御名軒

营业中

休息中

餐廳就在地鐵站一出就看到了，今天是平日晚上，客人都挺多的，大廳接近全滿了，而且現在有在做超划算的晚市優惠，真的可以試試！古法羊腩煲（２４８元）性價比不錯的，同場也有挺多人叫了這個羊腩煲！羊腩燉煮得非常軟嫩，帶油脂的地方入口即化，皮都是嫩嫩的質感，而且不會羶，吃的時候再配上鹹香的腐乳來吃，味道更香濃！配料也有很多腐竹，冬菇，馬蹄和竹筍。另外本身送了一份生菜，最後用湯汁來煮，味道特別香濃，菜脆嫩。紅燒雞絲翅 （１元）這裡的晚市限時優惠，性價比無敵，喝起來陣陣的雞肉香和魚翅的鮮甜，而且真的能吃到有一片片的魚翅的。雖然可能不是什麼貴魚翅，但只要１元就買不了吃虧了。椒鹽海生蝦（１２８元）一份的量也挺足的，而且還很好的將蝦頭的腳和刺剪去，吃的時候整個直接吃就好了！蝦炸得酥脆，口感彈牙，有蝦味，配上大量的椒鹽和炸蒜，味道惹味。豉椒炒肥蜆（９８元）炒得挺有鑊氣的，豉椒味香濃，再加上鮮甜的肥蜆，挺下飯的！

約左個舊朋友見面，大家都係雞啄唔斷嘅人，最好就當然係搵個不限時嘅地方食飯。不限時一般都係酒樓啦，唔洗煩，感覺呢間酒樓做開街坊生意，唔會坐得好侷促。咁岩天氣轉涼，一於整個羊腩煲補補身暖下胃。羊腩煲湯底濃郁，份量不少，羊肉嫩滑入味，而且支竹冬菇馬蹄冬筍呢啲配料都相當多，配埋腐乳更加胃口大增，湯汁加腐乳撈飯亦都好正，有種童年回憶嘅感覺。羊腩煲 $248點羊腩煲時都唔記得係有生菜，我地又自己點個菜，食多啲菜健康啲丫嘛，芥蘭夠哂爽口，臘腸潤腸臘肉份量都唔少，而且每片都夠厚實惹味。芥蘭炒臘味 $128傳統雞絲翅，每碗花膠魚翅用料充足，對得起呢個價錢，加少少醋，鮮味更突出。紅燒雞絲翅 $238都自知兩個人唔食得多，所以無叫好多主食，反而開頭小食叫多啲，可以慢慢吹水傾偈。外脆內滑 八味豆腐 $58爽口彈牙 沙薑豬手 $78開胃之選 手拍青瓜海蜇 $58整體每個菜式份量相當大，好抵食，人少的話建議先點一兩個餸再決定還要點些什麼。😉📍御名軒電氣道22-52號金殿大廈1樓

今次同屋企人專登去天后御名軒酒樓，因為之前都食過一次覺得好抵食，依家酒樓推出晚市三寶🤩冬瓜盅🥒鮑魚鵝掌🪿及 片皮鴨🦆，每道菜都大大碟，價錢亦相當實惠，仲有大閘蟹優惠 - 每隻$68,  今次組團一齊去食個豐富大閘蟹宴呀🤗💫大閘蟹 🦀新鮮即整肉質鮮嫩，一打開蟹膏香濃，每隻$68優惠價絕對物有所值，搭配醋和姜絲，味道更加突出，果然是食大閘蟹時令季節👍💫片皮鴨 🦆鴨皮脆肉嫩，外皮金黃酥脆，內裡的肉質則非常多汁，不過我略嫌鴨肉太多不夠鴨皮的油膩感，搭配薄餅和甜醬，口感層次分明，不過不失😌💫羊腩煲 🍲羊腩煲湯底濃郁，羊肉煮得剛剛好，軟嫩入味，每一啖加上腐乳醬好入味，🐑羊腩煲湯底配上新鮮的生菜，暖胃又滿足，特別適合依家轉冷天氣！🌬️晚市孖寶 🍽️🎉💫清蒸老虎斑 🐟清蒸魚肉鮮嫩，保持了海鮮的原汁原味，搭配簡單的調味，確實是爸爸的最愛💕🌊💫蓮藕老火湯 🍲蓮藕老火湯大大煲夠我們四人飲，湯底清甜，蓮藕的口感脆嫩，仲有好多肉骨精華好鮮甜，喝上一口，暖心又暖胃，飯後仲有甜品紅豆沙送，幸福滿滿!!! ❤️

