拉麵來 (已搬遷) 新店位置

近排愈黎愈迷上拉麵搵搵下就搵到旺角呢一間由地鐵站走過黎跟住map搵值得加分嘅係職員態度十分之好由入到去直到我地離開都好好服務好滿意👍👍雖然呢間鋪可能有點偏僻所以冇咩客人我同朋友入到去一個客都冇都有點心寒但係職員態度真係好好又有笑容仲記得係門口望餐牌果陣已經同我地介紹有咩食驚我地睇唔明之類拉麵對我黎講都好滿意味道算唔錯份量也可以雖然選擇較少但整體已經好滿足

我對拉麵的喜愛程度實在好高好高，基本上我知道香港邊度開左新拉麵店我都會想去試下，拉麵來開左的時間唔算短，一直都好想拜訪一下，今日終於抽到時間來了來自日本的拉麵來，總廚小林師傅係東京得獎的拉麵會係大坑店限量供應，想試的朋友記得去大坑店啦，而我今日黎左旺角店就同呢碗拉麵無緣了餐廳附近有醫院，所有出示醫管局職員証的朋友星期一至五午市都有9折優惠喔，一直都覺得前線醫護人員好偉大，呢個優惠都算係同佢地打打氣啦餐廳裝修充滿懷舊風，收銀處擺放左一些好懷舊的玩具，係度用餐別有一番風味同一般拉麵店一樣，每個人都自己動動手寫上自己想點的拉麵，拉麵來用上金、木、水、火、土來代表不用湯底的拉麵，想知邊款打邊款？有圖文並茂的MENU俾你慢慢睇先自己倒一杯有檸檬味的凍水，拉麵未黎之前我一心諗住要加兩粒蒜頭，後來發現完全唔洗再加任何野，一陣你睇到拉麵的湯底就會明白點解了啤酒 ($42)呢排愈來愈多地方有得飲呢個牌子的啤酒，佢有幾款不同口味，全部都好易入口，今次呢個口味有CORIANDER、豆蔻同橙皮的香自家製餃子 ($38)食拉麵點少得餃子，餃子皮夠薄，但如果外皮煎得再脆少少會比較好粟米 ($12)、木耳 ($7)

星期日傍晚同男友行旺角，佢又開始叫肚餓啦！射個波比佢叫佢決定食乜好，佢就話想食日本拉面，見佢今日咁乖，我就決定帶佢食一間好有特色既日本拉麵！去到既時候係夜晚7點，店員好親切歡迎我地入去，我地好好彩啊，係最後兩個位。呢間野係之前就有朋友帶我去過，一路都想過黎食多次，呢度裝修好有日本特色，好似去左日本食拉麵咁。坐低後店員比左個盤我地放袋，好好啊。因為男友未食過，佢望住張點餐紙就呆左，呢度幾款拉麵係分左金木水火土，對應反meun剔反果款就得啦，仲可以自己選擇麵既硬度，湯既濃度，或者要唔要蔥，蒜頭同埋香味油，我覺得實在係太貼心，因為我就係唔食蔥但次次都唔記得走蔥既人。睇完餐牌一輪，終於都寫好左啦！首先上場既係可樂，原來zero都有出玻璃樽裝，之前都未見過。不過細細支，男友兩啖就啜晒。跟住就係餃子五隻，男友話似百佳買果D急凍餃子，我就食唔出，但都幾好味。等多陣兩碗拉麵都到啦，白松露豚骨拉麵，湯底好香，拉麵幼身D溫泉玉子雞汁拌麵，可以自由配搭醬汁我覺得落芝麻醬都幾好味，不過麵就粗身Ｄ，口感有D似伊麵，我都係鍾意食湯麵果種麵多D！埋單$260，拉麵價錢黎講都差唔多啦，但服務同質素都唔差，而且店鋪裝修

