德運豬扒車仔麵

营业中

休息中

星期六晚要食自己，喺佐敦行下行下就見到呢間車仔麵店。裝修都幾光鮮同乾淨，應該係啱啱新開嘅，坐得幾舒服。價錢都好合理，種類唔少。而呢度出名炸豬扒，梗係要試下喇～先揀麵底同湯底，然後揀餸。最後嗌咗油麵、牛腩汁、炸豬扒、自家韭菜餃、豬紅、通菜、蘿蔔。炸豬扒真係必食，好juicy 多汁，又唔會炸得太過油膩。另外佢哋個韭菜餃有驚喜，因為自家製嘅關係，個餡料真係好豐富，個皮又唔太厚，真係好好味。仲包熱飲，好掋食。

諗住佢新開又寫住有8折咪幫襯下， 我叫咗三個餸 ，都六十幾蚊， 跟住佢話堂食先有8折，外賣係無， 但係出面門口嗰塊牌係無寫囉。仲有D餸少到不得了，食完好似無食。差到呢👎👎👎🤮🤮🤮

話說第一次食呢間啲牛腩汁魚腐、豬紅、雞翼米線都幾好食，但係今次叫左一碗光速車仔麵（碗麵有蘿蔔、雞翼、廚師腸）真係超難食！呢個湯底淡而無味，而且啲牛腩汁唔夠鮮甜，真係大不如前！今次最氣頂就係遇到有個冬菇頭女人幫我落單，佢既待客之道真係超惡劣！佢幫我落單個陣竟然逼人加多幾樣餸，佢見我唔肯加餸就乘機向我黑面，而且佢見我食平野又坐得耐就乘機對個客發脾氣！不過當時唔係有好多客，呢個大陸職員今時今日既服務態度真係超悔氣，我以後都唔會再幫襯呢間垃圾店！

德運豬扒車仔麵佐敦白加士街83號地下地鐵A出口行2分鐘突然想食港式口味的車仔麵，在佐敦路過一間車仔麵檔，見職員態度誠懇，好招呼，因為環境算企理，唔想再周圍行，就入去叫了碗四餸車仔麵，粗麵配牛腩汁（魅味炸豬扒，真墨魚丸，魚腐，菜心）+凍好立克 (大熱天時，極想飲凍飲）車仔麵好大碗，分量十足，特別魅味炸豬扒，這是招牌菜，非常香脆厚肉，值得一試。其他就同正常車仔麵口味差不多。車仔麵送滷水蛋一隻及滿$38元送熱飲一杯

晚上在白加士街找地方吃晚餐，看到这家新开不久的车仔面店，望进去的环境还可以，决定在这里医肚。进去时已经九点多，还差半个小时就不提供堂食，所以客人不多。但可以看到它的整体环境，除了地方新净，卫生情况也比较好。跟其他车仔面店一样，要先在点餐纸上挑选食物包括面底，口味和配菜。东西种类繁多，算起来有几十款不同的配菜。选了猪扒、牛丸和猪红三种配菜，都是他们推介的食品。猪扒味道也猜到是不差的，调味均匀，不会炸得太干，质地很腍，怪不得是招牌，但18元只有两块，价钱稍贵了一点。至于牛丸和猪红，也是做得不错，入口爽滑可口，但牛丸只有两粒，有点不够喉。东西是不错，但以车仔面来说，价钱略高了一点。

今日出去佐敦覆診 ，見到隔離開咗間新嘅車仔麵，俾啲霓虹燈吸引咗入去。叫左三餸車仔麵（牛筋腩，廚師腸，炸蟹子包）麻辣湯底+凍奶茶我話想食煎腸仔，師傅仔即刻幫我煎一煎條腸仔，真係太貼心湯底夠味+佢哋秘製辣汁真係好正，好夠味👍🏻唔會好辣，有小小麻。牛筋腩炆得好淋好入味，份量都唔小。最意外嘅係伴碟嘅生菜都好新鮮，呀姐話係佢哋每日朝早自己 去街市揀既。炸蟹子包就不過不失，不過炸左就脆脆地，口感就幾得意大大碗又抵食 麵底夠多👍🏻👍🏻價錢實惠！學生醫護有85折👍🏻👍🏻👍🏻

味道重口味又鍾意食豬扒值得推介你哋嚟先佢哋有送餐服務今次求其嗌兩個餸食咗！下次要去佢舖頭食試吓其他餸因為本身係呢頭返工！食飯時間得嗰一粒鐘所以多數都喺公司叫外賣🥡

垃圾叫左炸豬扒 牛柳粒 煎蛋 撈麵個牛柳粒根本係牛腩粒黎雖然同一樣比$14但係我要食牛柳粒唔係牛腩粒😑另外 我未叫小食果陣 個呀姐話個炸真墨魚丸好低食 有十粒 咁咪叫 點知係五粒分半咁你又話十粒😑十粒就係十粒 唔係五粒分半同張相完全唔一樣 唔會再幫襯 完全係比人呃左咁😑諗住見有炸豬扒好似幾好食咁入黎試下點知會有啲咁唔好既體驗😑😑😑😑😑😑😑😑😑😑😑😑😑😑😑😑😑😑😑😑😑😑😑😑

