文記車仔麵 (福榮街)

营业中

休息中

今日好豐富 叫了牛孖根 魷魚 魚肉 西洋菜餃 微辣 沙嗲汁粗麵，嘩！好大碗呀🤗要試下好唔好食。先試下個湯底，不錯，好香的沙嗲味，不會太鹹。秘制牛孖根 每件樣子分明，吃落好稔滑，有嚼口，好入味。玻璃辣魷魚非常正，原本冇味的魷魚經他們處理後變得爽脆好味。手打魚肉很新鮮，沒有腥味，魚肉實淨。原本吃了西洋菜餃，但可能不合時，沒有供應改了白菜餃也相當好味。食車仔麵我鍾意吃粗麵，我覺得是最理想的配搭。車仔麵的神粹是將你喜歡的食物和他們包含著不同調味汁料加埋一齊，變成你自己的獨有。車仔麪加上汽水，有時要為吃辣降溫，有時甜味更特顯車仔麵複雜的味道。👍🏻值得再來的店舖🤗🤗

今日要去黃金買電腦，所以就決定去最近好紅文記嘅車仔麵朝聖！去到已經係晏晝嘅三點鐘，只需要等15張飛，由拎飛到坐低大約等左半個鐘。因為等得太耐我哋將佢既招牌菜大部份都點左，實在太餓了，上湯花膠辣魷魚酸齋等等。（呢三樣都一定要點，花膠12蚊實在超值，辣魷魚俾既份量又多，同埋無諗過酸齋係會咁夾😅）佢有幾款湯底揀，我就揀咗腩汁少辣，個湯底好入味唔會太辣，佢枱面仲有超級多醬俾你揀，值得推薦嘅係好大樽嘅辣菜甫，好惹味，又有咬口。配埋杯咸柑桔好完美啊😋

🇭🇰🇭🇰🇭🇰🇭🇰🇭🇰米芝蓮 車仔麵☕️黎到美食集中地深水埗食完合益泰立即去左後面街既文記今次叫左一碗花膠，水餃，魷魚加埋沙嗲汁油麵講真湯底真係一般，有點稀稀的但個嗲汁都算做得出色魷魚做得亦入味，水餃就冇咩特別想講花膠就冇欺場，對得住$12呢個價另外一碗走汁魚肉，螺肉，牛孖筋可能走左汁就有小小失色價錢係地區黎計算中上但冇計，有一半都食緊地租☕️總括而言值得到訪既平民車仔麵好食指數：7.5 / 10抵食指數：7.0 / 10回頭指數 : 7.0 / 10文記車仔麵🏠: 深水埗福榮街121號地下。。。。。。#drunklatte_深水埗 #drunklatte_麵食#drunklatte_飲食

車仔麵嚟講，呢間算係我食過最好味嘅一間，次次嚟都好多人排隊，不過等候時間唔算耐！佢嘅河粉好好味、多數會配雞亦、牛腩、魚蛋...最重要其實係佢嘅汁，有辣汁、咖哩汁，兩者都咁好味，不過怕辣嘅你就唔好落咁多，因為都真係幾辣，食車仔麵當然要配佢嘅凍奶茶啦，食飽飲埋杯凍奶茶...真爽🤩🤩

今天沒有去福榮街121號的文記總店，試下隔壁119號的第一分店。車仔麵是我喜愛的街頭小吃，還記得學生時代 在學校附近有小販賣車仔麵，當時的衛生環境當然是不行，但現在的車仔麵講衛生、講味道，還要講創新。叫了一碗豬大腸、雞腎、雞腳、豬紅 銀針粉配腩汁，首先講下豬大腸，十分新鮮，滷得很入味 帶著適量的脂肪、有嚼口 但沒有不好的豬味道，值得推薦。腎片很好味，爽爽的 。看上去雞腳好像還未夠稔身，但吃起來有咬口稔得剛剛好。豬紅質感糯糯的，要靠湯汁加味。我怕辣所以要腩汁，我選銀針粉因為我喜歡將粉加上湯汁一齊吃特別好味。碗麵份量好多，吃得飽飽的😋文記車仔麵得到米之蓮街頭小食推介是實至名歸，吃完你想下次再來。跟餐加9元便可享受一杯凍檸茶。

