德發牛丸粉麵

营业中

休息中

今次覓食來到尖沙咀，閒時最愛乘渡過小輪過海，一來可以欣賞風景，二來價錢又化算。尖沙咀美食很多，今次來到德發牛丸粉麵，位於海防道臨時街市的熟食檔，多次經過這街市也不知道內有乾坤。我身旁是荒廢的空地，漆黑一片，環境實在不理想，很怕會見到小昆蟲及小動物。小檔很地道，雖然環境不太好，但食客很多。粉麵米一律$30，雙拼同價。我點了牛根+牛丸米，而朋友點了牛什+牛丸米，可以試多款。牛丸大大粒，好吸引，而且很彈牙，偏淋身，而我比較喜歡『南記』的牛丸。牛根不錯，很入味。反而牛什很一般，大多是牛肚，但有點老很韌。吃粉麵愛配辣椒油，放在枱的調味料痴痴淋淋實在不敢用。整體來說，還是不錯的，不過礙於環境衛生問題，不知會唔會有下一次呢？

牛丸麵$30雖然無以前的好吃 ，但已經是數一數二的美味牛丸了！牛丸彈牙、麵質爽口還點了檸廉、咖咉多、油菜！簡單吃了個滿足的早餐。咖央多係就係好厚，不過我個人覺得味道麻麻。

尖沙咀屬於遊客旺區，除了一街都是名店外，就連食店的價錢都是中上價。如果在尖沙咀上班的打工仔更是除了帶飯，就不多廉價選擇。 這次就為大家介紹這家平民食店「徳發牛丸粉麵」，位於海防道的街市裡，沿著花店一直往前行，經過菜檔再行就會看到熟食中心。 平民大排檔風味，單併或雙併都是同價$30/碗。 這次我點了牛筋牛丸河，湯底比較濃味，牛丸超爽口，不黏牙，彈呀！至於，牛筋相當淋。 以尖沙咀來說，$30一個午餐已經是相當平！

一個人在尖沙咀區覓食忽爾想起德發盛名的牛丸由坐低到落單到上菜整個過程不用半分鐘！速度快得驚人牛丸十分彈牙有淡淡的陳皮香解饞一流食客一般都是附近的上班族吃完就走當然夏天要忍受一下悶熱的熟食市場環境對用餐環境有要求的人絕對不要來但今天不吃可能他日會沒有機會再吃到這般具質素的牛丸了

記得中學雞的時候，那有錢出去大魚大肉，除夕當天約了一大班朋友，吃碗牛丸麵就出發去倒數。之前想來吃，可惜星期三休息。今天終於可以回味當年的牛丸麵。雖然已經忘記那年我們一起吃的價錢，但今天一碗$30的牛丸麵仍是比外面便宜多了！反正雙拼都是同價，所以就點了牛丸牛筋米。牛筋熬得很淋很入味，又不會過咸；牛丸爽口彈牙，如果可以提供到黑椒牛丸就更好了。

I pulled my boyfriend down to Tak Fat Beef Ball on the last day of my trip in Hong Kong as it was one of the "to-eat" that I had on my list but we didn't have much time to go down. Both of us did not regret making the decision to head down to Tak Fat to get some beef ball noodles. Cutting straight to the point, the beef balls were springy (not the most springy) but it was good and it was quite flavorful with the beef taste in it. The soup was also equally thick and full of flavor. My boyfriend (

曾說過，每次去尖沙咀都不知道吃什麼，除了文化中心deli and wine外，這次發掘了另一間相對平價的食物。海防道熟食市場內，有數間食店，其中較有名的是這間德發牛肉丸。論環境，未到不能接受的水平，但大排檔的格局... 大家應該心裡有數。點了一碗牛丸米，牛丸有五粒，生菜兩條。牛丸頗爽口，不算很實，有牛肉味，咬開發現有芫荽的味道，我不愛芫荽，但味道也挺夾。整體不錯。另外點了一個咖央多，就不合我心意了。雖然說是多士，但只有極微的烘烤痕跡，麵包仍然十分軟身，不合格。咖央醬沒有過甜，正常水平。多點了一支汽水，總數五十三元，不過不失吧！

