施心畢老撾餐廳

营业中

休息中

未去過老撾亦未食過老撾菜，今日就去呢到揭開神秘面紗！首先裝修比較簡潔，枱同椅都有越南當地餐廳既影子～位置寬敞舒適菜單上有唔少選擇，前菜正餐小食飲品都兼顧到左《凍奶茶》$19呢到既奶茶茶味香醇較重，口感絲滑右《荔枝梳打》$24有幾粒原粒荔枝，比我想像中清，本來以為會好甜，梳打味比荔枝味更出前《是拉差牛油雞翼》後《燒豬頸肉》《是拉差牛油雞翼》$48雖然佢叫牛油雞翼，但係佢黎到個樣似蜜糖雞翼多啲😛 全部雞翼都開左一半，所以好方便食～ 外皮炸得香脆，加上微甜既汁，都幾開胃《燒豬頸肉》$48肉質厚實，表面有淡淡蜜糖味，加上炸蒜又甜又脆《香葉肉碎太陽見球》 $78唔講真係唔知見球其實係飯🍚 餐廳好貼心咁用左紅米，健康多了！望落似台灣肉躁飯，但其實食落又唔係，唔多汁偏乾身，但肉碎入味～《扎肉墨丸粉》 $78呢個個湯底比較特別，偏向清甜，但又食到香料味！扎肉結實，墨丸彈牙粉有啲似米粉，但比米粉粗小小，有咬口啲👍

2人行中環揾食～食D特别D先雖然舖仔細細係4/F～但胃食嘅人㸃都揾到～店仔可以容納十幾張枱菜單選擇唔算多但勝在有特式老撾豬頸肉100%全米湯粉～湯底有香料、香葉、芽菜、椰菜絲、指天椒、炸蒜、豬頸肉、米粉～湯底食落同泰式好唔一樣～一邊食一邊有香料香味好有特色～燒豬頸肉好入味肉質鮮嫩～老撾雞肉100%全米湯粉～椰汁湯底配香葉、椰菜絲、芽菜、指天椒、炸蒜、雞肉、米粉～湯底食落好香椰香配雞肉味道好夾午餐跟餐送熱飲～簡咗老撾咖啡比起越南咖啡冇咁苦～加煉奶滑D一齊飲帶有甜味易入口紅奶茶味道偏淡～都係港式奶茶比較好飲

適逢萬聖節，梗係要去蘭貴坊撞下鬼，但撞鬼之前，我地選擇醫飽個肚先，安心上路，於是我地黎到呢間施心畢老撾餐廳。一聽個名就知係食老撾菜！泰國越南菜就食得多，係佢地隔離既寮國，老撾菜就未試過，所以一聽到個名就決定今晚揀佢。小店簡約，但桌子夠大，坐得適舒。這晚人客不多，佔了一張四人枱。老撾札肉墨丸100%全米湯粉施心畢湯粉最大既特點，係以100%全米整成，比普通米粉煙韌，夾起米粉不易斷開，湯底清甜，比泰國菜越南菜用的香料較少，很健康的感覺。札肉和墨丸也彈牙，整碗份量不少，我地就share食再另嗌小食。是拉差牛油雞翼是日最愛是拉差牛油雞翼。是拉差名字很特別，所以特登上網搜尋是什麼，原來是拉差是泰國的一個地方，是拉差辣椒醬最初是泰國餐館用在海鮮菜餚上，其後，被美國加州大量生產並廣泛流傳使用。雞翼充滿牛油香味，再加上是拉差，雖然說是辣椒醬，但甜味居多，酸甜少辣既味道，外面惹味內裡嫩滑，令人不自覺食完一件又一件。施心畢更將雞翼切開成為單骨，食落方便好多，岩晒我們這些淑女。網蝦春卷網狀的春卷皮炸至金黃，食落去比平常春卷皮更穌更脆，入面蝦肉彈牙，分量足夠，邪惡感與滿足感兼備。施心畢豐盛拼盤豐盛拼盤款式多，