不知何時開始，黑布街變成了食肆林立的食街。有西餐嘅，三文治，有甜品。。。等。肚餓嘅我和朋遇著突如其來嘅大雨， 機緣巧合下走入了拉麵來一進入店舖已被充滿日本氣息的裝修所吸引， 全店以木為主題，擺放了不少特色的裝飾品，置身其中，有如進入大江戶時代的日本。 拉麵的款式真的非一般， 我和朋友被手繪嘅Menu吸引，圖畫畫得好精美，令人胃口大增，最想試<人間限定>拉麵。。。人間限定 $168這款拉麵算是全店最貴的一款拉麵。原來係北海道花咲蟹 蟹味噌雞白湯拉麵，蟹味噌雞白湯配上花咲雞腳，叉燒，香荀，溏心玉子，同埋玉葱絲，個湯濃郁清甜。蟹棒非常搶鏡，比手指還要粗， 真正的啖啖肉。。。土1.極上海路吟釀湯麵 $104有日本甜蝦海虎蝦 蝦味增及日本清酒烹調而成的極濃厚湯底，個顏色已經反映出個湯底有幾濃郁，喝一口湯底，口腔立即被濃郁嘅蝦味掩蓋着，相信用咗蝦頭長時間烹煮個湯底所致。一般蝦高湯首先就是要先把生的蝦剝殼，然後留下頭跟蝦殼來熬湯。先乾煎蝦殻令蝦殻帶點焦香味，等到蝦殼全部都紅了，聞到陣陣香味，就可以加適量清水一起烹煮，就會有濃郁嘅湯底。麵條十分彈牙，配合紫菜同京葱， 實在非常美味，另外

在下鞋子破舊不堪，年輕機車同事見狀，相約在下於旺角補購素履一雙，實在有心。多年未有踏足旺角，已感此地變化甚多，霓虹招牌大減，皆日大酒樓已不復見。剛踏進西洋菜街，突聞刺耳之音，原來有無數大媽集體唱歌跳舞，小弟已達花甲之年，耳力衰退亦覺刺耳，未知年輕同事有何感覺？同事推薦拉麵來，招牌充滿日式懷舊情懷，步入店內有一點點深夜食堂之氛圍，裝潢有趣，充滿昭和之感。見港式台式懷舊風格大行其道，日式懷舊在港甚為少見，有趣有趣。拉麵以日語星期命名，頗有心思，在下喜辣，揀火躍日拉麵。未幾，拉麵冒著蒸氣上桌，拉麵質偏硬不錯，湯色味俱備，辣味醒神！叉燒尚可，未算出色，荀屬中品之作，整體而言不俗。膳後帶素履繞路而走，避開人潮歸家而去。

日本小店的風格 日式獨有的味道黑布街多野食就係人都知架啦！拉麵來成日都會經過，間唔中都現人龍，今日朋友話想食拉麵，所以就黎左呢間。睇到呢間都相當多人食，十分受歡迎。佢d飲品好特別，但我今之簡左蘋果梳打，超好飲⋯⋯⋯一支唔夠想飲兩支！我一直係黑蒜既粉絲，幾乎去到任何一間拉麵麵會叫黑蒜湯底，呢度個湯底飲得出係自己煲出黎，因味精味唔重，食完唔會要係咁飲水，同埋唔會成口味，所以我估可能呢個就係人地講既唔夠濃味既原因，但對於我黎講，已經岩岩好，最重要係自己煲，唔係味精湯。味道我覺得係濃郁，因為點單時有得選擇淡、一般、濃，咩都有得簡，跟返日本既拉面文化！叉燒係抵讚，入味又夠林，唔似其他又硬又鞋又冇味。朋友就食左白松露，好新穎既味道，清清地，飲埋個湯都仲得呢個餃子睇落好飲炸到乾左少少，點知係一。D。都。唔。乾超好食，咬落去好多肉汁，細細隻，最後全部拉麵同餃子食哂，好滿足，同埋係對廚師既一個尊重

