振興肉丸

营业中

休息中

食過返尋味, 今天又來選購一些丸子, 今次打算試試幾款以前未買過的產品~店內環境乾淨企理, 此店原來是五十年老字號, 堅持製造“原味。天然。健康”的食品, 肉丸無添加人造色素、無添加防腐劑、無任何香精, 吃得放心! 豬骨濃汁貢丸 - 用上 100%豬腿肉混合香菇, 鮮香又有營養, 配合新鮮豬肉, 豬骨濃湯汁滲入貢丸中, 比一般貢丸更多汁! 貢丸質地軟硬適中, 多汁彈牙, 口味層次豐富, 肉汁特別鮮!牛骨濃汁牛丸 - 以 100%澳洲牛肉打成, 混入肥牛粒及牛筋, 咬開有香濃的牛骨湯味, 牛肉味香, 多汁又彈牙! 零添加墨魚丸 - 以 100%新鮮墨魚打製🦑, 裏面加入墨魚頭及墨魚鬚, 富鮮味, 咬落有粒粒墨魚肉, 爽脆又彈牙, 口感豐富~

今日到鵝頸橋附近的街市買餸，原來這裏有一間振興肉丸專賣店。早期認識這牌子，是因知道他們是用最傳統手法鐵棒錘打牛肉來打造肉丸的。現在到處都可以買得到，但這專門店的肉丸種類特別多，目不暇給。店員推介他們的肉丸是堅持天然原材料，不添加香精人造色素防腐劑來制造的。 自製的辣椒油、XO醬都是無添加的！ 請問除了傳統的魚旦、豬肉丸、蝦丸、墨魚丸之外，更有一些特色的口味 例如 指天椒牛肉丸、 陳皮牛丸、 醬爆濃汁牛肉丸、芫茜魚皮餃……等等回家後已急不及待，即刻整兩碗麵給小朋友品嚐一下。牛肉及豬肉丸很彈牙又juicy、墨魚丸更是彈牙又鬆軟可口，最重要是無添加，食得安心又放心。

以前冇聽過振興肉丸，唔知幾時開始，成日起超級市場見到呢個品牌！最近發現銅鑼灣原來有分店，起鵝頸橋，十分方便！一望入去全部都係凍櫃牛骨濃汁牛丸$39振興嘅牛丸大獲好評，今次我就叫左牛骨濃汁牛丸試吓！！售貨員姨姨態度十分好，原本諗住買一兩包丸，最後買咗咁多，仲送咗個保溫袋啱啱買番屋企，款款都想試，就每樣都煮啲！牛骨濃汁牛丸$39牛丸款式都好多，呢款牛丸有好多好評，咬落去雖然不會爆汁，但係足夠令口腔充滿牛肉汁！牛丸成粒好juicy，牛肉味好重，同平時食嘅牛丸很不同！豬骨濃汁貢丸$33跟剛剛的牛丸很相似，這個是有豬骨濃汁打入去的( 根據售貨員姨姨的介紹)，的確這個貢丸咬落去好有肉汁，會令人想一食再食 麻辣小籠包呢個係丸入邊包住肉碎，有麻辣香，但不算辣和牛芫荽餃子其實個人不喜歡芫荽，但是售貨員姐姐強烈推介，話芫荽味不算太重，容易接受。見到原價$49，依家買嘢加錢就$39，咁就買來試吓啦，佢真係講到好好食😋煮完的樣子入面係咁嘅，和牛比例都算多，所以芫荽味道不是十分濃烈，至少不喜歡芫荽的我覺得可接受！反而和牛餡味道濃，咬落去口感香軟，牛肉味重，整個口腔都充滿牛肉汁！如果下次有特價，我諗我都會再買有骨

今天師奶兵團來了銅鑼灣的鵝頸橋街市買餸，又點可以少得去下振興掃下肉丸，放定在冰格，除時可備用，非常方便，這間老字號已幫親多年啊！今次買了至愛三寶：零添加墨魚丸、牛骨濃汁牛丸，和豬骨濃汁貢丸，一次過試齊墨魚、牛及豬三種口味。振興肉丸無論是哪款口味，都是份量大大粒，食材真材實料，絕對不會溝其他雜質，所以能擁有老字號的美譽，確不是浪得虛名的。零添加墨魚丸：果然零捨不同，吃得出是零味精、零人造色素、零防腐劑，怪不得入口啖啖墨魚肉，及充滿墨魚香牛骨濃汁牛丸：原來牛丸內已有濃濃的牛肉汁，加上用了澳洲牛肉打造，入口已吃得到濃烈的牛肉味道，彈牙超爽，真要推薦給牛魔王一族豬骨濃汁貢丸：貢丸內一樣混入了肉汁，食材選用了新鮮豬肉打造，入口同樣超彈牙，及有口感，確令人回味無窮

