慢煮工業 (已結業)

LUNCH 無乜胃口，諗起公司附近有公園有間涼亭仔餐廳好似賣三文治，就過去行行睇下有無野輕食下。店面基本無任何座位，餐牌上有三文治、沙津同埋多款啤酒，感覺都幾奇怪，一間涼亭仔，似足人地行山區個D 士多，竟然係賣三文治同啤酒。招牌仲要寫住慢煮工業，標明慢煮TIM，都驚唔知會唔會要等好耐叫佐個雞扒三文治+8 蚊揀佐個蘿蔔糕條配菜，等佐大約5-10分鐘，睇住佢煎，坦白講，佢真係就咁煎，唔太明白同慢煮有咩關係。返公司打開一睇，感覺都比相像中豐盛。三文治都OK，但唔好諗住會有咩驚喜，幾塊煎過既面包+菜+煎雞扒，本來就係穩陣配塔。蘿蔔糕條，同酒樓蘿蔔糕一樣，唔粉，幾好食，但有點油。整體感覺中規中矩啦，唔好諗住因為佢個名叫慢住會有咩驚喜，但呢個價錢就可以接受。可能係我點既野過份簡單下次有機會睇下試下第二樣再報告﹗

一直都聽得佢個名多，終於有機會食佢啦！😍慢煮工業🔥👉🏿✨慢煮安格斯牛扒芝士三文治 hkd48💸📌佢牛既份量係足料既，價錢黎講都算值😀入面有好多菜，芝士都好夾個牛👍🏿不過就真係太多料，會食到好狼狽😭我全程跌野多過食野...如果可以個包裝紙再長多小小，包多小小會更好😅佢啲牛唔會話咬緊香口膠咁，反而都幾爽脆！唔會蘇，好食喎✨加上3文治係烘過黎，所以食落脆卜卜，係正架😏不過唔好同男朋友去食，太狼狽啦真係🤣

這間店位於尖東P1出口，非常容易找到，今日因爲要到尖東上堂，所以在煩惱吃什麼才上堂，就問我的朋友，他告訴我這間店的位置，然後的我就去了找找，這間店給我的第一個印象就是舖頭雖小，但五臟俱全。

之前雜誌介紹左一間慢煮小食亭，終於有機會試下。落完order無耐就黎左幾pair人，好彩早到少少。叫左個慢煮安格斯牛扒芝士三文治，由於前一日食左個漢堡，仲有d膩就無叫其他。唔知係慢煮的關係定肉質問題，係食到有牛味，肉唔韌，加埋配菜，好食。不過肉的份量可多番少少，雖然覺得有點貴，下次有機會，都想試埋個三文魚三文治。

見到有報紙雜誌報道過，想試好耐。今次試了慢煮(英式)牛仔骨配粗薯條同芝士煙肉流心大啡菇。 慢煮牛仔骨煮到骨肉分離，輕易便張牛肉從骨上移開，肉質淋身，冇overcook (慢煮既關係？)味道啱啱好，不會過咸。 薯條即炸，熱辣辣脆bokbok。流心菇好juicy,咬落去有好多菇汁，加埋芝士同蛋係完美組合。全部食完勁飽，不會好囗喝。不過八周年公園環境不是太好，建議天氣不熱時可外賣去到海賓平台花園，座係到望住個海食，正

呢間其實都經過過好多次都心思思想試下今次一於把心一橫試下外賣居多雖然門口有張細bar枱，但由於無冷氣所以我諗都係主打外賣佢個menu都有好多野揀…仲有手工啤企係到諗左好耐選擇困難症既我又想試沙律又想試三文治……企左十分鐘決定堅持減肥就揀左個慢煮雞扒沙律做我是日晚餐一打開個賣相都好有驚喜份量都好大，雞扒都好多塊雞扒好有肉汁…好明顯同就咁煎係唔同佢係慢煮完拎出黎輕輕煎一煎熱佢，岩岩熟唔會(鞋)好滑…好埋蜜糖芥末醬好野味啲菜都好新鮮爽口價錢唔貴食到慢煮同有咁既質素真係好滿足，下次要試埋個三文治

慢煮安格斯牛扒芝士炒蛋三文治每次經過都傳出非常香的味道，而且每次午餐晚餐時間經過都超多人。這次就試了招牌的牛扒三文治加炒蛋。整份的份量其實都幾多。牛扒很好填滿了整塊麵包，而且中間顏色呈粉嫩粉嫩的旁邊的菜也算新鮮。我加錢加了炒蛋，雖然它的炒蛋沒什麼特別，但是配合牛扒和芝士一起吃很好吃沒那麼單調。而值得一讚的是麵包，我見店員有用牛油塗過後再煎一煎，就算是放了一會兒依舊很脆，而且有很香牛油味。要說牛扒了，見她把邊邊的肥和筋都切除了，加上牛扒是慢煮的關係，咬上去很嫩很易咬，並不會出現牛扒扯不下來的境況。配上適量的沙律醬，這份三文治絕對上得了枱面。

在附近返工有時lunch唔想出去食嘢都會喺呢度買外賣，佢個慢煮牛扒三文治賣相好靚，而且佢包裝都好外國感覺，加分不少的！我試了佢地個慢煮牛肉，可惜牛的質地有點硬，不是想像中軟軟的，而且牛纖維好多，配上配料生菜麵包，成件事要硬好耐，令到成件事好不吸引，但味道是好味的，只是口感要改善，而熱度也是不足，即使我立即食都不是熱辣辣的，呢一度有點扣分，至於其他食物就冇叫，食因為實在太不吸引，但牛扒三文治可以一試的

