彩虹煮意 (已結業)

支持良心小店之日常～終於去左呢間朋友成日推介既彩虹煮意！小店細細間但出品好高質！下午3點去都等左一陣位，見都幾多人黎拎外賣疫情之下枱與枱中間有隔板，坐都算舒服weekend 既menu幾樣野都好吸引，最後揀左藍蟹肉野菌菠菜pizza 同香煎芝士牛扒配蛋pizza啖啖蟹肉有菠菜又好似健康D咁牛扒叫左5成熟，出黎好滿意 伴碟個個薯都好味夠香脆老公連個凍檸茶少甜都讚 滿足既一餐～後來朋友話個墨西哥卷堂食（佢強調呢個一定要堂食）好好味，下次黎再試！

復活節增肥第一擊本來剩係想食個quick lunch，但係等等下睇晚餐menu見到「龍蝦海鮮大什燴跟蒜蓉包」就厚著面皮問老細有沒得嗌。雖然只係得半條龍蝦尾，但肉質彈牙，好新鮮。但其實呢碟野重點唔係龍蝦，係個兩隻手掌咁大的大蝦先至真！隻蝦煮得岩岩好，肉質比龍蝦彈牙。個大什燴除左龍蝦大蝦，仲有魚、帶子、螺、八爪魚仔、薯仔、粟米等等，非常豐富。仲有最重要係個蒜蓉包係神來之筆，本身已經正，烘到岩岩好，點埋湯食一流😋😋。靚仔廚師老闆和侍應姐姐都好好人，見我等得耐，係咁講唔好意思。呢種良心小店，一定要多d幫襯👍🏻👍🏻

彩虹煮意喺屯門置樂天橋下面，小編喺午餐餐牌度揀咗食豬肉眼，因為豬肉要煮耐啲嘅關係，呢個餐要等15分鐘左右，咁就有時間去買埋甜品，時間夾得非常好南瓜湯好濃，好似食緊南瓜蓉咁，個味都好夠，入面有啲黑椒，如果一不留神咬咗落去都幾刺激主菜塊豬肉眼扒真係非常非常厚，面同底煎得有少少少少脆，一用刀切落去嗰吓，哇點解咁易切嘅，一切就知塊扒唔會韌，食落口仲有少少外脆內軟嘅感覺，肉質好鮮嫩，啲汁更加將塊豬扒啲豬肉味襯托出嚟。伴碟有西蘭花同椰菜仔，因為個外賣盒唔夠位，啲薯蓉就墊咗喺塊豬扒嘅下面。杯凍檸茶個茶底同普通茶記飲嘅唔同，係用咗高級茶記啲「芒果紅茶」、「蜜桃紅茶」嗰啲百搭紅茶特飲嘅茶底，本身order凍檸茶都無expect過係呢隻底，真係有「哇正呀」嘅感覺

假日嘅餐牌同平日唔同，平均每個餐約100蚊，無加一，包杯熱飲☕紅酒汁鹹豬手燴飯（$98）個燴飯好足料～勁多豬手，豬手唔會un🐷而燴飯配紅酒汁好match，好開胃。

係屯門置樂唔起眼嘅角落，靜雞雞開咗間小店！之前仲送免費餐比學生！晚市唔貴、午市更加平到笑，咁嘅價錢買西餐質素，個餐牌仲定期會轉，成日去都唔厭～—————————————————▪西班牙豬肉眼配薯菜($78) 〔包前菜飲品〕▪️ BB帶子燴飯($64) 〔包前菜飲品〕.頭盤已經令小pin心入面覺得，掂喎。蕃薯薑湯食落就好似蕃薯糖水嘅creamy幼滑版，濃郁程度係成啖蕃薯漿咁，想睇有幾濃就向右掃睇片.用料冇因為價錢平揸流攤，豬肉眼大大件極厚身，帶小小肥肉，煎到好香又嫩滑！完全無平日食豬扒個種鞋烚烚感覺，醬汁襯托出豬既香味，咬落有肉汁搞到唔捨得食哂 😂 配菜都好豐富，亦有細心調味煎香，成碟清哂！怕無乜澱粉質唔夠飽，仲可以加$10轉扁意粉🍝.帶子燴飯嘅米粒軟硬適中，差唔多每啖都食到貝柱同魷魚，勁足料！蕃茄汁酸酸地好開胃，味道配搭得啱啱好，食得出廚師既心思！無論係用料定煮法其實佢都可以抬高一倍價錢！😭唯一扣分位係凍朱古力太淡，面頭好架勢好靚，但飲落好似稀釋咗咁 😂 .呢個位算比較偏僻但屯門人無可能唔知 🤪 就係連接呂祥光個條置樂橋下面！

