文記車仔麵 (福榮街)

营业中

休息中

文記車仔麵～星期六日排晒隊平日過左午飯時間，都一樣要排，只係無排得咁誇張文記車仔麵，真係又大碗又抵食食材一啲都唔差牛肚係格仔肚（金錢肚）仲要好厚身牛筋份量都多，夠淋豬腸份量都一樣好多，只係我覺得肥左少少雞翼用瑞士汁鹵過，美味叫左個小辣，都無乜辣，下次就可以叫個中辣試下野食美味，但坐位就窄左少少，如果你怕迫，就可能要外賣啦～

因為米芝蓮推介，走去試試呢間鋪頭食車仔麵。去到見到約有10人排隊，心諗有人排隊即係好嘢啦！後來知道出現人龍原因係佢地要顧客喺門口揀咗麵底同埋餸，畀埋錢之後先至入鋪頭坐。我畀完錢入去見到約8成滿，即係話坐低先至落單就唔需要喺門口排隊。價錢尚可接受。我揀咗4個餸(豬手，牛腩，花膠，豬大腸)一心想食花膠，可惜有點失望；雖然12蚊不能有太大期望，但呢件花膠腍啤啤，好似雞扎入面嗰舊魚肚，佢地應該改寫“魚肚”非“花膠”。我應該唔會再去幫襯佢地。

入到深水埗必食之一就係文記車仔麵，同一條街都有三間分店，每次去到都要食玻璃魷魚，帶點辣味，魷魚夠爽口，帶點陳皮香味既陳皮魚旦，炸豬油渣雖然好高膽固醇好邪惡，不過堅好食最近還多左花膠選擇，花膠要加$13，大大塊花膠，入晒味，要加錢食都值得食呀！

位於深水埗的文記車仔麵經常多人光顧，我也是心血來潮好想食車仔麵而特地去吃😝下午四點幾左右去到唔洗排隊，直接入去坐底叫野食～車仔麵加入秘製辣汁更好吃😋瑞士汁雞翼尖醃得好入味～魷魚辣辣的好爽口，蘿蔔好清甜🤤值得特地來吃👍🏻 下次再試多啲餸～

平時經過見到都排晒長龍今次同朋友下晝兩點幾黎見唔算太多人排隊就試下哩間咁出名既車仔麵啦！我點咗蘿白，瑞士雞翼米粉 $29蘿白好甜👍🏻瑞士雞翼好入味，有兩隻湯底偏咸整體黎講都幾好味，價錢合理

文記車仔麵出名多餸選擇，雖然每款餸都比外界車仔麵貴，但的確好食d，而且調味醬料都有好多選擇，全部都放晒在枱面任加，通常我落勁多麻油，一般一個人平均要40至45蚊。

轉左手之後食物可以……但做門面個沙聲粗口亞姐就非常影響食慾，我叫左5個餸，有一款冇，我話算啦…4 餸得喇……個亞姐竟然話你唔好改單，叫多樣或叫多同一款啦…我即時靜左，我話真係揀唔到，佢竟然話，（咁就唔好揀5 餸啦…）。我住附近……望都唔想望依問嘢

深水埗除咗“合益泰” 無時無刻都大排長龍，其實係另一邊廂“文記車仔麵”係福榮街有3間鋪頭，每日中午12點後都是人龍絕無間斷，就好似皇崗口岸每日每分每秒都人過關咁。🤣🤣.車仔麵可稱得上香港地道文化飲食，請問有幾多個土生土長的香港人從未食過呢？😎😎.文記車仔麵亦都有榮獲米芝蓮餐廳推介，究竟有咩好食🤔🤔哈哈~香港人喜歡多元化就好似車仔麵咁選擇有咁多，五臟俱全，總有一款啱你口味😉😉。文記十大必食推介，你又會鐘意邊一款呢？我最愛瑞士雞中翼🐤🐥秘制牛孖根🐮 鹵水豬大腸🐽🐷 蠔油小花菇🍄 手打魚肉🐟 清甜蘿蔔🥕南乳豬手🐖✌🏻10樣裏面我有7樣都鍾意，但無可能一次過食曬，否則一定會飽到嘔。😂😂😂.尋晚睇完書就立即想起去食文記，今次食南乳豬手補一補骨膠原，再來一個清甜蘿蔔非常入口，真係好清甜😋😋加個酸齋醒醒個胃😁😁麵底梗係要油麵😆😆。唔知點解平時好討厭油麵，但一到食車仔麵油麵係必定會被我選擇出場的，哈哈🙄🙄加埋個秘制辣汁，根本冇得輸😃😃。