經過鵝頸橋附近街市， 見到有間振興肉丸，之前聽過朋友講這品牌肉丸好好食😋 今次見到有專門店緊係要買來食下啦😆😆原來品牌出了多款食品，不同肉丸，牛筋，川辣牛丸，蝦丸，芝士包心丸，麻辣小籠包…仲有餃子🥟😂🤣😂🤣「牛骨濃汁牛丸」果然有香濃牛味🥰，而且彈牙🤓「豬骨濃汁貢丸」濃汁👍🏻真的有道理，咬口有濃汁 （當然唔係爆出來過隻😆）「墨魚丸」彈牙！有口感🥰🥰備註：🔺地方搖遠既我，原來有冰袋提供👍🏻👍🏻🔺下次試埋餃子🥟先😜🔺最出名應該係濃汁肉丸😋

[#買福袋做善事 ]買肉丸都可以做善事，何樂而不為呢？#振興肉丸 x #香港小童群益會係Food expo（攤位 1B-C02 to 1B-D05 ）賣福袋做善事！3款肉丸新品， 天椒牛肉、陳皮牛筋丸、香草黑椒牛丸都超級爽口彈牙，咬開juicy 有肉汁，食到停唔到口呀淥一淥就食得，超級方便！ 打邊爐、煮面、小食、宵夜，#百搭之選！如果有朋友唔食牛，振興仲有其他豬肉丸同魚丸一樣咁正架～除了丸類， 今次仲其他和牛系列/餃子在 網店 有售** .大埔振興肉丸.#振興 #大埔振興 #大埔振興肉丸 #大埔美食 #美食節 #食好西 #牛丸 #大埔牛丸 #振興丸 #濃汁牛丸 #健康 #健康肉丸 #肉丸 #爆汁 #氣炸鍋 #bbq #火鍋 #火鍋配料 #打邊爐 #香港美食 #有咩食 #真肉 #澳洲牛 #零添加肉丸 #牛丸達人#點心 #hongkong #meatball #beefball #hotpot #dimsum

在銅鑼灣用膳後，順路到「振興肉丸」購買肉丸。我的至愛........假未忙於睇奥運，簡單午餐最啱心水，墨魚丸、牛骨濃汁牛丸、菜心、紫菜通心粉，有骨炸魚皮。爽口墨魚丸有墨魚鮮味，牛丸爽脆、肉汁多且鮮甜，有骨炸魚皮原味淡口，喜歡有些鹹鹹地味道需要加少許淮鹽，我習慣不鹹味道，所以沒有加淮鹽。假日都忙於睇奥運，簡單午餐一鍋攪掂最啱心水，豬骨濃汁貢丸、菜心、紫菜、米線、魚肉燒賣、炸魚皮。上次買$60一大袋家庭裝炸魚皮，十分好食又抵食，今次缺貨，祇好買細袋裝。一袋魚肉燒$31，我們分兩次吃，彈牙有味道，不會吃到一口粉糯糯。豬骨濃汁貢丸爽脆好食，紫菜是遊覽東龍洲購買。

雖然依家各大超市都有賣「振興肉丸」， 每次經過銅鑼灣近鵝頸橋街市都喜歡到專門店逛一逛， 買定一啲平日少見嘅款式， 放喺雪櫃儲糧以備不時之需。除咗肉丸，還有其他優質凍肉，海鮮，各款餃子，魚條。。今次揀咗「 牛骨濃汁牛丸」，「豬骨濃汁貢丸」和 「 墨魚丸」。「墨魚丸」標榜零添加，零人造色素和零防腐劑， 香港製造， 食得放心。「牛骨濃汁牛丸」以 澳洲牛肉製作製成， 牛味濃郁， 有天然嘅肉香。「 豬骨濃汁貢丸」 加入嘅豬骨濃湯，一囗咬落 juicy 有少少爆汁， 香菇味道濃郁， 必定要試一試 蒸嘅食法，不用放湯保留原汁原味！屋企有大冰箱嘅就揀返大包装看門口。 好多丸類都有七折，八折，仲有十蚊精選區， 真係驚自己會爆買～高級少少可以試吓和牛芫茜餃子😋還有其他海鮮急凍海鮮～仲有自家製靚醬， 優質芝麻黃薑油～也是自家製有骨炸魚皮， 好特別下次打邊爐之前過嚟買先～