為朋友開生日派對竟然搵到間可包場嘅小店好感動 消費滿$3000就可以 可容納14人食物價錢相當公道 其實要食到$3000都有啲難度因為都好抵食 又樣樣都好食有啲清得太快都來不及拍照大家真係要去試下

朋友特登入屯門搵我食飯緊係要帶佢地搵良心小店呢間餐廳可能位置遠少少所以唔算好多人排隊小店位置唔多 晚市等左左半個鐘有位我自己住左屯門咁耐都未試過食呢間但令我喜出望外～店員服務態度好好好有禮貌又親切 仲會斟水果然係良心有良知小店仲要唔收加一我地三個人叫左5樣野1. 燒牛肉沙律好好味好足料 材料唔hea 醬汁酸酸甜甜 加埋少少藍芝士 好香好好食牛肉份量多 燒到半生熟 口感岩岩好！2. 熱情果雞翼有2隻雞翼 3隻雞槌熱情果醬好特別！酸酸甜甜 又香熱情果味仲要熱辣辣咁上 一定要試下3. 芝士焗薯條勁多芝士 仲有啲千島醬薯條又粗又長 上碟個下係大份到好驚訝非常超值！4. 澳洲紐西蘭肉眼扒 8oz呢款$158 另外有款安格斯12oz $248(冇記錯的話)以為呢款會差啲但點知燒得好好食！5成熟 口感一啲都唔un 仲好香牛味三個人分都好夠食 真係好抵呀5. 煙大蝦蟹肉燴飯超creamy 好香濃 意大利飯煮得淋身大蝦有3隻 蟹肉係絲狀混左入飯裡邊不錯不錯食到我地飽哂都只係$450埋單每人平均$150咋坐得舒服 又有良知 又係小店 又咁好味店員仲要好好服務一定會回頭呀

朋友連結兩年選擇在這家有特式人情味小店為我慶祝生日，雖然是小店但菜式有特色又好味價錢合理，性價比高！朋友為我點了蕃茄虎蝦扁意粉，香煎鴨胸薯蓉，香煎豬柳薯菜，沙律，餐湯。多謝朋友令我有得愉快生日午餐，亦感謝廚師店主煮美味食物！

每次相约朋友到彩虹煮意品嘗午餐，每次都有驚喜，今次有我喜歡的卡邦尼意粉，有冬陰公鱈魚柳飯，沙律又醒胃！侍應又體貼又窩心！廚師風趣又有善。食物好味，價錢合理是朋友聚會的好地方！

今日終於有時間去食朋友推薦的餐廳，她覺得呢間餐廳食物質素好，價錢不貴，所以她經常來食。而且每日的餐牌都是不同的食物，她特別推薦墨西哥卷🌮️，可惜今日菜單上沒有。每個餐都有一個湯或沙律，附送茶或咖啡，價錢大約在60～100元左右。🥰紅菜頭湯：湯底是蕃茄蓉，不是普通罐頭湯，雖然喝不出有紅菜頭味，但都是好好味，湯汁夠稠。雜菜沙律：這是我吃過前菜最好的沙律，不是給你吃普通生菜，而是真正的沙律菜，而且醬汁酸甜，非常開胃，差一點問老闆在哪處買醬汁，回家自己整。主菜：雞排青飯雞排很大塊，煎得很香，雞皮上淋上醬汁，雞肉夠嫩，煎得剛剛好。最好吃是竟然是飯，因為用了忌廉汁和其他醬汁來煮，非常香，再加上青豆，簡直一流。主菜：豬肋骨薯蓉薯蓉非常好吃，因為不但有粟米，要用了醬汁來煮，吃起來軟綿綿和一陣很香的忌廉味，我非常喜歡。至於豬肋骨燒得夠香，是在骨頭剔除肉塊是較麻煩，味道也不錯👍🏻

✔豬手飯， 好好好好食，將豬手拆絲做燴飯好味到呢…下次去一定要再食 😋😋😋😋✔all day breakfast , 個蛋餅好味吾係好油，雖然出面食過再好味d ge,但係會偏油，佢呢個做得幾好。 太陽蛋都係正常以上，蛋黃好香。煙肉煎得好夠，將d肥膏迫到出晒油👍👍👍👍👍⁉️ 蜜桃咖啡，可以但吾啱我個人口味🤔🤔🤔🤔總體: 因為我吾使點等，所以感覺良好，但走時已經有起碼2group人等緊，因為枱數小，所以要留意一下，小店就係甘。

