新華苑酒家

营业中

休息中

係豪華戲院睇完戲，睇完戲朋友話食過對面間蒸氣鍋，任食$268價錢同平時食放題價差唔多，老納未試過食蒸氣鍋，都想一試下新野7點左右好旺行上一層電梯就到，個場都算大，冷氣夠凍一開波就煲粥先，擺晒啲野係鍋底(准山雞粥)，然之後就唔洗理佢上面就開始蒸海鮮，旁邊有個計時器，店員會教食每一種海鮮就按幾多分鍾，確保海鮮唔會過生或過熟送每位乳鴿一隻，熱辣辣上，好有水準海鮮可以揀4款，點左餐無耐啲海鮮就黎到，好新鮮！見到店員係水缸到撈完就即叫即劏，唔會係整定放係到店員好細心幫我地放海鮮去蒸,原來蒸都有分次序,由清到濃,所以一開始係食甲殼類多蜆好甜大元貝彈牙爽口, 大大隻，都好彈牙聖子蒸味後勁 好咬口，鮮味好出鮑魚因為清蒸，食落味道較為淡，不過咁樣反而食到鮑魚本身既鮮味另外值得推介既就係依到既手打丸類！有蝦丸、梅菜豬肉丸同墨魚丸，雖然咬落既時候無”食神”入面楝晒汁咁誇張，但係都十分彈牙，同場市丸真係完全口感唔一樣手包攪都正肉都唔錯，蒸既肉都好入味最後蒸埋蔬菜，餐紙上面有好多菜類揀，有娃娃菜、南瓜、粟米、矮瓜、糕類未試過即蒸即食，每次食下停下咁反面可以有時間落下隔，食完唔會覺得飽飽濟濟 最後食埋呢個煲咗咁耐

終於等到喇！約咗女朋友食我最鐘意食嘅蒸氣鍋，就係位於旺角一間新開嘅酒樓。Tick tick 紙好易明白，揀粥底，揀四種海鮮，同埋揀想任食嘅食材。而蒸食物係由店員負責，仲有個 timer 添，所以唔洗貪心嘢食會 overcook 架。生猛大元貝、蟶子皇、鮮鮑魚和生劏龍躉件真係好鮮甜美味，呢個價錢有得試晒咁多嘢真係掋到爛。有丸類、蔬菜、菇類、豬頸肉、雞、牛肉等等，就連馬拉糕同紅棗糕都有得蒸，真係估你唔到呀。煲咗咁耐，最後個粥都唔錯呀。飲品都係任飲，我哋要咗一支竹蔗茅根水，夠清甜解渴。

旺角食肆超多，偏偏中式廣東菜比例唔多~呢日一行四人黎到新華苑酒家開餐~店內都頗大，分小菜或蒸氣鍋兩邊，而我地食小菜!龍躉兩食~第一食食西芹炒龍躉球。份量計頗大，龍躉肉厚切，肉身剛熟，所以軟身而彈牙，西芹配搭亦經典。第二食清蒸頭腩。頭腩係魚比較濃味既地方，配蔥，雲耳清蒸能夠除去魚腥味又不失原味。脆皮燒雞~呢個燒雞得俾個5星佢。外皮燒至金黃色，脆卜卜，而肉身全熟又不過火。老人家最怕燒雞內在唔熟，而新華苑呢隻燒雞就perfect喇。黃金海中蝦~黃金，即邪惡蛋黃蓉。做法大概係將海蝦開邊炸，再沾上蛋黃上碟。蛋黃非常惹味，蝦肉炸過後不失鮮味實在難得。紅燒豆腐~食過大魚大肉後，總要有蔬菜平衡一下。豆腐外脆內軟，份量亦合理。新華苑雖無大酒家名氣，卻有一線小菜水準。不錯!

第三次食蒸氣鍋。常常路過這間酒家有日才發現這裏有得吃。近水樓台就試下啦。蒸氣海鮮餐，$288，另有醬料費和加一。埋單3百幾蚊。首先自選海鮮4款 。定食有2款，竟然有乳鴨😍，很久沒吃過，反而變了最期待的餸。可以追加龍蝦，$98。但沒要，因為深明吃不完很浪費的道理。粥底3選 1，要了瑤柱鮮淮山粥。另外有張任食點菜紙，有丸類、餃子、蔬菜等，特別還有馬拉糕這類糕點👍。飲品也是任飲的，汽水、啤酒都有，讚！食材新鮮，就是蟶子有少少沙。其他都算滿意。脆皮燒乳鴨最得我心，香脆可口，好想再吃😋。所有蒸煮上菜都是侍應弄的，服務很好。看我們吃得少，還問我們要不要下單😆。環境就是酒樓格局。不過食蒸氣火鍋的卡座又大又寬敞，超舒服，而且有電視看。這裏有人吃小菜，有人食蒸氣鍋，很熱鬧。下次我也來吃小菜。