今日放工去買餸，女朋友指定要食「振興肉丸」，放工即刻揸車去灣仔早早之前同女朋友去左灣仔行街，經過「振興肉丸」，佢走入去買左包牛肉丸番去試下，點知一試就愛上左啦今次去到買左幾包急凍丸類番去再試下！分別有墨魚腐皮卷、振興牛肉丸、墨汁墨魚丸、椒麻味豬肉丸女朋友番去即刻煮黎試下，墨魚丸有粒粒墨魚，好足料絕對無偷工減料煮完好彈牙又鮮甜！牛肉丸有肉汁，煮完仲有濃香牛肉味墨魚腐皮卷解凍完煎香，香口又鮮甜，完全喺驚喜！豬肉丸微微川椒味，好惹味！

阿媽話今晚打邊爐，因為我今日要去sogo 買嘢，所以叫我幫手去灣仔振興肉丸買丸類，因為肉丸無添加任何防腐劑、人造色素及香精，香港製造，味道原汁原味。店內幾個大雪櫃內有不同種類和味道嘅丸類，我就楝咗幾款回家打邊爐。店員用保溫袋為客人包裝急凍貨品，既可保持溫度，又唔會弄濕其他物品。豬骨濃汁貢丸：貢丸都好大粒，用豬骨熬製濃湯汁加入豬肉做成，口感彈牙又鮮甜。麻吉燒：用天然魚肉做外皮，口感煙韌的年糕內餡，食落口感軟彈。松露小籠包：外皮用魚肉打成，再加入芳香撲鼻的黑松露和豬肉做內餡，口感爽彈又鮮香。芥末沙律球：用魚肉做外皮，甜甜的芥末龍蝦沙拉醬做內餡，美味可口！

平時打邊爐或者食粉麵都會買番啲丸製品嚟做餸，尤其是而家疫情多咗喺屋企食，好多時都會買定d放雪櫃，隨手可以攞嚟煮。講到食丸，之前好多人都話食丸製品吾健康，後來食過振興出品嘅牛丸就上咗癮，不但好味，而且d丸製品係自設廠房天天新鮮製造，冇任何添加劑或味精等人工材料，依家注重咗健康嘅我寧願俾貴少少慕求食得安心又放心。上星期又去咗位於灣仔鵝頸橋底嘅振興入貨啦，今次入咗四款：黑椒牛丸、龍蝦丸、小籠包丸和貢丸。星期一阿女就攞咗d丸來煲烏冬做午餐。晚上煮飯我吾想成日用牛肉來炒菜，於是又攞咗幾粒丸切粒嚟炒靈芝菇和椰菜花，真係夠晒方便。到了星期日打邊爐，呢幾種丸當然吾少得啦。阿女大讚小籠包丸和貢丸爆晒汁，十分juicy，小籠包丸第一口就食到少許胡辣味，再咬耐d胡辣味開始由口腔延至到喉嚨，極具刺激感官之能事。而貢丸味道比較濃和香口，饀料除咗有肉碎，仲有蔥絲，幾惹味。龍蝦丸則比較鮮甜，口感比其他丸淋少少。而我個人則喜歡招牌黑椒牛丸嘅有咬口感覺，又彈牙又多汁，牛肉味濃且有微辣，這是我鐘情嘅其中一款。食咗幾餐已經食完，好彩振興有好多不同丸類選擇，又係時候去門市買另外d味道補定倉放雪櫃啦！

要數香港人一年四季都鍾意做嘅事，就非打邊爐莫屬喇。尤其而家多咗喺屋企，有咩好得過成家人圍爐烚嘢呢？咁講到打邊爐，丸就一定唔少得喇。之前食街邊賣嗰啲，成粒粉丸咁，食咗都唔知係乜，完全做唔到件事，俾我發現振興喺灣仔開咗間舖，即刻去入貨先！雖知振興最出名係牛丸，但係今日嘅邊爐腳咁啱唔食牛嘅，所以我就入咗幾款新穎嘢大家一齊分享先嚟呢個松露小籠包，你唔好以為佢真係一個包，佢其實好彈牙嘅魚丸，裡釀咗豬肉，仲有濃香嘅黑芝麻味，好特別。跟住芝士南瓜包心丸，勁受小朋友歡迎。咬落真係有香滑嘅奶味，唔怪得啲細路食唔停口。魚子丸係打邊爐必食嘅，呢度嘅魚子丸加咗芥末味，勁惹味，有少少辣辣哋哋，成件事即刻豐富哂！至於仿海膽包心丸，啲餡好多，一咬直情有爆汁feel。好滑喎，如果唔係佢上面寫咗個仿字，我以為佢真係海膽嚟架。最值得一讚嘅係所有丸堅彈牙，街邊買嗰啲粉丸完全無得比，值得一試！

