 salad雪場蟹忌簾濃湯 ~ 蟹肉都幾鮮味,又有菇 & 薯蓉味黑豚豬軟骨 ~ 無論汁or肉都好正帶子蒸豆腐 ~ 唔錯味噲乾燒鮮斑球 ~ 好重蛋黃味既斑球黑松露脆貝炒時蔬 ~ 用兩味菜一齊炒,確係爽***** 個套餐真係碟碟好味架 *****另散叫:堤岸雞絲牙車快 ~ 個sauce又酸又辣...好泰feel大吟釀鵝干 ~ 酒味重,鵝干外形似寶路,but無咩味. 還有露筍,蘿白 & 雪梨其餘既,手吊雞,櫻花蝦炒飯&鴨匈夾包都ok.平時食中餐都唔會幫d餸影相,但因今次fusion野,個個爭住影相呀

睇見Openrice咁多好評,於是相約好友在此補祝生日，靚裝修，環境舒服，非一般中式酒樓設計，而食嘅嘢都好fusion，我哋四個共點了九個餸，連部長都話我哋勁，各樣都有水準,至於甜品就每款八蚊，味道OK，但好細件囉！下次會試飲茶。1) 泠盤麻醬茄子 - 好好味2) 杏汁豬肺湯 - 正3) 牛肋骨 - 好入味，好淋4) 山楂咕嚕肉 - 酸甜醒胃5) 姜葱焗加拿大桶蠔 - 肥美6) 凉瓜炆南瓜 - 特別7) 蕃茄海鮮煱巴 - OK8) 越式芽車快沙律 - 清新9) 餃子 - 無セ特別

八月初，在V.Cuisine品嚐晚餐後，發覺味道不錯，加上酒樓贈送了150元優惠券，我和太太藉此機會大吃一頓，我們揀選了以下的菜式及甜品：(一)涼瓜魚柳： 涼瓜味道甘甜，一點苦澀味也沒有，真佩服廚師的廚藝了得，能化腐朽為神奇，因為涼瓜不易煮得出色；魚柳新鮮，肉質味美，絕對沒有腥味，它與涼瓜配合得天衣無縫，加上用瓦煲盛載，熱騰騰的，香氣四溢，令人垂涎三尺！(二)鮮魚露生煎鮑魚： 鮑魚不算十分大，廚師將它切成一粒粒，彈牙爽口，再配上魚露，能帶出鮑魚的鮮美；加上用貝殼盛載，精巧雅緻，賣相甚佳，然而稍嫌醬汁不夠。(三)香草羊鞍： 我對羊肉的興趣不大，因為害怕吃了它，惹來一身羶味。羊鞍肉質鬆軟，吃時要塗上薄荷啫喱，聽聞是用來辟除羶味，美中不足乃茨汁稀少，羊肉仍有少許羶味，相對名苑的羊鞍，它稍遜一籌。(四) 籠仔飯： 籠仔小巧玲瓏，熱騰騰的飯以荷葉墊底，飯吸收了荷葉的清香，芳香撲鼻，且伴著蝦米、冬菇、瑤柱、腊肉等配料，十分美味，使人大快朶頤，但稍嫌份量不足。(五)焦糖燉蛋： 蛋味濃郁，再配上甜津津的焦糖，入口滑溜無比，令人再三回味。可惜只能提供凍食，若能

自從品嚐過V.Cuisine的點心後，發覺驚為天人，無論色、香、味俱全，一直對它念念不忘。適逢週末，我、太太、鄰居一行四人再次光顧。 一踏進酒樓，部長熱情款待，令人有賓至如歸之感。他十分專業，對餐牌的餸菜的煮法瞭如指掌。經他精心推介下，我們選擇了以下四款菜色：(1)鮮胡椒醬烤牛肋骨： 肉質鮮味，入口鬆軟，醬汁濃郁惹味，恰到好處。胡椒色彩鮮艷，增加餸菜的美感，且味道不辣，對於不吃辣的我來說，簡直一試鍾情。(2)蒜蓉粉絲蒸蟶子王： 蟶子王果然非同小可，絕不欺客，體型比一般酒家販賣的大得多；它肉質鮮甜，再加上蒜蓉及粉絲，簡直是絕配，真想多吃一隻！(3)蒜香鹽酥特級加拿大桶蠔： 我對蠔的興趣不大，因為害怕它的腥味，但看見太太吃得津津有味，於是把心一橫試吃了一隻。蠔新鮮味美，且配上特製醬汁，一點也不腥，令我喜出望外，回味無窮。(4)士多啤梨咕嚕肉： 肉質鮮味的咕嚕肉伴著士多啤梨、蜜瓜粒，淋上山渣汁，烹調具心思，賣相一絕；而且酸酸甜甜，十分醒神開胃，送飯一流。 其實，這間酒樓裝修別出心裁，古典優雅，氣派不凡；環境清幽寧

兩個人食晚飯. 食物普通, 但價錢不普通, 自然覺得唔值. 環境幾好, 因為人少, 比較靜, 可以傾下計.麒麟雞半只 $ 150 , 有點似醉雞, 因為是凍食的, 但淋上了一個熱的汁.玻璃蝦球 $78 (一位份量) , 來到見到只有兩只蝦, 嚇了一驚. ,蝦球不算很大, 但肉質好爽. 味道清淡.籠仔飯 $48 (一位份量), 似一個荷葉飯. 沒驚喜.沒送甜品, 送生果. 食滿一百元送一張三十元coupon. coupon可以累積使用,沒消費金額限制.

個fd醒左d coupon比我, 我咪同屋企人去試下飲茶之前個fd己經同我講過話v cusine地方唔錯, 但冇expect到個環境係咁靚, 仲坐好舒服tim, 個裝修似餐廳多過中式酒樓 例排叫蝦餃、燒賣, 但份量比起平時D酒樓細, 得兩粒, 勝在味道搭夠, 個燒賣上面有d黑魚子, 都幾得意腸粉蒸得好軟滑, 入面d蝦都好大隻要推介係酒樓竟然有自創點心, 好有新鮮感日式鮮蝦炸卷, 鵝肝漢堡仔 – 鍾意佢細細舊, 原來鵝肝做包係好FRESH酥皮鰻魚酥 – 個皮好脆好鬆化冇諗過可以將d西式食物做點心, 又可以入口, 味道ok之餘, 賣相都唔馬虎, 見到都口水流 另一驚喜係個menu仲有西式甜品, 屋企人對甜品冇乜興趣, 但我就好鍾意食我要左個焦糖蛋, 好似食豆腐花咁滑, 正! 我鍾意食燉蛋, 有糖水舖既水準 食完又有coupon送, waiter話d coupon送到今個月, 其實有coupon係好抵食, 食滿$100送$30, 而且係冇任何附帶條件, 直頭係cash coupon, GOOD!下次要去試下個dinner