第一次嚟食，聽講係非常厲害嘅車仔麵。自從男友同佢朋友食過一次之後，不停要我陪佢再去食，日日提夜夜提，聽到我就黎生耳繭了～☠️所以今日就同佢去食啦！睇下佢有咩本事搞到我男友中晒毒！！佢嘅瑞士汁湯底好濃好滋味佢又唔係平時嗰種好甜嘅豉油味（平時茶記啲瑞士汁好甜）豬大腸應該係我人生食過最軟嫩，好似食緊豬腳嗰啲皮咁瑞士雞翼好入味，肉質唔鞋麵筋就差少少白蘿蔔非常非常非常鮮甜芝心丸中間嘅芝士拉絲油麵煙韌都幾大碗架 好足料我哋另外亦叫咗豆漿同埋甘蔗汁豆漿唔會太甜 新鮮好飲甘蔗汁就相反超級鮮甜 好解渴 不過飲品佢都係比細支裝建議大家早啲去食因為晚飯時段超級多人排隊 要等好耐先入到座我哋等廿幾張飛嘅時候索性去咗隔離舖食甜品😂慢慢嘆個甜品 食完都仲要等不過又真係好食寫到依度我又開始肚餓。。。死啦可能我同男友一樣中咗毒。。。

其實食過好多次，今次終於有機會寫文記食評。第一次係男朋友帶我黎食。今次我帶左我吃貨fd 一齊黎試，佢一直尋找緊驚為天人嘅車仔麵。我就話一定要帶佢試呢間！我每次黎要食佢嘅瑞士汁雞翼，鹵得入味，甜味好出，肉質又唔會太韌。另外必點蘿蔔，清甜多汁，炆到冧哂，中和番車仔麵嘅濃味。仲有必食韮菜餃，大大隻，肉同菜比例岩岩好，都好出色！仲有不能不提佢嘅秘制辣醬，辣得黎香，混入湯入面，甜中帶辣，完全停唔到口！ps. 唔食得辣嘅朋友就唔好落啦，因為真係幾辣，朋友唔食辣，食到流哂鼻水😆笑死我！！

見到d人係咁話文記好食咁咪試下Omg 條隊真係好長，天氣熱到暈仲要等成20分鐘先落單可能期望過高啦！根本唔係果回事😣D野食全部調味勁濃勁味精唔係好知自己食緊咩野。其實配料都好Standard ... 豬腸係值得一讚，洗得好乾淨。🙊但排隊排到咁 ， 不了

深水埗文記車仔麵開咗好多年近幾年終於開咗兩間分店喺左近 唔洗排咁耐隊唔好話車仔麵 舊時食嗰啲魚蛋粉呀牛腩河呀都愈執愈多雖然價錢已經差好遠不過個麵味道真係冇乜點變湯底有幾款 清湯 沙嗲 腩汁平時都食開腩汁 冇伏食得辣嘅一定要再加個祕製辣汁 加咗成個湯唔同哂嗌豬腸係好淋 唔會咬極都咬唔開最欣賞係杯凍鴛鴦 平時除咗喺茶記 好少真係飲到杯濃味嘅 本身唔記得嗌少陣 心諗死啦一定甜過糖水喇 點知黎到陣茶味蓋到個甜味 呢下真係喜出望外兩個人埋單百零蚊 又抵又好食 唔怪得食飯時間成日排哂隊嘅

