新仙清湯腩 (已結業)

午飯時間來到這家店，已坐滿食客在角落找到位置，不禁內心歡呼起來！腩河處處皆是，但能突圍而出奪得米芝蓮級數，實在是令人期待。價錢平民化，三四十元一碗粉麵小吃也只是二十元左右。點餐後食物很快便端出來，效率奇高！先來一味麻辣手撕雞($68)，在視覺上是一碟很普通的貨色辣椒醬零散落在雞碎上，但吃下去卻明白其出色之處！雞肉相當之嫩滑，感覺像是雞脾雞翼這些最嫩滑的部位。味道不算得麻，辣度屬中等，卻能提出肉的鮮味，完全是令人食慾大增的美味級數！鯪魚肉釀青椒(4件) $28對辣不太在行，但每次看到都必會點上。跟別家不一樣的是，這裡的魚肉好像原本就長在尖椒上，完全地緊密連上！魚肉除了嫩就是滑辣勁在尾段隨即湧上，喜歡這種刺激感，整體非常惹味！濃味崩沙腩河 $46自己對什麼爽腩、坑腩完全一竅不通便點指兵兵點上這碗崩沙腩。崩沙腩比一般的為薄身，一絲絲的連著一層淺薄的脂肪。吃下去是出奇的爽口彈牙肥瘦適中，若拿一塊普通牛腩交換定會拒諸門外實在是更高一層次。夾著清而不油的清湯河粉，實在是能把整碗捧著一滴不留地吃清光! 後來發現原來餐牌上有圖文講解不同部位的稱號而崩沙腩為牛的橫隔膜，是眾腩中最有嚼勁的部分又長知識了~

有一上海友人來港, 自然要一盡地主之誼~ 知道他喜歡吃牛腩, 刻意選了這間米之蓮推介的餐廳!   相約在灣仔地鐵站等, 再一起走過去, 地圖上看好像很遠似的, 走起來都只是5分鐘的路程 走到集成中心向下落一層, 餐廳就在左手面! 晚上7點還不算很多人, 店員安排了我們2人坐卡位 這裏有名的是牛腩, 當然不可錯過, 可以看到餐牌上有牛的不同部份, 甚至不同湯底或者咖喱蕃茄  另外還有不少小食!經店員介紹後, 我們覺得一人套餐還挺划算! 而且2個人剛剛好可以把所有東西都試了, 就點了2個!  值得特別一提的是餐牌後面的這個表, 展示了牛的不同部份, 店員亦有再向我們解釋:崩沙腩 - 比較常見的部份而且都是一隻牛上最多的腩位, 相信大部份人都吃過, 是最瘦且較韌的位置坑腩 - 較崩沙腩上一級, 多了一點脂肪及軟骨, 咬起來會比較容易及有口感爽腩 - 相信是大部份人都喜愛的, 比坑腩再多一點脂肪, 是最腍最多的牛腩, 不過可能就肥了一點最先到的是我們的飲品, 我點的是熱咸檸蜂蜜, 味道挺濃的, 冬天飲非常滋潤!本來四選二的小食因著2個人一起點就不用選了~ 家鄉煎鯪魚餅大大塊, 很有嚼口

清湯牛四寶河 ($58) 牛四寶🐮分別係牛脷、牛肚、牛腩同牛筋。雖然望落價錢唔平，不過就好足料，每樣配料都有3,4舊，河粉量都好多😏👌🏻👍🏻。話明係清湯腩，司令就預左湯底唔會太膿，主要係食番牛嘅肉味。估唔到有驚喜喎，個湯都係好重牛嘅鮮味，鮮甜得黎又唔會太油膩。牛筋夠淋，牛肚同牛脷仍然保持到適當嘅口感👍🏻，反而牛腩就只係中規中矩，可能司令比較偏好用柱侯醬煮出黎嘅味道🤔，如果純粹講口感，佢的確係烹調得出色嘅。整體性價比合理，😽食完好滿足。

鮮蝦雲吞麵$32話係蔡欄介紹既茶餐廳鮮蝦雲吞麵 雖然依間野出名牛腩 但我覺得雲吞仲好食鮮蝦 ：堅係幾新鮮的 好彈牙 岩岩熟😙雲吞 ：中等size 塊皮好滑 好soft 一啖就koo左落口 共6粒 底食麵noodle ：我覺得麵的 '簡' 水不足 所以有點扣分 熟度熟了小小 麵不太彈牙推介的原因：雲吞太過好食想安哥 但有條菜既話更好

