放牛牛 (已結業)

喜歡薰衣草，喜歡薰衣草的氣味，喜歡薰衣草的迷人紫色，喜歡薰衣草的一切，家中有薰衣草香精油，薰衣草香囊，薰衣草香梘，薰衣草沐浴露，甚至薰衣草爽身粉也有，也曾在台灣嚐過薰衣草雪糕和薰衣草奶茶，知道尖沙嘴這裏有薰衣草雪糕，要來試試。店員很耐心介紹有四款軟雪糕組合，粟米，甜薯，海鹽，朱古力和薰衣草，不分由說，我立刻選了薰衣草，用了一個彩虹圖案的雪糕筒盛著淺紫色薰衣草軟雪糕，據說是用了來自北海道富良野的3.7牛奶，份外軟滑，至於薰衣草的香味則不太濃，也許要遷就大多數人的口味，因為其氣味似驅風油，非人人喜歡或接受，雪糕還插上一朵小雛菊，其實是威化做的，很漂亮，還有一小片蜂蜜窩夫，味道可以。若是薰衣草的味道濃一點，價錢平一點便好了。

昨晚行尖沙咀無啦啦見到間”放牛牛”的雪糕店，看見門面隻牛牛及牌價上四款牛牛雪糕的賣相很吸引，便走入去試試！這裡分別有風、火、水和地四款不同口味的雪糕，都好有特色和噱頭，不過看埋配料就覺得有點複雜，好懷疑這配搭是否好味！最後決定試吓粟米味！第一啖感覺都好有粟米味，有兩粒甜薯好好食，再食便開始淡時，但又比返D椰肉我咬，在底部仲食到牛油酥餅，唔同層次有唔同口感，雪糕筒都好味，再脆D會更好，整體我都算幾滿意呢個雪糕！試埋朋友嗰杯水牛牛，有海鹽味又有藍苺和泡泡糖，不太強烈墨汁味的酥餅，呢個沒特別驚喜，不過雪糕都好快溶，所以要快食！ 

當日係下晝四點幾左右去,收銀姐姐話雪糕筒無晒貨,改為用杯裝住, 但照收番連cone既價錢,心諗變左會有少少唔抵,但因為係專登去食,所以照叫啦!選擇左要地牛牛因為想食個燒蕃薯同粟米味雪糕（N年前喺7仔食過一次好好味既限定版栗米味軟雪糕就好想再次食番）買完俾左張飛整雪糕個邊既counter,等左起碼15-20分鐘 先話俾的我知燒蕃薯未有住，咁無辦法啦唯有當自己唔好彩，想試既兩樣野都無。咁我就問可唔可以轉窩夫，佢地話唔可以，要成隻牛牛轉。（姐係唔可以食「地牛牛」啦...）但我真係對其他3款雪糕無興趣，問如果等蕃薯要等幾耐，但佢地都話唔知要等幾耐，其中一個女仔員店就隨口話30分鐘。之後就繼續整其他客人order。如果唔係俾左錢 ，我會選擇走。間鋪頭其實好細，收銀既位置同製作雪糕既open kitchen根本係連住既，既然你地某種topping突然無貨，而喺呢個情況下個combination又唔俾人轉，其實可以喺客人點野食既時候就通知一聲。同男朋友商量過，我寧願出去街行下， 30分鐘之後再番尼拎都好過夾硬轉一款自己完全無興趣既雪糕。店員話好。正當打算走之際佢地有個救兵喺街外拎住個食物盒番尼鋪頭而

食完一蘭就去左食附近既放牛牛食甜品...一年前左右好hit已經想食呢間, 但一直都唔岩路...終於可以一試...我地去到既時候閘已經落左一半, 好在有好好人既staff放我地入去...之後既人就無咁好彩...Byebye, we are the last! Better luck next time... 我地叫左一個 火牛牛... 火牛牛: 超大綿花糖係朱古力雪糕上面, cone係紅加黃色...好鮮艷, 但睇落好厚 ...綿花糖好大而且痴唔實, 綿花糖影相前走哂位 ...所以就成個拎起點雪糕食... 綿花糖好食, 不過要食快d, 唔係雪糕就滴到手...食完綿花糖食雪糕, 所以無味 (綿花糖係雪糕上面呢個arrangement真係好有問題:sick ...過左一陣食都無咩味...者係奶同朱古力味都無, 而且唔夠甜 ...Cone既味道係韓國lotte 既Butter Waffle...我超鐘意Butter Waffle !!!所以即使厚d都無所謂, 但係可惜Cone係唔脆既Butter Waffle...立即扣哂分 ...如果佢脆d既話其實真係OK既...雪糕入

很早前經過K11的時侯就留意到它，但每次都沒有機會試上，在國外的時侯還老是想著它，怕我沒來得上趕回香港它就會關門了，一試後發現 ... 它是真的應該關門的總共有4種雪糕口味供選擇賣相很好看，這個北海道薰衣草雪糕 ( HKD 42 ) ，跟以前在北海道吃的味道大有分別，我知道不能夠將HK賣的跟北海道相比，但薰衣草雪糕本來是淡淡的清香味道，而這個的甜味很假，就好像把家裡的香氛吃下肚裡裡面有菠蘿粒，但跟雪糕的味道不太相襯，底部還有朱古力味cornflake雖然quality不可，但這店的門面及雪糕的賣相卻很吸引，但真的只此一次。

