德興酒家 (已結業)

今日同友人想打邊爐。 因為得二個人， 兼且大家都係唔擦得， 所以揀咗到銅鑼灣德興食佢地個任食火鍋。 諗定可以小小地, 試多幾款食物。六時十五分到， 冇咗至愛嘅沙魚骨湯底　 於是試吓個咸菜豬肚湯底。 一來湯已聞到陣陣胡椒味， 立即試試味， OK喎！ 唔太咸。 食物方面， 少了很多選擇。 點咗蟮片， 墨魚滑， 蝦丸， 肥牛等等。 集團出品， 都有一定水準，至於服務方面。 明明張枱有好多空間， 但啲傳菜姐姐係會好堅持將啲食物放在枱邊緣， 等你做做運動自己執番正啲位置。 八時正, 有個姐姐走來問啲食物齊未， 話唔再點就幫我們埋咗張單先， 話可以坐到八時十五分。 咁咪埋單先囉。 拿拿臨食埋啲西洋菜，諗定飲啖茶就走人。 點知冇人有時間幫你沖茶 但有人幫你個鍋加水喎。 都明明冇食物啦， 都仲要加水？ 我要沖茶咋！到八時十七分， 又有另外一個姐姐走來話我地埋咗張單成廿分鐘都唔走， 阻住出面等位嘅客人。 心想原來找咗數就唔係客人? 遲咗兩分鐘就俾人趕，想飲啖茶啫，真係咁難？　早知就未夠鐘就唔埋單啦。結果茶都係冇人沖，兩人就氣沖沖走入。咁嘅服務，趕客一流。如果服務質素有隔離枱熟客嘅五成， 已經可以更上一

之前試過尖東果間, 今次成班friend試下銅鑼灣哩間.一出lift, 真係超多人, 係超多人, 所以大家去既一定要訂位.d台都幾密下, 椅痴椅, 不過無法啦, 銅鑼灣, 又咁出名.食評:湯底: 五指毛桃排骨湯: highly recommend 呀!!! 一黎到已經聞到好大陣藥材味+老火湯味, 因為個湯底, 我全部d野食都冇咩點過豉油, 因為淥完d野食已經好夠味食材必食)肥牛: 雖然只係任食menu內, 不過絕對交足料! 好重牛味!! 肥瘦適中!! (分分鐘好過其他鋪頭要額外叫果d!!!)花膠: 不過睇你好唔好彩, 有d會好硬, 但有d又好諗, 諗果d就緊係正啦!羊肉片: 冇羊騷味, 我都係冇點豉油, 只係靠佢本身既羊味同湯底味, 已經好正!花醀丸: 好似係軟心既, 勁重花醀味, 正!!!鱔片: 趣口, 甜!魚麵: 甜! 煙un.(另外普普通通)豬頸肉, 雞片, 墨魚, 魚皮餃, 雜餃, 雜丸(牛, 蝦), 皇帝菜, 娃娃菜, 出前一丁(連麻油味粉), 午餐肉, 金菇飲品: 竹庶矛根水 x2

今日帶同2個老人家晚飯, 一行共5人六時已到達. 由於小菜都唔算平, 而且想多款d, 因此叫了一個6人餐, 食評如下1) 片皮鴨+薄餅. 肉嫩汁多, 唔韌, 又夠熱辣辣.薄餅夠薄, 分量亦多(2) 銀芽炒鴨絲. 初初無咩期望, 但味道好好, 好多鴨肉, 銀芽多汁入味. 仲有些炸米粉墊底. (3) 上湯浸時菜. 今日是白菜仔, 好細條好嫩, 加少少火腿絲, 個湯好夠味 (偏鹹了).(4) 清蒸石班. 剛好, 不太熟(5) 菜膽白肺湯. 湯清, 適合夏天飲. 湯渣可見料十足. 有豬肺, 瘦肉, 菜乾, 大量雞腳. (6) 糖水- 木瓜雪耳. 料多, 但太甜(7) 水果一碟 - 西瓜, 哈密瓜$638 再加一, 茶錢, 小食 = $788. 估唔到小菜都幾好食.今日因為太早, 人手充足, 所以服務幾好. 又有電視睇. 但大部分人都係打邊爐, 叫小菜的頗少.

