新派韓食館 (已結業)

成日收工都經過元州邨 隔離都係啲連鎖式既餐廳食肆 今日有啲興致就兩個人入咗去食晚餐喇！入到去見到個樓面好大 見到人人枱上都有個爐 可能因為要留多啲位俾啲員工即場表演炒飯 好寬闊又唔使逼！正同其他韓國餐廳一樣同樣係先上前菜 有泡菜 醃蘿蔔 芽菜 菠菜 枱面有膠樽裝水 同餐具 感覺好正宗侍應放低咗個爐然後oppa就拎埋啲食材過嚟炒飯啦！ 望住佢由一堆白飯加左枱上嘅韓式燒烤汁 炒炒下變咗個星形 再落蛋漿同芝士 過程比完成品賣相更好 食重口味既可以自己調味 豚肉呢就唔太顯眼呢個泡菜蠔仔煎餅 好似食緊打冷蠔餅fusion韓式泡菜餅咁 食煎餅最怕太厚未熟 呢個餅就very good!醬醃莞島鮑魚 煙韌度啱啱好 用咗20種醃料調味 味道十足炎炎夏日黎個菠蘿冰! 正呀!  原個菠蘿上  Hite生啤 收工後啤一啤條氣即刻gur晒! 因為地點對我黎講都就腳 同埋坐得舒服又唔洗同人逼 野食又好味 所以都會再番黎

長沙灣多美食是人人皆知，這次我到了位於元洲邨的韓國料理店品嚐韓國菜。甫坐下，我們便有美味的前菜享用，可以邊吃前菜邊點餐。餐牌上的選擇亦很多，每款都相當吸引，我們苦惱了一會便決定點以下的菜式。首先點的是啤酒，吃韓國菜不能缺少的就是啤酒，更何況我們接下來會點炸雞？這杯Hite生啤酒（$48）有醇醇的酒香，沒有重重的苦澀味。喝啤酒怎能忘了炸雞？為了配合韓國熱潮，我們點了這份韓式火辣醬爆燒汁炸雞（$42），光聽這個長長的菜名已經知道這道炸雞絕不簡單。炸雞的外皮炸得十分香脆，內裡雞肉嫩滑，整道菜都是熱騰騰，外層澆上有層次的醬汁令炸雞有更豐富的味道。相信不看韓國節目的人都有聽聞過醬油蟹這道菜，而我這次則是初嚐醬油蟹。這份飛機醬缸醃蟹（$188）的醃蟹是每日新鮮運到，質素果然有水準。蟹肉非常嫩滑，像日本甜蝦刺身般像膏狀的口感，同時充滿鮮味，亦有蟹香。這份紫菜飯是隨醬油蟹附送，米飯香氣濃郁，軟身之餘不會過淋；紫菜亦有濃郁的香味，保留脆脆的口感。看著滿滿的蟹肉和蟹膏被擠出，有一種不能言喻的滿足感！醬油蟹上桌後，Oppa細心地為我們把醬油蟹與紫菜飯拌好，我們只需看著帥氣oppa就可以享用了。兩個人當然要點

同學聚舊...放工就去左隔離屋邨試下呢間韓式cafe。一入門口就見到好特別既韓式佈置同埋有韓仔韓妹帶位入座。一坐低就有韓式前菜然後就有韓仔開始準備漢拿山豚肉炒飯。各位絲打可以要求心形飯嫁，咁我男人老狗當然叫佢整個星星就算啦。大家可以要求要幾辣，然後用醬汁炒豚肉最後加埋蛋漿，幾有口感同唔會太清淡。岩岩炒完個飯...佢已經準備另一道飛機醬缸醃蟹。 開頭都有d頭痕點解拌個飯😂店員將蟹肉蟹膏加埋紫菜撈埋落d飯到，鍾意食蟹朋友真係要叫一叫，好好食。黎得韓國餐廳，點可以冇泡菜。呢個泡菜蠔仔煎餅..唔算好酸又唔辣，同埋d蠔仔都幾大隻嫁。呢個餸送啤酒一流。黎到cafe...當然叫野飲。我就叫左杯韓國菠蘿冰...好足料冇加糖水。重有兩舊菠蘿肉食添😆