每次經過K11附近，得知有新的甜品店，一直也好想試一試，今天與友人吃過飯後，特地前來吃甜品。除了有4款特定的牛牛口味外，可自選配料及雪糕。有某幾款水果配料寫上液氣冷凍，在好奇之下問問店員是什麼來，原來是解作急凍的意思。玻璃廚內每款配料也用保鮮紙包好，感覺衛生。細番討論下，最後選了棉花糖士多啤梨朱古力薰衣草雪糕，以相機食先的角度來說，賣相真的不錯。味道方面，棉花糖軟棉棉，朱古力味雪糕吃起來有點像柯華田味，完全吃不出另一邊的薰衣草味道，而且太甜了，幸好點了士多啤梨答救，中和甜味。店外的海報給予我們一線希望，真的實質吃完有點失望，味道未如理想，而且價錢亦不划算。

晚餐後經過一間店舖，看到門前聚集了—堆人，好不熱鬧。走過去後才發現這間以黑白牛牛圖案作裝潢的店舖，以售賣雪糕甜點為主，名為放牛牛Oh!cow。我們在看過色彩繽紛的餐牌之後，馬上就決定要買一杯來嚐嚐。 雪糕有粟米、海鹽、朱古力及薰衣草四款口味，另有粟米+海鹽及朱古力+薰衣草兩款混合口味 $35 / 杯，另可加配配料，每款$3 / $4；此外還有四款店長推介－地牛牛 (粟米味)、水牛牛 (海鹽味)、火牛牛 (朱古力味)及風牛牛 (薰衣草味)，各$42 / 杯，標榜使用日本北海道富良野3.7牛奶製成。水牛牛 (海鹽味) $42賣相不俗的水牛牛，令人看見已經急不及待想吃。海鹽味的雪糕夠軟滑，雖然牛奶味道不太濃郁，但仍帶有淡淡的海鹽味道，不錯；上面是一片甚為奪目的藍色泡泡糖，可是泡泡糖有點硬而且只有甜味，不好吃。此外，配料還有粒粒經液氮冷凍的藍莓及墨汁酥餅，個人最喜歡墨汁酥餅，不但口感鬆化，而且墨汁味道香甜，最可惜的是黑色的脆筒不夠香脆。

今日無意經過k11,見到對面有好多人post過外表新鮮的牛牛雪糕就嘗試一番。星期日店舖內都不是很多人，小店很細，但裝修別致，雪糕都是外賣的。四款不同口味雪糕都很有噱頭小女叫了一款"水牛牛"是以海鹽味為主打，起初滿有期待，外表顏色鮮艷的雪糕，等了一分鐘內就馬上送上手，當然是立即拍照！無奈的是，雪糕到手幾秒就馬上溶化，還未食 粘着的曲奇與藍苺亦不斷滾落地上，店員看我一面無奈便馬上替我的雪糕補回配料...(由進店開始看到店員不停拖地...歷過此刻我想我猜到原因...)沒有空閑再拍照，要與雪糕競賽(很不享受)...站在小店內食，在有冷氣的情況下，雪糕都可以溶到一手都係..小女子感到很氣餒，雪糕味道有海鹽鹹味，但口感就似奶粉開的一般不太creamy，黑色的曲奇吃不出墨汁的味道就似普通oreo ，藍色泡泡糖只有甜味，藍苺沒特別，雪糕筒不是太脆，筒內有類似早餐的蜜糖脆脆由於溶到一手都係⋯雪糕味道與口感都不太可取，吃剩一半我便放棄了. 42$的價錢應該有更好的選擇⋯試一次就夠了（可能選擇其他味道會較好)，但我會選擇可一不可再唯獨想稱讚的是服務員的態度不錯。

係網上見到有人討論呢間雪糕店見到個賣相又唔錯所以就專登走去食雪糕有幾隻味揀好似有雛菊 薰衣草味我就穩穩陣陣揀翻朱古力味好似叫火牛牛火牛牛上面有綿花糖士多啤梨味 無乜特別雪糕上有士多啤梨同brownie做配料Brownie係幾特別嘅不過雪糕唔係好濃朱古力味整體泥講無乜特別未必會再去食

同fd行街經過見到，醒起係網上有人介紹過，望到成間舖布置幾靚，最後同fd忍唔住入去試下，叫左個水牛牛，成個貌相真心靚，雪糕筒顏色又藍又黑咁，雪糕上面插住塊水藍色既海鹽，再加上d藍莓乾，不過岩岩行出個門口，雪糕已經開始溶，心諗有冇咁快。咁我就拿拿食la，一食落口就覺得怪怪地，可能因為海鹽味，其實都幾咸，塊海鹽都ok既。不過賣相同味道就唔成正比，睇就ok，食就麻麻。依d我認為食一次就夠。

