文記車仔麵 (福榮街)

营业中

休息中

被譽為米芝蓮嘅車仔麵，專誠遠到而來。食第一口就覺得中伏，湯底十分「重口味」。食完飲咗兩支解茶才沒有咁口渴。餸菜一般跟其他店舖沒有大分別，只係多選擇。職員態度麻麻不會再光顧

我哋今日一家三口朝頭早就去食文記車仔麵，因為順便經過就想食，都唔算好多人排隊，等咗大約10分鐘就到我哋。我就嗌咗一碗粗麵，叫咗蘿蔔，瑞士雞翼同埋玻璃魷魚🦑其實啲餸都真係幾好食，因為我經已唔係第一次幫襯，所以耐唔耐我都會想食吓佢個車仔麵，佢嘅辣真係調得唔錯👍🏻但係今次個粗麵就真係有啲失準，食嘅時候夾起嚟仲會有一餅餅嘅感覺，都未將啲面完全分開晒，仲有啲硬，真係有啲失望😖另外我叫咗一杯熱菜蜜，嚟到個杯邊係好污糟，抹極都抹唔甩，咁我就再叫佢換多另一杯俾我，再換過一杯嚟，個杯邊仍然都係好污糟，我唔知佢係有換，定係攞返原本個杯嚟俾我😅咁我最後就冇用過杯嚟飲，倒咗落另一個杯用飲管飲。今次整體嘅感覺真係有啲失準，希望只是今次失準，如果唔係就真係配唔上米芝蓮呢個稱號。

❣️久唔久經開就會想食嘅文記，出名多菜式、湯底濃，醬料同餸夠多配搭，以前食開經常排長龍，而家開多咗幾間堂食店，開到零晨，仲有得掃code 落order，有得電子支付👍🏻 推薦瑞士汁雞翼、西洋菜餃、玻璃魷魚🤤 招牌瑞士湯底甜甜地味道一流👅

18:51落單，19:32都未有野食！催咗幾次話煮緊，都唔知煮咗去邊？？？最後拎過黎比我既仲要係隔離枱食物，即係根本冇煮過！！！滿口謊言！仲話叫我20分鐘既時候應該催下！隔離個男仔一催又話整緊，到我催既時候又話返我轉頭🙄🙄🙄等到隔離枱都食完催咗3次都係話煮緊🙄幫襯咗十幾年既街坊表示極度失望！睇住佢分店愈開愈多，但管理同食材愈來愈差！！！仲話叫我下次幫襯？？？唔好玩啦？等唔到食物點幫襯？？永久Blacklist🤬🤬🤬

深水埗文記車仔麵，大約每個送$10到$15左右，推介:墨魚角，糖心蛋，雞翼，花菇，咖喱魚蛋，呢幾個我成日叫，另外仲可以加購嘢飲，嗰度仲有豆漿蔗汁，同埋普通奶茶檸茶嗰啲，每次我都一定會叫油面加花椒油，人均大約50到60左右，有時叫得多餸大約都需要$80左右，衛生環境一般，但我覺得幾好食，間唔中食吓都OK，而且文記開得好夜，我當宵夜食，每次見到都覺得幾多人食，不過排隊都排得好快，唔需要等太耐，車仔麵嚟講，都幾有車仔麵特色

這間出名的車仔麵店，讓人一試成主顧。豬紅鮮嫩，搭配特製醬汁，口感滑順；豬大腸則香口，味道濃郁，令人欲罷不能。魚蛋彈牙，湯底清甜，完美融合各種食材的風味。店內氣氛熱鬧，服務迅速，絕對是喜愛地道小吃的好去處，無論是平日午餐，下午茶或宵夜，總能讓人滿足！

味道還可以，只是估唔到，食完咁口干。點了鹵水豬大腸、雞中翼、蠔皇冬菇仔，鹵水豬大腸同以前食開嘅唔同，顏色淺好多，食落有d彈牙，都ok嘅，最出色就是雞中翼喇會不會再光顧需要再三思考味精落得太過分