放假前夕就是要找好西食吧沒想到元州邨廣場有咁新既餐廳好吸睛呀地方很大，坐得好舒適呀！果然非常韓式既餐廳，就必備醃製小菜吧啤酒嗎～就是放工後，放假前要乾一杯。多料，新鮮，超大一杯的。漢拿山豚肉炒飯有oppa現場炒飯，好靚仔🙊佢企係我隔離我好害羞呀😌超用心的將飯炒散，加入配菜，再炒，然後仲將個飯整成星形⭐️未免太用心了吧。再加蛋，芝士。太 好 食 啦飛機醬缸醃蟹 配 紫菜飯🌝Oppa 幫我地拆埋肉呀大佬，貼心到咁樣。我搵番初戀既感覺😆仲要幫我伴埋，我唔洗五分鐘食晒個飯，因為好食到痴線。🙊D蠔仔好大粒～個醬勁match個餅呀打到呢度⋯⋯⋯我掛住緊個醬油蟹飯⋯⋯⋯

深水埗、長沙灣、荔枝角，三個地方相當近，一條直路走就可以穿越這三個地方了，這三個地方的食肆多又多，不同價格的餐廳都找到，由小食店到高級西餐廳，只要肯行肯找，終會覓得心頭好。今次我走到位於圓洲邨的小商場，找到這家叫做Sister Korea Cafe。(小聲：今次找到這家餐廳，是因為下班以後有到處逛，所以找到這家餐廳而已。) 餐廳內放滿不同的韓劇劇照，而且有著色彩鮮明的裝潢，配何首爾這個繽紛熱鬧的大都會。餐廳中還播著不同的韓國歌曲，讓人可以完全投入在這裡。 店員先為我們放下不同的前菜，解一解我倆的飢餓感。 漢拿山芝士蛋溶岩豚肉炒飯 (辣) ($128) 選擇這個炒飯，是看到台面上有一張「必食十大美食」的單張，好吧，就點第一名的漢拿山芝士蛋溶岩豚肉炒飯 (辣)。店員先在台面上放滿了這個炒飯所需的食材跟器皿，並準備好為我們即席製作這個炒飯。他先把所有材料加入飯之中，再加入其他材料及炒飯必備的辣醬，拌勻炒飯。很有愛的工作人員，是一名Oppa 呀，為我們弄了一個心心喔。他說這是隨心而製的形狀而已，說罷就把蛋漿及芝士加在形狀的旁邊待熟。最後把芝士蛋包裹著炒飯就可以了。 芝士的味道不

朋友推薦黎試左一間新派韓食店，店既裝修好特別，有種中古mix既風格，雖然今晚爆坐，但餐廳坐位闊落。一黎到我同朋友叫左一杯菠蘿沙冰，沙冰裡面仲有粒粒既菠蘿肉，好清爽。而我就叫左杯韓國生啤，好少生啤咁夠凍，呢隻啤酒比較淡味，好易入囗。第一道菜係由韓國直飛既醬江醃蟹韓藉靚仔廚師介紹先試左蟹既味道，再幫我地將蟹拆肉伴飯，好多蟹膏，蟹肉好入味但醬配合得岩岩好，唔會搶哂蟹本身既鮮味。第二道菜係泡菜蠔仔煎餅蠔既份量好足料，面煎到脆卜卜，肉既蠔仲keep到水份，一d都唔乾身，泡菜味夾蠔原來咁match 。 第三道菜係必食推介韓藉靚仔廚師親自處理，先將飯同配料炒起，之後加左雞蛋同芝士，賣相已經滿分，食落炒飯炒得好香好乾身，但豚肉仲好有彈性，蛋面香脆內裡仲係半熟同芝士夾埋，真係好香。今晚我地兩個人食左500+蚊，但其實已經足夠4-5人份量了，店員仲講平時学生都有優惠架（可惜我無），但下次會再過黎試埋其他必食推介