今日黎到呢一間米芝蓮級數既新仙清湯腩試下佢地既牛腩係唔係真係咁堅巴基斯坦咖哩牛腩飯 $58採用既係坑腩 肉質比較實淨同埋瘦由於巴基斯坦咖喱係冇加牛奶既緣故咖喱味會更加突出架我揀左小辣 但原來都唔算辣 下次可以揀中辣 牛腩味道非常濃郁我係食晒所有白飯架！另外仲點左一個例牌既崩沙腩 $138 肥瘦適中 而且肉質比較腍同滑係我個人比較鍾意食既一款！配以清甜嘅蘿蔔 味道冇得彈果然係米芝蓮級數 地址：灣仔軒尼軒道302-308號集成中心地下3號舖

一個女仔食飯的發泄#新仙清湯腩.............推介：家鄉咸雞$60半隻👍👍👍👍👍❤ (5分滿分).............話係蔡欄介紹既#茶餐廳味道如何呢🙆#家鄉咸雞#雞#chicken ：又堅係幾好食❤雖然依間野出名牛腩但雞都好好吃😏雞肉好入味好滑身😋好似吾洗咬咁 婆婆都食到咸味係足夠的 我本身以為係有芝麻醬個種雞🙈雞肉底下有好多湯 d湯好夠味 有點過咸 d雞應該用咁樣整熟的😋 .............清湯牛腩飯 $55👍👍👍👍👍❤ (5分滿分).............話係蔡欄介紹既#茶餐廳味道如何呢🙆#清湯#牛腩飯一個女孩子的浪漫😂#牛腩 ：好淋好入味 婆婆都食到 估吾到一間吾起眼的#茶記 都咁好食林左好內要咖哩定清湯好🙈#清湯 ：#soup 我當湯飲 又幾好味😋應該無乜味精 因為我知後無口喝🙆#蘿蔔 ：湯中有蘿蔔 有點過淋但好入味 一定係煲左好內先咁好食 

約左朋友交收食飯, 佢話之前食過有間牛腩好好味, 聽後心思思, 反正在公司附近. 就約黎呢度.可能還早, 六點半黎到唔駛等位就即刻有得坐低.兩條友唔可以叫太多... 所以叫左兩個麵食再加小吃.沙腩米跟朋友都係唔食葱的人, 所以走晒葱. 平日我實唔記得, 不過佢一講走葱我就醒起我都唔要沙腩好味, 食牛腩最憎就係痴牙或者un到咬唔到, 但呢度絕對唔會. 正, 重有蘿白一舊..蕃茄腩麵呢個蕃茄清湯腩麵. 我見識少, 平日好少有用蕃茄配牛腩. 感覺好健康. 我朋友重話個湯好味. 係咁飲... 好似碗野係我叫架喎鯪魚肉釀尖椒, 朋友話上次食過, 今次一定要encore喎. 由於唔係用青椒釀. 所以唔食得辣的我, 中左招... 咪講笑都真係幾辣, 攪到飲左成杯水. 不過食得辣的就覺得好正. 但係朋友話唔係舊舊都辣, 佢居然食到舊無辣, 我真係唔好彩.最後係蘿白... 唔好睇佢咩都無. 但係我覺得佢好夠味.  好爽. 魚肉唔食得我怒食蘿白補數..XD咁0岩今日夜晚開始有d凍, 唔知飲咩之際. 店員推介可以試下薏米水. 熱辣辣. 原來除左薏米外, 重有薑加左係裡面. 女仔飲真係一流.. 套餐Menu,

連續四年米芝蓮星星推,蔡蘭又推, Lunch就同同事過黎試下有乜咁巴閉先...店子不大, 不過食呢d 上菜快turnover快, 人數少既,唔駛點等就有得入金牌咖哩薯仔三寶飯. 咖哩可以揀辣度. 我們的Bb辣真的很BB.. 正常應該可以handle到高一級的辣度. 咖哩汁有粒粒薯蓉底, 係巴基斯坦咖哩feel. 送飯一流. 同事話牛脷係三寶之最, 一d都唔羶, 仲正過牛腩. 牛腩基本上冇肥膏, 一骯骯牛腩咁𡁻,實在又滿足(食肉獸!!)招牌清湯腩. 真係好清下 (尤其係食左咖哩先食佢!). 蘿蔔超清甜. 而兩款牛腩屬同一部位, 質感相同. 淸湯底感覺健康dd.單人餐跟兩款小食同油菜. 要左煎鯪肉餅同麻辣牛肚. 前者唔錯, 鯪魚肉打得彈牙, 亦唔會食食下有碎骨. 後者不推薦. 有麻無辣, 香料味有少少似洗潔精.跟餐仲有野飲送. 兩個人share 單人餐同常餐... 飽到呢....又捧住大肚腩番去繼續工作..