今天與女朋友相約了牧師到這家新華苑酒家吃海鮮蒸汽鍋。常常都聽朋友說蒸汽鍋有多吸引，所以就想試試這家的美食。進去環境尚算不俗，雖然位置略覺太遠，可是衛生也不錯。到了晚上，酒家的客人非常多，熱鬧非常。我們點了淮山雞粥係為鍋底，然後點了鮮飽魚、海蝦等自選海鮮開始時，等了很久也仍未上菜，看來這家酒樓生意真的非常不錯，之後都有待應專誠為我們服務，計時開蓋吃。海鮮都非常好吃，蒸汽鍋令人食慾大增，初嘗蒸汽鍋覺得味道很好，食身也很新鮮。

去完豪華戲院睇戲，過左對面既新華苑酒樓食晚飯。未到5點半，其實佢地未開始晚巿，但都比我地入去坐住涼冷氣，真係唔該晒呢到除了小菜，仲有任飲任食既蒸氣海鮮鍋。食蒸氣鍋大多安排坐大卡位，所以為左繼續舒舒服服享受冷氣，所以我同朋友決定食蒸氣鍋，邊食邊嘆。呢個蒸氣海鮮餐，包2款定食，4款自選海鮮和任食其他配菜。每位$288，可以坐足2個半鐘啊定食一，燒乳鴿，每人半隻。皮脆肉嫩係酒樓食乳鴿，質素一定有保証定食二，貝殼蜆，清蒸可以吃到原汁原味，很鮮甜然後自選海鮮四款揀左鮑魚、聖子皇、龍躉件和大元貝鮑魚新鮮大隻，肉質爽彈，超有口感。聖子皇鮮甜肥美，屬鮮味之最高級別龍躉件就，個人二件，啖啖肉，肉質鮮甜甘香，入口滑溜大元貝，豐腴肥美，蒜味濃。粉絲吸滿海鮮汁和蒜蓉汁，份外鮮味好吃，不能不吃。不得不讚，店員控制蒸煮時間剛剛好，我地先可以食到咁美味既海鮮大餐。外面有飲品櫃，自取飲品。唔飲汽水，有竹庶茅根同大大支啤酒揀食埋個粥，咁就好滿足。粥底三選一，揀左瑤柱鮮淮山粥。識食既，一定加埋大頭菜落去，更加錦上添花。任食order, 推介食佢地既丸類。尤其是梅菜豬肉丸。出面好少有之如，仲係真材實料，梅菜切粒，不會太咸，

響屋企只會做到打邊爐, 蒸海鮮呢d真係唔夠架餐, 附近有家新開的新華苑見$268包埋食飲放題, 落緊大雨都食左先啦...本身已包4個自選海鮮, 另再有貝殼拼盤, 一人半隻燒乳鴿~另外仲有一大堆選擇既手切和牛肉呀, 豬頸肉呀, 手打牛丸, 蝦丸, 梅菜豬肉丸, 同各瓜菜任點任食~我地叫左個南瓜排骨粥底之後先出去混下醬, 再取汽水同一樽樽自家製的竹蔗茅根水, 其實我地唔飲酒嘖, 佢仲包大樽裝Asahi同嘉士伯, 見隔離枱幾個叔叔一坐落已飲3支好開懷~唔駛自己落手做, 有人服務你每樣幫你set時候蒸來食, 原來剛剛熟原汁原味蒸的海鮮真的十分好味~ 不論係蜆, 象拔蚌, 鮑魚, 蟶子定桶蠔, 都係鮮味又甜的, 証明海鮮的質好~另叫了手切和牛夠肥美, 手打丸質數也高, 估唔到係個蒸韮菜餃味同皮都好突出我要encore~蟲草花蒸雞都好入味, 蒸真的比"烚"好~ 二百幾銀任點好仲有人serve好過自己落手落腳整囉~

之前和朋友食過這裡的蒸汽火鍋，感覺唔錯，今日特意黎試試晚飯小菜，睇下系唔系同樣ok。晚飯時間高朋滿座，非常熱鬧。薑蔥鮑魚雞煲煲仔上，熱辣辣，鮑魚切絲，配大量薑蔥，雞片經過爆炒再落煲仔，香口又惹味。雲耳勝瓜炒牛肉同乾炒牛河一樣看似簡單，要炒得好好講師傅功架，雲耳同勝瓜能保持食材味道，沒有過火，輕輕快炒，牛肉嫩滑而爽口，而且腌得味道香而濃，不錯。金蒜北海道元貝元貝隻頭大，而且新鮮，配上炸蒜同粉絲，蒸的時間剛剛好，無得輸。滷水掌翼我覺得成餐飯最好食個滷水掌翼，夠淰夠入味，滷水鹹香味調配得精彩。蓮蓉桃包此包不過不失，唔想食飯時咬個包也不失為一個好主意。