20/4(二) 8pm到葵興上了一天充實的課,充實得頭也快要裂開了...還得應付下半場,一行十人到銅鑼灣的德興為一組長同事賀生辰.預留了廂房,獲得較寧靜的環境,唯因隔音不足,房外如街市的雜聲顯然易聽!咱們點了六人海鮮套餐$1166及任食火鍋.套餐內含2個特色火鍋,海螺片,象拔蚌及三文魚刺身,海蝦,珊瑚蚌及手切雪花肥牛.雖說是六人餐,但份量不欺場,鮮度亦不俗!此外,任食的火鍋料亦頗多選擇,推介帶子片,魚麵,冰豆腐及墨魚滑.服務方面,咱們如處於茫茫大海的孤島,乏人關注.光論食物及價錢,這兒是達標的!祝 N小姐 吃得愈吃得開!

今次去左德興打邊爐~7點幾去到..唔算太多人..試左個紅酒糟牛尾既湯底~~都OK~好似羅宋湯咁,.個味都OK濃既~~野食都算幾新鮮~不過依家無左任飲~有D唔抵~~仲有D SERVICE差左D~成日都無人理~同埋態度麻麻..埋單每人$121~

Our menu:京滬大拼盤: 正常貨式, 只是乳豬太多肥膏喇~陽澄湖大閘蟹 (餐包每人兩只, 後加每人一只): 因為太好味喇, 所有的蟹都係公的關係, 又熱辣辣! 真係令人吮指!翡翠蝦仁珊瑚蚌: 正! 熱辣辣, 而且好夠穫氣!蟹粉竹笙生翅: 唔漿但又唔水喎~真係有梳翅比你睇到咖~花菇扣玉掌: 因為食左3只蟹, 有點飽, 食唔到, 但見到好多鴨腳, 唔係流野黎咖~清蒸老虎斑: 好新鮮, 多肉少骨, 唔細條, 6人食最arm!!!蟹粉小籠包: 不錯, 如果入面湯多一點就更好喇!臘味糯米飯: 超正! 好香又唔會太淋, 好有咬口呢~美點或桃包: 侍應一早說了只有壽包, 就提前當幫我慶祝生日吧! 哈哈哈~ 好好味, 無旦黃咖~鮮果拼盆: 有西瓜同哈密瓜, 任君選擇!!!花雕半斤, 唔夠再叫多一斤, 都係120蚊, 抵到爛!包兩渣橙汁, 勁抵囉!

辛辛苦苦做完一個星期既工作，到左星期五當然要大食一餐啦!今日放工之後就同同事去左德興打邊爐啦~~~上次旺角德興有個唔既咁好既經驗，今次銅鑼灣呢間知道係好好多既，當然係滿懷期望咁去啦八點九上到去，嘩個場己經好多人，我地就拎籌等等啦，咁啱知道原來九點後火鍋任食每位六十八，正!九點半有位，坐低當然要叫一叫佢地既混醬啦。成十款唔同既配料擺上枱俾你咁混，不過每人就要多俾九蚊啦。五個人勁食肥牛，呢度既肥牛都唔錯架。不過我大力推薦既係呢度既魚滑同墨魚滑，真係打到起哂膠。我地仲叫左幾樣外加既野食。最後加埋每人都係百二蚊左右就可以捧住個肚走人啦。打邊爐其食好難講話好唔好食，一班人打邊爐都係志在「柴哇哇」打以係咁傾係咁食。加上全程都冇人趕我地，我地食到十一點九要趕車先至走。呢餐食得好開心

好來都無同媽咪食飯，今日兩個人去咗德興食火鍋，８點幾去到，同知客講話訂咗兩個人，９點鐘，想提早食，佢話j無喎，我話我打過兩次來確定過既喎，佢話真係無喎，後來，佢都好好人，話一有二人位埋單就會俾我地．在等待期間，見到有部機入面裝咗ｄ竹蔗水，旁邊都有ｄ紙杯，供等位既人飲用，都幾好，唔知一向都有，還是現在先有，因為我之前食過兩、三次都唔見，不過每次都係去食宵夜既。大約等咗廿十分鐘都就有位，都好快，入到去見到好多人都叫咗豬骨煲，好開呀，好似有胡椒既味道，可惜我地兩個人食唔晒，而且又要叫其他野食，等下次多ｄ人先叫依個煲．所以今次清清地叫咗煲芫皮西蛋湯(不用加錢)，其實德興有好多湯底選擇，之前食過蘋果無花果雪耳湯底，真係唔錯．有一次加３８元要一個醉雞窩，不過就馬馬地，無咩酒味，寧願加錢要豬骨煲。我地兩個都好食得，叫咗好多野，其實火鍋，來來去去都係果ｄ，不過德興既肥牛都幾好，唔會只係得肥膏，都有牛肉既味道，而且火鍋料都幾好新鮮。當中最愛的是：肥牛、牛展、魚皮餃、花膠仔、花枝片、粟米、taro、鮮腐竹。我覺得依度既湯底好夠味道，講真唔使加醬料仲好食，只是鼓油就已經足夠，加太多其他既醬料，反而蓋過咗原有

