新麻蒲 BBQ (新都會廣場) (已結業)

今日黎到葵芳覓食，本來一心打算去食炸雞，但又咁啱經過見到呢間係韓國超多分店既韓燒，朋友又覺得呢度坐得舒服d，咁就入去試下啦。因為已經過左晚飯時間，所以完全唔使等位，即刻有得入去。一入到去，凳都未坐暖，餐牌都未開始睇，侍應就已經擺好晒前菜。前菜都非常吸引，而且好有韓式風味，尤其係泡菜，唔會太鹹太酸，好好味韓燒又點少得爐邊蛋，可以無限refill，不過就覺得蛋唔係幾夠味，要自己再加泡菜我地order左個二人牛肉套餐，開頭擔心唔夠食，但其實份量都好夠。最有驚喜既係五花肉，外表唔係最吸引，但竟然係最好食部隊鍋，配料比較少，不過味道都啱啱好，唔會太濃蝦唔係雪藏蝦，都幾新鮮彈牙

第一次寫食評，就寫呢間啦。原本係想食炸雞，但入錯左邊呢間咁萛啦都坐底左，唯有食呢邊啦，咁叫左燒肉冷麵，一坐底有4款小食！我鐘意食泡菜！到冷面上啦，同我食開既係唔同，較幼身仲幾難咬，要用較剪，而且另上既牛肉係唔熱既食落口味道偏甜，配料亦只有青瓜蘿蔔，我覺得係有點差的，咁樣$78性價比唔太高，係杯檸檬汽水較好一點但都偏甜，可能呢到主打燒肉啦，我諗應該無下次不過環境都萛係唔錯既，下次我諗我會過隔離試下炸雞！

我們在取位時，已被一位中年，四眼長曲髪女店員不禮貌呼喝，店員要求齊人才可入內，因為已齊人，唯有再膽粗再通知嗰位長曲髪四眼中年女店員，她十分不滿地説:"等等啦，等我找錢先再問。咁只好等，再問時，她近呼喝，話:'無晒二人枱'我們不再等，便立即走，去食飯不是受不禮貌對待

葵芳新都會廣場新裝修後，多了很多食店，今晚試咗新麻蒲BBQ韓燒。門囗好窄，但餐廳內部好濶好多位，所以不是等好耐就有位。入座講明90mins, 燒肉加部隊鍋時間都好緊迫。叫左套餐，有蝦丶牛、豬BBQ, 又有部隊鍋、牛肉壽司丶甜品。肉類調味不錯！部隊鍋一般，冇特別驚喜，牛肉壽司是生牛肉加醬汁即場在面前用火槍燒，好味侍應基本上好nice,但唔知係咪㕑房的問題，有些食物要催幾次才有。最可惜是未有酒牌，不能叫有酒精的飲料。食燒肉冇酒送，真是差些

話說上次食完偽日本拉麵之後驚左要搵下第個國家黎食,安慰下我的心寧就搵到黎新麻蒲 BBQ, 個名唔係韓國名, 應該無死呱唔係偽名, 一於食下,去一轉韓國先中午時段叫左呢個風味牛排骨肉湯$78, 因為想清清地, 所以叫牛排骨肉湯!韓國野多數都係重口味居多先黎個前菜, 前菜係送既, 都幾多款,唔錯主角來了飲落幾清, 好香牛肉味牛排骨肉質好軟熟,入邊底下仲有粉絲D牛排骨大大件, 啖啖肉, 又幾唔錯WOR,今次無中伏,非常好!另外飲品叫左柚子蜜,熱飲!非常潤喉,岩岩有少少喉嚨痛,飲完好似即刻少返少少,唔錯!下次有機會會再黎幫襯!

新都會大裝修，所以店鋪位置都重新整理，引進了不少食肆，作為在附近上班的打工一族，當然是天大的喜訊，每個星期都試試不同的新餐廳。這間新麻浦，期待已久，在過往其他分店的用餐經驗中，大獲好評。由於新店開張，個個都抱著嚐新的心態，所以午市門口經常大排長龍，有見及此，便提早出發，排隊等候.....去到的時候，12:30分，店內8成都是空位，負責門口招待的男同事告知，不可內進，因為廚房處理不了，前面已經入了幾枱客人，請稍後，然後就消失了。走勻港九新界，接觸過各式各樣的餐廳，第一次聽到這個理由，心打了個突，幾枱客人就處理不了，呵呵，看來這餐飯都凶多吉少。等等等....25分鐘後終於可以安排入座，店內一遍凌亂，沒有人收拾枱面，對面的幾張枱，由入內到結賬的大半小時內，都如此，全是食完的碗碟。擺明就人手不足，只有4個員工，落單出餐埋單帶位，忙到沒時間理你。周圍早進的客人等埋單都等到不耐煩。食物落單到上菜大概10分鐘左右，速度算快。但分量就，最好就3個人叫4個餐，因為一個餐絕對不足以填飽肚，就算是女生。前菜贈送韓式泡菜，冷豆腐，雜菜及小黃瓜，味道不俗，酸酸辣辣，開胃。火山芝士泡菜炒飯 - $78如果這樣一個