趁著天氣稍涼(27度左右)，今天的午餐選了去海防道街市的牛丸。朋友是十數年的忠實粉絲，現在調彷尖沙咀上班，幾乎每周都要來。這裡的餐牌很簡單，單雙拼牛丸，腩，什，根均是30元，油菜則13元，可謂是繁忙商業區的一個平民聚餐點。先來的腩汁生菜，生菜爽，腩汁添加一點肉鮮味，令清淡的生菜更好入口。價錢實在超值。牛丸牛根河，河粉滑又不易斷，算合格。牛丸彈牙，粉用得不算多，好食。牛根較普通，但軟淋量多沒話說。只是吃完有點汗流，看來秋天前要減少到這裡午餐了。

德發牛丸，位於尖沙咀海防道街市，地方不討好，又黑又濕，不過為左嗰碗相傳全港最好食牛丸就硬著頭皮啦牛丸牛筋米 ($30/ 單雙併同價), 牛筋炆得好淋，膠質豐富。牛丸彈牙非常，唔似食緊空氣，而且入面好似加左少少葱去打，有D綠色的。最出色都係個腩汁，濃得黎唔咸！呢個價錢喺尖沙咀，絕對係 tryable，性價比高，朋友真係無介紹錯！男朋友碗牛腩牛丸米都好正，牛腩炆得好淋，而且唔痴牙，切到好細舊。凍啡係喺旁邊的茶餐廳買，同時落單就可。唔記左叫咩名，不過咖央多都好出名，係阿蘇推介咁話

年紀大了，總是想到舊味道。因為現在花巧太多，好菜、好料、創意做法不少，不過有時做人總想簡單一點。一碗粉、一碟飯的美味，現在真的買少見少。重回熟悉的老檔口，三十年！也許真是最少三十年！從小時候跟家人來吃，偶爾自己也來緬懷一番。德發，曾幾何時的牛丸名店，三十年前名鎮江湖。回來就是一碗牛丸米，這次加了點牛筋，雙拼也要HK$28。牛丸兩粒，牛筋份量都可以。米粉沒有什麼，吸入拌有牛腩汁的湯，味道鹹濃帶脂香。聽見店家問人取腩汁，相信未必是自家製作，記得以前還真的沒有牛腩牛什的。牛丸，三十年前就只有幼漿丸。幼漿軟漓，彈性已算不錯，不過牛肉始終不及當年。反而牛筋腍淋可口，入味而香，只是如果喜歡有咬口的，可能會嫌過淋吧！要是真的要論味道，相信現在的德發已不是三十年前的它。不過，手功、味道還算可以，其實就算牛肉的味道跟三十年前都不一樣了！所以還不如讓那些回憶都停留在每一次去的盼望之中吧！德發牛丸@尖沙咀

來到海防道，入去大排檔，有間叫德發，出名牛丸，試一試叫左碗出名牛肉丸河粉 牛肉丸大大粒，非常爽口彈牙，牛肉味就都有少許，口感勝過味道河粉不錯，咬落煙靭，食落不易爛，吸左湯河粉入味，加幾條青菜，又靚又好味

尖沙咀有街市? 尖沙咀有大排檔? 對，尖沙咀的海防道，九龍公園徑的橋底，仍然有一個旺丁旺財的街市，也是一個臨左幾十年都仲係臨時既街市。街市內，有花店，有賣肉賣菜的，而尖沙咀好多印巴居民，街市內有好多賣肉的檔，都是印巴人經營的清真肉檔。除此之外，當我們行入此街市的最深處，是一個熟食中心，也即是我們常叫的大排檔。這一個大排檔，可算是海港城一帶工作打工仔的恩物，因為這兒提供一個非為吸引遊客的飲食環境，而且有飯店，有茶水檔，當然也有是次我想說的麵檔，是馳名左好耐的《德發牛肉丸》。這一種臨時熟食中心，不光猛，濕濕立立的環境，感覺可能有點不衛生，但去過大排檔的大家都知，這一種感覺就是我們兒童時代的感覺，坐在這地方食個麵，飲杯奶茶，才是真正的香港風味。店名叫《德發牛肉丸》，我當然第一時間叫個牛丸麵牛腩來食，牛丸後話，因為我另叫了一碗淨牛丸。牛腩，既香又夠腍，我喜歡吃的粗麵又夠爽口，湯底加了腩汁，香香濃濃的，充滿了牛的味道，極好。我沒有吃早餐，所以不飽，於是就來多一碗淨牛丸。牛丸是這兒的招牌名物，因為不是牛筋丸，所以不會太硬，但也是非常之爽口，而且味道濃，更有滑的感覺，我也可以給予一個極好的評價。牛丸