星期六約了四位朋友到銅鑼灣德興聚舊，本來預備喝下午茶，但朋友說不用等下午茶時段，因為德興星期六、日及假期都是全日點心都是 75 折，而且最好是可以訂位。我們點了蝦餃、叉燒飽、牛肉、瑤柱雞飽仔、香茜牛肉腸、蛋撻仔、蘿蔔炆牛坑腩…，大部分點心都不錯，尤其是蘿蔔炆牛坑腩，很焾又入味；蝦餃又大隻又好味。甜品就陳皮紅豆糕較好味。

八月有兩位同事生日, 所以一行十九人嚟咗呢度食飯慶祝叫咗一圍半, 唔駛千四蚊圍, 半圍六百多, 單睇價錢算幾抵食但啲餸一到, 立即發現半圍好揾笨, 價錢就收半價, 但食物份量只得三份一......唔太記得有幾多個餸, 但食物整體質素是不錯的頭盤是蝦沙律, 好奇怪的頭盤, 唔太expect喺食中菜用西式沙律打頭陣個沙律一般, 啲蝦開邊, 唔係完隻, 冇口感, 啲蘋果好粉乳豬唔熱, 但幾脆, 肥同肉的比例剛好, 但份量少帶子木耳翠玉瓜, 帶子好細點, 木耳爽, 整體係好味的乾瑤柱冬瓜, 冬瓜好林, 清清地都ok到個雞煲翅, 其實呢個價錢一圍仲要有翅食真係仲想點, 啲翅份量唔多, 但冇將貨就價, 見到啲翅係一梳, 唔係碎濕濕, 個湯入味, 非常唔錯燒雞好味, 個皮好脆, 但略咸條魚最把鬼, 好迷你, 我冇食, 但味道應該唔差, 因為好快已被清羅漢齊卷, 一般, 冇咩特別最尾有個好素o既伊麵, 個樣似用莧菜炒, 一粒肉都冇, 幾淡吓甜點係壽飽, 唔好食, 似翻蒸總評ok, 其實我見一圍o既份量係正常的, 但唔知點解半圍就少咁多早知係咁其實應該叫兩圍另外同場見到有好多人打邊爐, 睇見啲料都幾新鮮

D先生返來了，想同大家食餐勁的。要打邊爐的話又想平，其實真係除左啲連鎖式酒樓外冇咩好多選擇，如果要任食的話就更加少。廢事諗了，就決定來德興，反正之正係灣仔店度食過，覺得不錯的。七個人，剛好可以叫兩個鍋，一個清湯牛腩，一個鴛鴦吧，但兩個湯底都係一般貨色。清湯牛腩的湯冇咩味道，牛腩比較似煲湯的肉；另一邊鍋的沙爹湯又係冇咩味，一點都唔香。一枱大食積都一段時間冇一齊食野了，當然唔會同佢客氣，瘋狂地畫張「點心紙」。肥牛係卷起左上，每碟大概十塊吧。卷起左好似好靚，但質素一般，太多筋了所以較難咬開，不過肥牛始終係「食肉獸」們的最愛，都係叫多幾碟。牛展切得又細又薄，食左好似冇食一樣。我的飛佛炸魚皮亦都好失望，不鬆脆之餘好多都係細細塊的碎片。醬爆丸不錯，入面的肉碎都幾多，味道幾好。魚皮餃中規中矩，皮幾煙韌，餡的味道亦不錯。有個什麼什麼「四寶丸」，話就話係新鮮打出來，但真係食唔到有咩特別。其他的丸類、餃類都正正常常，算係咁。鱔片的厚度以任食火鍋來講都算合理，也不錯。帶子片就真係薄左得完全食唔到味道，朋友都話寧願佢畀少片啲，不過切厚啲。蔬菜都幾新鮮，選擇都唔少。水晶奶皇包，唔知點解好快就爆開晒，搞到冇得食，