今晚和朋友在旺角吃晚飯，朋友提議去這間新華苑酒家。這個餐廳我沒什麼印象，二話不說馬上去了。睇一睇餐牌，佢哋做緊個任揀任食任飲蒸氣海鮮餐，平日星期一至四都係$268。裏面有幾款自選海鮮例如貴妃蚌，龍躉仔和鮮鮑魚等。另外任食任點裏面，都有各類蔬果和手切肥牛，豬頸肉，蒸雞等。我們今天先試了海鮮，待應全程為你服務。不用自己操心。另佢地經驗一流，海鮮生熟程度都恰到好處。貴妃蚌，元貝很新鮮，鮮甜。另定食的脆皮乳鴿，做得得出色。香脆可口。牛肉，肉也很新鮮。整體來說二百多元的海鮮餐真是美味超值。

今日係一個愉快既週末，男友陪我去好姊妹新婚屋企housewarming，晚上一起到附近這間新開的酒樓食晚飯。餐廳主打蒸氣海鮮鍋及小菜。 我們都很喜歡食海鮮，而且套餐價錢相當實惠，一致讚同試一試蒸氣鍋。-我們先選擇粥底，有三款選擇： 南瓜排骨、瑤柱鮮淮山、淮山雞粥。 我們選擇了瑤柱鮮淮山。 自選海鮮有四款：生猛大元貝、蟶子皇、象拔蚌及鮮鮑魚。不加任何水份的蒸煮，米粥將會吸收海鮮等食材的精華，想必會美味無比。 -在等候海鮮出場前，會先品嚐兩款定食：燒乳鴿及貝殼拼盤，感覺十分超值。燒乳鴿皮脆肉嫩，正！-冰盤上的海鮮十分吸引！ 職員會幫客人計時去蒸，確保不會蒸過龍！ 每款海鮮都很鮮美，特別是鮑魚及蟶子，口感尤為爽彈，不需點醬汁已好好味了。-除了海鮮外，還有任點任食的食材！十分推介手切和牛肉，肉質鬆化牛味濃！ 蟲草花蒸雞亦夠嫩口！ 丸子亦很彈牙！ 最後來一些相對清淡的蔬菜，勝瓜及甜栗米都是我至愛，味道都十分清甜。-最後就是品嚐粥底！海鮮及肉汁精華滲進粥底，鮮味非常。任飲任食好滿足！

近排男友愛上蒸氣鍋，所以最近約會都食多左。 無可否認，蒸氣海鮮餐的確很吸引，但唔係間間都抵食。 今晚經朋友大力推介，我地黎旺角道「新華苑」餐廳。餐廳有蒸氣及小菜套餐。而蒸氣海鮮套餐二百幾蚊，有海鮮、任食配料，還有啤酒汽水任飲！ 感覺性價比相當高。-餐廳沒有華麗裝修，但地方寬闊，坐得舒服。 而且職員友善，還會協助我們蒸海鮮計時間及上碟呢。-先選擇一款粥底及四款海鮮。 職員會先上粥底，我們選擇了健康清淡的瑤柱淮山。而海鮮方面，我們點了蟶子皇、大元貝、象拔蚌及鮑魚。 海鮮賣相相當新鮮！ 蟶子皇甚有霸氣，肥美又爽脆。 鮑魚加了蟲草花及薑片一併去蒸，味道鮮甜彈口。-還有小驚喜呢！每人還有半隻乳鴿及蒸大蜆。乳鴿夠熱夠脆夠香口。-剩食海鮮當然唔會夠飽肚，我地覺得餐廳抵食既原因，佢仲有好多配料任食，而且質素唔錯，例如蟲草花蒸雞，肉質夠滑；順德污糟雞夠入味；手打梅菜豬肉丸好彈牙又特別。還有蒸馬拉糕及蜂巢糕都不錯，口感很軟綿，當甜品😆-最後當然是品嚐粥底啦！ 集蒸海鮮及肉汁的精華，綿綿米粥很鮮甜！

好耐冇食過海鮮蒸氣鍋 上星期同小胖男友特別日子 兩個人走咗去旺角慶祝一下呢間新華苑除咗有海鮮同埋任食和牛等等既配料 仲有啤酒汽水任飲🍻🍻🍻仲要唔係cheap cheap牌子 而係Asahi同埋嘉士伯大樽裝任拎任飲嗜酒嘅朋友一定回到本!💰🍺😍坐低先寫點餐紙 揀好想要既粥底同埋海鮮第一樣黎係貝殼拼盤 唔好睇小呢堆貝殼真係好爽好鮮甜之後就係我地最愛既象拔蚌同埋蟶子皇有專人服務 較好晒時間 等幾分鐘就有得食蟶子皇真係必點 爽口彈牙 配埋蒜蓉粉絲夠晒滋味另外又點少得大元貝同鮑魚鮑魚size都唔細仲要讚下廚房師傅 所有海鮮都處理得好乾淨 全部唔食得既位置一早起好 洗乾淨晒除左海鮮 仲有每人半隻燒乳鴿 味道唔錯 外皮燒得幾香食完晒海鮮 當然唔少得任食既和牛,手打丸 同食返d蔬菜balance下和牛粒同和牛片既雪花一樣好靚 食兩around都飽晒最後"生米煮熟飯"食埋鍋底既南瓜粥飽到上心口

