新華苑酒家

营业中

休息中

約埋幾個朋友經過旺角發現到一間蒸氣火鍋，咪諗住去試下囉，任飲任食最岩我地呢d麻甩佬。坐左無耐先黎隻乳鴿比我地開下胃，乳鴿燒得好香好食。之後記食戲肉～海鮮喇。全程都有員工幫我地較時間放野食入去，全程都有個計時器幫我地，我地完全唔需要擔心熟唔熟。又蜆又聖子又扇貝，全部都好大隻好新鮮，好鮮甜。除左海鮮之外，仲有好多肉類選擇，又牛又豬頸肉，當然喇蔬菜更加唔少得，真係好多菜類選擇。仲有一樣就係我地一路蒸野食，下面係有個粥底係到煲緊，所以海鮮既精華都吸哂入去，真係唔錯唔錯。

朋友推介呢間蒸氣鍋好抵食，今日有朋友生日，所以揀左呢到同佢慶祝一下。地方都幾大，坐得好舒服。呢到係任飲任食兩個半鐘，雖然咁樣睇種類唔係好多，但係都可以食到好飽，而且我都係追加左兩次咋！點菜後無耐就先送隻乳鴿黎食👍🏻d海鮮一黎到已經覺得好新鮮，食落真係好鮮甜好好味👍🏻元貝聖子大大隻，啖啖肉😋同埋呢到有專人幫你計時幫你蒸，完全唔需要自己動手。手切和牛粒同埋手切和牛肉都追加左兩次，蒸出黎完全唔「鞋」，好入味仲好淋添。食到最底就係個粥底，所以海鮮既精髓都係哂呢個粥底到，令到個粥又鮮又甜，唔洗落其他味精都夠哂味。

聽朋友介紹旺角有一間任飲任食嘅海鮮蒸鍋，覺得好吸引！今次一於嚟試吓係咪咁正！原來每一台可以自選四款海鮮，其他嘅食物就可以任食。餐廳嘅另一傍放有唔同嘅海鮮，好似街市檔咁自助醬料區除咗蒸鍋之外每人仲有半隻乳鴿送，都燒得幾入味！海鮮拼盤來了～這是二人份量的拼盤，其中大元貝及貴妃蚌都非常新鮮好吃。而其他食材配料中，手切和牛肉都幾好食，肥瘦適中，入口香濃我地encore左3次！另外估唔到連蒸鍋都有馬拉糕同紅棗糕，兩樣都幾好食！

前幾日同朋友聚舊，大家都不約而同話想食蒸鍋，所以就決定黎新華苑試下～ 去到嘅時候大約6點幾，所以個場未算好爆，但都坐左幾枱客坐低左就開始點餐～每枱都有四款海鮮、不同定食同粥底揀～揀好野食就去攞醬料啦～ 係攞醬料途中，發現原來啲海鮮真係好新鮮架！絕唔係急凍貨野食送到啦仙貝夠大粒，而且係明顯處理左啲麻煩位，令到你唔會食落有沙～ 而且味道好鮮甜豉油都唔駛點都夠味！聖旨夠大隻同夠粗，食落都好甜，好食鮑魚大大粒，配埋金針雲耳，鮮味突出！整體黎講，啲海鮮都好好味另外我地仲叫左乳鴿～ 乳鴿燒得岩岩好，醃料唔會太重，所以唔太鹹～ 而且個皮燒到好靚，100分！任食嘅野食種類都好多～ 當中必食嘅當然係牛肩肉、肥牛同牛粒啦～ 另外啲丸都好新鮮，大家黎到都係必試！啲野食係有專人幫你計時，所以所有野食都唔會overcooked! 保證你食到佢原汁原味！最後，點少得佢招牌粥底～ 南瓜排骨粥加埋佢地食物嘅精華，所有鮮味聚集一齊，個粥又點會唔好食呀！