秋風起，食大閘蟹時候到啦！今日帶媽媽去御名軒食大閘蟹，佢地提供清水大閘蟹，肥美多膏既蟹公真係我的最愛！邊食邊叫 I Love 蟹公！ 酒樓平日晚市都好熱鬧，男女老幼都有，家庭客，朋友聚餐，連外國人都黎食。紫蘇蒸大閘蟹兩隻大蟹公，每隻約4両半，多蟹膏，好香口美味，勁滿足，正呀！！蠔皇鮑魚扣鵝掌鮑魚size算大隻，鵝掌掛滿醬汁好滋味，仲有西蘭花也浸滿醬汁。太史五蛇羹好多料除左有蛇肉外，還有冬菇、木耳、冬筍等等，還伴有菊花和脆片，一齊食會更清香。風味小碟叉燒肥瘦均勻好味道， 燒腩仔香口，青瓜清爽臘味糯米飯有臘味粒、花生、蛋絲，飯粒飽滿，充滿水份唔乾硬，岩我食。薑汁蒸軟糕兩大件， 煙韌軟糕有淡淡薑味，食完蟹食薑汁軟糕都唔錯。川味酸菜魚好大盤酸菜魚，充滿麻香，好足料，除左有魚塊和酸菜外，還有薯粉、雲耳、菇塊、芽菜等等，超級豐富。蜜椒京蔥爆牛仔骨有十幾塊牛仔骨，又厚身又大塊，有鑊氣味，抵食。擂沙芝麻湯丸有3粒，芝麻湯圓面層蘸滿了花生碎，比普通湯圓更惹味。

話說今日喺天后地鐵站見到有個廣告，寫住某酒樓片皮鴨只係$98。之後再search吓，原來佢仲有大閘蟹食，價錢仲好親民，於是今晚就試吓佢。“御名軒”就喺天后站A2出口，佢同好多酒樓一樣，會有啲晚市優惠。除咗片皮鴨，佢仲有$68一隻約4.5兩大閘蟹，$248連生菜嘅羊腩煲等等。但佢最吸引嘅地方，係所有以上嘅優惠可以一齊用。片皮鴨半隻 $98片皮鴨嚟嘅時候已經切好晒，我最欣賞佢嘅皮係相當脆，唔會有太多餘嘅肉。薄餅比較特別佢係切成半圓形，相對更加容易包埋同冇咁易散開。古法羊腩煲連唐生菜 $248其實嚟到個煲相當大，連同唐生菜，差唔多擺咗半張枱。但嗰陣我哋仲未識驚，結果食到最後要你推我讓😂。因為羊腩嘅份量多，而且仲有枝竹、竹笙、馬蹄、冬菇等等，當中嘅冬菇又大隻又淋。而羊腩亦炆得非常入味。清水大閘蟹 $68四兩半嘅大閘蟹，呢個價嚟講係相當抵食，難怪周圍嘅人都喺度係咁剪剪剪。佢已經有埋鉸剪等工具，同加咗薑嘅蟹醋。打開一睇，大閘蟹嘅蟹膏相當多，有圖有真相。我哋兩個人食四隻已經夠皮。由於啲優惠可以一齊用，所以我哋叫嗰陣都冇好就住。一個涼涼地嘅晚上，有大閘蟹、片皮鴨同羊腩煲相伴，何止暖身？

