新宏利粥麵

营业中

休息中

18/4(日) 2.30pm休假的週日,睡過了頭.下午兩時才慢條斯理地踏出家門,走到荃灣找點吃的.位於"沛公"對家的"新宏利"客人川流不息,輕取角落的小圓桌,以咖哩三拼$10,炸兩$7,腸粉$5及蛋艇$13作午餐.咖哩三拼--魚蛋,豬皮及蘿蔔上淋上一大湯匙的沙嗲咖哩汁,味道刺激!令平凡三寶生色不少!炸兩&腸粉--炸兩及腸粉尚吃得過去,三色醬吃來不怎樣了,原味欠奉.蛋艇--皮蛋艇仔粥粥底綿卻不滑,皮蛋,土魷,免牛等配料蠻豐富的!大叔顯然走強硬路線,待客冷淡高傲,苦苦哀求下才得到落單及埋單!若能對大叔的服務站不得腳,也可一嚐...

平時行過都見好爆，所以帶了女友一起來品粥，一坐底就叫了皮蛋碎牛粥、皮蛋艇仔粥、豬腸粉、（總）、樣樣唔掂，個粥都還可以，皮蛋真垃圾，唔叫都得，腸粉唔夠軟滑，都唔明咁多人幫襯，唔通尼間野唔係叫粥吃？

呢間粥店似乎開左好耐,成日都見滿座。這刻available食點甜。同老公食左綠豆沙 & 紅豆沙。綠豆沙係臭草綠豆沙,而家好少人用這草,改用海帶,煲綠豆沙架喇!所以對這製法,先表好感。紅豆沙和綠豆沙,質素一樣。雖然粒粒豆已煲至脫殼,但欠缺起沙狀,都係水還水,渣還渣,而且太甜。搭枱的一pair情侶,叫即炸的油炸鬼(好野噃!)。店其他食品有粥、豉油皇炒麵、銀芽炒麵、七彩炒米粉、油脷酥腸粉!@$9。睇黎下次試吓「粥」好D。

今天老公和我入荃灣逛街，見到新宏利粥麵鋪有很多客人光顧，所以我倆也去試一下其食物。我們點了以下食物，並且覺得： 1) 白粥： 粥不太稀，有米香，唔錯。2) 魚片碎牛肉粥： 魚片新鮮，粥底唔錯，幾好味。3) 炒麵： 味道和麵質普通。4) 炸兩： 油炸鬼都幾新鮮，粉皮不太厚，幾好味。5) 魚蛋、蘿蔔和豬皮： 所謂招牌醬汁只是沙爹汁底，只覺味道沒有什麼特別。魚蛋和豬皮只是普通貨色，但是蘿蔔卻很甜及煮得幾淋，味道唔錯。

天寒地冬,早上最好吃一碗熱辣辣的粥暖胃.今次的選擇:炒河粉,艇仔粥,炸兩,魚片粥,牛脷酥,油條,炒麵.炒河粉份量少,夠味,河粉仍是爽滑,可惜太油.艇仔粥足料,粥底很綿.炸兩已冷了,但油條仍脆,粉皮厚薄適中.魚片粥的魚片很滑,又不腥,粥底很綿.牛脷酥新鮮炸起,甜甜的,脆脆的.油條新鮮炸起,脆脆的.炒麵份量比炒河粉多,麵仍爽,太油.

妹妹跟少爺約會的Saturday, 在青衣沒甚麼好吃, 就坐巴士出荃灣吧~ 到過雲貴川和嘉樂... 爆多人哇... 妹妹提議去路德圍碰碰運氣, 雖然徘徊好1陣子都沒見頭緒, 然後見到這轉角位的粥麵店, 車水馬龍的樣子, 剛巧有陣冷風吹過, 喚起妹妹想吃皮蛋瘦肉粥的念頭, 於是就決定在這兒開餐~妹妹當然就是吃皮蛋瘦肉粥~ 少爺就吃炸兩和炒麵~ 其實在午間時間在粥麵店吃油器實在不太明智~ 從炸兩身上可見, 中間的油條雖然仍脆, 顯然已經受冷了1整個早上; 外層腸粉不滑, 而且根本未能安好包住油條=[ 炒麵supposingly是豉油皇炒的, 但見面這碟只有暗暗啡色而1能吃出其豉油味... 但妹妹只吃了1箸, 就不多言了~ 至於妹妹的粥, 綿是綿但第1口已有種作假的味精鹹香_‧"" 皮蛋和瘦肉都很削喔,, 皮蛋味道還好, 但瘦肉1絲絲實在幼得如炒麵的蘿蔔絲呢, 丁點肉味都沒有.....基本上是滿足了妹妹吃粥的欲望, 其次都是普通普通罷。 倒是在吃粥的過程之中, 發現少爺原來是貓舌~ 不能吃太熱的東東~~ 而且妹妹更發現少爺終於有樣不吃的東東了X)

