御名園

营业中

休息中

本人早兩星期前致電（荃灣御名園）成功訂位，30/8 午餐放題， 本人於中午1點前到達，1:10向職員表示人齊可以入座， 第一時間接待指示我們到大廳中間位置，等樓面執枱清潔，等了一陣又說換枱板，跟住又叫我們到接待旁的枱就坐，再三等沒有來執枱，完全冇人理，加上冷氣唔夠，商場冷氣涼快，好比御名園內的空氣不流通， 暫且未能品嘗御名園推介的食物，但這家服務劣質。本人會通告其他客人不要惠顧這所連鎖酒家。

網上團購 $138/位，茶錢加一另計（約$30）平日唔算多人，但入座有點混亂，最後比原本訂座時間遲少少，入座起計90分鐘。當日侍應稱冷氣壞了🥵 有點嚇人⋯ 點心紙多種類，有基本蝦餃燒賣、特色點心、炒飯麵、燒鵝瀨⋯，還附送灌湯餃、鮑魚燒賣！食物質素唔錯，上桌時是熱辣辣的！唔會走單。因即蒸點心需時，90分鐘用餐時間比較趕急，煎炸食物會先上，建議第一輪可多點幾款點心慢慢等😊 有待改善地方：客人多侍應少，等候多時都無人加水

同朋友食晚飯問個女侍應有咩介紹，佢係咁叫我地食海鮮貴一貴，我同朋友傾完同佢點菜佢又大大聲同對面台個侍應講野，一d都唔尊重當我地無到…跟住我地散點燒味例牌每碟都得十粒咁上下計埋加一成一百蚊一碟…叫乳鴿d皮好似柴皮好干一d油都無，又瘦無肉，我懷疑佢地d食材放左好耐無人點所以雪到干哂，同埋個茶壺入面的茶包，沖第二次已經無顏色，我重以為拎錯左壺水專登打開佢，呢d超慳料酒樓真係食一次就唔會再來，食完都係要返屋企食公仔麵。呼喻大家唔好幫襯

疫情已經困擾咗多時，也要適應這新常態的生活。難得星期日假期，出去搵餐好嘢食舒緩一吓抗疫心情，去左荃灣眾安街千色匯一期(御名園)食中菜，食完之後又估唔到會喺荃灣區搵到一間好味抵食的飯店。麻香鴨舌$58，充滿了麻香味道，十分惹味，食到不停口。雪梨椰皇燉竹絲雞湯特價$28，每晚有不同的特價燉湯，今晚就是呢款啦。原隻潤燒石岐乳鴿$50，乳鴿較為乾身，但食落都好入味。清蒸黃皮老虎$188，最緊要係魚蒸得剛好，不會太老，魚質嫩滑，十分鮮甜。黑椒花葱爆安格斯牛柳粒$158，將牛柳肉味鎖住，再加大量嘅葱段爆炒，十分惹味。金蒜粉絲蒸聖子，爽口彈牙正

平時我去酒樓多數都係食點心，反而晚市就好少嚟酒樓食，家姐話聽朋友講呢間幾好食，放假就同佢一齊孖住試下啦😋🥢食物🥢1️⃣晚市套餐B $348:薑蔥炒本灣肉蟹：連煲上熱辣辣，聞到薑蔥味都好香，令食慾大增😍份量有2隻，蟹肉好入味又多肉，蟹蓋仲有蟹膏岩哂我😍配小菜XO醬翡翠炒螺片：XO醬帶起餸菜特別惹味，食得出夠鑊氣！螺片好爽口，加埋西芹、雲耳令顏色加分感覺又健康😋2️⃣黑豚叉燒皇$88（例）：賣相已經好吸引，厚切半肥瘦叉燒掛滿蜜汁，外皮帶點爽脆，咬落去好鬆軟，令人好深刻😍3️⃣黑松露彩椒元貝粒炒金銀蛋：炒至半凝固的金銀蛋，元貝粒份量很多，加埋一齊口感好好👍🏻4️⃣雪梨椰皇燉竹絲雞湯$28: 價錢咁抵一定要試😆材料好足，飲落去好清甜，仲有淡淡嘅椰子香味🥥而且款式未必每日一樣，下次可以試吓其他款式！值得讚店員服務好好，有禮貌同埋會主動換碟加茶！最後仲有問我哋食唔食埋糖水，成個晚飯食得好開心又超值👏🏻

