料理X空間

营业中

休息中

坐在魚缸前觀賞魚兒緩緩進食，心情真是愉悅無比。難得有機會坐在魚缸旁，當然要點一份傳統焗魚，讓魚缸裡的魚兒看著我享用魚料才夠趣味🤣🤣他們的古法焗魚，肉質鮮嫩，搭配辛辣的調味料和香料，焗烤出來的味道既香辣又美味，還有馬鈴薯和三色椒作為搭配。接著是北海道蟹肉焗野菌，加入大量芝士後烘烤，搭配多士絕對美味。蟹肉鮮甜彈牙，野菌香濃，讓人垂涎欲滴。現在進入冬天，是時候來杯熱朱古力，再加上棉花糖，溫暖心靈又暖和身體。

隱世寧靜的fusion小店泰式牛肉沙律（$98）酸甜又清爽的醬汁，配上新鮮又爽脆的沙律菜，加上鮮嫩的牛肉真係食過番尋味！花竹蝦拉絲窩夫（$78）第一次食到咁特別的配搭！窩夫底，上面舖了一層蝦膠洒上白芝麻，中間夾住拉絲的芝士，食落香、脆，蝦膠有彈性，甜甜咸咸好夾！慢煮雞柳配匈牙利鵝肝焗飯（$188）錯左錯着，第一次食鵝肝。味道比想像中的好食，不會太肥膩，反而表皮香脆，內裡好軟滑，配搭住燴飯和雞柳，真係好好食。整體配搭都好夾，味道淡淡地，唔會太搶～

肥仔今日過來深水埗入買電腦嘢，買完就四圍捐窿捐罅搵嘢食！呢日經過「料理X空間」這間餐廳，見它店面別具特色，有點像小清新咖啡店，於是決定試下！👍🏿花竹蝦膠鮑魚沙律👍🏿花竹蝦膠鮑魚沙律係一道充滿創意嘅海鮮沙律。花竹蝦膠彈牙的質地，鮮香四溢。鮑魚肉質厚實，細膩滑順，靈魂所在！沙律好清新，提升整體的風味，令海鮮鮮味更加突出。👍🏿泰式蝦湯天使麵👍🏿撲鼻而來嘅香茅與南薑香氣，加上檸檬清爽解膩，酸辣刺激舌頭，微辣得剛剛好。個天使麵夠幼身，好多汁JUICY，又唔會好濃味。海鮮都好多，足料！🍷法國雜莓情人梅沙冰🍷沙冰質地細膩滑順，入口即化，帶來清涼嘅感覺。使用新鮮的雜莓（如藍莓、草莓和覆盆子），酸甜平衡，增添了層次感！總結，係一間創意料理餐廳，主打泰國及馬拉西餐融合菜，坊間少見，食物質素十分高水準。

第二次嚟這間餐廳，他們剛剛轉了新餐牌，yeah …可以試吓新嘢。 一行三人, 可以食多啲，我地叫了餐再另加大大件豬扒. 見到之前有人post相，賣相好吸引，好想試吓😋🐷🐽。1. 前菜，唔記得咗叫咩名😆很香口，好脆口。2. 蘑菇湯加蒜蓉包，蘑菇湯好多菇，好Creamy飲完大滿足😌3. 主𧢲出場大大店豬扒，見到之後好驚食唔晒，但係食吓食吓好似唔夠口，好好味，有肉汁，好juicy。菠蘿好甜，最誇張係D藍莓，係珍寶size，以本傷人😍真的未試過出邊餐廳會用咁大粒的藍莓，抵讚👍🏻4. 另外，再叫了些飲品，大滿足, 飽飽另外餐廳服務員妹妹, 好 nice. 大廚會得閒出嚟同我哋吹吓水，問我哋啲嘢食好唔好食，感覺良好。食完嘢，傾吓偈，都唔會趕我地交枱，愉快的晚上。

