恆發雞蛋仔 (已結業)

店名:恆發雞蛋仔地址：觀塘協和街177號好味指數:8.3/10價錢：$13原味雞蛋仔這間的雞蛋仔即叫即製，熱辣辣，蛋味突出，外脆內軟，味道和質感跟太安樓鴻記雞蛋仔相似，同樣美味。

男友今天到觀塘工作，離開前whatsapp問我要不要吃外賣芝士雞蛋仔，原來最近網上大熱的"有餡雞蛋仔"，是出自恆發的(一直沒特別留意出處)。記得曾經吃過恆發出品的格仔餅不錯，所以也想一試她的新產品。特別欣賞她的新包裝，桃紅白間條底色，花邊框配上可愛字體，少女味非常濃厚！在這個相機先吃的年代，包裝也擔當著很重要的角色呢。經過半小時車程，雞蛋仔已變冷及軟身，我們用焗爐輕輕翻熱後，雞蛋仔像"翻生"一樣,回復外脆內軟，熱呼呼的！先取兩顆，這樣橫切面的打開，看看中間的芝士餡，也蠻多的！然後這樣一顆一顆的咬開一半看，發現每顆的狀態不一，有些麵糊多，芝士少，有些芝士多，麵糊少味道方面，雞蛋仔能做到外脆內鬆軟，唯蛋味欠奉，芝士餡用上車打芝士，跟微甜的麵糊味道不太配合，"甜不夠甜，咸不夠咸"，有點格格不入。個人認為，如用上調較過味道的甜忌廉芝士(cream cheese)作芝士餡，會更合適。噱頭很夠，就是味道可稍作改良，二十元一底，吃得過，下次會試芋泥味

終於食到傳說中超正嘅雞蛋仔！ 下晝三點左右揾到黎間舖已經身水身汗，黎到有5人排緊隊，唔知係咪老闆嘅哥哥好用心慢慢整，落好多粉漿，唔似其他輕飄飄果d空心雞蛋仔，慢工出細貨，都等咗4個字都有叫咗芋泥夾心，$20都幾貴，但想試好耐，睇住佢整，落好多芋泥呀！幾乎填滿每一粒！拎上手就知正野，熱辣辣，好有份量！因為哥哥倒埋d粉漿落個邊邊，所以有好多平時好少食到嘅脆脆邊邊，好正！芋泥偏甜，但夾埋雞蛋仔就啱啱好，兩個人當tea食都飽咗！會再黎試原味／其他餡！ 

2015/08/08 點了原味雞蛋仔加芝士雞蛋仔加芝士，因為好多人排隊所以等左30mins,見住佢整時落左一去cheese 出到黎外皮香脆，不過唔係粒粒有芝士，只有邊位的才有，但整體都香脆鬆軟( ´▽` )ﾉ

今日終於去左恆發去了原來夏天已經停賣芋頭味...嗚我自備個芋頭lai俾你整得唔得呀T_T哈哈其實menu有原味朱古力芝士黑芝麻同紅豆咁我地就要左紅豆味啦所有都係現整呢所以等左成10幾分鐘...都咪話唔耐每個都好俾心機整ga!(唔係平時無餒個d咁快!)先倒一次蛋漳仲睇住佢用上滿滿的紅豆餒~~~~(好幸福的)再倒多次蛋漳係邊度封邊!食落去每粒都有紅豆呢外脆內軟裡面好有蛋漳味,又中間有層紅豆咁兩個人share就岩岩好啦真係好食到食過翻唔到轉頭(食翻平時個d!!!)

雞蛋仔全部即叫即整，由於臨近關門，開得兩個爐，等待的人雖然不多，但小妹等了廿分鐘!幸好晚上無咁熱，附近又有間759，可以等個陣入去睇下野。熱乎乎的雞蛋仔包著溫暖的微甜紅豆泥，同雞蛋仔好夾。雞蛋仔密度好高，口感實淨，不會有空心情況！紅豆泥亦好多，每一口都吃到红豆，粒粒飽滿！所以吃多了，有點腻和飽！但很美味。下次可以考慮原味。價錢HK18