係香港食韓食都差唔多係韓燒、韓燒、韓燒、韓燒咁，今次黎食既呢間食既反而係韓國既其他美食。 首先講下呢度既環境 - 幾特別，依到裝修行復古風，同平時啲韓國既餐廳唔同。加上啲侍應韓國OPPA，個感覺好地道！裝修上面唔知點解俾我一種香港80年代果種FEEL，但其實係而家韓國既風格黎。餐牌餐具食物方面前菜鮮貝鍋 – 可以揀辣定唔辣，我就揀左辣。我覺得唔會得個辣字，個味道都幾正宗。加上個量都幾大，海鮮種類算多，仲配埋個手打烏冬價錢($188)幾公道。海鮮好足料，真係樣樣都有，而且一早落好哂既關係，材料都好入味。手打烏冬都十分彈牙，唔會痴底。醬油蟹 – 一直想試下醬油蟹，見到依到有，仲要係每日由韓國空運到港，緊係要試下因為係第一次食，本身都驚會唔會唔知點食(又要拆肉又拆啲膏，又要撈)。點知原來有OPPA幫手拆埋撈埋，真係勁貼心。撈完個飯好好食，重點係因為新鮮既蟹會有一種臭味，但因為落左適當既麻油之後，麻油蓋過左果種臭味，亦都同時令到整碟飯好香黎到之後一定要試呢個！炸雞 – 食韓國野點少得炸雞，我地叫左蜜糖味。最驚食到啲脆既炸雞，依到啲炸雞好脆又熱，睇得出係即叫既炸，而且外面既脆皮亦都唔多。值得一試

同男朋友喺長沙灣探完同事bb都已經係食飯時間咁不如就睇下附近有乜嘢食啦行行吓見到呢間韓國嘢裝修好似幾得侍應仲要好似真係韓國人，一於入去試吓泡菜有四款～味道唔錯餐具嗰啲同喺韓國食飯冇乜分別枱面一樣都係放支水自斟自飲感覺幾正宗Hite draft $48大大杯好抵，夠爽口男朋友就叫咗菠蘿冰唔係太甜，菠蘿味幾清新，而且都好大杯叫咗個飛機醬缸醃蟹其實我想食醬油蟹好耐架啦不過平時嗰啲都要預訂，我又好懶去訂嘅既然呢度又有喎！咁一定要叫啦男朋友未食過生蟹，係咁問我可以生食嘅咩聽得出佢唔係好想我叫，不過唔理我真係好想食而且以前都係韓國食過用辣醬醃嘅生蟹仔（前菜其中一款嚟嘅,都幾常見),我記得係好鮮甜好好食一直想試吓醬油醃係乜嘢味我同男朋友都未食過望住隻蟹係唔識得入手嘅不過oppa服務好好，放低埋紫菜飯之後就問駛唔駛幫我地處理咁當然最好啦Oppa 就將啲蟹膏蟹肉拆晒出嚟再同紫菜飯撈勻蟹肉真係好鮮甜，蟹膏又令到成個飯好creamy加左紫菜麻油令到鮮味更加突出好好食！男朋友都話同飯一齊食，感覺就好似食甜蝦壽司撈勻版咁，成件事易接受左，哈哈見到人哋有個堂弄心形炒飯好靚所以我哋又叫咗一個漢拿山豚肉炒飯(辣)配料

前排聽家姐講佢屋企附近開左間韓國餐廳，本人一向都熱愛韓國菜，點會錯過每一間韓國餐廳。所以我就同老公專登去食下。。餐廳位於元州商場裏面，搭地鐵去到長沙灣站A2出口，行5分鐘就到，好方便好易搵。 嘩~一入到餐廳，竟然見到OPPA，佢地有部分員工真係韓國人，最重要係佢地識少量廣東話，絕對唔會溝通唔到。餐廳裏面都以韓風為主，地方都好大，環境好舒適一坐底 ，服務員即刻送上4款韓式前菜嚟到呢度緊係要食佢地嘅“飛機醬缸醃蟹”，佢地啲醬蟹每天從韓國飛機空運來港，同時贈送一客“麻油紫菜伴飯”喺呢個時候有個OPPA幫我地拆肉撈落去伴飯，真係好幸福！啲飯佈滿蟹膏，好新鮮，一啲腥咪都無，醬油又唔會過咸，真係好好食，絕對值得推薦！跟住就黎到餐廳十大必食名菜之一“漢拿山豚肉炒飯”呢個炒飯，由OPPA即場喺你面前炒，仲將炒飯整到星星形，好靚！OPPA仲會細心咁問你食唔食得辣，因個人喜好而調節辣度，呢個炒飯可選擇辣或者唔辣。最後我係選擇左辣，不過大家可以放心，佢地辣度啱啱好，炒飯撈埋芝士同蛋，真係好惹味，食哂成個飯都唔會因為有芝士而覺得滯。我地仲叫左份“泡菜蠔仔煎餅”個煎餅真係有驚喜，餅邊煎得好脆，蠔仔一啲都唔細隻，