文記車仔麵～😍新店坐得幾舒服又夠冷氣，岩哂食辣！🌶🌶佢既秘製辣汁真係有返咁上下勁，食到流哂鼻水，不過好惹味🤭依到出名之處大概係d車仔餸真係真材實料，味道一流🤤🤤仲有好鐘意佢好多醬汁選擇🤚🏻仲有食不停口既辣菜甫，送車仔麵無得輸😆-特別喜歡瑞士雞翼同南乳豬手，好入味肉質好淋，豬手膠質部分都好多，豬大腸都洗得好乾淨，係有小小小肥。而玻璃魷魚辣辣地，入口爽，整體真係幾三，難怪係米芝蓮啦🙈😆性價比高，真係幾抵食🙂👍🏻

呢間文記車仔麵最近都幾紅😍，除左網上好多人介紹之外，我身邊d朋友都係咁叫我去食，話好好食，今次一食，又真係幾好食wo！😆果然咁紅係有得解🤤佢個瑞士雞翼好夠味 入晒d肉 但又唔會好鞋好老👍🏻牛筋真係好淋 揀左腩汁湯底 成個米粉都好濃味 鹹味適中 真係值得一試 平時食呢d都專登叫米粉，因為米粉會容易d入味，但呢個湯底我諗下次試其他麵底都一定無問題😍我仲食左朋友既蘿蔔又淋又有本身鮮甜既味👍🏻加埋支豆漿 $50🤭雖然車仔麵黎講，價錢幾貴，但味道的確出色。

知道文記車仔麵入左米芝蓮,一直都好想試下,但長期有人龍,今日就心血來潮同女朋友排下隊試,比想像中快,排10個人左右,大約等左5分鐘,排隊時已見到$12花膠,實在太吸引啦,咁平民嘅價錢就可以嘆到花膠,必試啦!我叫左拉麵底,花膠,韭菜餃,花膠都算大塊,攤開應該有一只手板咁大,口感幾爽口,又唔會韌,都唔錯,吃一啖花膠,飲一啖湯,簡值絕配,另外有3只韭菜餃,餃子都好多肉汁,但有啲太鬆散,湯底都好清甜,飲完也不覺口渴.女朋友就叫左薯粉,花膠,瑞士鷄翼,薯粉超級滑,直滑到喉嚨,瑞士雞翼很入味,肉也很滑,唔會鞋,可惜麵底太少了.

鍾意食車仔面既人無理由唔知道文記!!!米芝蓮得獎喎，一定有佢既理由!嘻嘻~我其實食過好多次嫁啦，不過就第一次寫食評邊寫邊有衝動而家再出去食多次星期5下午時間竟然唔使點等位，可能因為一個人啦5分鐘就入我去食啦一坐底圈圈圈就立即比張牌比姐姐啦(我好清楚自己要食咩..哈哈)一陣就有得食啦~~香噴噴叫埋杯salt檸7 就perfect池啦好~去相!食飯時間都唔係太多人等，星期六,日真係等死人嫁~~要用呢張牌圈底自己想食既野~我勁鍾意食呢個羅白，直情當一個送食,重點佢係免費嫁!!!!!!!主菜到豬腸真係好正~salt檸7 ，出面熱辣辣，一飲落去真爽~~$49咋~就可以食到米蓮蓮，你話抵唔抵?好~食完返工去

無可否認佢既車仔面真係好好食，但買個外賣都要等半個鐘以上見前面得4條友排隊諗住好快手，點知就咁等左半個鐘！我叫左大腸雞翼豬皮，湯底不錯，唔會太喊，豬皮爽口，大腸洗得乾淨食落亦爽口無異味，難怪佢咁多人排隊搶住食

每個餸$8~$12 算合理, 每次必揀瑞士雞翼、玻璃魷魚同八爪魚春卷。瑞士雞翼好好味,夠晒"淋"又入晒味😋特別介紹湯底可以大混戰, 我同太太就必揀秘製辣汁(少辣)+瑞士汁+腩汁, 聽落好怪但值得一試咖😄