老老實實，好耐冇食雞蛋仔啦！今次專登去觀塘恆發，目的係想試下芋泥雞蛋仔，事關我係超級中意食芋頭既人，冇奶油唔去試試掛 (笑)。芋泥餡都等得耐架，起碼20-25分鐘，好彩天氣未算好熱，企街等仲有dd咁多風都ok，一底芋泥餡$20，但真係物超所值，我睇住佢整真係落左好多芋泥，等左20分鐘以上，我覺得值得，因為佢你外脆內軟既質感，係我最熱切期待既質感。睇下，真材實料啊架！好多芋泥，佢開邊倒入蛋漿，倒左多餘既出黎，然後填滿d窿窿，之後加少少蛋漿喺中間，兩邊合併後，再喺周邊倒入蛋漿封口，整個過程唔馬虎，勁。味道方面我覺得蛋味重既，芋泥真係好粉，但應該加左唔少糖，如果冇咁多糖會更吸引，可以食多幾粒，要買趁熱食，外脆內軟的，芋泥同蛋都好夾得埋，不過2個人食一底都食唔哂，建議最少3人食一底 (笑)

egg puff/waffle.one of the most popular snack for all Hong Kong peoplebut can you imagine there is filling inside a egg waffle.this shop is known as the "inventor" of stuffed egg waffle. (you can choose from chocolate/ red bean/ sesame and cheese.) originally I though chocolate egg waffls is mixed with coco powder, but when it start making. it shocked me. they put chocolate chips in every singe"well" of the egg waffle machine and ensure that you can taste chocolate for evry bite. chocolate chips

今日要去觀塘區做野 想去試呢個芋泥雞蛋仔好耐啦 一於過去試下 中午1點40分到達 但姐姐話仲末有雞蛋仔賣 唔知係咪日日都係 問一問姐姐幾時先有 姐姐話要等4個字到 一場黎到 唯有等啦 去左隔鄰759逛下 宜家d天氣開始熱 係759涼下都好 等左4個字番去 有雞蛋仔賣啦 即刻嗌個芋泥雞蛋仔 我排緊第三個 都等左幾個字 雞蛋仔餡料十足 如果淨係一個女仔食都幾飽 食左一半 我都飽左 坦白講 如果要排咁耐 試一次就可以 因為我又未覺得真係好好食

傳說中恆發雞蛋仔我終於都有機會領會到佢有幾好食。芋頭餡雞蛋仔，超足料，真係不得了。星期日我由屋企出發，搭小巴落觀塘，見順路就轉個靚彎去食呢個超出名既雞蛋仔。一去到超多人排隊，咁我就乖乖跟住排隊尾啦。一路排一路諗食咩味，佢有好多隻味，有芋頭，紅豆，朱古力，芝麻，芝士。排到咁上下有個哥哥黎問要咩，我超鐘意食芋頭，所以我用左0秒就決定要芋頭，仲有排得咁Q辛苦，緊係試多隻味，就揀芝士啦。排排排排排排，由我開始排隊果刻，到我拎到餅雞蛋仔，我足足用左半個鐘。普通既雞蛋仔我緊係唔會排咁耐啦肯，痴線咩。但係呢一間既，就算要排咁耐，我都覺得值！間鋪有一概８個爐左右，你嗌完佢就會即刻整架喇。因為佢超足料，唔會同你慳蛋漿，唔似得有D雞蛋仔個殼入面咩都冇，所以等既時間要耐Ｄ。Ｄ蛋漿煮左一陣，佢就落餡料喇。個姐姐仲話Ｄ芋頭係每日係街市買返黎再整，保證新鮮，唔係現成買返黎。夾返埋之後，最後仲會係兩邊倒漿封邊，你話，有幾可會咁好同你封邊。整左３，４分鐘，再等多一兩分鐘，吹吹就食得超鐘意芋頭既我，第一啖緊係食芋頭啦。嘩一食落去外脆內暖，餡料超豐滿，芋頭仲多過蛋漿，一粒粒咁好有咬口，而且唔會太甜。好有蛋香，真係好好食，

一來就有7個人在前面 果然有人氣點了雞蛋仔（朱古力夾心) $18 算是雞蛋仔中的posche xd 即叫即做 中途耐心的放chocolate drops確保每一顆雞蛋仔都有chocolate蛋漿下得超足 所以每顆都是飽滿充滿餡料 不會有坊間的內裡只有1/2餡料+1/2 空氣雖然最後有一部分 出現上下偏離的情況 但整體都不錯 偷看到用的chocolate是 H字頭的質量較好的牌子 加熱以後 chocolate 不像媽咪雞蛋仔般不會融+有咬口 而是溶在上下層中 個人喜歡有咬口的 但這种也不錯女生3個share都夠等都是值得的 可是今天售罄了紅豆/芋頭 >< 下次再試