假日黎個拉麵之旅啦！！去完日本之後好掛住日本嘅拉麵、日本嘅屋台、日本嘅舊址街店舖。 去呢間嘅原因係因為佢嘅裝備好靚好有feel!!!!所以決定一試同友人叫左兩個拉麵，同一d小食明太子雞翼，$38有3件，呢個炸得好出色！！佢係外面炸得好脆，粉皮薄，入面係多汁嘅明太子同雞肉，明太子帶一點點咸香味，將雞肉味道昇華。餃子，$38 煎餃嘅豬肉餡好好味，好扎實，如果個皮再脆d就好啦！拉麵可以自己決定湯底濃度、麵嘅硬度、要唔要蔥/香油。我地叫左黑蒜油拉麵同埋激辛火藥玉豚骨湯兩碗拉麵我都加左$17玉子，玉子勁好味黑蒜油好香蒜味（普通濃度），個湯底係令人想飲埋佢！拉麵係直，粗幼適中，口感幾好火藥玉拉麵都幾辣，佢果一球火藥玉唔係辣醬咁簡單，係有少少肉碎嘅，鐘意食辣嘅朋友應該會鐘意呢款！ 大坑店有限定得獎拉麵，好想試 另外加左$25試一試佢嘅炙叉燒，半肥瘦嘅豬肉抹上醬汁去燒，佢嘅油脂被烤得好香好彩有點呢個呢間店嘅裝飾、食物、服務我都好滿意！

呢家拉麵算係唔錯湯底夠濃 但食完又唔會好口渴湯底我個人覺得好味過一X😋我點既一個係普通豬骨 另一個係熊本黑蒜豬肉黑蒜豬骨比普通豬骨更濃味且好中意呢度既昭和時代裝修另外呢度侍應服務好好可惜間鋪既地理位理有些少偏遠亦都可能因為咁客人唔多🙈

之前有個fd好想食拉麵，咁個fd就揀左依間試食啦。因為佢見網上有好多好評🤔一入到去好似去左好耐以前ge日本，環境都佈置得幾懷舊，一坐底就食左個明太子雞翼，好似第一次食依款有餡雞翼，食落都唔錯😋仲要食左兩隻，之後叫左個金。拉麵，最平果個🤣揀左全部普通（麵、湯底等）食落覺得一般，因為之前食過有幾間會好味d，飲品想試果枝夏祭清酒，無灑無得試🤔有機會麵想試試ge，總括黎講依間野就一般般啦。想試ge都可以去試試，自行再評價啦

經過黑布街附近，總會看到這間裝潢別具日本風味的拉麵小店。這趟在旺角一帶工作，終於可以一嚐了！這裡論裝潢、論服務，都與日本的傳統拉麵店很相似。冰水是自助的，下單也備有「剔剔紙」給客人自選！小妹爭扎了好久，在原味豚骨湯與濃厚魚介湯中徘徊…終於就下定決心選擇了魚介湯底！很喜歡拉麵有較個人化的選擇，以下是小妹的個人喜好：濃厚魚介豚骨湯麵 +　麵：硬　+　湯濃度：普通 + 蔥 + 蒜蓉 + 香味油*這裡的拉麵以金木水火土來命名，不過土共有4款，而且口味似乎與名稱沒甚關係，覺得怪怪的大概5-10分鐘，店員便把熱騰騰的拉麵端上。湯頭確實是有點濃，但也有點咸，與食品名稱十分相乎。然而魚介味不太重，似乎與豚骨湯成5：5比例。硬身麵條比一般拉麵店更硬，如果受不了太硬的麵條，最好選普通。最後，2塊肥瘦適中的叉燒卻意想不到的出眾！叉燒原條燒過後切片，再於表面烘得微焦的，使豚味更突出！究竟是以火槍炙過還是明火燒烘呢？則要問過店家才知曉！

進店後，兩位侍應什麼都沒說，靠著牆壁指指旁邊位置示意我們位置，有些無禮。點了兩款拉麵分別是芝士龍蝦沾麵和石鍋湯麵。侍應怕我的位子不夠放拉麵，要求調位時粗聲粗氣令我很深刻。回到拉麵的話題，芝士龍蝦拉麵的湯汁濃郁，雖則芝士會「痴底」，但也無傷大雅。友人的湯麵特意點超硬面質也能做到。進食過程三位侍應只顧談天，大聲得很騷擾客人進餐。我們最初點了的汽水漏單很久，經我們提醒那位長馬尾女侍應Ting（不知有否看錯）才去拿，語氣卻像怪責我們麻煩，明明是自己漏了。拉麵品質不錯，但侍應態度和大坑店的差太遠，大坑店的侍應很有禮貌恭恭敬敬。本人一直是拉麵來的小粉絲，每次吃拉麵都會第一時間想起拉麵來，看來以後不會再光臨旺角店。