食過大埔總店，行過灣仔鵝頸橋見到呢間肉丸鋪心思思又試下今次仲有冰袋送，保持新鮮健康美味今次買咗仿龍蝦丸、招牌牛丸、香菇貢丸同鮮蝦腐皮卷無論係就咁食或者整丸仔麵做早餐一樣正🤓牛丸最好食夠爽口彈牙。腐皮卷就似南記果啲再粗啲長啲。貢丸都OK。龍蝦丸就普通…雖然價錢比街市一般丸仔貴少少，不過質素十分有保證，間中買來食下都唔過份熱烈推介牛丸，店度仲有其他味道嘅牛肉丸，下次一定再試下其他仲有啲阿姨都好好服務，會逐包同你介紹下乜東東🤩

振興肉丸是早期源於大埔的老牌手打牛肉丸, 已經有五十多年歷史, 佢哋手打牛肉丸不添加人造色素, 化學材料及防腐劑, 以人真材實料為賣點, 近期大熱主要係大婆台的香港原味道節目播出, 多人注意咗。真正的門鱔炸魚皮, 雖則想食, BUT 貴貴地, 都係算把啦。而家嘅產品已經發展得多元化, 開拓了其他不同食材配搭的新味道去吸納不同層面的食客。今日佢哋做緊推廣, 買任何四包冷藏食品即送冰袋一個, 對我呢啲貪小便宜嘅師奶仔, 四包當然冇難度啦, 放凍箱想食就攞出嚟, 很方便。今早煮了個會笑的老頭子………燒汁肉丸撈米做早餐墨魚腐皮卷 ~ 將墨魚與腐皮結合, 食味有點像獅子狗, 口感較軟身, 且有墨魚鮮甜及豆香, 輕鹹, 豆制品始終較健康及營養豐富, 多食有益健康。芝士南瓜包心丸 ~ 魚肉包著芝士南瓜蓉, 有點像南瓜濃湯, 南瓜好creamy 及濃甜。仿龍蝦丸 ~  來自台灣的素龍蝦丸, 此這個龍蝦丸比較爽口, 有少許調味, 呢個要黎切粒蒸水蛋應該也好味。0添加墨魚丸 ~ 好老實, 只有喜歡食原味道嘅人先懂得欣賞, 佢哋真係冇好似街市賣嘅肉丸咁添加大量調味料, 這個墨丸連鹽份都應該冇乜點加, 純墨魚

認識振興肉丸都係同事網購返黎介紹, 以前買丸多數去街市。上次夾埋同事訂左包黑椒牛丸, 果然好好味 (同街市買的好唔同)。原來振興肉丸有實體店，其中一間係銅鑼灣近鵝頸橋街市。係灣仔開完會順便去買定丸返屋企。地點好易搵, 大埔振興肉丸係新派店系, 原來有自家製肉丸外, 還有其他自家製產品 (有骨魚皮, XO醬等….)  丸類真係有好多種, 大部份都係細包裝, 可以買多D款食。每款丸都好吸引不過屋企雪櫃冰格位置唔多, 最後買左幾包及自家製有骨魚皮。都要讚一讚職員的耐性, 有D丸真係未見過, 向職員查詢佢地會耐性答我。尤其有骨魚皮我未食過, 職員話係用鱔魚做, 所以每次食用期有限, 佢自已都好中意食。揀緊肉丸時先諗起, 天氣咁熱我拎住急凍肉丸返九龍會唔會唔好 ? 於是問下職員有無冰袋買 ? 原來買滿$150 會送一個細冰袋。(好貼心的服務)最後買左4包丸及有骨魚皮 :黑椒牛丸仿海膽包心丸芝士包心丸香辣粉絲豆腐振興肉丸標明無添加色素味精防腐劑, 建議買左都要快D食。當晚我就一次煮左4包丸再加生菜一齊食。丸的SIZE都好大粒, 所以每包用一半都夠2個人食。有骨魚皮好脆而且有骨, 味道唔會濃, 放湯