拉麵凪 (已結業)

知道從大坑搬咗，一家三口來回味。服務態度很好👍🏽，拉麵份量適中，我選擇了咸味最濃、湯濃度最濃、硬麵配蔥嘅白豚。麵送到來，香味欠奉，飲一口湯，沒有驚喜，湯不香不濃，湯上油份明顯蓋滿一層。不像以前大坑的味道，大坑場底香濃，咸味適中，同新店分別很大。蔥花明顯呈乾涸狀，不是日本蔥，這個嚴重扣分，叉燒夠大塊，偏瘦沒有脂肪，所以肉味欠奉較靭。下午茶時段去食，晚上3人分別肚痾😓不知道是否油份太多或者是蔥粒放得太耐

地點隱蔽，卻意外的好食有驚喜。「綠骨~ 芝士羅勒翠骨拉麵」 — 味道非常之驚喜，意外的入口清新好味系列。「限定~ 山椒牛舌拉麵」 — 山椒味非常之濃郁，喜歡的人一定不要錯過。牛舌亦都軟諗受的起讚。「溏心蛋」— 拉麵嘅標配溏心蛋。「豬肉煎餃」— OK。

限定山椒拉麵Price：$128📌上枱嗰陣，店員話記住撈勻先好食😉撈嘅時候都聞到好香辣味，上面嘅炸蓮藕片好薄，好脆，好似食緊薯片咁😍重點係慢煮牛舌，有3塊，切薄片😗肉質好腍身，食到最尾有小小煙靭🥰湯底係以山椒做底，所以味道會首先有辣再帶麻，辣度可接受🤓辣得嚟唔會好辛苦，之後帶麻會中和返☺️麵條同其他拉麵唔同，其他拉麵用幼麵，限定拉麵用特製嘅粉麥麵，比其他粗身😋麵條索哂個湯底，幾有咬口同彈牙😎呢個期間限定拉麵唔知供應到幾時，想食就快啲去試喇😉黑骨Price：$88📌呢款拉麵最特別莫過於上面既黑玉波波🤩係由豬肉、墨魚汁、黑蒜油炮製而成🤤仲有少少炸蒜係上面，撈埋佢就食得啦👍🏻黑玉食落唔會話好粉，反而係湯底以外既層次加添左d蒜味🥳叉燒食落都算嫩滑，唔會好嚡熠熠✅至於麵底方面係用幼麵，個人嚟講比較中意粉麥麵有咬口多d😋整體黎講不過不失，但就無限定拉麵咁特別🤔聽講店鋪每月都會轉換4款既常駐拉麵，各位可以期待下🤗P.S. 店員超級熱情Helpful同有禮貌🥰會向每位客人好詳細咁介紹佢地既拉麵款式，又會主動比廚房紙張客人包好口罩😂好好人喔❤️

🐸上次食左佢限定咖哩拉麵🍜念念不望😆 見佢今次新出限定王😊#山椒拉麵 所以再去試吓😆 管方話山椒拉麵而低溫慢煮牛舌新鮮京蔥絲及特脆炸蓮藕片😗配以特製粉麥麵講咁多有鬼用🤣食落口個湯好麻好香口 我唔係食緊雲南米線果隻feeling😇佢唔係果種酸辣@食落又痹痹地😝佢答埋佢隻麵真係好掛湯 飲晒😵#重口味 不過牛舌就真係mama地 有d酥 #唔係人人接受到 🐸所以要配重口湯底🤣😂如果佢配其他餸會更好😵😵#帶定頭盔先 🙈

已經唔係第一次黎但限定款卻是第一次嘗試花椒同拉麵雖然唔係第一次食cwb附近都有間幾街知巷聞的鬼金棒但這個相較之下卻又是另一番風味不會太辣不會太麻但卻讓人忍不住一口接一口吃下去特別是吃到後段嘴唇開始發麻但又覺得有些麻辣在刺激他的跳動然後開始冒汗在這下雨的天吃這拉麵一個字爽快麵也特意選用比較掛湯的小麥太麵作為限定款，很誠意十足了配角慢煮牛舌牛味十足會感覺到牛的味道在嘴裡一層一層的散開出去越嚼越濃味但美中不足是因為牛舌久經慢煮失去了原有富有彈性的口感沒有了與牛法式濕吻的感覺有得有失吧最後一小缺點，是限定款相對有一點點貴如果第一次黎，推薦食恆常款