5月16日, 今晚口痕痕想打邊爐~ 同呀比去咗德興食9點半邊爐. 真係好多人等位~ 不過我地等咗半個鍾度都入得! 坐位都算舒服, 仲有電視睇~ 計晒$106, 係冇加$8要混醬… 叫咗沙爹鴛鴦湯底, 即係沙爹拼清湯… 個沙爹都ok辣架wor, 不過真係好好味! 另外仲有任飲的竹蔗茅根, ok甜但唔太漏. 好! 叫野食!::: 肉類 :::打邊邊就梗係唔少得肥牛! 呢度d牛都幾新鮮, 有雪花, 不過牛味就唔太濃. 另外普通料如豬羊雞手切牛都有~ 特別d有駝鳥肉, 食落比牛肉更好味, 仲有牛展, 煙煙韌韌的比肥牛更有咬口更濃牛味! 仲有唔好食都好玩嘅墨魚滑同牛肉滑, 真係好滑! 令人驚喜嘅竟然有帶子叫! 雖然係細細粒嘅薄切但係味道都唔錯.::: 粒粒丸類 :::好欣賞佢d手打肉丸有豬肉丸, 牛肉丸, 雞肉丸, 墨魚丸, 細細粒好彈牙而且感覺新鮮. 不過質地實咗d. 其他有d特別丸好似芝士牛丸, 鵝肝豬肉丸就比較遜色. 未烚已經見到個芝士露咗出黎, 亦都食唔出有鵝肝味. 正常料有芝士腸, 雲吞, 魚皮餃等. 雲吞除咗條雲吞尾過長之外都幾好食. 另外呀比叫咗炸魚皮, 魚皮最怕淋pat pat,

　　今天係老媽子生日既重要日子，我地做仔女既當然要同佢食餐飯慶祝吓啦！我二姐夫知道「德興」最近推出了一個叫"心晴宴"既套餐好抵食，便決定book張檯同媽子來這裡食飯。大紅乳豬全體 - 皮薄而脆，唔錯。京式雞煲翅 - 幾多翅，但略為咸些。彩虹珊瑚蚌帶子 - 西芹好爽，帶子好食只厭細了些。玉環瑤柱甫 - 瑤柱煮得淋，唔會太干身，幾好，節瓜味道稍為唔夠鮮甜，西蘭花爽口。黃金香芒海鮮卷 - 炸得過為干身，差咁些。菌汁乳龍蝦球（伊麵底） - 龍蝦球賣相麻麻，望落似班塊，口感亦一般，但個伊麵幾好食。清蒸老虎班 - 算大條，蒸得稍稍熟過籠，但味道唔錯的。金蒜脆皮雞 - 皮薄香脆，唔太油膩，肉質嫰滑。鮮蝦荷葉飯 - 太飽了食唔落，但二家姐試了口話普通，沒什麼特別，最後打包返屋企。蓮茸桃包 - 蓮蓉餡味道ok。鮮果拼盆 - 冇咩特別。　　總結來說，六佰六十六蚊有咁多野食，又送果汁、啤酒免茶芥，味道又唔差，算係好抵食了。

終於以會員身份留言支持下先!多謝CACA及KELLY請食生日飯!任食, 3個人喪叫, 只係叫左一輪, 已經KO左我...希望你地會ENJOY晌呢度食啦~我同男友成日來, 今晚唔見晒平日見開班"朋友",聽講放晒假, 不過仲有個阿姐晌度叫做熟D同埋有D笑容,好古怪, 一班係好NICE, 一班吱都唔笑...次今次有D特別, 叫左個$33牛牛三食, 正啊! 好似好抵, 原價話$13X, 所以同阿姐EXTRA買左2張COUPON,一張今晚用, 一張留番同BF黎食.三牛係肥牛(即係任食叫果隻), 一個係一口牛肉粒(好厚肉),最後一個係手切雪花牛, 仲會加埋醋同生白旦一隻, 好美味唷!可能就係呢碟牛牛, 我同另一個同事好快停口, 另一個唔食牛既同事就食到最後...照例$18/3罐可樂, 唔多夠飲, 可能冇落冰~每人除開應該百五蚊到, 生日唔洗比~$33牛牛三味另計可以BOOK位, 但係新黎個知客好XX(我都唔知點形容),2日前訂檯同我講有2場, 6:30 OR 8:30,特價邊邊係9:00先開始,要我6:30到, OK, 但去到果3個卡位, 有張比人BOOK左7:30,6:30至7:30係冇人坐囉!

今晚同班同事打邊爐,來了德興聚舊我們選了任食時段佢吔既嘢食都好新鮮唯獨水餃成日都無貨呀...(氣死我)所有既丸頪都係手打最好味係芝心牛肉丸和蝦丸呀..我吔食到好飽...但好可惜比人趕走呀一定要九時交枱, 只能食2小時喳...