這間粥舖在荃灣已有多年歷史，每次也過門而不入。還未到午飯時間，已傳來陣陣油器香吸引我入去。食客已坐到滿街，好不容易才搵到位置。先來一碗白粥來試試基本的粥底，入口幾綿滑。接著是艇仔粥，豬皮、魷魚、牛肉等主要材料，這碗明顯有不少味精，及後口渴之極。有粥，當然不少了腸粉這傳統配搭，齋腸及炸両兩者也沒有散發米香，表面舖滿大大小小的氣孔，食落一點也不滑溜，還有點粗鞋。而炸両是腍腍的，毫不脆口。煎堆-已經不脆，明顯是炸好了一段時間，唯一好處是，咬下去時不會滿口油膩。其實大熱天時，在無空調下食一碗熱騰騰的粥，實在是有點難耐。

叫了一碗免治牛肉瘦肉粥因為見佢大大張poster話自製好味混醬~~之後加碼叫了混醬燒賣~免治牛肉瘦肉粥係信心之選而且唔係到到有呢一個配搭今次回復返少少水準~之前曾太少料或稀左d~今次合格返啦我話叫混醬燒賣走辣油的時候女店員俾左一碟得豉油的燒賣沒有混醬一放喺枱就話...d醬咪喺晒你面前law下....果然係自製~係要客人自己製咁有幾咁獨家幾咁好味呢???我自己加d甜醬同麻醬麻醬一吱出嚟全部都係油!!!原來d油浮晒喺面............oh no!真混醬味道OK~但態度同生意手法很不OK~外賣就同人混~堂食就唔混咁你唔好推介做獨家特別的混醬混帳!!

新春佳節....日日也是美食, 原本計劃未來這兩星期的早餐也吃麥皮, 但今天去完 physical 後...經過見到有個牛脷酥腸粉, $10, 為了它....破戒吧, 叫了走豉油及另一碗白粥, $5! 亞姐安排我係面各廁所的細枱, 有點倒胃, 決定速戰速決! 白粥先上....沒有加其他料, 純白粥, 似屋企煲, 雖然唔夠綿身, 但勝在真係白粥無添加!牛脷酥腸粉暖暖地, 腸粉皮厚, 唔覺有米香, 但就無怪味, 夾埋牛脷酥微微脆, 甜甜地, 好特別!P.S. 環境真係麻麻, 將枱已經好細, 亞姐仲放個水煲係我面前....幫我蒸面??

也許是身體有點毛病，近幾年總隔兩三天就胃口欠佳，甚至呼吸困難。甚麼都不想吃，就簡簡單單的吃一碗粥。此店位於市中心，以前是宏利，小時候以那個炸油條的油鍋和師傅的炸油器的手藝，吸引我和我媽的視線。 (我鐘意食油炸鬼，絕對係因為遺傳！！) 每當有新鮮炸出來的油炸鬼，我們都忍不住要買下來。而據番當年鄰近福金記那極美味粢飯裏的油炸鬼，也是宏利出品。不過，長大了，懂得自己走去吃粥，總覺得粥偏多味精，吃罷總感口渴無比；近一兩年此店易了手，加了個"新"字，格局沒變，粥也變得較綿了點，吃時感覺沒那麼多"味精味"。但吃罷還是感到"咯"喉。像今天的那碗艇仔粥，甫吃畢就感口渴，定是內裏多放味精之故。我並不是"反味精"之人，如果適量放上一點點，而令食物，特別是街頭小吃，添上一點鮮味，有何不可？只是，很多時吃粥，都是身體感不適之時，身體極需水份；若加了味精，就和人體"爭水"了，是很不該的。一喝下去就渴的粥，應是放了很多，對病人一點好處也沒有，甚至有反效果。除了味精，這裏的粥煲得算不錯，頗綿；內裏的配料豐富之餘，也夠新鮮；豬皮和魷魚都夠爽脆，碎牛都不錯，剛上桌時沒有全熟，但粥是滾燙的，多放一會就剛好。為甚麼不叫白粥