朋友介紹，今日咁啱經過銅鑼灣，去試吓。要排隊，正常的。當時我面前有兩對男女，合共四人，店員十分有禮貌，店員A亦都有介紹佢哋嘅餐牌，亦都俾咗點菜我。我寫完之後，繼續等，見到前面四個入晒，跟住再入多兩個，我唔出聲，再入多兩個。跟住我好聲好氣同店員B講：「我之前跟住最先嗰四個，你入咗六個嗰陣我都冇出聲，而家入咗八個啦，咁幾時到我呢？」店員B堅持人哋先過我，亦再有禮貌地回覆：「佢話同事店員A同佢講人哋前過我。」我心諗，當我之前睇錯都好，第七第八個我係睇住佢入嚟點菜，點會前過我？！我入嚟嗰陣門口又冇人！當中佢有冇同佢同事溝通，我真心唔知。咁我亦都好有禮貌同佢講：「我肯定我先過佢哋。」講完之後，俾返張點菜單佢走人。而家世代，做人有堅持係好嘅，你有你堅持，我都有我嘅堅持，你堅持人哋先過我，我堅持唔食走人，可以話我小器。再一次強調，成件事大家都好有禮貌，冇人發過任何脾氣，冇乜肉酸野發生，我喺度純粹發少少牢騷。

Mr Wong好鍾意食黑拉麵🍜但又唔係黑普普既黑蒜油咁簡單，係成個湯黑色，上面仲有個波既個種～之前淨係知道豚王有，原來銅鑼灣既拉麵凪都有～即衝住去試🏃🏽‍♀️💨去到係小店一間，唔太起眼，入面坐位亦都唔算好多，第一下入去心諗會唔會中咗伏？！🥢黑骨拉麵：原來黑色個波，係由墨汁、黑蒜油同秘製醬汁整成，再加炸蒜。Mr Wong覺得味道唔錯，食得出有墨魚汁味，湯底比豚王好，唔會過咸。拉麵底叫「普通」但都有少少偏硬，下次可能要叫「軟」。🥢豚骨拉麵：首先，飲下個湯，都真係好有豬骨味，油份都好十足。叉燒肥瘦適中，同厚薄度都正常。追加既糖心蛋，都唔錯，糖心程度一流。整體成碗拉麵都唔會太咸，食完唔會講要飲好多水，但都會有少少油膩嘅味道係個口腔到。佢係比豚王優勝，可能連鎖店嘅通病，唔係間間都水準一致。

由大坑搬黎銅鑼灣仲近左地鐵站，我本身都中意食博多風既拉麵，類似既有一蘭同豚王，但食過呢間之後就番唔到轉頭，唔會再去一蘭同豚王。佢鋪頭既店員十分有禮同貼心，上拉麵時會提醒你，仲會教你點樣落order同點食先最好。佢湯頭濃得黎食完唔會好口渴，生麵都好煙un，加埋個辣汁絕對係一絕。

一早起身12點去到等咗半個鐘左右就入到排緊個時就已經俾定點餐紙你寫定排隊方面，咁啱隔離應該係吉舖黎所以都冇阻人地間舖運作既不過呢個位置就有啲僻希望佢地會越做越好搬大舖啦😆一場黎到，緊係嗌限定既赤蝦拉麵啦🦐🦐3隻赤蝦 份量都ok湯好濃郁 叉燒軟冧得黎又唔會好肥整體都幾好不過麵份量有啲少不得不提店員好有禮貌鞠躬彎腰真係好有熱誠至做到🔥餐廳環境都舒適雖然唔大 但位與位之間有距離 唔會人貼人都容納到大概10幾個人值得黎試啊😋