新麻蒲係我系香港食過最好味嘅韓燒之一 知道葵芳開左新分店 即刻去幫襯下！ 雖然一去到要等20個no.先到 但啲人流去得幾快 所以等左3個字左右就入得去唔知係咪因為新開 所以得果日爐邊啲野唔係好足 空左兩隔 但小菜都齊嘅 個蘿蔔有小小wasabi味 好有趣叫左個二人餐 食左一層半已經好飽 細食嘅女仔可以當佢係三人餐咁叫都得p.s.仲有個韓國oppa系度

閒日夜晚約8點半，都仲旺場要拎飛等位。但眼見客人離開店鋪，都一直無叫飛，應該係唔夠人手執野。終於入到啦，環境寬敞，座位舒適。坐低一陣已有侍應輪住過黎整爐，上配菜同沙律，落蛋漿。九點半有特價優惠套餐，望落好抵食，但太餓就無等了。3個人叫左個牛肉套餐1，另加180g護心肉。配菜有泡菜，好味的，唔酸，小辣，小小甜海帶，酸酸地，開胃醃蘿白，爽大蔥加辣醬，個人唔鍾意無試浸洋蔥，個人唔鍾意無試生菜如果有埋大豆芽就好了。牛肉套餐1霜降牛(應該第2層右邊戈款)，可能油脂分佈少，食落偏鞋，不論燒生d定熟d。秘製牛肋肉(應該第2層左邊戈款)，味道好，醃料無令牛過咸，但好快熟，建議見仲有小小紅，就上碟啦。熟晒好難食。牛五花肉(最底層)，既係肥牛，無特別，無咩味，用黎卷泡菜味道都幾夾。少量蔬菜，最好放係癡住個網係隔離的平板上慢慢熱，燒岀黎會更靚仔又好食。拼盤內仲有2隻蝦，中size但好唔新鮮，d肉好霉又散，仲特登放多蒜去遮味，但口感已經出賣左，好差。護心肉，size一啖一件，份量都算多，食落爽口，同一般豬肉唔同，值得一叫！部隊鍋，個人無太大好感，正常部隊鍋既野，見圖已係全部料。另外新登記做會員，會送一客霜降牛

見葵芳新都會新開左新麻蒲 所以決定同同事lunch去試下可能係新開 ，午市套餐做緊買3送1優惠，我地1共10人，大約1:20pm開始等位，等左差不多成25分鐘先有位坐底落完單後，幾分鐘左右就有前菜可惜。。。。等左20分鐘先黎飲品, 我地一共10人，只係黎左6杯飲品，好啦 諗住仲有4杯好快有，點知。。又等多差不多成20分鐘。之後再等左差不多30分鐘先黎食物，叫左10個餐，黎左9個，我們已經好唔耐煩，同d員工講又好似無反應咁，最後跟格離枱勁遲入坐都勁快有食物(真心嬲)最後我地差不多食完 第10個餐終於到(冷麵)，品質非常差！！真係好過分，食個lunch 成左我地差不多1個半鐘時間，食只係15分鐘，其餘啲時間全部都係等等等下次一定唔會再黎食。

今日與同事到新都會食午餐, 經過這間新餐廳環境都好似唔錯.  所以决定試一試. 我們不用等位很快便坐下並點好2 set午餐.  前菜不用 5 分鐘便到了.  但午餐及餐飲等了20分鐘還未到. 我們便問待應, 他們都很有禮貌等回覆我們已追廚師. 再過多10分鐘不單未見食物, 連飲品未有. 要再追才只有兩杯飲品到. 鄰枱遲我們到都差不多食完. 到最後再過多10分鐘我們决定離開. 1小時的食飯時間就浪費咗40分鐘去等. 以後都不去. 不只我們一枱要等好耐.  另一枱早過我們到的三位男仕也遇到同一問題. 不同的是他們終於等到有食物到囉