上一次去御名軒已經係2022年新年既時候。當時約咗屋企人飲茶，但唔記得咗預先訂位，最後去左位於天后既御名軒。當時我哋淨係食點心，發覺食物水準唔錯，當時已經諗住搵日再試晚市，點知一等已經係兩年後😂餐廳裝潢依然簡潔明亮，今日仲要坐滿！- 蒜蓉粉絲大元貝餐廳海鮮都有好多款，今次叫咗呢款入門版海鮮菜式。元貝好新鮮，味道鮮甜彈牙，粉絲索晒元貝嘅鮮味，加上蒜蓉真係非常惹味👍🏻- 蒜蓉炒豆苗豆苖炒得剛剛好，口感清脆嫩綠，份量好多。- 古法羊腩煲天氣開始轉涼，依家食羊腩煲就啱啱好，食材嘅份量好有誠意。羊肉連皮帶骨，輕輕一撥就會骨肉分離，肉質非常軟稔，食落無咩羶味。仲有其他配料，包括馬蹄、枝竹同生菜。生菜月枝竹吸收晒羊腩煲嘅精華，非常惹味。羊腩煲當然唔少得腐乳醬，羊肉同腐乳簡直係天作之合🥰- 雞絲翅其實食完以上三款菜式已經好飽，但依家酒樓做緊超抵晚市優惠，加$1就可以食到一碗雞絲翅，啖啖都食到魚翅非常足料😋總結兩個字：抵食！

最近我去咗附近嘅工展會，玩完之後就想搵個地方食飯。朋友推薦去天后御名軒，真係好驚喜！入到酒樓，發覺都滿座，晚餐價錢真係好抵食，幾款優惠同時可以一齊用，勁抵食。最吸引我嘅係佢哋嘅特別優惠，$1就可以食到紅燒雞絲翅，性價比高到無得輸！呢道紅燒雞絲翅雖然平，但味道完全唔馬虎。雞肉滑嫩，湯汁濃郁，夠哂足料。禁凍既天氣當然要叫羊腩煲暖身，仲有生菜送。羊腩肉質超嫩，湯底味道濃厚，枝竹吸收晒羊腩煲嘅精華，好好味。生菜清脆，正好可以中和羊肉嘅油膩，食完真係好滿足，特別係冬天食。另外，鮑魚扣鵝掌晚市優惠只需$108，實在超值！鮑魚4大粒，大隻爽彈，鵝掌好入味，食落嫩滑，骨肉勁易分離。醬汁調得剛好，令整道菜更加豐富。我哋仲叫咗金銀蛋菠菜，色彩好靚，咸蛋同皮蛋嘅搭配增添咗風味，菠菜新鮮，令菜式更加健康。呢道菜不止好睇，味道都唔錯。

香港的12月正式踏入秋冬,溫度好適合品嚐一些保暖的中菜菜式,例如是羊腩煲和生炒糯米飯,剛好在天后附近工作完畢,就走上一間中菜館吃晚餐,試試這兩種菜式。 古法羊腩煲叫了冬天進補的首選羊腩煲！羊肉可以補中益氣、開胃健身，手腳冰冷人士尤其適合，冬天食完就會好暖身!枝竹,黑草羊腩,冬菇,馬蹄,冬筍,生菜,約2人份量,加入腐乳醬,南乳醬和柱候醬,吃得津津樂道! 紅燒雞絲翅 (每位１元)晚市限時優惠，每位一碗,性價比無敵，雞肉香和魚翅鮮甜融入口中，每桌都會見到的優惠美食 生炒糯米飯此店另一名菜,價錢148元相當實惠,以臘味、冬菇及糯米等材料炒製而成~糯米有暖胃作用，所以生炒糯米飯在秋冬季節非常常見~臘味粒好有味,而且幾乎是3-4人份量。 小炒王小炒王必備材料包括韮菜、蝦乾、豆腐及魷魚等，廚師使用爆香的豬油來炒餸，整碟小炒王會更加香口~份量比平時的餐廳多1.5倍,碟底的油份極少,可見廚房功架~ 楊枝金露楊枝甘露是基本上在香港是必吃的甜品。鮮甜可口的芒果肉，加入柚子肉在香滑的椰汁中，冰涼好吃~ 