位於銅鑼灣渣甸坊嘅拉麵凪位置雖然隱蔽，但再次開業時都吸引咗唔少人再次光顧，聽聞更係賣完湯底就收鋪，所以一直都係我嘅wish list內。直至今日親身試完，我好似了解到拉麵凪嘅魅力🤩，有別於一般嘅過江龍，喺拉麵凪，絕對會感受到彷如置身於日本一樣的感覺😌。先唔講食物質素，只講服務，已經係贏出面幾條街👍🏻，店內除了播放著經典JPOP之外，店員絕對唔會hea講日文，出面好多都會將いらしゃいませ講成「二三四」，但呢度嘅店員則會以正確嘅發音講佢哋每一句嘅日文👍🏻，睇得出係拉麵凪對於將日本店嘅體驗完整地帶到香港嘅認真。再者，店員都會主動為客人介紹4款拉麵嘅特色和食用方法🥰，務求佢哋可享用最完美嘅拉麵，例如當日我叫咗「赤骨」，店員會提議我先品嚐麵上面嘅「赤玉」（辛辣的免治肉球），之後先攪拌到湯內，讓客人感受到拉麵最佳的風味🤩。但今日嚟就有啲可惜🙁，錯過咗佢哋嘅期間限定拉麵，唯有期待佢哋之後嘅新出品!-🍜赤骨 ($88) 5/5呢到嘅拉麵每一個細節都容許客人選擇識合自己嘅風味，十分貼心！🤩而「赤骨」呢款拉麵以豬骨湯為本，再加上辣油、大蒜和唐辛子，但唔會過於重口味，幼麵彈牙而且掛湯，更有別於坊間一般的過江

：「限定只能回味。」《製》#凪拉麵 《號》#赤蝦拉麵．期間限定《貝》$128（+1服務費）《案》✎「鞠躬見湯王，封作朱衣侯。」——唐彥謙《索蝦》✎蝦入湯，從來鮮味無窮。《品》【湯頭】🔸湯色金亮，入蝦頭油與赤蝦汁。🔸味道鮮甜濃醇而不濁，咽來而知滋味長。🔸由銅鑼灣至觀塘，蝦香久盈於口中。————————————————————————【麵底】▫️軟硬為「適中」（師傅發辦），依然掛湯。▫️一咬俐落斷開，出色。唯個人鍾愛超硬麵。————————————————————————【配料】♦️赤蝦以牛油炙燒至微焦，外層入口即化若溶脂；♦️內在則留爽口口感，一流。♦️其餘見豚骨拉麵。————————————————————————🗺️銅鑼灣渣甸坊48號採怡閣地下5號舖

：「黑湯沾碗，若白璧潑墨。」《製》#凪拉麵 《號》#黑骨拉麵（鹹度濃+超濃厚+勁多蒜泥+超硬麵）《貝》$88（+1服務費）《案》✎「暮天雲潑墨，春樹雪添花。」——胡寅《出益陽和仁仲》✎墨湯若濃雲，椰菜絲如春樹，木耳絲似藤蔓。✎儼然一幅山水畫，剛柔並濟。《品》【湯頭】▪️豚骨基底，諸物調和，主有墨魚汁與黑蒜油，烏黑鮮亮。▪️湯油潤而不膩（老饕重口），濃郁不乾喉，非味精調和。▪️蒜香稍遜於原味，但有墨魚鮮甜，唯更濃為佳。▪️拌勻肉碎後墨魚香略減，而添肉之鮮美。▪️兩者皆味美，絕無傷大雅。—————————————————————————【麵底】▫️見豚骨拉麵。—————————————————————————【配料】♦️免治豬肉成球，以墨魚汁、黑蒜油、與秘制黑醬醃製。♦️飽吸醬油之鹹甜濃重，為整碗精髓所在！♦️均勻拌之，則肉之鮮美融於湯內。♦️同時昇華口感，妙不可言。♦️其餘見豚骨拉麵。—————————————————————————🗺️銅鑼灣渣甸坊48號採怡閣地下5號舖