聽老細話12月有新菜式，今日有時間專登去試吓，今日試咗3個菜式，第一個菜式係古法烤魚，廚師用咗特製嘅醬汁，辣辣地好惹味，魚上面放左D黃皮，估唔到味道又幾夾，第二個菜式係原條烤封門柳，賣相同味道都一流。第三菜式係花竹蝦拉絲窩夫，賣相唔錯，但係個窩夫焗燶左少少，有D苦味，有D失望。

喺openrice訂座有免費飲品，仲可以揀特飲， 勁好， 食物有質素， 環境又chill, 員工態度勁好， 諗唔到點解唔嚟幫襯薯條係新鮮炸，唔同出面嗰d, 好好味， ， 蘑菇湯好滑，味道好好。 沙律好新鮮， 環境好靜，坐得好舒服，啱曬同朋友傾計食飯。

深水埗有好多食店，呢間我去過幾次食晚飯，店主同店員都好用心招呼食客，很有家的感覺，今次黎嘅目的係食佢個牛小排，真係好好味，平時好少寫食評既我都忍唔住要寫個食評同大家分享😘

深水埗少有的特色餐廳平日的晚上也坐無虛席食物選擇多中式泰式西式👍🏻食材新鮮👍🏻辣酒花螺好入味泰式生蝦勁大隻 肉質爽彈 好新鮮鵝肝雞扒忌廉飯👍🏻馬介休炒椰菜苗好好味食完好滿足

喺深水埗返工見到呢間餐廳開咗一輪，見今日想食西餐，於是試吓。入到去好大浸油煙味，但係即刻有位所以坐低咗。我哋六個人兩個嗌咗孜然鴨髀飯，兩個嗌牛柳薯菜，一個叫蛋包飯，一個叫咗毛瓜粉絲大雜會。等咗15分鐘兩個牛柳薯菜最先嚟到，味道正常份量略少。之後再等15分鐘上咗個鴨髀飯，我同事以為係肉骨茶。我本身食得好清淡，但個汁好稀，啲鴨得幾舊，又無味道，我哋都唔肯定係鴨定係雞，跟嘅白飯好硬，我要撈埋啲汁先食到。再等多10分鐘先上個蛋包飯，同事話好伏。之後等極都等唔到個毛瓜粉絲大雜燴。個樓面十問九唔應，又唔解釋。最後我哋嬲到走咗，而我個同事乜都冇得食。我明白cafe係Hea嘅地方，但都請照顧吓喺深水埗返工嘅打工仔，我哋得一個鐘食飯時間。你搞唔掂就唔好做午市。餐廳應該識得控制出餐時間。同埋如果漏咗單都應該有啲交帶解釋一下。以咁樣嘅出品質素、份量同服務，我食茶餐廳都開心啲，以後都唔會再嚟。

有時過來深水埗入手平貨，都會四圍捐窿捐罅搵嘢食！呢日經過「料理X空間」這間餐廳，見它店面別具特色，有點像小清新咖啡店，於是決定同朋友一試！想不到在內點菜，享受到的是泰式美食和特色菜，甚為驚喜！加上老闆、老闆娘極為健談，我與朋友享受美食之餘，都過了一個愉快的晚上🤩🤩冬蔭功海鮮龍蝦湯🦞🦞這道龍蝦湯品有很深層次的香味！湯底是由泰式冬蔭功熬製而成，配以龍蝦烹調四小時，龍蝦湯汁絕對是這道菜的靈魂，每一口都能品嘗到龍蝦的甜美鮮味，而冬陰功則帶點辛辣，味道口感濃郁而不膩，整體湯底非常出色。蒜蓉包🫔🫔這款蒜蓉包新鮮出爐，外皮酥脆金黃，餡料豐富，有香氣四溢的蒜末，口感酥脆又多汁。包底的手感非常好，又軟又韌，完全吸收了蒜末的精華，蘸上濃郁的冬蔭功海鮮龍蝦湯，味道一流！白蘿蔔炆牛尾🐂🐂這道菜將白蘿蔔與牛尾燉煮到軟稔，牛肉別具香氣，連同蘿蔔一起進食，入口即化。湯汁清香可口，帶有一絲甜味，讓人忍不住想再來一口。這道菜烹調得宜，充分發揮食材的滋味。青咖哩炒椰菜🥗🥗這道菜的亮點在於咖哩醬的調製。醬汁濃郁香濃，味道恰到好處，不會過於辛辣，而是一種溫和的香氣。椰菜煮得恰到好處，既保留爽嫩的口感，又能吸收咖哩的香氣。整體