天后地鐵站一出，原來有間酒樓，夜晚食飯好抵食。平日都人頭湧湧。最吸引一定係$1嗰碗紅燒花膠雞絲翅！咁抵點都每人叫返一碗。個湯底夠濃郁，花膠軟綿綿，雞絲幼嫩，翅都唔少。蒜茸粉絲蒸大元貝好吸引！$138有4隻，大元貝新鮮肥美，個size都唔細，蒜茸好香。粉絲入味。陳皮蒸大連鮑魚半打$188，啲鮑魚夠晒彈牙，陳皮香突出。古法羊腩煲$248就係今晚嘅重頭戲，啲羊腩完全冇羶味，肉質軟腍入味。個煲底香濃惹味，配埋啲唐生菜爽口清甜。

天氣開始凍又係食羊腩煲既時候，呢間酒樓除左羊腩煲，其他小菜都好出色，而家仲有$1碗雞絲翅，好抵食🦆京式片皮鴨鴨皮烤得酥脆，鴨肉肥而不膩，肉質細嫩，用荷葉餅包住再配上甜麵醬、蔥絲同青瓜條，層次豐富🦪豉椒蟶子皇蟶子肥美飽滿，肉質鮮甜彈牙。配上香濃既豉椒汁，鹹香惹味🐏羊腩煲羊腩煲湯汁濃稠，香氣撲鼻。羊腩肉燉得軟爛入味，肥而不膩，配上吸滿哂湯汁既冬菇、冬筍、馬蹄同竹枝。爽脆既唐生菜，中和左羊肉的羶味，口感更豐富。🥣紅燒雞絲翅雞絲細嫩，湯頭濃郁鮮美，而家晚市特價$1碗，好抵食🍛生炒糯米飯糯米飯炒得粒粒分明，每一啖都充滿臘味既香味，鹹香可口。

御名軒 地址: 天后電氣道22-52號金殿大廈1樓電話: =====================很久沒吃正式得中菜啦，放工就搵埋朋去天后食晚飯冬天食立味糯米飯，$148生炒糯米落了油同豉油上曬色，是屬於比較乾身米粒分明的糯米飯，加上粒粒立腸肉花生同蛋絲雞絲翅$1碗，做緊優惠每人都基本儲會叫來食呀，入面有肉絲同翅架，必點好多款晚市推介菜，我同朋友另外點了$78 金銀蛋菠菜 $98 片皮鴨都是必食，切好起肉一片片，同餅包夾入蔥，好好食😋晚市好多優惠，好抵食出品水準又高,平日晚上都好旺場

今晚跟媽咪來天后吃晚飯，選來選去還是上酒樓。位於天后地鐡站出口對面的「御名軒」裝潢光猛天實，環境闊落。入座後睇到餐牌做緊多款優惠及晚市套餐，我們2人點了［$1紅燒花膠雞絲翅］及［晚市孖寶］，另加小菜及甜品，夠晒經濟實惠👍🏻 紅燒雞絲翅 $1/位推薦✅️見到做緊$1優惠，即刻叫番2碗先😊紅燒湯汁鮮味濃郁，每碗都有一梳翅，好抵食呢‼️晚市孖寶C $398🔹️燒味拼盤拼盤包括 脆皮燒腩仔、蜜汁叉燒 及 燒鴨。燒腩仔的豬皮份外鬆化脆口🐷，入口肥膏香、肉軟熟；叉燒焦香肉質鬆化又多蜜汁；燒鴨肉質厚實🦆，油分不多，肉味濃郁❣️整體份量也不少🥰 🔹️蒜蓉粉絲蒸元貝 (6隻)套餐原本是蒸蟶子，因為已沽清，所以轉了蒸元貝🦪粉絲吸滿元貝汁的鮮甜及蒜蓉汁，啖啖既惹味又鮮味，絕對是絕配🤩 拍青瓜拼海蜇 $58青瓜味道酸酸甜甜又多汁🥒，口感爽脆，十分開胃；海蜇有小小辣🪼，口感也很爽脆✨菠蘿咕嚕肉 $98咕嚕肉🐷肉質外脆肉軟又掛汁，甜酸汁味道恰到好處，很醒胃，配上青椒🫑、紅椒、洋蔥🧄及新鮮菠蘿🍍，色彩豐富🌈楊枝甘露 $28新鮮的芒果肉🥭及柚子肉加入香滑的椰奶中，配搭西米的滑溜口感，冰涼好吃。紅豆沙 晚飯過後，侍應送上糖水，是