一般蒸海鮮普遍比較貴同埋係散叫,大家未必夠喉,今日就同埋小胖女黎呢間新華苑試試任食蒸海鮮質素如何,酒樓本身都係做晚市小菜個類,而蒸氣鍋套餐主要係包左幾乎海鮮,再加其他配料飲品無限量追加首先選左粥底先,我地叫左南瓜排骨粥做底,之後就開始上海鮮啦,先黎係貝殼拼盤,蜆仔非常鮮甜之後我地選左象拔蚌同埋蟶子皇,勁大隻,食落都好鮮好甜,當然唔小得仲要大元貝同鮑魚啦,食到黎到都飽左一半,職員再上埋套餐有包埋既燒乳鴿,十份足料,其他都落左 d 手打丸,蔬菜,和牛粒,周埋馬拉糕來蒸係飽到唔想郁,最後一定要食埋個充滿所有精華既粥,非常滿足

平時食蒸氣海鮮鍋就食得多啦，第一次食有任食嘅蒸氣海鮮鍋，個餐有四款海鮮任揀咁我就喺現場睇咗邊幾款海鮮特別新鮮，我就揀咗嗰四款啦，另外套餐仲包左兩份指定食物，一份係每人半隻脆皮燒乳鴿，另外一份係貝殼拼盤; 貝殼拼盤今次係俾咗沙蜆，蒸嘅時間剛剛好，隻沙蜆清得好乾淨一粒沙都冇仲要勁新鮮勁甜。其實食完自選海鮮同指定食物之後都已經好飽，但係佢仲有任點任食蒸氣火鍋料俾你任揀，食完一輪仲有個粥底我哋揀咗淮山雞粥，所有食物嘅精華都流晒落個粥到，正

平時食開嗰啲蒸海鮮都係一個餐每人幾款海鮮咁樣，通常都唔係食得好飽嘅，都要一定食晒個粥先夠飽，所以我得知呢個消息就搵左呢間有任食嘅海鮮鍋店，海鮮係俾你揀幾樣再有指定嘅海鮮嘢食，再加任食嘅嘢，蔬菜啊肉類啊丸類啊都係任食，飲品方面汽水呀涼茶啤酒都係任飲，我哋一坐低即刻攞咗一楂竹借茅根，可能因為太熱嘅緣故，所以一下就俾我哋飲晒，但係嘢飲係任飲㗎嘛所以冇所謂再攞多啲其他嘢飲。講返食物先，海鮮就唔使講啦全部都新鮮即劏你整俾我哋食嘅，最緊要係任食嘅嘢有和牛肉片同牛肉粒都係可以不停叫嘅，真心勁抵，我哋仲要好驚個粥底唔夠味，自己家左啲雞落去，其實真係唔使學我哋嘅，因為個粥底真係好夠味好棉好滑好好食

今晚和屋企人去食蒸海鮮，任點任食來到酒樓，店員很有禮貎招呼我們座下，細看酒樓環境，光缐充足，充滿空間感調味料也有很多選擇，適合多元化的客人，雖然是任食，酒樓都有很多選擇細看餐紙有各式各樣的料理，很吸引象拔蚌，筒𧐢，鮑魚，貴妃蚌，新鮮海鮮睇見都食指大動蜆肉蒸得剛剛好，一食落口很是鮮甜，肉質肥美，食材新鮮果真不同象拔蚌蒸得剛剛好，一食落口鮮甜肉質爽嫩，粉絲也吸收到，啖啖鮮甜而且鮑魚也蒸到剛剛好，爽脆冇得彈而貴妃蚌蒸得剛剛好10分鮮甜筒𧐢肥美甘香牛肉剛剛好，肉嫩味濃精華就是這個粥底，鮮甜非常