上星期先寫完，隔咗一個禮拜再寫呢一篇，完全係因為忘不了鑽石蜆！🥰🥰🥰🥰🤣🤣🤣🤣🤣 咁講好似好誇張，但呢個係事實，希望openrice approve我呢篇食評🙏🏻等左一個星期再黎屯門，一入到門口，即刻同老闆娘order白酒煮鑽石蜆（其實黎之前又打電話make sure係咪仲有得食，始終seasonal食材嘛😆）之後，先俾紋青慢慢睇menu睇下另外叫咩食😚最後我哋total叫咗：- 紐西蘭肉眼扒（五成熟；加咗$30跟餐要沙律同飲品）- 白酒煮鑽石蜆（配多士）- 炸水牛雞翼- 帶子海膽忌廉汁扁意粉是日跟餐沙律係無花果牛油果沙律：牛油果最怕硬，呢件冧冧地，岩岩好，無花果同沙律菜都新鮮，最鍾意佢開胃嘅沙律汁，酸酸地，仲有少少番茄粒同青瓜粒，呢個天氣食好 fresh好開胃！炸水牛雞翼：紋青鍾意食雞翼，所以就叫左呢個，配嘅dressing 加分，我估係芝士醬，但唔知係唔係呢哈哈我嘅忘不了主角🥰🥰🥰🥰🥰白酒煮鑽石蜆配多士：蜆肉同上星期食一樣，非常肥美新鮮，完全冇沙，好enjoy 食嘅過程，好滿足。配嘅多士有用牛油烘過，都幾香，沾上炒蜆嘅汁食都幾好味（係肥少少😂😂）令我諗起喺Paris 住嘅時候食比利

同左紋青拍拖以來，weekend都做屯門人，會揾下野食，每次經過 rainbow都會想試，但成日都無掟起心肝😂 今晚紋青唔太舒服，我食自己，就黎左試，自我 enjoy下😊呢度有 廚師推介同平時嘅menu， main dish 加$30就可以轉餐，有湯/沙律，餐飲。 黎前已決定要食 pasta，爭扎咗叫一陣要 order 日常嘅意粉定係廚師推介，咁岩隔離枱上左chef’s recommendation 嘅白酒煮鑽石蜆個樣幾吸引，就決定叫香蒜炒鑽石蜆扁意粉：今日餐湯係番茄節瓜湯（西餐煮法）：其實一開始聽到都呆左一呆，節瓜又點樣西湯煮法呢？試左第一啖，好鮮嘅蕃茄味，好開胃（因為呢排心情都唔係幾好，一食開胃嘅餐湯，即刻令心情好返少少），節瓜本身味道唔太出，而且應該已 blend爛哂，所以主要味道都來自蕃茄👍🏻（順帶一提，是日沙律係吞拿魚沙律，見到隔離枱嘅吞拿魚有兩大件，加$30有沙律或者湯同餐飲其實都好抵）香蒜鑽石蜆炒扁意粉：店主老婆（我個人估係😂）話鑽石蜆係  seasonal（去到九月左右），所以係呢排（星期五六日先供應）先有，店主特意用紐西蘭飛機貨，洗得又乾淨，一啲沙都冇，肉質非常肥美鮮

起初路過這間不起眼的英倫風格小店，抱著即管一試的心態去一次。怎知一道看似普通的前菜： 紅酒燴牛脷，一入口就有驚喜，紅酒和黑醋做得恰到好處，肉質非常嫩，味道醒胃，其他菜式都做得好有heart。想不到大廚從高級的蘇豪區轉戰到屯門的小商場都絕不欺場，每一道菜式都用料優質、認真烹調；加上每兩星期都更換菜式，令我們食極厭，簡直愛上了這小店，成為我們的飯堂了。

中午去置樂街市買野，突然想食牛扒，見到呢間小店有得食，價錢亦唔貴，一於試下啦。牛扒加埋隻蛋如吸引，牛扒好juicy ，唔會好似茶記扒咁用粉整淋，隻蛋煎得好靚，蛋白煎完好滑，但唔係因為唔熟而滑，沙律菜都好味，以$108 呢個價錢，絕對食得過，一定會再幫襯。