都成夜晚十點幾，入面都重座滿晒人，平時行過見佢排晒長龍，都知應該唔差，但我唔想排，所以無食過，今次叫左碗三餸麵，配咸檸七，碗麵分量都不少哦，叫左微辣，好好咁將辣醬放左係匙隻上，以為微辣，就整溶晒，但我覺得都好鬼辣，怕辣嘅朋友唔好溶晒一匙呀，返唔到轉頭，成碗都好好味，猪肥好肥但好好味，酸齋不錯，魚旦就用我最鐘意嘅陳皮牛丸，我見佢架上放左好多唔同嘅調味料，真係第一次見車仔麵店有咁多調味料選擇，總括黎講，應該改名車仔麵之王囉

上次第一次來文記，食咗瑞士雞翼及辣汁螺肉，一試難忘😋。瑞士雞翼: 瑞士汁味道啱啱好，煮得入味，雞翼內的肉汁好juicy👍。辣汁螺肉: 辣汁好正，但螺肉就同D汁溝唔埋，螺肉味道淡D👎。於是今日再試其他十大必食推介 - 今日叫咗蠔皇小花菇、鹵水豬大腸。蠔皇小花菇好味，炆得好入味、好林及好滑👍。但鹵水豬大腸就麻麻地，唔夠林，唔入味👎，應該欠缺火路，其實未炆好就咪比客人食啦😒，重話係十大必食推介。下次會望吓D餸ok先叫。

今日收早，放工好想食車仔麵，諗住7點前黎到又係平日會少人D……點知已經有好多人等緊喇，最後都等左20分鐘左右。新開的2間舖面，好似拉麵店咁一人一位，自己圈想食咩。我就點左豬紅，牛腩，酸齋，沙嗲汁，河粉。另配凍咸柑桔（+$10）同腐乳通菜。友人叫花膠，牛腩同魚蛋，比左d我試！份量十足，味道難忘，係值得再次等待的美味

以我食車仔麵既經驗 ，文記真係好普通🤦🏼‍♀️我真係唔點解咁多人排隊，次次去開深水埗都想試下，但太多人排隊就唔試啦 🌧今日難得落雨無人排隊就入去試下，結果不好吃，而且仲有少少貴，可能我嗌得多啦，我碗野仲要68🤦🏼‍♀️配料方面我叫咗冬菇、豬頸肉、豬腸、腩肉、韭菜、牛筋等等 都普普通通 無咩特別咁因為我覺得車仔麵最重要係個湯底同埋辣醬 如果呢兩樣野都好食 就算配料普通都會好好味 當然配料好就100分啦但辣又唔辣，得個濃味，食完仲好口渴 食到我都唔想食 失望

一個人無無聊聊走到深水埗，走到成日都要排隊嘅車仔麵店，即管一試。排隊十零分鐘，點左一碗車仔麵，揀咗油麵，點咗豬紅、豬腸、花膠同西生菜，湯底加腩汁，仲叫咗支凍豆漿，都係40幾蚊，抵食👍🏻豬紅豬腸好入味，而花膠炆得好淋，但湯底雖然加咗腩汁都偏淡，冇預期咁好味，難免有啲失望😞跟同枱食嘢嘅一對小情侶傾開計，佢哋話幫襯左呢間麵店已經超過10年，覺得近幾年麵店生意太好，食物質素已經有d下降，小情侶建議我下次嚟嘅時候要食蘿蔔魷魚同雞翼尖，希望仲有下次哩😅

深水步多車仔面文記質素最穩定，多數食車仔面我會食豬紅蘿蔔，但呢間都係麻麻地，但其他湯底，面，餸都好食既。但落單快，服務幾好，好似食快餐咁 但坐得唔會耐，食完就走。

惹味地道車仔麵剛剛去完深水埗做野, 經過黃金電腦商場對面,發現有一間大排長龍的人氣店深水埗絕對係眾多隱世美食小店的集中地,今次黎試一試呢間好似幾有名氣的文記車仔麵門面裝修同一般車仔麵店差唔多,坐低左, 就叫左碗兩送的車仔麵,腩肉, 八爪魚腐皮卷, 油麵底,個湯底真係好入味, 麵夠彈牙,腩肉夠咬口,其他配料整體黎講都尚算合格, 不過不失見到咁多食客點瑞士雞翼, 一於試試瑞士汁夠甜, D雞翼夠晒入味, 絕對係必食下次再黎的話, 都想試下蘿蔔同豬紅,見到隔離個大隻佬叫左六送車仔麵,流晒口水, 但我食唔落咁多野喇...價錢方面, 都叫做大件夾抵食, 無最低消費深水埗小店一向都係平民美食,如果開係旺角銅鑼灣,呢碗咁有水準的車仔麵一定賣得好貴當然, 又平又抵食的車仔麵,值得大家排下隊等下啦