朋友推介在天后地鐵站口的御名軒，評價是性價比極高，在百物騰貴的香港地，果真是好介紹。環境寬落舒適，格局清雅！紅燒雞絲翅 - 推廣優惠價 $1，無可挑剔的價位，性價比爆燈💡，每位客人必點之選！雞絲、花膠絲都到位，味道不錯。京式片皮鴨 $98，價位同樣有叫座力，喜歡它的皮，爽爽的不黏嘴，鴨皮帶點肉，很實在。鮑魚扣鵝掌 $108四人份量，抵食！鮑魚及鵝掌都軟腍入味，有生菜🥬墊底，好味道 🥰🥰蒜蓉粉絲蒸蟶子皇 $126，清蒸新鮮蟶子皇，蟶子鮮甜唔韌，蒜蓉粉絲吸滿了蟶子鮮味，不遜主角！生炒糯米飯 $148，臘味粒份量很多，糯米飯軟糯，足8人份量，超值！芒果布甸🍮 $28，布甸內有粒粒芒果肉，加上花奶，挺不錯的芝麻綠豆糕 $32 ，芝麻香，綠豆爽，原來芝麻配綠豆都好好味紅豆🫘沙，質素尚好的免費甜品，大滿足的一餐！

店名: 御名軒 地址: 天后電氣道22-52號金殿大廈1樓天后站A2出口，行1分鐘環境: 4/5價錢: 4/5味道: 4/5御名軒位置非常方便，今次比御名軒既晚市三寶其中一樣既片皮鴨吸引到🤩當晚有人包場盛宴，氣氛亦非常好，職員亦非常親切👍🏻紅燒花膠雞絲翅 ❤️❤️❤️❤️$1 （晚市限時，超筍優惠，只限堂食，每位只限一碗）紅燒花膠雞絲翅一上枱熱辣辣，口感綿綿，加上紅醋，食落非常暖胃開胃，加上最近天氣開始轉涼，非常合時😛京式片皮鴨 ❤️❤️❤️❤️$98 （半隻）片皮鴨肉質厚實，鴨皮亦鬆脆，而餅皮亦偏軟，推薦大家趁熱食，配上醬汁，令人忍吾住一啖又一啖😗西蘭花炒帶子 ❤️❤️❤️❤️$148西蘭花大粒深色，非常新鮮，無草青味，帶子大粒嫰滑，絕對推薦去叫😜菠蘿咕嚕肉 ❤️❤️❤️❤️$98菠蘿口感甜滑，咕嚕肉亦非常重份量，肉質非常厚實，而且咬落帶有肉味😚極品鮑魚雞煲 ❤️❤️❤️❤️$198鮑魚雞煲份量非常多，足夠三人食用，鮑魚屬於一口鮑魚，鮮味濃，食用方便，雞肉肉質結實😉

早排啱啱完成左個大project同事話要一齊去食翅慶祝一下於是就約咗收工後去天后地鐵站隔離嘅御名軒食飯我哋首先梗係揀而家做緊推廣既$1紅燒雞絲翅，唔好睇佢只係做緊$1優惠，但係佢都足料，唔會好稀另外我哋叫冬瓜盅，湯底都幾鮮甜，入邊有乾瑤柱碎、肉粒、蝦、菇等等，口感十分豐富。半隻片皮鴨，肉質唔會太鞋，配埋麼麼皮同其他配料，味道也幾好燻蹄海哲，海哲加咗麻辣汁，好惹味蒜蓉粉絲蒸蟶子皇，蒸得啱啱好，再配埋炸蒜一齊食，好爽甜！生炒糯米飯，炒得好乾身，而且足料呂宋芒果布甸，啖啖芒果肉，非常香滑！有驚喜總括嚟講，御名軒性價比不錯，而且喺地鐵站隔離，真係好方便！