早兩日去完高登商場買電腦嘢，朋友推薦咗我去呢間新開嘅餐廳，聽講廚師是米芝蓮三星大廚，主打係食泰國馬拉西餐融合菜！😋**泰風味花膠燒雪魚扒**一上枱就聞到陣陣泰式嘅香味，真係好惹味呀！雪魚扒煎得外脆內嫩，魚肉好鮮甜，真係好滿足！花膠好厚身，炆得軟糯，入口即溶，真係好正！🐟**清湯煮牛尾**呢個湯真係好清甜，好香嘅蔬果味道，有好多牛尾肉。牛尾肉炆得軟淋淋，一咬就骨肉分離，而且好入味，真係好正！湯底好清甜，好適合夏天飲，真係好解暑呀！🐮**馬介休炒菜苗**呢個菜式好有特色，馬介休鹹香惹味，而且好有咬口，菜苗爽脆，配埋馬介休一齊食，真係好夾呀！🥬臨走嘅時候同老闆吹咗陣水，知道原來佢哋除咗做餐牌上面嘅菜式仲會做私房菜。佢哋話客人可以自準酒水，佢哋唔會收開瓶費，而且門口仲可以泊車，真係勁方便。😬

呢排鍾意發掘下小店，最近超愛呢間 泰日fusion小店！行完高登過去岩岩好，餐廳細細間，裝修唔算好豪華個種，但野食真心好有誠意！又好食又唔貴！最特別佢地既豬肉全部係用新鮮豬！一食就食得出唔同！廚師是米芝蓮三星大廚,主要食泰國馬拉西餐融合菜🥢辣酒花螺 $98本來平平無奇既一款辣酒花螺，但加左粗薯粉同少少麻香同五香粉，辣得黎好特別。。🥢骨膠原咸豬手 $98呢個我見好多枱都有叫，睇相都覺得搞笑，無諗過個豬手咁彈牙爽口！真心signature! 一定要食！。🥢青咖喱菜苗 $78唔係一般既泰國餐既青咖喱，係少少辣得黎好香！好好食！。🥢烤蔥油薄餅 $22超脆！仲要咁平！配curry perfect match! 。🥢醬燒豬腩肉 $98最欣賞呢度除左個主菜，佢啲沙律配菜都好新鮮！完全係好有誠意既菜式！醬燒豬腩肉少少甜甜地配埋個生菜一齊食口感岩岩好！。🥢沙嗲雞/牛/羊串燒 $18/串沙嗲個汁係個精華，有別於出面只係比個醬，呢度係調配過既！好得意，有啲粒粒辣咁。。餐廳仲可以免開瓶費自帶紅白酒！真心讚☺️ 門口可泊車,好耐無食過間小店咁喜歡❤️