為了喜愛雞蛋仔的孖芝夫人，孖芝老公誠意發掘了這小店，也因此成就了今天的觀塘遊。店鋪很好找，沿著協和街走便會見到，因為店外有著一條為雞蛋仔而生的人龍～ 在等候期間，孖芝欣賞著雞蛋仔的製作，見店家熟練地將麵糊倒進烤盤，待稍為熟成，就掃上滿滿的芋泥，或是灑上芝麻，又或是在每個小圓格放上朱古力粒，再又注入少量麵糊，這樣的內涵，光看已叫人食指大動！大約輪候了半小時，外脆內軟的雞蛋仔到手！孖芝選擇了較少見的芋泥，首先雞蛋仔本身的奶味和蛋味平衡得剛好，加上甜度適中而又豐滿非常的芋泥之後，口感又是另一層次！不嗜甜的孖芝老公吃著也停不了口（加上有點餓吧，哈），原是為孖芝夫人而買的雞蛋仔，卻是一夥又一夥給送進孖芝老公的口，結果是大逆轉的三七分賬⋯ 所以孖芝夫人為討回公道，一定會再來的！哈！

好失望！ 由佢開張$12一底開始食，加到$13都有食。 叫左先知原來又加到$14! 好啦夜晚9點去到都要等半個鐘。前面兩底(一個紅豆、一個芋頭) 都好燶… 已經心知不妙… 叫左一底芋頭… 已經同整個人講左唔想要咁燶… 點知出黎都係好燶！！ 返到去食發現啲餡少左好多！ 而且面同底痴唔埋錯哂！ 加價又差左咁多， 無下次！

延續八卦本能，看見近期流傳紅豆及芋頭餡雞蛋仔很是吸引所以趁著未甚大熱就來一試．．．地道港式營運，沒有任何裝修可言、憑著老闆娘一對經驗巧手(不計算排隊時候，一底雞蛋仔製作需時20-25分鐘)你會問可解甘清楚，原因門面大牆掛鐘告知我每分每秒．．由倒漿、翻漿再灌入滿滿的紅豆蓉，焗焙頗長雖然三機在手，(未計格仔餅機)老闆娘亦沒有一般預設時間鬧鐘在側憑著心計，烤出一底又一底雞蛋仔，(現場所見亦沒有慣常用之雞蛋仔風機)所以要在雞蛋仔徹徹底底的在雞蛋仔完全烤乾，(需時是必要的)所以溫馨提示: 勿催哦 30分鐘後的成品終告落於手中，沒有太薄之外層但徹實有着脆口之感覺，由之前老闆娘放入紅豆蓉顏色可見一班、紅豆絕非礶頭貨隱約有着紅豆粒之咬口，甜度適中、但亦因為此雞蛋香亦在口中瞬間減半可套用一句廣告句話: 太多牛奶味朱古力味無定企 不過直得一讚整包雞蛋仔脆度持久力很強由接過到手，到一兩小時後都冇稔身跡象、烤烘時間與及粉漿配合也可記一功．．愛與不愛就好純屬個人化，但可以肯定的是真材實料而且頗飽肚就絕冇花假。

近排見網上推介依間小食店既雞蛋仔，咁啱係公司附近所以lunch專登黎試下。 三個人總共食左三款，第一款等左5分鐘係原味雞蛋仔掛住食冇影相。原味雞蛋仔$13，外脆內軟，不過冇乜蛋味。之後再等左10分鐘係芋泥雞蛋仔，真係好足料，同埋真係要好有耐性先整到芋泥雞蛋仔$19，真材實料，店員話冬天芋頭合做，所以冬天食好味D，不過我覺得佢真係一D糖都冇落，所以一D甜味都冇，甜D應該會好味D！因為得2個爐，所以第3底雞蛋仔又等多10分鐘紅豆夾心雞蛋仔$17，爆餡！ 真係有粒粒紅豆，不過蓋曬D雞蛋仔味！其實依間小店真係誠意之作，仲有佢地每逢16號下午三點後都買一送一，不過如果D雞蛋仔可以雞味重D會更好！