星期四放假冇嘢做 諗住同個朋友過嚟佐敦食澳洲牛奶公司 點知見到排長龍就諗住周圍轉下睇吓食第二樣 行到喺麥當勞附近見到有間車仔麵新開張 好耐冇食過車仔麵之前食過兩間都麻麻哋 見招牌鮮艷紅地氈就諗住去試吓 入去裝修舒適兩位姐姐熱情招呼 咁我哋坐低點左兩個套餐兩個小食 五福臨門 八星報喜麵套餐及炸韭菜餃和雞中翼 試吓湯底夠重口濃味 份量又大 再試下佢哋招牌炸豬扒 夠大塊色澤金黃 肉厚度適中沒有炸粉醬咬落肉脆鬆軟香噴噴 豬紅嫩滑夠味爽口 蘿蔔清甜無渣 小食炸韭菜餃即叫即炸夠晒新鮮皮薄香脆內裏充滿豬肉香及韭菜味唔油膩 總之樣樣野都好啱我哋食夠重口味 出嚟食嘢就要夠重口味道 買單兩個人百幾蚊非常好抵食 下次食車仔麵一定會搵呢間食

末試過寫負平！呢間野一入到去，個老閭已不斷大聲同我講野！叫我叫什麼什麼。非常騷擾。呢塊豬扒，難食到一個點！簡直任可一間香港快餐好過佢十倍，係吞五到落肚，全部疏打粉味！個湯咸到苦！我叫了菜，點知只有一啖。整間鋪頭啲人不斷吹噓他們的食物質素之高，末試過寫負平！呢間野一入到去，個老閭已不斷大聲同我講野！叫我叫什麼什麼。我現在非常口乾！全部味精！店員只會不斷叫你加食物，老闆高聲吹噓他們食物之高質！個豬腸又系咸到！

今日經過佐敦見到有間新開車仔麵店叫德運豬扒車仔麵，就入去試下港式美食，麵底有5種再自由揀配料，有成四十多款選擇，最後我揀咗豬紅、魚蛋、魷魚配米線，另一款就揀咗得運豬扒、牛腩、豬肚配粗麵，叫咗一樣小食係鹵水雞腳。湯底就完全係港式懷舊風味，可以揀辣同唔辣，有麻辣味、沙嗲味亦有清湯味。每樣餸菜配料都好新鮮，鮮魷魚蛋好彈牙，豬紅夠爽口，牛腩亦都好入味，豬肚食得到嗰個爽口嘅味道，值得推介係招牌菜得運豬扒，炸得好均勻而且好大塊。小食鹵水雞腳亦都好有鹵水嘅味道滲曬入雞腳。

放假հҽɑ下հҽɑ下又一日又係時候食晚餐但中島好似連午餐都未落格😂最後喺佐敦搵左間新開嘅車仔麵店—————————————————————由於中島當日午餐太豐富所以最尾叫左三餸菜底😂好得意沙嗲湯底會分開個醬俾你鐘意濃味淡味自行調校好少有車仔麵店有蠔仔揀仲要一啲都唔腥點埋個沙嗲醬👍🏻牛筋腩又醃得好入味人哋蟹子包就咁煮熟俾你呢度會炸左先俾幾特別至於👨🏽叫左招牌豬扒魷魚同豬紅麵塊豬扒好淋超入味一咬就斷唔柴又Juicy一啲都唔會覺得肥膩魷魚又煙韌爽口吸滿曬咖哩汁仲好貼心咁將一大塊魷魚剪成細條易入口最後奉勸一句如果唔鍾意食芫荽蔥記得一定要走青因為佢會比好多😂—————————————————————❶ 豬扒魷魚豬紅油麵 $52❷ 牛筋腩蠔仔蟹子包 $48

本身住佐敦今日放工經過屋企嗰陣見到有兩個易拉架睇有間新開張嘅豬扒車仔麵一於就過去試吓.收工好攰啦就叫個外賣返去食好肚餓就一於食佢呢個八福報喜套餐費事喃.最緊要快靚正

最近佐敦白加士街新開左間「德運豬扒車仔麵」，經過見到店內人頭湧湧，好受歡迎咁，我都去試吓新野先！店內裝修簡潔舒適，感覺乾淨衛生餐牌上嘅車仔麵餸菜選擇極多，定價適中魅味炸豬扒、貢丸、鮮枝竹、韭菜餃配米粉自製貢丸加入左唔少香菇粒，好鮮味！鮮枝竹豆味香濃，好吸湯！自家韭菜餃餡料份量適中，韭菜味香濃突出～米粉幼滑爽口，配上帶微微麻香的辣汁，不會太辣，好惹味哦豬紅、蘿蔔、真墨魚丸配幼麵墨魚丸好彈牙，能夠食到唔少墨魚粒！蘿蔔清甜無榨～豬紅好滑溜且鮮甜👍🏻幼麵爽口彈牙熱檸茶及熱奶茶奶茶夠香滑，茶味同奶味平均，拍得住茶餐廳水準

一早起身好鬼肚餓真係唔知食咩好成日早餐食黎食去都係嗰啲嘢唔係沙嗲牛肉麵就雪菜肉絲米.經過呢間豬扒車仔麵門口體到有好搞緊特價優惠推出既醒神豬扒早餐麵.古唔到大份及抵食.係呢頭返工既朋友我建議可以黎試下！尤其做粗重野嗰啲地盤啊一定要食飽先有氣有力返工.跟住飲埋杯奶茶提神醒腦睇吓電視今日新聞有咩特發事.迎接美好既一天由早餐開始.個職員姐姐仲話如果念唔到早餐食咩可以選擇食返呢間車仔麵好似九點左右就有得供應啦！