呢間酒樓最近推出90分鐘午市點心放題，不過今次就揀咗單點點心🫖💗鮮味蝦餃王 ($38.8)餃皮晶瑩剔透，口感煙韌薄身，蝦肉餡爽口鮮甜，配上爽脆筍粒🦐💗巧手潮州蒸粉果 ($30.8)潮州粉果外皮唔夠煙韌，反而偏濕有d黏牙，內餡有豬肉碎、蝦米、沙葛、香芹等，尚算足料🥟💗海皇醬蒸鳳爪 ($30.8)鳳爪腍滑爽脆，充滿骨膠原，再加入花生一齊蒸，醬濃入味，蒜香惹味🐓💗酥脆芝士拔絲紅薯卷 ($30.8)紅薯卷炸至金黃酥脆，綿密香甜嘅蕃薯蓉包住拉絲芝士，但兩者組合唔太夾🍠💗安蝦鹹水角 ($30.8)鹹水角香脆軟糯，餡料有豬肉碎、蝦米、冬菇等，鹹甜惹味，但炸得偏油膩🥠💗出爐叉燒滑腸粉 ($38.8)腸粉皮略厚，唔夠滑溜。叉燒餡尚算足料，但加咗芫荽🙁💗乾青養顏棗皇糕 ($30.8)棗皇糕煙韌QQ，紅棗味濃郁清甜，有養顏補血功效🔴

話說都有一陣子冇去過酒樓食飯所以就上網search吓性價比高又多優惠嘅餐廳😝見到呢間評分唔錯既御名園就即刻試試🔻西澳州龍蝦（約1斤4兩）西澳洲龍蝦肥美肉質飽滿多肉汁口感既滑又彈牙伊麵索埋龍蝦汁同芝士上湯咁食確實唔錯🔻拾味椒鹽魷魚鬚每次去酒樓都一定點呢味不過就唔係到到都做得好食呢到就整得好好食即叫即炸炸得好酥脆 粉漿唔會好厚唔會食落成口粉🔻西蘭花炒鮮元貝本身以為係蒜蓉西蘭花炒鮮元貝點知原來係有醬汁炒🤣🤣我覺得咁樣仲好食喎勁惹味元貝都幾大粒👍👍仲有其他套餐同小菜選擇都幾抵食

呢日難得兩小齊齊得閒同我提早慶生，一於翹埋手等食啦亞女訂咗荃灣千色匯呢間御名園食晚飯，入座後會送上小食前菜是要收費的，但因為是脆口的雜錦果仁覺得太上火所以退了，如果覺得不合口胃記得叫職員退呀陳皮脆香燒鵝皇(半隻)燒鵝上枱時已經香氣撲鼻，入口更是皮脆肉鬆化，油脂甘香XO醬翡翠炒海螺片螺片非常鮮甜爽脆，薄切刀工了得，加上西芹雲耳XO醬爆炒，夠晒鑊氣蜂蜜柚子脆蝦球蝦球炸漿貼薄酥脆，蝦肉脆口彈牙，加埋蜂蜜柚子醬汁夠惹味鮮蝦雲勝煮蛋角勝瓜本身已經夠清甜，加埋上湯及鮮蝦味道就更加濃鮮瑤柱海味雜菜煲用上湯浸煮幾款時令蔬菜，加上蝦乾、瑤柱、支竹、雲耳及雜菇，再以粉絲吸收湯汁，材料豐富惹味清蒸老虎斑火喉掌握得剛好，不會過火，魚肉入口滑溜，值得一讚是魚鱗處理得非常乾淨蔥香油鹽焗軟殼蟹平時食軟殼蟹都是日式食法，但今次改用中式食法將炸過的軟殼蟹用蔥油鹽焗又幾惹味唔錯喎蝦子海味炆伊麵生日當然要叫返碟伊麵食啦，代表長壽嘛，伊麵炆得夠濕潤，配上蝦乾雜菌份量超大碟鮑魚一品砂鍋飯用勁多迷你鮑魚及貝柱炒製，飯粒爽身分明，充滿醬油香味，以砂鍋上枱夠晒鑊氣