昨晚第一次食這間的韓燒, 但經歷非常之差.首先取飛時, 已說明一定要叫最少一個套餐 (因為一早說明, 所以我們沒有問題), 坐下, 基本上無人服務我們, 當我們點好餐後, 發現食器非常污糟, 包括筷子, 匙, 食物夾, 立即要求換, 但換完後, 食物夾都係非常污糟, 但有一個比較好些, 表面上無黑色的物體, 用一個夾都OK.我們等了差不多半小時, 都未有食物上枱, 再追問下, 才發現無落單, (當晚只得90分鐘用餐時間), 重新落單後, 十分到便開始有食物上枱, 但還未有飲品上枱, 我差不多食完, 都未有飲品上枱, 當中已追過兩次, 都話立即沖, 最後說cancel order, 才立即沖比我, 但我已食完.今次用餐經驗, 令我對這間公司, 非常失望總結1. 服務態度一般, 可以再改進2. 食物, 尚可, 但無海鮮3. 餐具, 非常污糟, 不能接受4. 配菜, 上漏 (包括, 生菜, 燒肉汁)5. 點餐, 全張單無入, 飲品再三漏單總論, 無下次, 唔會再幫襯.

我生平第一次食野食到鋼絲刷就係俾左你地今日幫襯你地葵芳分店 我叫左2碟牛一碟年糕 牛食哂年糕無郁過淨係夾左落碗 個蛋岩岩開始食就發現鋼絲刷 之後同你啲職員講有鋼絲刷你職員就連住講左兩句野1.對唔住2.你啲野食哂啦喎我地需要收錢諗住新開去試下 俾鋼絲刷我食 新麻蒲你想點先？你個職員係我野都未講就話我啲野食哂 話需要收足錢 我依家感覺非常差仲要專頁同左你地講都無人理我！#葵芳新麻蒲#新麻蒲有鋼絲刷#新麻蒲大大條鋼絲刷送蛋#新麻蒲

今日下晝兩點幾一個人係新都會搵嘢食，見到新開嘅新麻蒲，見無乜人，就入咗去，叫咗個午市套餐烤豬肉同酸梅氣水。好快個酸梅氣水就送咗離，酸酸味味都幾好飲。隔咗一陣就送咗三碟前菜離，有醃咗既酸蘿蔔，雖然切得好薄，不過好爽好好味。跟住又係酸味味既海帶，仲有我自己麻麻地鐘意食既辣醬芽菜，雖然係午餐，但份量一d都唔細。最後等咗好耐既烤豬肉終於有得食，熱辣辣，有少少辣湯浸住d豬肉，唔乾又唔會好靱，仲有金菇，洋蔥，大蔥，辣椒做配菜，少少辣辣地好開胃，送飯一流，成個白飯食晒。不過個午餐雖然幾好食，但係個烤豬肉等咗好耐先離，其實個陣無乜人，都唔知點解要禁耐，等到我火大，下次再離食，真係要諗諗先。

話說新都會廣場地下裝修完畢，新開了幾間餐廳。其中一家係新麻蒲，之前要銅鑼灣排兩個鐘，加上今日天氣轉凍，就捧下場，拎張飛仔等左二三十分鐘。店內約有二十張燒肉枱，座位寬闊舒適，枱底直駁煤氣喉管。前菜有沙律，沙律菜用上普通中式生菜，味道普通。反且韓式一碟有驚喜，特別係海帶/海苔？酸酸的帶爽口，認真開胃。［部隊鍋］平常兩個人食韓國燒肉，好難同時食到部隊鍋。理個5號餐有部隧鍋跟，有芝士腸薄切、餐肉、黃豆、蔥白、豆腐、芝士和麵，每樣都有少少，份量不多，滿足到食韓燒既人既為食慾。職員即場倒入凍清湯，不到三五分鐘就在席間煮滾。芝士完全溶在湯中，飲湯變成橙色。而芝士湯掛在剛煮散既麵上，入口味道豐富，可以一試再試。[火炙霜降牛肉壽司］睇餐牌以為生食，上菜時職員為你塗上沙律醬，即場用火槍燒熟，完全一面反轉再燒另一面，觀賞味極濃，途中已刺激我舌尖的口水！牛肉入口鮮嫩，油花豐富且均勻，沙律醬燒熱後亦可口。另一個餐有八件，相信我都可以食得完。［5牛豬肉套餐］款式有很多，有霜降牛肉、牛排骨、護心肉、蝦、蔬菜，份量適中。重點是護心肉！護心肉是豬心口前面塊肉，預先調調味，入口鮮嫩不靱，小小一細塊，滿有驚喜另外霜降牛紋理