行去巴士站撘車返屋企前，都係決定食埋野先返，廢事一陣又落過街。黎左巴士站前嘅集成中心，兜左一圈決定食碗牛腩河。黎個招牌菜新仙清湯腩河～腩炆得又淋又入味，好正喎！朋友叫左碗崩沙腩河，較有咬口但肉味濃，同樣咁正。再黎杯熱利賓納，超甜呀～朋友叫凍檸賓，同樣勁甜，但多左酸酸嘅檸檬又幾好飲，最緊要夠凍！呢幾日天氣好熱，飲返杯透心涼。

素有聽聞新仙清湯腩之大名 不僅有米之蓮坐陣 更有蔡San推介 正因如此本人與家人特意前往品嚐一番是次光顧灣仔分店 正值晚市 未算多人 內裹裝潢與茶記無異為求方便快捷 本人等各叫一晚市套餐先黎蕃茄雲吞湯 感覺頗為新穎 皆因以雲吞作湯料雖然雲吞飽滿而且材料新鮮 可是湯底味道太濃及蕃茄湯與雲吞之組合並無相扶相乘再黎鯪魚肉釀青椒及麻辣牛肚兩者皆辣得出色 為兩者平淡嘅味道帶上色彩鯪魚本為極腥之食物 可是在新仙嘅炮製下 只嚐出鯪魚嘅香及鮮味 加上青椒嘅口感 此小食頓時成為「黑馬」 令人喜出望外呀麻辣牛肚頗為柔軟而無腥味 加上醬油 咸中帶辣 成為不嘅前菜金黃色嘅炸物奉上台中 原本無暇問津「卡勒」清脆嘅聲音傳到各人耳中 焦點瞬間落在眼前新鮮製起嘅酥炸雲吞口感外脆內軟 原隻富彈性嘅蝦肉及豬肉配上泰式酸醬 甜酸辣味正好成為其最佳拍檔最後 全晚嘅主角清湯爽腩駕到爽腩嘅肉被脂肪包圍 油香較重蘿蔔無渣並充分吸引清湯清湯正如其名 味道適中 清甜可口 令人想一飲再飲兩字總結：「上品」

上星期天，太太竟然獨留丈夫在家，獨自去偷歡。我就「一支公」去灣仔298物色藍芽耳機和行車紀錄儀。逛街後就到了旁邊的集成中心看模型和食飯。走著走著，看到這間以牛腩作招徠的餐廳。對我來說，男人的浪漫不是火腩，而是牛腩。走進餐廳，是一般港式茶餐廳的裝潢，侍應有統一的制服，環境算是光猛整潔。看看餐牌，決定要對自己好一點，二話不說就點了咖哩牛腩一人餐，盛惠$88。$88的午餐，老實說不算便宜，但除了咖哩牛腩外，還有時菜、小食拼盤（選兩款）、白飯和飲品，在這個地段其實亦差不多，最重要的是要物有所值。首先是一杯冰凍奶茶和時菜。奶茶沒什麼特別，一般茶餐廳的水準；時菜是菜芯，顏色青翠碧綠，清甜脆口，沒有苦味或青澀味，不錯。接下來是小食拼盤。我點了麻辣牛利拼牛肚，認真「牛氣十足」。碗裏傳來陣陣麻香，牛味濃郁，食後先麻後辣。牛利味濃較淋身；牛肚入味有咬口。惟份量不多，始終是跟餐的小食，理解的。食後仍意猶未盡，下次決定要單點。邊食邊等，主角咖哩牛腩終於出場了！碗遂端上，立刻傳來香濃的咖喱香味。這店用的咖哩是巴基斯坦咖喱，辣度分4級，我點的是小辣，覺得辣度適中。用湯匙窺探這碗咖哩牛腩的「內涵」，發現香料充足，除