今日在這間酒家食小菜晚餐，環境好光亮又乾淨舒適，設有獨立房間及大堂座位，面積很大！有音樂播放，舒適可以放鬆用餐！原來這裡除了食小菜，也有蒸氣鍋及火鍋任食任飲，見到好多客人食得好滋味，這邊有游水的海鮮超新鮮！任飲任食火鍋，好似有酒類、果汁飲，客人好多都在打邊邊，一大班朋友超開心慶祝生日！看了餐牌後 發現有1蚊半隻脆皮燒雞（2-4人）（5人以上是1隻）當然立刻決定這個脆雞，再選了一個小食和一個煲！1. 海蜇燻蹄份糧都算適中，不多不少，海蜇爽口彈牙；燻蹄不會太多肥肉，不會太膩！鍾意點上那個酸汁2. 脆皮燒雞金黃色的外皮，食落脆卜卜，香口又美味！想不到1蚊的燒雞，居然有這樣的水準😋😋3. 川辣海鮮豆腐煲滿滿的菜，大大隻的爽口蝦及彈牙有咬口的鮮魷及細細粒又入味的炸豆腐 。雖然是川辣但又不是很辣又香口野味 。豆腐吸收了醬汁的味道，變得非常滋味，所以叫了一碗白飯來餸飯😍😍喜歡這裡有人情味，侍應好好的同客人傾下計，講下笑，氣氛好好！友善又快手！

好耐冇食過海鮮蒸氣火鍋啦，咁啱朋友推介呢一間餐廳， 一於一齊試一試！呢度嘅蒸氣火鍋係可以選擇四款海鮮，其他肉類、丸類、蔬菜類就任食！同其他蒸氣火鍋一樣，一開始都要選擇一個粥底，之後蒸火鍋嘅時候，海鮮嘅鮮味就會落入鍋下嘅粥入面，我哋就揀咗南瓜排骨粥！而海鮮方面，我哋就嗌咗蟶子、大元貝、鮑魚、象拔蚌。蟶子非常鮮味，配合蒜蓉、粉絲等等作為調味，鮮味之餘亦非常惹味。而且蒸嘅時候，店員會幫手調教好時間，所以就唔驚自己蒸，整到過咗龍啦！大元貝亦都好出色，粉絲吸收晒蒜蓉嘅香味，以及大元貝本身嘅鮮味，而且店員調校嘅時間啱啱好，蒸出嚟唔會過熟，唔錯！鮑魚亦都唔細隻，用薑片蒸煮，更能帶出鮑魚本身嘅鮮味，而且識落唔會好靭，唔錯！象拔蚌好正，上枱嘅時候已經剪好左，方便食用。象拔蚌食落亦都非常爽口，推介！食完海鮮之後，仲可以點其他肉類同埋蔬菜，每款蒸煮嘅時候都會為鍋底嘅粥底加多一份鮮味！我哋最鍾意就係蟲草花蒸雞同手切和牛肉，蒸雞唔會有雪藏味，反而有好香嘅酒味。而且和牛肉好嫩滑，我地食左好多片！最後食埋個南瓜排骨粥，粥煮得好綿，而且無需任何嘅調味，單靠之前海鮮同埋蔬菜嘅鮮味已經非常好味，食埋呢個粥就真係好滿足啦！

第一次去食蒸海鮮，我見有自選同埋任食所以就同左兩個朋友一齊去食，唔使驚食唔飽呀嘛！咁個套餐呢都好多嘢揀嘅，首先第一樣呢就三揀一粥底嚟嘅我哋就揀咗瑤柱鮮淮山粥，之後呢佢就會再有一個自選海鮮每位呢個客人可以揀四款海鮮，我哋揀咗生猛大元貝、聖子王、生猛海蝦、生猛先鮑魚,另外我哋仲加錢用咗$98加咗一隻生猛龍蝦，真係勁抵食啲蝦肉非常之彈牙鮮味同埋仲有勁多蝦膏添；跟住仲有兩個必定有嘅食物，一個就係燒乳鴿另外一個就係貝殼拼盤，平時見d蒸海鮮真係未見過有燒乳鴿，仲要整得好好味熱辣辣啲皮勁香，個貝殼拼盤亦都勁新鮮；最後我哋就係咁椅點左一啲任食嘅嘢我覺得個手剁鮮蝦丸好好食，同埋一定一定一定要食嘅馬拉糕