好耐無試過放假去飲茶，見天氣熱又唔想係屋企長開冷氣，去飲茶又係第一個唔錯嘅選擇。我地揀左點心放題，有90分鐘任食點心，大約有30-40選款式俾大家去揀。鮮味蝦餃皇和蟹米燒賣皇兩者入口都啖啖肉，鮮味蝦餃皇每件都有細鮑魚仔，味道更豐富。蠔皇流汁叉燒包這個相當有驚喜，唔似一般酒樓的叉燒包，通常面包會偏硬，但依個入口勁軟熟，多汁之餘，餚料十足。車打芝士蝦長春卷入口相當香脆，而且每啖都食到淡淡芝士香味。椒鹽魷魚鬚和一口豆腐粒，份量為2人份，外脆內嫰。四川香辣金錢肚一上枱已經嗅到香味，金錢肚掛汁力夠強，帶一點辣，夠晒惹味。燒鵝瀨粉，對任食黎講，小小的一碗就最岩，但燒鵝的份量十足，皮脆肉嫰。甜品點左中式甜品，有薑汁千層糕和乾清棗皇糕，即點即蒸，新鮮熱辣，個人最鍾意乾清棗皇糕，口感綿密。

荃灣咁多食肆選擇梗係揀一間性價比較高嘅嚟食啦見到呢間晚市都有好多優惠就一於同屋企人試吓🍽黑椒蔥爆安格斯牛柳粒安格斯牛柳肉質細嫩多汁油花多又醇，加上黑椒同葱爆炒夠哂鑊氣正呀~~~🍽晚飯美饌組合 A🍴銀絲蒸鮮元貝 （4隻)元貝夠哂大粒粉絲吸滿醬汁和元貝汁啖啖鮮味🍴瑤柱海味雜菜煲🍲將瑤柱、蝦米🦐烹煮後香味四溢加埋雜菜烹煮成海味雜菜湯味道鮮甜🍽西澳洲龍蝦（約1斤4兩）🦞無鉗,頭短身長龍蝦肉十分肥厚肉爽味甜配埋索哂龍蝦汁ge伊麵一齊食夠哂滿足😋

最近荃灣放工之後去咗千色匯五樓御名園同屋企人食晚餐留意番小碟前菜需要收費唔需要嘅話記得通知職員蔥香油鹽焗軟殼蟹 軟殼蟹金黃酥脆簡單配搭蔥香油鹽焗已經足夠惹味可惜每位只限享用壹隻陳皮脆香燒鵝皇(半隻)御名園即日起至九月尾推出晚飯雅座優惠；半隻燒鵝連埋服務費兩舊水左右真心抵；燒鵝皮脆鬆化而且肉質油潤軟嫩肉汁豐富XO醬翡翠炒海螺片 晚市優惠差唔多成廿款小菜選擇全部唔過百蚊；螺片薄切口感柔韌加埋西芹爽脆口感夠哂豐富鮮蝦雲勝煮蛋角 上湯浸原隻鮮蝦加埋勝瓜以及煎蛋配搭幾獨特但係味道意外唔錯瑤柱海味雜菜煲 叫咗咁多肉類緊係要食番啲蔬菜；瑤柱海味雜菜煲用咗大量瑤柱以及蝦乾等海味煲煮雜菜湯底超級鮮甜加埋粉絲啱哂清蒸老虎斑 堂食海鮮同樣可以享有優惠；約成斤重嘅老虎斑埋單都係兩舊水左右絕對超值；魚肉緊緻嫩滑完美掌控蒸煮時間同埋火喉蜂蜜柚子脆蝦球 額外喺主餐牌用正價單點咗碟蜂蜜柚子脆蝦球；蝦球肉質清爽而且粉漿薄脆配搭柚子蜜醬可以減輕油膩感蝦子海味炆伊麵 伊麵同樣加咗蝦乾以及魷魚等海味炆煮大碟到差啲食唔晒鮑魚一品砂窩飯 落咗大量鮑魚以及貝柱絕對足料而且醬油勁香打開砂窩蓋聞到即刻流哂口水