今日同朋友去黃金商場睇電腦，終於買到心儀的電腦超開心，為了答謝朋友幫忙一於找間餐廳多謝他。我們沿着桂林街直上大約4-5分鐘左右發現了一間新餐廳，戶外區域有啲泰國休閑風，感覺舒服，看看餐牌主要是泰國馬拉西餐融合的泰國馬拉菜，應該滿有意思，就決定入內試試。店員告知原來廚師是米芝蓮三星大廚，剛跳出來自己開店，估唔到誤打誤撞搵到一間大廚餐廳。鳳梨乳酸梳打鳳梨汁配搭清爽的乳酸梳打，杯子內放滿鳳梨肉，果味香濃加上酸酸的氣泡梳打，帶來極爽的暢快感。焗芝麻芝士蝦多士（L）傳統的蝦多士是用多士做底，這兒破格地用上格格窩夫配上新鮮打成的蝦膠烤焗到酥脆可口，半融的芝士微微焦香，一咬芝士爆瀉與蝦膠一起吃下，多重口感、味道傾巢而出。芝士焗蟹蓋將每日新鮮拆下的蟹肉放在蟹蓋形盤內加上芝士烤焗，淡淡的芝士香氣襯托上蟹肉的鮮味，真的超夾，啖啖蟹肉的滋味令人一試難忘。生蝦刺身生蝦大大隻，肥美厚肉，配上酸酸辣辣、刺激感極重的醬汁，超大滿足。曾伯咸水雞（半隻）這個原來是大廚自創菜式，融合泰式煮法，用新鮮雞隻加上香茅、洋蔥、菇菌等浸煮而成，雞肉鮮嫩滑溜，雞味香濃，湯底清甜可口，有陣陣泰式風味，第一次吃到如此清新的味道。最後發現

餐廳老細親切友善，主打泰式西餐融合菜，食物創新，味道非常棒。豬手豬手份量多，做得非常入味，豬皮薄又脆，肉質軟腍，骨位的肉香，醬汁酸甜，香口好味 ，充滿骨膠原，大大隻又彈牙，滲透濃郁味道，惹味冬陰公海鮮龍蝦湯湯底用上新鮮龍蝦熬製，滿滿鮮香，新鮮青口及大蜆，鮮味十足青咖喱椰菜花泰國風味青咖喱，非常濃稠，甜中有辣，很下飯廚師發辦鋪滿朱古力，棒棒！香濃的甜味，非常美味，窩夫皮鬆化口感，咬落充滿奶油香，奶香濃雪糕棒泰豚肉碎生菜包生菜包味道高質，生菜新鮮爽彈，有驚喜，生菜爽口，加上肉碎，內裡有香料，清新又好味，很惹味

最近留意到依間由米芝蓮三星大廚主理嘅新餐廳，主打泰國x馬拉x西餐的菜式。趁今日行完高登，就同朋友過來試一試。餐廳位置方便，深水埗站 D2 出口, 沿桂林街行4分鐘就到。老闆話門口亦可泊車，唔洗怕亂泊俾人抄牌！雖然餐廳唔算大，但搞一個party亦綽綽有餘，仲可以自準備酒水，唔收開瓶費。砵酒鴨肝醬野莓窩夫（⭐️⭐️⭐️⭐️⭐️）非常有特色嘅一道菜，窩夫新鮮焗起外脆内軟唔甜，中和了鴨肝嘅咸味及野莓醬嘅甜度，鴨肝唔腥仲好有油香味，襯托出野莓醬嘅鮮甜味，野莓醬好新鮮，食到點點果肉。骨膠原咸豬手（⭐️⭐️⭐️⭐️💢）骨膠原簡直就係流量密碼，一定要試，幫我地捱更抵夜嘅打工仔以形補形。平時食豬手都唔平，依度唔洗$100就食到，而且份量又多，4-5件大大件，皮嘅部位非常多，煙韌指數max！最欣賞係唔會添加太多調味，清淡得來將注意力放喺軟糯嘅口感上，部分部位骨感較重，進食時要小心。牛油果蝦酸薑米紙卷（3件）（⭐️⭐️⭐️⭐️⭐️）作爲健康大使嘅我地，依一味非常適合大家，米紙卷包左大量蔬菜絲，清甜嘅蔬菜加上大蝦嘅鮮甜味俾人好舒適放鬆嘅感覺，蔬菜絲切成均一的粗度，五顏六色確實好吸引，加上米紙煙煙韌韌，跟爽脆嘅蔬菜絲形成强烈對比。原個菠蘿