星期六去旺角食蒸氣鍋首選一定係呢間新華苑。呢度嘅蒸氣海鮮套餐任食任飲只係$288，質素都幾高首先簡單介紹下呢度既玩法。張單入面有八款貴價海鮮每檯計揀四款，今次我地就簡左鮑魚，大元貝，象拔蚌仔同埋蟶子王其他野食基本上係任叫任食，而醬料方面都全自助式好齊全。我地簡單叫左野食之後，當野食準備好個陣，侍應會逐一咁將海鮮放入蒸鍋度蒸然後計時。蒸好之後侍應仲會夾埋係個碟度方便我地享用，全程唔駛煩究竟要蒸幾耐呢度既海鮮真心唔錯，食得出係新鮮既食材，如果唔係唔會咁鮮甜。特別想講佢地備料係預先切好再放埋蔥蒜，份量比例啱啱好值得一提呢度既燒乳鴿，皮脆肉嫩，醃得啱啱好，真係好滋味任點任食方面，呢度選擇都幾多，值得一提既係蟲草花蒸雞（首推）切得超薄既蓮藕片，仲有勝瓜，手打牛滑蝦滑等等，最盞鬼係食埋馬拉糕，正啊話說呢款係粥底蒸氣鍋，當然唔少得食粥啦，粥係精萃黎，呢度既瑤柱淮山粥，吸收曬所有頭先蒸過既食材的精華，無得頂啊

我同朋友都好鍾意食海鮮，所以今日gathering就揀咗呢一間海鮮蒸氣火鍋，用蒸嘅方法食海鮮最能夠食到原汁原味，所以未開餐嘅時候都好期待！同其他蒸氣火鍋一樣，一開始都要選擇一個粥底，之後蒸火鍋嘅時候，海鮮嘅鮮味就會落入鍋下嘅粥入面，我哋就揀咗瑤柱淮山粥而且呢一個海鮮餐亦都包左一款熟食，我哋就嗌咗炸乳鴿。炸乳鴿上枱嘅時候熱辣辣，證明係新鮮製造，非常香口，好食！而自選海鮮方面，就可以叫四款。我哋就嗌咗象拔蚌、鮑魚、大元貝同埋美國桶蠔象拔蚌係我嘅favorite，上枱嘅時候已經剪好左，方便食用。而蒸嘅時候，蒜蓉洋蔥等等嘅調味吸收晒海鮮嘅精華，象拔蚌食落亦都非常爽口，非常推介！鮑魚亦都唔細隻，用薑片蒸煮，更能帶出鮑魚本身嘅鮮味，而且識落唔會好靭，唔錯！大元貝亦都係我好鍾意嘅，重點係落埋粉絲、蒜蓉一齊蒸，粉絲吸收晒蒜蓉嘅香味 以及大元貝本身嘅鮮味，而且店員調校嘅時間啱啱好，蒸出嚟唔會過熟，唔錯！最後一款海鮮美國桶蠔真係好大隻，每隻都同手掌差唔多大，以黑椒來做調味好惹味食完海鮮之後，仲可以點其他肉類同埋蔬菜，每款蒸煮嘅時候都會為鍋底嘅粥底加多一份鮮味！最後食埋個瑤柱淮山粥，粥煮得好綿，而且無需任何

之前試過新華苑嘅蒸氣火鍋感覺不錯，今日就試下佢個小菜先。首先點左個餐前小食《滷水鴨掌》醃的都幾入味，個汁亦夠香，質素不錯👍。《薑蔥鮑魚雞煲》份量大概是兩件鮑魚（切片）和半隻雞。薑蔥味濃且香。鮑魚燜得幾淋很嚼口。雞肉都幾lm嫩滑。《雲耳勝瓜炒牛肉》這是一道我很喜歡的家常菜。雲耳爽口。勝瓜味道鮮甜。牛肉質地亦不錯有牛味。《沙拉骨》其實是豬扒沾上十分味濃的沙律醬。味道不錯大人細路都啱食。《壽包》因為沒有叫飯所以叫左個包來食。一般酒樓質素，味道ok的。《粉絲蒸帶子》帶子都幾厚身。味道鮮甜。下面d粉絲索曬蒜蓉特別好味道。