位於荃灣千色匯的御名園，其實都想試很久了，今日與朋友到荃灣，就揀了食御名園。餐廳裝修古色古香，大大件的如意玉石裝飾，更顯得豪氣又貴氣。菜式是中式宮廷式小菜之余，更有點心選擇。我今晚要了生猛西澳龍蝦、黑木耳鮮百合炒勝瓜、雪梨蘋果椰皇燉竹絲雞。生猛西澳龍蝦 金湯焗伊麵底 金色的湯汁帶有芝土的香，好香濃，龍蝦肉質緊緻爽口，沾著金湯，令龍蝦肉更鮮味！黑木耳鮮百合炒勝瓜勝瓜很清甜，黑木耳很爽口，這個菜很健康。雪梨蘋果椰皇燉竹絲雞功效清肝解毒，舒肝理氣，湯底很清甜，飲得出的老火湯味道，價錢平民，真材實料，極抵飲……

朋友好鍾意食中菜於是我哋前一排去咗御名園食飯分享番先！……….我哋係食lunch嘅所以就好似平時飲茶咁叫咗唔同嘅點心！……….呢度嘅點心都幾特別例如有紅薯卷、手磨紅米銀蘿腸粉等等我哋仲叫咗個燉湯-羊肚菌南北杏燉花膠湯好入味飲落幾舒服🤣🤣特別鍾意佢個鮑魚燒賣皇燒賣上面有細細粒鮑魚 幾好食！我同朋友都鍾意食榴槤都叫咗個榴槤酥試吓～外面鬆脆 內裏充滿榴槤味非常好食！鍾意榴槤嘅朋友一定要試吓🥰……….餐廳環境舒適，員工態度都唔錯非常適合一家人或者同朋友去食飯！御名園地址:荃灣千色滙店 (地址:荃灣眾安街68號荃灣千色匯I期5樓5A號舖) #御名園 #中菜 #點心 #宮廷菜 #中菜廳 #中式美食 #小菜

同屋企啲長輩外出食晚飯，都係揀番中菜啱佢地口味。荃灣酒樓算幾多，要揾間性價比高嘅推薦呢間.....✨御名園✨前菜小碟係香脆嘅紫菜果仁真係幾香脆幾惹味唔係現成嘅鹽味果仁先來冷盤小碟，這裡的招牌名菜🍴鮮沙薑香茜豬手$48前菜都做得好精緻，醃得夠入味，豬手皮好爽脆，加埋香茜，食落好香口🍴陳皮脆香燒鵝皇$98燒得皮脆肉汁多，香氣撲鼻，味道醇厚，值得一試！晚飯揀組合就最抵！🍴晚市組合B $328💓揀手本灣肉蟹 薑葱炒肉蟹高質大大隻，以薑葱爆炒的傳統烹調方式，呈現肉蟹嘅極緻鮮甜。用砂鍋承上炒蟹，保持熱力，色香味俱全。💓XO醬翡翠炒海螺片加入XO醬爆炒夠曬惹味，海螺片大大片，份量充足，口感爽脆煙靭，味道鮮美。飲番個靚湯先，每星期都有2款養生燉靚湯，價錢好抵！🥣御膳養生燉靚湯$38.8羊肚菌南北杏燉花膠足料又鮮甜，花膠滋補養顏，飲多幾啖先..係荃灣與親友相聚揀中菜又有1個好選擇喇！

媽咪鍾意食中式酒樓，話呢度晚飯小菜都幾抵，海鮮仲生猛即撈即煮，今晚我地仲飲埋燉湯～雪蓮果椰王燉竹絲雞好清澈少油，清甜椰子雞湯味岩哂女孩子～陳皮脆香燒鵝呢，叫個例牌3個人食都好足夠，皮薄又脆但唔肥，岩哂我！媽咪叫經斑蒸左條老虎斑，蒸到剛好痴骨，d肉夠哂實淨，點少少豉油就夠哂鮮味。我個人黎講鍾意食小炒類似呢種XO醬翡翠炒螺片，加入XO醬炒得夠香又多材料，螺片夠哂爽。我同媽咪覺得最最最出色係黃金蝦，嘩真係超好食！每隻蝦都厚厚嘅咸蛋黃但又唔油膩，每口咬落都有咸蛋黃香同煎蝦香味，呢碟我地好快清哂碟！