最近天氣比較熱, 自不然會特別想食雪糕之前路過見到個樣咁FANCY,於是就入去呢間'立食'雪糕店, 點知就中伏喇入面有4 款雪糕可供選擇, 每個CONE都好靚,甜品難食起上黎,真係會有想自殺的感覺,所以穩陣起見, 所以我選了鹽味, 友人選了朱古力(menu 仲有薰衣草同栗米,勇者歡迎挑戰)好. 等大約3 分鐘. 好快就出左朱古力味雪糕既''火牛牛''我第一下. 真的傻了眼. what spring autumn 阿?舊棉花糖好大. 個雪糕溶得好快. 成日都係雪糕. 棉花糖糖粉. 媽我好亂!還好,佢有提供紙巾. 當你不停阻住雪糕溶,努力將佢吸入體內.不要忘記果舊棉花糖.最後. 我用匙插住舊棉花糖. 係無錯. 最後係順利食到個雪糕. 味道方面:棉花糖都係棉花糖咁既味. 朱古力雪糕係非常一般既味. 上面既生果. 生果咁既味.第二個係水牛牛. 我真的不太想再記起.....食完一啖.我就想哭.我呢刻才發現自己掛住initial 既眼淚雪糕.呢個水牛牛實在差太多皮. 還未計個cone太厚. 好似放得耐.有點'林'仲有半個cone 係放coco 可可趣趣, 當然雪糕還是需要五分鐘內完成.因為溶得好快

行到熱熱地，經過放牛牛就走去食杯雪糕。我叫咗杯火牛牛，其實是朱古力雪糕加棉花糖面。雪糕其實不會差得去邊，但這杯火牛牛的確火火地。首先D棉花糖，雖然幾得意，但食時極不放便。原本諗住雪糕應好滑，但現實並不是這様，分量仲好少只有1/2杯雪糕筒。個雪糕筒更差，一點也不脆。我對這杯火牛牛是多麼的失望！

本身等緊位另一間餐廳食野，但見到放牛牛店外貼住嘅雪糕名咁特別，而我地見人地拎緊個雪糕個樣都幾特別，都忍唔到叫左兩個邊食邊等試下，佢地個名都幾特別架，好似一個叫水牛牛，一個唔知叫咩牛牛咁，但睇落同食落係兩回事，一來雪糕融得太快，ｄ配料食下食下又趺落地，都幾狼狽，二來味道同預期中有出入，你見到個名有個牛字嘅雪糕，會expect佢地嘅雪糕會重牛奶味，但事實並非如此，食落毫無驚喜感，真係食完，同朋友第一個感覺就係，影相就係幾好睇，但食就一般囉，普通甜食咁嘅野，係佢配料比其他市面上嘅特別咁解，我自己食完一次日後都唔會再食其他味道架喇

今日同女朋友出tst食晚飯，食完行街果陣咁岩就見到呢間放牛牛，女朋友話好得意好想試下喎，跟住由於佢知我鍾意食朱古力，我地就叫左火牛牛黎下。點知呢隻「火牛牛」真係食到我火都黎埋。頭先個棉花糖都算ok嘅，正常味咁。之後問題就黎喇，我未開始食啲雪糕就開始溶，今晚仲要好涼爽，好難想像遲啲三十幾度呢隻「火牛牛」會點，係咪一出門口即溶先。啲雪糕食落真心唔知講咩好，仲差過雀巢呀大佬。我俾42蚊你俾啲仲差過十蚊杯雀巢嘅雪糕我食，好差啫。。。跟住呢隻「火牛牛」仲有啲急凍左嘅士多啤梨同朱古力餅粒做配料，啲急凍左嘅士多啤梨真係好野，可以完全無味，好似食緊啲有一點點酸味嘅冰咁，但係佢無冰咁凍喎，跟住啲朱古力餅粒，難食到呢!!!佢又淋又無咩朱古力味，我真係o左，我都唔知俾咩反應。呢隻「火牛牛」我地食到一半就掉左，因為真係頂唔住，其實我覺得呢間野改「火牛牛」呢個名真係改得妙，食完保證你都會變一隻真正嘅「火牛牛」。(即係咁樣，>>>>>)。

今天在尖沙咀做 gym 和矖日光浴，打道回府竟然被我在麼地道和白蘭軒道之間遇到他「放牛牛」。 近期市面上都出現很多牛牛產品。 不知道大家有沒有發現？ 這間放牛牛，依照我的估計是由日本傳到香港的雪糕店。 在外面看已經十分吸引，所以我決定試一試。 有四款不同既牛牛， 地牛牛是粟米味，水牛牛是海鹽味，火牛牛是古古力味和風牛牛是薰衣草味。 哈哈這些名字十分有趣。 十分colourful 的 cone 我也是第一次見。 最後我選擇了火牛牛。 有我喜愛的古古力同紅色。 雪糕上有朱古力餅，士多啤梨和棉花糖。 不知道是不是天氣的問題定還雪糕的問題，當把棉花糖吃完，雪糕已經開始溶化。味道一般但外型幫補。 不過我對其他味道有點興趣。 希望下次有機會可以試一試和希望雪糕不會這麼快溶掉！