Sister Korea Cafe的第一家店落左大圍新翠邨，約兩年前曾經一試，至今，長沙灣新店剛開業，而我正正也需在荔枝角一帶找間餐廳，理所當然地就選此。與大圍店的風格相約，也是以較色彩繽紛的格調作主風格，牆壁塗上卡通Graffiti。處於屋邨商場，定價不會進取，以韓國菜來說，也算相宜。韓國菠蘿冰($58): 菠蘿冰可謂此餐廳的鎮店之寶，屬必點之選。菠蘿鮮甜，帶微酸，沙冰打至軟綿幼滑，在此炎夏喝，非常合適。泡菜蠔仔煎餅($82): 韓式煎餅底配鮮蠔仔及泡菜，餅底稍為酒膩，加上泡菜後微辛惹味，整體蠻香口! 飛機醬缸醃蟹($188): 醬油蟹是醬油生醃蟹，雖不是人人喜歡，但也有不少人慕名一試。基本上便是把蟹肉拆出，加上甜醬油拌紫菜白飯享用。漢拿山芝士蛋溶岩豚肉炒飯·OPPA現場製作($128): 此為半製成品，最終OPPA以半溶芝士蛋包著飯給我們送上。先說味道，再欣賞炒飯的過程吧。炒飯含豚肉/ 洋蔥絲/ 紅蘿蔔絲/ 紫菜，加上韓式醬油慢炒後，再以芝士蛋包著炒飯。味道好壞建𥕛於OPPA的手勢，幸好廚藝也不錯，炒飯香甜，韓式醬油份量剛好，調味得宜，加上邪惡的芝士蛋，無得輸! 以下是OPPA炒飯

環境幾特別，d餐牌菜式同牆畫都係手繪卡通風格！係元州商場入面，零零捨捨有間韓國料理，真係估佢唔到😂😂😂😂😂叫左個漢拿山豚肉粉飯，超特別！佢係即場係你面前用鐵爐炒既！佢邊炒d香味就係咁出，仲要係泡菜仔專人企係到炒，勁有heart!抵讚！（個oppa 佬味十足，我個fd流晒口水囉！）佢炒到尾個陣再加芝士同蛋，再砌粒星出黎，真係嘩左一聲！好好味，啖啖都充滿芝士，🤤佢仲要好似蛋包飯咁，唔算太膩，幾好食！再叫左個飛機醬缸醃蟹，唔明點解叫飛機囉，又係有oppa幫你拆蟹肉再撈飯，勁正，好新鮮，d蟹肉溶入晒d紫菜飯到，有d似海膽飯，又唔"聲"，真係一流！😍😍😍😍😍仲有個泡菜蠔仔煎餅，d蠔好大粒，外脆口，內軟綿綿，點埋佢個汁，好夾！最黎仲飲左杯菠蘿冰，原個菠蘿上呀！夠晒透心涼！仲有得飲啤酒，係屋村入面有間咁既野真係估佢唔到！🙆🏼🙆🏼🙆🏼🙆🏼🙆🏼🙆🏼🙆🏼

sister korean cafe終於開到黎九龍，對於港毛人黎講就腳好多。菠蘿冰香甜既菠蘿冰，原隻菠蘿上夠哂風味。漢拿山芝士蛋溶岩豚肉炒飯 ($128)oppa將材料炒好，最後加上芝士就食得。炒飯好香紫菜味，蛋加上芝士味道都穩陣。韓式辣醬炸雞 ($42)呢度暖好就係有得嗌5件，岩哂多心既朋友試多d 野。炸雞皮脆，肉質好嫩雞肉味香，醬汁香辣惹味。火山脆皮豆腐 ($48)豆腐脆得香脆，醬汁甜甜少少辣好開胃。