每次到黑布街附近食飯，經過拉麵來總是想一試，但一直都沒有食過。這天午餐時候有2小時，可以走遠一點覓食，便約寶寶一試這家拉麵。想試的最大原因是因為這裡的裝修很吸引，很有懷舊的小日本感覺。拉麵選擇不多，都是湯拉麵。發覺有沾麵，喜歡沾麵的我當然試了熔岩芝士蝦湯沾麵($128)。湯底不算厚稠，倒是很香蝦的鮮甜。呷了一口湯，單飲都不會覺得太咸。再將四種不同的芝士碎放到湯內，味道再豐富一點。個人喜歡粗身偏硬的麵條，但這裡的麵是偏幼身，而且雖然點了硬身的質地，但還是覺得稍為軟身了一點。不過最需要注意的是，麵送到上桌，已經結成了一舊，雖然未致於整個麵都挾不開，但如果改善得到就更好。花了點心機把麵挾開，放到香濃的湯底內，沾上湯底，是蠻掛身的。配料有手打蝦餅﹑脆脆烘焙芝士﹑叉燒﹑紫菜絲及京蔥。手打蝦餅很好食，裡面有粒粒蝦肉，而且打到十分彈牙。反而脆脆烘焙芝士配沾麵，總是覺得不太相襯。另外追加了香筍($5)，份量都不少，不過味道偏淡。

滿心期望，卻換來極度失望一碗拉麵湯底淡而無味，怎能夠吸引客人去食呢！賣相其實真的還可以，但看似很濃的湯底卻差不多完全沒有味道⋯（其實我已點了較濃的湯底）未試過吃一碗湯麵是以不太情願嘅感覺去食，而叉燒的味道就是剛剛好有點味道而已⋯⋯我的第一次食評就是奉獻給了給這間拉麵店！不是想給這間小店一個劣評，不過之後再檢閱其他的食評，也發現了不夠味道的這個問題呢！餐牌有些面款另外旁邊有隻匙羹，以為是糖心蛋，吃落去原來什麼味道都沒有就像是年糕似的，之後友人才說明這是日本的伴食配菜，店員什麼都沒有介紹就放下來，我相信不會有太多食客知道那是什麼東西來的⋯我覺得店員可以介紹一下吧⋯之前那個火的辣拉麵就真的非常之辣，不能太吃辣的朋友千萬不要嘗試！

今次試衣間拉鍊來去位置處於旺角，如果行過去嘅話其實佢喺旺角東站同埋油麻地嘅黑布街嗰度。並唔係第一次試依間鋪頭第一次是係喺天后嗰邊，個天后嗰邊鋪面細啲，坐得冇咁舒服，以旺角呢間舖面面積就比較大有好多張長枱同埋長椅。店面仲有好多日式嘅佈置比較特別。拉麵味道比較濃，試過一次就會知道架嘛，除咗常因款式之外，每一次都有特別嘅推介根據不同季節。枱面調味架更加係一大推介，因為佢有蒜頭，芝麻等，可以根據自己口味再調較！不錯！

在旺角找地方吃晚飯，蝦子餅想吃拉麵，便到拉麵來試試看。店內有兩款由日本直送的飲品，綠茶可樂($22)是其中一款，沒有普通可樂那麼甜，綠茶味比較淡，一試無妨。另一款是蘋果梳打($25)，含高達50%果汁，怪不得蘋果味很香，酸酸甜甜，味道比綠茶可樂討好。自家製餃子($36)隻隻脹卜卜，皮薄多餡，新鮮熱辣，水準不俗。蝦子餅點了極上海老吟釀湯麵($104)，湯底用日本甜蝦、海虎蝦、蝦味噌和日本清酒烹調，味道一流，配上爽口的海蝦球，誠意之作。窩夫點了白松露豚骨湯麵($110)，豚骨湯很香濃，加入意大利白松露醬味道更加豐富，自家製叉燒做得不錯，紫椰菜為整碗拉麵增添了色彩，同時亦令營養更均衡。