滿懷希望咁特登過黎試下個大啡菇由洛單到拎到大啡菇 只係4分鐘左右面層的芝士只是用火槍燒燶咗，砌開菇入面係juicy但 完全未夠熟，只是暖暖！！！就好似硬生生將生菇分開的感覺！當我影ge 時候d 汁 流左洛黎，掩蓋左白色的部份（生的菇）。就連入面的煙肉都好似有剪過咁..... 🤦‍♀️好失望， 早知試三文治。大啡菇呢間完全唔得🙅‍♂️呢張相片是宵野檔的 ，  好食好多😋價錢都只係$24+， 但要行幾分中返屋企先食都仲係熱的！

第三次黎食尖東P2出口一出就到，好方便有兩張高腳凳，坐係霓虹燈下，感覺好似落Bar，好Chill 👍🏻最想試48小時慢煮牛仔骨但牛仔骨同羊長期暫停供應，不過仲有好多選擇蒜香蝦牛油果三文治好食 😋牛油果頗多，三文治焗底，內裏沙律菜新鮮，兩件三文治合共有4隻蝦，幾嫩 👍🏻跟餐粗薯條真係好粗 😂😂😂 鮮炸夠熱，外脆內軟份量好大，淨係食薯條都飽 今次有用鋪頭提供嘅蚊怕水，著短褲都無比蚊咬，like! 👍🏻

從來沒有想過在一個如此普通的休憩花園內會有一個賣精美三明治和沙律的地方。這家店是位於百周年花園內，偶然出西鐵，離遠見到大大個招牌寫著慢煮，便吸引我前來參觀。看到餐牌寫著安格斯牛排芝士三明治，竟然只賣$48，我的確有些意外。套餐以$8可加配薯條，蘿白糕條或者沙律。蘿白糕條的確有趣，但我還是喜歡清新的沙律。店主應該是想所有人享受慢活生活而提倡慢煮，坦白講，我不太覺得肉是有用slowcook方法而烹調。但店員的確以慢活態度來煮，幸好當時只有我在買外賣，因為店員用上15分鐘才煮好，不過份量很豐富，店員把一份三明治切成一半，每邊有兩大塊安格斯牛排和芝士和一些沙律菜。其中一塊牛排偏硬，有筋，所以很難嘴嚼，但另一塊則肉味香濃，有肉汁，食物質素如此參差，的確有少許失望。至於麵包則挺香脆，加上芝士鹹香，令到三明治挽回不少分數。加配的沙律十分清新，有解膩作用，而且沙律加上果醋，果香提升沙律的味道，很是特別。餐廳賣的食物大多都是$50左右，作為午餐的確不錯，唯獨小食亭並沒有提供位置，想吃的話外賣到旁邊公園的涼亭進餐，秋冬時分來會比較舒服。

位於尖東既街邊檔用steak做三明治 好足料 但係慢煮steak似乎並無想像中咁juicy 用既麵包都係最普通既白麵包可以加配沙律or薯條無功無過 價錢算係fair 可以一試

係尖沙咀番工真係冇乜野食，餐廳郁啲就成百蚊呢日同同事係openrice 見到呢間，又平又正，lunchtime 忍不住由尖沙咀行到黎尖東一試😋果然冇介紹錯！店內得兩個女店員，一個負責整野食一個負責收錢。我叫左安格斯牛肉三文治，舊牛肉好厚😍我同事果兩個佢地都話好味啊！😋我地坐左係旁邊既長椅度食，係熱左少少，但食物好味加曬分😉食完三文治唔夠喉，想加埋薯條同蘿蔔糕食。雖然一開始叫果時冇點埋但佢都比我地用番跟餐價$8追加，好好人啊！😊

下著毛毛細雨, 做完飯facial. 揼完骨, 舒服哂, 輕輕鬆髮搵d 野食先, 行行下黎到呢個播住柔和音樂的小亭, 前一個客人的白噴噴三文治吸引左我停下腳步慢煮安枱斯牛扒芝士三文治 $48 /5最吸引既一定係餐牌最頂的牛扒治見到廚房入面一大盤正在準備中的慢煮食材, 不溫不火, 好療癒的感覺, 等左5 分鐘左右, 一份三文治等5 分鐘係耐左d , 但呢間小亭就係慢煮工業呀~~咁就慢慢等啦, 果然不出所望一咬落去, 麵包外皮脆卜卜, 牛扒肉質外層結實, 中層好juice , 又有一點爽口最內層有一點點紅, 軟綿綿的, 另外, 再跟餐要一份蘿蔔條, 配酸辣醬( $8 跟餐)/5戴上手套, 用手食一條條的蘿蔔糕係最實在的熱辣辣, 雖然蘿蔔的味道有dd 啖, 但煎得有一點點焦, 令這個小食加返少少分, 香香脆脆, 點上酸辣, 感覺上健康過薯仔三文治仲配合埋芝士和生菜, 是簡簡單單又滿足的小下午

行過尖東閒來無事，見到係慢煮工業，之前試過太子店其實一般，不過肚餓唔諗啦，過去試下啦就叫左份安格斯三文治，加6$跟煎蘿蔔糕，同行友人叫左個salmon bagel with scrambled eggs。不過冇影相，所以講個三文治算啦。48$尖沙咀區呢個價錢絕對抵食首先個包烘得夠熱夠脆身，有三文治包之外仲有個盒，唔驚食到散哂周圍都係。除左蘿蔔糕驚喜地份量好多，牛肉都好juicy！可以再戰。屈喺呢個小店位真係有d可惜