最多酒樓嘅地方相信係旺角嘅彌敦道,今日去完朗豪坊行街,都差不多六點了,係時候晚飯我同朋友見到開咗間新嘅酒樓入邊除咗小菜之外,仲有蒸海鮮一位都只係268相對出面嘅蒸海鮮任飲任食平5:30就開始有蒸海鮮食，我六點未夠就到咗所以人流都好少不過到我食完嘅時候已經八點已經坐滿人了, 枱同枱之間都好闊落坐得舒服見到都有好多唔同種類嘅海鮮,夠晒生猛全部都非常新鮮好吸引仲要係清澈見底嘅如果內裏活着鮮活海鮮讓客人能夠安心食用蒸海鮮點少得調味料超過10款嘅調味料選擇總有客人嘅心水最後我和兩個朋友揀咗卡位坐, 旁邊仲有部電視,可以一路食一路睇享受下環境海鮮是有限制的，一個人可以選擇四款，另外呢一張是任點任食可以食到飽飽的離開,逐樣點，因為是任食不會過分高興以致失預算食材已包括粥底,海鮮,蔬菜及肉類先叫第一輪任點任食嘅食物,每樣試少少，牛丸同鯪魚肉都係爽口彈牙, 梅菜豬肉丸入邊有好香嘅甜梅菜味，不會太鹹肉質鮮甜海鮮下面放咗大量嘅冰塊能夠保持海鮮嘅冰凍, 每一個人可以揀四款海鮮我哋揀咗鮑魚仔生蠔象拔蚌同北寄貝，望落全部都非常新鮮上面都放有蒜蓉下面又有粉絲做底呢度啲服務超級好我哋一邊食職員會為我哋一邊準備之前我都

呢一間新華苑酒家位於旺角道1號， 豪華戲院斜對面， 地點方便唔在講，呢度嘅小菜晚飯非常之抵食， 而且質素高又夠鑊氣， 平時唔想煮喺度開餐， 方便又快捷。呢度除咗有鑊氣小炒之外， 仲有海鮮同燒味。《金蒜蒸北海道元貝皇》，$138有4隻， 每一隻都係大大隻， 帶子肉蒸得啱啱好， 夠曬嫩滑。 上面鋪滿咗金蒜同生蒜，蒸起來味道就更加香口，加埋吸收咗海鮮甜味嘅粉絲，更加令人食到舐舐脷。重頭戲《上湯加拿大龍蝦伊麵》$198， 加多20蚊仲可以轉成《芝士底》㖭。 龍蝦有兩隻之多， 而且size亦都唔馬虎，四個人食絕對綽綽有餘。 龍蝦非常厚肉， 而且好新鮮， 肉質爽脆彈牙， 又夠鮮甜。而芝士汁伊麵亦非常之美味， 二百零蚊嚟講絕對係超值價。鑊氣小炒《黑椒薯仔和牛粒》$138， 鑊氣十足，黑椒惹味，和牛粒肥瘦適中，有牛味， 加埋炸過嘅薯仔嚟炒， 簡直係perfect match。最後呢個《漁村小炒王》令人有驚喜， 呢一個小炒王除咗有平時一定食到嘅韭菜花之外， 加入咗魷魚， 炸銀魚， 腰果， 同埋炸芋絲， 令到口感更加之豐富。 韭菜花唔老， 食落冇揸又夠嫩， 炸銀魚同埋炸芋絲脆卜卜， 另外嘅腰果亦非常之香口

今天去了一間不在我放工落車附近的酒樓吃飯，打算去吃小菜，但是這間酒樓有蒸氣火鍋，我朋友說未吃過，就去試一試，我們兩個人又不是吃到很多東西，任飲任食對我們來說沒有點著數，我們便隨隨便便的點了些指定海鮮、配菜，原來任飲包括啤酒和一jar 庶水，這和打邊爐不同，每樣食材都有程序，有規律。我們先品嚐海鮮，海蝦非常鮮味，象拔蚌亦非常新鮮，我都沒用沾上豉油便可入口，雖然食材品種沒打邊爐多，但這種食法非常健康，還有乳鴿送，我亦會再來。