說來慚愧~住左喺荃灣都19年了第一次抬頭望呢間食開的粥店叫咩名....小時候~看完電影~媽媽會叫綠豆莎~芝麻糊~有時又會食粥唔知佢地有冇轉過手~但賣得東西都只係有加冇減依家多左燒賣~魚旦嗰d但綠豆莎~芝麻糊~各式腸粉~9點已經售罄~有時連炒麵都冇埋~~~~~近年愛食佢的瘦肉碎牛粥碎牛近兩年真係太碎了點...姐係牛肉唔名~唔再係實的一舊舊...好易變左一絲絲不過荃灣都冇晒好味的碎牛粥了~而男友的皮艇~姐係皮蛋艇仔粥~依然多料有人叫左馬腸...姐係豬腸粉~佢都算做得幾好嫁啦~~仲有好多得意的名~~~而我地2碗粥~加埋炒麵同埋糉~都係$40而糉很不錯...豉油同砂糖都ok係散左少少姐.....有風味~但越來越早售罄~碎牛又再碎左的粥店.....

11月29號 - 夜晚6點幾我行荃灣的時候都經常經過路德圍的新宏利粥麵。 但是沒有試過他們的食品。 今日就試試la。 一去到就見到好多人。 我恐怕沒有位。 Even我是一個人來的。 但是最後見到幾個吉位。 就去坐la。 之後叫了炸兩&齋腸。 試試個炸兩先。 我覺得好好食。 個油炸鬼夠脆。 但是無我想像中的脆。 而覺得有點凍添。 可能是天氣凍掛。 之後試試個齋腸。 它的皮好厚。 食落都好滿意。服務態度都OK。 但是他們有時送錯食物給其他人。 可能太忙呀。 有些手忙腳亂的感覺。 而環境方面都OK。 我建議大家坐出面(街面)。 因為我覺得越入越不乾淨。 而有幾個位是對著廁所的。

Take away congee with pig's blood cube and fried dough wrapped with rice sheet. Things suppose to be provided like pepper, sauce and sesame but customers need to request them all quickly at the same time when ordering. The lady becomes rude if people request it afterward. She even has no eye contact with customers. This is why they are doing small family business here. Never come again.

清晨五點幾，我哋喺媽子屋企陪佢竹戰十二圈後踏上歸途，特登嚟新宏利食佢個牛利酥卷腸粉，點知坐低後阿姐話冇喎，冇計，惟有食第二啲嘢，我哋叫咗： 豬紅艇仔粥：粥底好綿，米煲到開晒花，入面好多料，有碎牛、魷魚、豬紅，料同粥嘅味道都唔錯！ 炸兩：啱啱炸好，勁脆，淨食唔點醬都好好味！枱面有各款醬比你自由搞作！ 牛腸：皮比較厚咗啲，餡還可以，最唔掂係唔夠甜豉油，枱面都有支豉油，不過係生抽弊呢！未食完已乾塘要生吞！因為要返屋企瞓覺，所以唔想食太多嘢，而且又食唔到我想試嗰樣，所以今日嘅早餐超平！$30 埋單！

今晚又出動去釣魚,打算去東涌嗰邊,所以都選擇左係荃灣開餐,係路德圍泊半小時咪錶,貪佢流動快,唔洗等好耐就有車位囉~~~ 我地竟然熱辣辣既天氣下,選擇左食粥,去到已經無位,老闆馬上開左張枱比我地坐路邊,坐係大風扇低下,都無咁熱好好多 豬紅豬皮魚蛋必食推介,豬紅好好味呀,超入味,非常正,豬皮好"林",一定係佢既醬汁調較得好好,有少少辣(我得記以前係無lee款食物)炒麵沒有芽菜韭菜,麵比較乾身爽口,最後都要叫多一碟齋腸鼓油比較少,加埋甜醬一齊食,都幾滑豬紅艇仔粥好多料,材料都新鮮,粥低夠軟夠綿,好彩有大風扇幫手吹一吹d粥,唔洗咁熱油炸鬼可能不是即炸即食,比較韌,但係都食得晒最後再外賣多一份豬紅豬皮魚蛋,做今晚釣魚既宵夜~~~