之前喺大圍都試過一次韓國餐廳，食物唔錯而且又唔貴，朋友話佢喺長沙灣都開咗間分店，今日去開個頭所以就入去試吓。餐廳裝修嘅風格同大圍嗰間差唔多，都係韓式路線，侍應全部都係韓國人，唔講重以為自己去咗韓國。泡菜蠔仔煎餅＄82煎得好香脆，好鍾意去嗰邊脆脆地，蠔仔嘅份量都唔少，泡菜令到個煎餅有少少辣，好開胃，我同朋友都爭住食。漢拿山豚肉炒飯$128由韓國哥哥幫我地即席炒飯，仲整到星星型，真係來自星星的你，個炒飯有驚喜，韓國哥哥係炒飯嘅時候落咗啲韓國燒烤汁落去令到個飯有少許甜味，好好食，仲要撈埋芝士同雞蛋落去好正。飛機醬缸醃蟹＄188 全晚最期待嘅菜，之前成日知道韓國最出名嘅醃蟹，但真係第一次試，又係由韓國哥哥幫我地處理，即席幫我地拆蟹，將蟹肉同蟹膏撈落去飯入邊，好重蟹味，而且非常「鮮」，好似食緊刺身蟹。菠蘿冰＄58之前喺大圍都試過，今次長沙灣嘅分店都保持水準，菠蘿冰酸酸甜甜非常開胃，仲有一大塊嘅菠蘿，飲完都好飽。

今晚即興想食韓國菜但又唔想出到尖沙咀咁遠，上openrice搵到呢間近近地搭車又方便既韓國菜餐廳，唔洗唸啦即去。餐廳既裝潢幾靚我自己幾中意，復古得黎又不失霸氣，每一樣裝飾品都好懷舊好得意。店舖都寬敞坐落都舒服唔會太迫。剛剛坐低就有呢d配菜食，有大豆芽菜，辣泡菜，菠菜，同埋辣土豆絲，味道都可以的。漢拿山芝士蛋熔岩豚肉辣炒飯，制作好官窩心，因為係一個土生土長既韓國人，用左愛心同心機加上甜美既笑容，誠懇既態度為你而炒既辣炒飯。90%既完成品，佢仲特登整左個心型出黎，之後再分埋俾我地每一個人，好貼心。韓式原味炸雞。佢個炸雞皮入口唔會覺得熱氣。平時出面食韓國炸雞會覺得熱氣同埋個肉質比較乾。但佢地呢個炸雞入面d肉質好滑好juicy。唔會乾身醬油蟹。佢送埋一大碗飯俾你。裡面伴有紫菜，店舖裡面既oppa會過來幫你將d蟹肉吱落個紫菜飯度撈匀，本身對生蟹有d抗拒的。但食落又幾好味，完全唔腥喎。火焰芝士拉豬仔骨。又係oppa過來幫你整，佢會將芝士炒溶後再包落豬仔骨度分俾每一個人食，芝士係勁多，推薦中意食芝士既人一定要食呢個。泡菜蠔仔煎餅。薄薄地唔會太厚，所以唔怕太多食唔晒，蠔餅煎得唔錯，個邊小小煎至脆脆地，

喺大圍都聽過Sister korea嘅大名， 今次佢係九龍區有分店所以就一於去試吓Menu同埋裝修都好可愛,啲卡通設計得非常之有趣，佢嘅食物圖片都係用一啲Q版嘅卡通，表達出來，像真度同埋趣味都好高。俾我哋叫咗個海鮮鍋，分量唔算話好多但係夠晒兩個人食。一邊有南瓜菇菌，蜆，青口，蝦。仲會有埋烏冬俾我哋食。另外估唔到屋村都會有醬油蟹食，將蟹膏蟹肉連埋飯撈埋一齊食，非常吸引。將啲糕放落飯上，連埋啲紫菜撈埋一齊如果隻蟹左大隻啲就好啦。另外我哋都叫咗炸雞，炸雞一共有五件係蜜糖味，甜甜地嘅將配合啱啱揸出嚟嘅炸雞，唔錯唔錯。另外梗係要啤一啤佢啦，另外一提店員仲要有韓國哥哥服侍我地影真讓眼。