時不時都會來幫襯德發，為食心癮一起，就心思思走嚟食。今日叫碗雙併~ 牛丸牛腩河，2個餸豐富D。牛丸: 多汁彈牙，充滿牛肉香味，非常滿足!牛腩: 冇牛丸咁出色，但半肥瘦牛腩炆得夠冧，味道不錯。湯底: 充滿腩汁及牛丸汁既味道，正!河粉: 爽滑新鮮。

係海防道呢個室內街市入面既牛丸不嬲出名，估唔到朋友仔未試過，唔怪得佢，因為入面環境真係麻麻，要著裙既女士入去食真係有點難道咁啱今日放假著返條褲既佢竟然主動提起，我梗係急不及待走去回味一下呢間“特別”既牛丸舖頭啦海防親行去新港城方向左邊有個賣花既市場，穿入去直行一分鐘，經過一個人咁高既駁第二間就係啦入面大概8至10張4人圓枱，環境麻麻，不過周圍貼哂啲雜誌既介紹食物選擇唔多，牛丸，牛雜，牛腩...我地嗌左牛丸麵，牛腩麵周圍望下，見到介紹至咖央西多，橫店肚餓就叫埋佢啦侍應姐姐服務唔錯。我見牆上寫住130斤生牛丸，我問佢有幾粒，佢答我9粒，原來攪錯佢係答我4両大概8，9粒，大家笑完一輪佢就好輕鬆咁唱住歌去做野冇耐兩碗麵都到左，兩碗麵賣相唔錯，麵既份量適中，有兩條生菜係面咬落粒牛丸入面有啲菜碎，好香，口感好彈，的確好味，一碗麵有5粒都算好多牛腩就比較普通，湯底唔算濃，而且牛腩有少少韌，切得算係細舊，易吞，但份量唔多轉頭果至尊咖央西多到左，我同朋友四目交投，好大件！成寸咁厚，而且好香喎。切落去塊飽軟林林，入面咖央幾好味。估唔到係度食既咖央多比起其他地方更出色，咬落個西多軟棉棉，又唔算好甜，而且熱辣

去尖沙咀一定食德發去尖沙咀一定食德發去尖沙咀一定食德發好記得第一次吃完德發，就覺得有種相逢恨晚嘅感覺。又記得有段時間係尖沙咀番10日工，跟同事就係食住德發度過難捱的10日。所以德發對我來說除了味道，也有回憶。已經唔知係第幾次嚟食，今次撞啱星期六午市，人特別多，等了好一回兒都未有枱。但，伙記仲心急過你，「呢度有兩位」、「呢度睇下可唔可以坐到？」務求大家唔使等太耐就可以坐底。終於坐底，男友嗌咗個東莞，我就嗌牛丸雜米，再加碟油菜。唔洗兩分鐘，兩碗米粉送上，先試下個湯先，有超勁牛肉香味，味濃但唔會好咸同太油。牛丸超彈牙，入面有小小小小芫茜，雖然唔食，但我覺得加咗反面可以吊出牛嘅香味，唔錯。牛雜太豐富，每款有兩舊，仲要係大大舊！最中意食牛胃，值得一讚係啲牛雜真係好乾淨，因為完全食唔到內臟果種臭味。米粉彈牙唔會腍，我喜歡！最後我地仲叫多個奶醬多先走人！