自選車仔麵-三餸 (瑞士雞翼、蟹子丸、啫喱牛筋腩、米粉） 加左腩汁同秘製辣汁後個湯好濃但唔會膩，所有餸嘅味都溶晒入個湯到，每一啖米粉都勁入味😂雞翼肉質好嫰 好重瑞士汁味😋牛筋腩好淋，完全唔韌。但蟹子丸口感有啲太粉，個人唔係好鍾意。自選車仔麵-三餸 (豬大腸、韭菜、韓國腐皮、河粉） 呢碗無加辣汁，淨腩汁幾清甜😋而豬大腸用滷水浸過，咬落淡淡滷香幾好食。韭菜同韓國腐皮就吸晒個湯味，都係清甜多汁😋⭐️ 美味酸齋 （小） 味道甜甜地，唔會太重味，食落非常開胃！拎嚟搭配車仔麵食啱啱好！

文記車仔麵 本人由細食到大 每次都必點玻璃魷魚，雞翼，牛柏葉！瑞士汁真係好好食！今次去食，味道依舊！ 不過服務態度呢間嘢就同埋空間都係相當擠迫 如果只係為咗個味道去食都值得嘅！ 要排隊就要諗諗先喇不過佢勝在開得夠夜，12點打後都仲有得食！

早幾個月前食其實質素已經差左好多今日去直情可以話系難食🤮尤其系玻璃魷魚又凍又冇味雞翼尖甜到食糖咁 可能系本人唔好太甜啦碗麵加少少瑞士汁已經成碗糖水咁都吾明點解仲大排長龍排完隊仲要食啲咁難食既車仔麵

以前食過一次覺得幾好食，早兩日去食過又要排隊服務又差，啲湯又唔熱，價錢又唔係平，以後你食埋我嗰份！一碗麵加一杯嘢飲，差唔多要$100。隔離劉森記新聯豐好味過佢好多。

每一次都念念不忘想食，特別係個瑞士雞翼個瑞士汁，真係非常惹味。另外酸齋同韭菜餃也是必點的。但可惜員工服務一直出名，禮貌欠奉又聽唔清楚客人嘅說話。唔知呢個係咪香港嘅特色

難得而家仲有要排隊既食肆— 文記車仔麵今日去到見到有一條長龍，點知原來唔使排😂負責排隊既姐姐話有一間鋪位自己scan QR code落單就唔使排🥳每個位有獨立qr code。點菜時發現腐竹麵，以為似Donki賣個d豆腐麵就試吓啦。點知原來真係腐竹！crazy! 食唔曬真係。同埋都幾難咬開😅 腐竹麵$13 +酸齋$12 + 蘿蔔 $11 +通菜$0 +清湯 +沙爹汁清湯都有味，唔肯定係咪素，沙爹汁更加唔肯定。又要用呃自己：出街食，無肉便是素。

這個在深水埗多年的文記車仔麵 是香港人應該不會不認識吧 從小便已經在這裏吃 這是路經這裏面重拾童年回憶 好多人排隊的 給大家一個小竅門 記得先把自己想吃的東西寫起來 不然排隊到你的時候你會忘記的 然後你會後悔莫及 因為你要再排一次隊加菜 總之聽哥的 排隊的時候先把備忘錄打開記下想要吃什麼 到時候點餐便不用緊張了 點完餐之後基本上付款 然後有服務員送過去你的位置 服務也算可以吧 其實就是一個車仔麵 要說的話他的瑞士雞翼還是可以的 我覺得是其中一樣必點的菜式 主打車仔麵吃的就是一個情懷 來香港必定要吃過香港特色 車仔麵

路過深水埗，咁啱見到文記車唔使排隊。即刻過嚟食！車仔面，朋友問咩係車仔面？事實上係以前香港街頭推車仔當先到食嘅面。以後問佢點解咁出名，係因為一條街開咗四間鋪。間間都爆你有乜辦法？咪食咯，嚟好食嘅，係嗰個青菜魚蛋湯。大腸冇得講啦，好麻口好正好鐘意。哇又由於啊有豬肚啊豆腐蔔最入味好正。一定要點然後佢車仔面食尚唔係，唔算係湯面，應該係汁撈面。好濃郁嘅湯。有口味，你大屬於偏甜口係廣東人最愛！你係生意真係好好啊。5:00嚟食，嗰時冇乜人，但係我食完出嚟。排隊排到成條街。下次嚟食真係要早啲嚟。沒有任何款待啊！自己出錢