崩沙腩？ 爽腩 (Skirt Steak)：又叫「繃紗腩」、「崩沙腩」或「蝴蝶腩」，是牛肚皮的腩位，位於牛的橫膈膜附近，爽腩貴坑腩一半，由於有塊薄軟膠質，爽軟不硬。(網上小知識)返學前要填一填肚子，點了個腩河加小食魚肉饟青椒加杯咸檸。麻甩食法！！！腩河上枱先要嘗嘗那湯底，據說湯底是每天新鮮滾起，用牛骨等秘製材料，入口清甜半點膩感也沒有。小妹夾了一件崩沙腩，口感爽身不會過韌，軟熟又腍身。蘿蔔沒有渣，清甜而軟綿，不會太大一件。河粉每條分明，滑溜且有嚼性，不會煮至蓉蓉爛爛的。友人點了個咖喱飯，小妹試了個小辣咖哩，入口不會太嗆頗順口，薯仔軟熟味道不俗。下次有機會可以一試咖哩牛腩飯。魚肉饟青椒青椒的辣椒籽清乾淨，所以入口尖椒不會太辣，半點麻辣也沒有。店家是即點即饟青椒的，所以青椒上枱會特別熱騰騰，配上有色醬油更加惹味。魚肉也頗彈牙的，不會混上骨。這個下午飽了飽了，上堂時不要訓著啊！

一人套餐份量不少的一人餐 款式多份量少所以能試上不同菜比例牌少的一人份量其實也不少 約有五六小塊肉質分明 入口肉味濃 不過不夠軟綿綿 而油不太多如能炆得鬆化點更惹味 算是吃過屬於中等的清湯腩麻辣牛脷牛肚辣不嗆肉質軟綿不老還不錯酥炸雲吞倒是驚喜 雲吞餡料足料不油 外皮脆身不乾麻辣手撕雞份量不少 辣汁已經拌勻 顏色不深辣度不高 雞肉肉質較老而不夠嫩 會咬不爛另外加了番茄餛飩麵蕃茄湯油花適中 味道酸甜開胃 蕃茄肉也頗為新鮮餛飩大大一粒雖然定價唔算親民 但套餐還包括時菜 白飯 飲品一個人一定足夠吃飽飽 兩個人加碗麵/白飯也足夠店鋪位於集成中心不難去 整體尚算合格但不太突出

黎呢頭見完客, 諗住食埋野先返屋企, 行來行去唔知食咩, 見呢間門口寫住<米芝蓮推介食府>, 即刻忍唔住想試下. 原本我以為牛腩就祗有一種, 侍應姐姐話講究D就分左唔同部位, 口感都會唔同, 叫我睇下menu個解釋再選擇想食邊個部位.最後我揀左<崩沙腩跟白飯>$65, 因為menu寫住最煙韌彈牙既部份. 先飲D湯好清甜, D崩沙腩一層層, 肉跟脂肪分佈平均, 所以入口一咬確實好煙韌彈牙, 而且濃郁既牛肉香味. 下面仲有蘿蔔墊底, D蘿蔔索晒牛腩既肉香同清湯味, 精華所在特別好味.跟多個<油菜>$18, 綠悠悠既菜好爽口, 少少油無咁肥膩.

星期日無啦啦都要番工真係好唔開心，咁啱喺灣仔附近做完嘢，就打算同同事醫埋肚先番屋企。同事係呢間餐廳嘅常客，所以佢話一定要帶我嚟食。反正我都無咩主意，就順從佢嘅意願。入到去先知原來呢間餐廳來頭唔少，除咗蔡瀾推介之外，仲係米芝蓮嘅推介！雖然見到有好多推介嘅美食，但做完嘢真係無咩胃口，所以只係點咗個常餐——鎮店牛雙寶湯河加凍檸茶。凍檸茶好快就嚟，除咗夠冰凍之外，檸檬味同甜度都適中，即刻醒神晒！轉眼間，鎮店牛雙寶湯河都嚟埋～啲牛腩嘅賣相已經好吸引，成碗麵食落去更有驚喜！湯底應該係用咗蘿蔔嚟煲，所以好清甜。真係清甜到唔太肚餓嘅我都連湯底都飲晒！河粉唔會太林，配埋啲清甜湯底，真係齋食麵都夠！至於啲牛腩，睇落去已經見到一絲絲咁，覺得唔會韌，食落去真係！而且林得嚟都好有咬口，仲要肥瘦度適中，牛味好濃！最後食連蔡瀾都讚不絕口嘅雲吞，果然無誇大，一咬落去已經覺得好香口，真係同出名嘅雲吞麵家有得比！至於同事食嘅金牌咖哩薯仔三寶飯，雖然我無份食，但都聞到好香好濃郁嘅咖哩味，下次有機會一定要試下先得。