：「坐近庖廚，食畢，廚師自煙火之地走來鞠躬謝客，老饕受寵若驚，為其篤誠而大動。」《製》#凪拉麵《號》#咖哩拉麵．期間限定《貝》$118（+1服務費）《案》✎「忠者，一其心之謂也。」✎大廚一其心而製，饕客一其心而品，完食而互謝。✎儼然一場盛大儀式。《品》【湯頭】🔸秘伝者，秘傳也。特製咖哩醇香，甫入食堂，撲鼻而來。🔸湯頭混濁，質地稠於恆常湯頭，異香濃郁而微甘微辛。🔸味有層次，而知用料複合。🔸恍惚間有薯香與粉感，疑入薯仔而製，唯秘辛不得而知。🔸一如以往，餘下湯汁二飲而盡。🔸飽腹感明顯高於恆常湯頭，可知其厚。—————————————————————————【配料】♦️叉燒厚於恆常拉麵，肉質卻軟稔如昔，口感極佳。沾上濃郁咖哩，仍留肉之鮮美，大滿足！♦️咖哩薯仔素來天生一對，攪散薯球，薯蓉融入濃湯，使後者質感更厚而薯香更濃，優秀。—————————————————————————【麵底】▫️終得老饕鍾愛之粗麵，全麥粉製成，比幼麵更筋道彈牙。▫️韌爽不黏口，掛湯入味，佳！—————————————————————————🗺️銅鑼灣渣甸坊48號採怡閣地下5號舖

喺Instagram見到人哋介紹，即刻走來試吓。其實間鋪有少少難搵，以為佢喺大街嗰邊，行咗成條街都搵唔到，原來係要轉入條細路入邊。個舖頭名我都唔識讀，店裏面地方細細，同其他連鎖拉麵店冇得比，但係勝在店員十分親切，用日文歡迎你之後，係你坐低咗之後主動問你要唔要介紹吓餐牌。不過個餐牌都好簡單，四種唔同湯底，豚骨就係原味，黑骨就係黑蒜油，赤骨就係辣味，綠骨就係加咗青醬。不過好熱情嘅店員仲同我詳細介紹左張點餐紙，其實大部份內容如果食開拉麵都會知點解，不過最有用果句就係話俾我聽碗麵淨係會跟木耳絲冇蛋冇紫菜，要另外加。碗麵上菜都顯出店員嘅熱情，擺低咗之後會再介紹吓碗麵上邊嗰舊黑色嘅嘢係豬肉碎，話俾我聽撈勻佢哋嚟食就得。係我最鍾意嘅濃郁湯底，但又未到一田家嗰隻有啲黏口嘅口感，都叫適中。拉麵係直伸幼面，都十分掛湯，幾好食。份量方便算係標準一人份量，大食少少既男性可能要加多個麵。本人都幾鍾意食唐揚炸雞同埋餃子，今次嗌左炸雞， $42得三粒其實唔係好抵，不過炸得幾好食又Juicy。食得出佢嘅醃料裏邊應該有柚子，都幾清新。另外值得一提嘅就係佢哋因為新開鋪，仲未可以收信用卡，只收現金，店員話佢哋向不同公司申請

拉麵凪本身係大坑一間幾有名氣既拉麵店，可惜關咗門之後，最近先係銅鑼灣另覓鋪位重開。餐廳係由以前曾經係排隊熱店-豚王嘅合夥人創立，所以個餐單會見到相類近嘅影子。拉麵店係大坑本身已經累積左一班粉絲，每日賣完就關門。唔知係咪我唔好彩，銅鑼灣新店其實今次已經係我第二次去，第一次平日傍晚時段去到真係門口貼住沽清🥲。.限定拉麵：咖哩拉麵 （黃金秘伝）💲118⭐️4/5本來係俾佢嘅限定海老拉麵吸引咗決定去，但太多餐廳排隊拖拖下個限定改左做咖哩拉麵 配 叉燒 日本男爵薯仔球，麵係用咗口感比較硬身嘅特製麥麵。點樣好貼心咁提供圍裙，因為怕啲咖喱汁會彈到件衫。咖喱湯非常之濃郁，感覺應該係用咗好多咖喱磚去做。本以為日本咖喱淨係會甜唔會辣，但估唔到呢一個湯底都微微帶辣。個薯仔係邊度嘅產地我真係食唔出，但係食到有薯仔粒證明都係自家製。豚肉正常但係個麥麵都幾好食😋。試一次唔錯，雖然下次會想試埋佢哋最傳統嘅豚骨拉麵🍜🍜比較下。.凪日本豚餃 💲18⭐️4/5餃子皮薄、香脆內有豐富肉汁。十八蚊有三隻呢個質素嘅餃子，我覺得係超值必點。因為我大食。我食清個拉麵都唔算好飽😂。加埋餃子啱啱好。.總括：我自己一向幾鍾意食正宗嘅日本拉麵