我不嬲鐘意食米粉，朋友介紹我呢間餐廳話d米粉好香好好味，昨日去開中環開會一於試下。首先叫左個小食拼盤，有幾款不同的春卷，夠香脆，有紙米卷，無咁熱氣我較鐘意，味道較淡要點醬汁一齊食，魚餅好香魚味夠彈牙，仲有特色蝦片，拼盤就係好在咩都可以試曬。主菜點丄個豬頸肉咖哩飯，豬頸肉入口爽身，味道夠入味，咖哩夠濃烈好香我最期待的米粉來了，牛肉米粉除左牛肉仲有牛丸，濃底好重香料好濃郁，米粉係00%米造真係寧舒香，口感條條分明，真係好好味，平時細食的我竟然可以食曬一大碗，就知我真係好鐘意呢，下次來中環開會一定要再來。

在友人帶領下第一次吃老撾菜。餐廳位於中環，來客絡繹不絕，四位店員不停地來來回回，忙碌非常。素聞老撾人喜食糯米，所以這個太陽蛋飯，不僅僅是白米，還有糯米在裡面。餐廳將飯盛在一種叫做“迪普考”的竹編小飯簍裡上桌。配上碎肉，是一種頗具老撾民族特色的萊肴。將魚肉、豬肉、雞肉、牛肉等剁細，拌以香菜、魚露等多種作料製成，味道鮮美獨特。這家餐廳的100%全米米粉的湯汁很鮮美，配上一些爽口而不太幹的豬頸肉，再加豆芽和配菜，味道極佳。感覺整體飲食受泰餐影響較大，但比泰餐清淡些。

泰國菜，日本菜，韓國菜，越南菜都有食过，想食吓啲新嘢，咁啱有個同事前幾日係中環食個一間叫施心畢嘅老撾菜，叫我可以去食吓，於是放工約埋太太係地鉄站等，然後慢慢拍住拖行去間歺聽到。去到歺聽門口，嗰侍應好熱情地招待我倆坐係一個好靜嘅角落。又俾埋歺牌又介紹有啲乜嘢好食，睇咗個歺牌一陣，叫左一個施心畢特色素菜米纸卷，一個老撾蠔油雞翼同埋老撾燒豬頸肉，加多個頭盤係老撾青芒果沙律，重有兩杯飲料，係無糖豆漿同凍青檸可樂。先來过老撾青芒果沙律先，芒果絲切得非常幼，配埋青瓜粒同番茄仔加埋嗰特別沙律汁，特別清新，味道有少少棘，好開胃，跟住係嗰特色素菜米紙卷，米纸特別薄，沾少少自家制醬汁，好正。蠔油雞翼和燒豬頸肉都跟住來，豬頸肉好香，外脆内軟，加埋嗰汁，勁好味，雞翼比嗰師傅炸得好脆，出蠔油味好濃，真係停唔到口，下次要再食吓其他不同嘅餸先。

約左friend去蘭桂芳happy hour，嚮附近搵隨便間餐廳食飽後再直落，經過翡翠中心見到有間施心畢老撾餐廳，見未食過咪試吓囉。我未去過老撾，不知當地情況，但餐廳格局很平實，有著一份簡樸感覺。見老闆極力推介紙米卷，一口氣點了鮮蝦及札肉兩種口味，外層煙韌，咬落爽口兼有陣陣簿荷淡香，很清新士拉差蜜糖雞翼好好味，而且餐廳先將中翼開邊後才處理，細件左方便一眾女士;同時亦讓內層更容易入味。呢碟紅咖哩雞見球，份量十足，如果冇男士在場一定食唔晒。可能是order少辣的關係，就算平時不吃辣，也會被淡淡咖喱香吸引。豬頸肉沙津跟熟口熟面的沙律不一樣，我想這是地道特色吧! 沒有了沙律醬，換來原味樸實。最後，叫左碗材料豐富的海鮮粉，我最印象深的是它的湯底，鮮味濃郁，正!

每次跟朋友gathering來來去去多數係烚吓烚吓、放題或buffet、鋸扒、星泰越食品......循環無限loop....，因為咁大家專誠搜羅一下無食過的美食，最終我地揀左食老撾菜。菜式、食材方便，感覺有點像泰國菜，也有點像越南菜，可能是跟地理位置有關吧! 一向有吃泰國菜的我，當然容易接受及欣賞啦!👉豐盛小食拼盤 ---包含六種小食蝦片/蝦/豬/素春卷/魚餅/米紙卷，很豐富呢!👉海鮮粉 ---有齊大蝦、青口、魷魚、蝦片及豆卜，材料吸引又夠大碗。最特別的是湯底，跟平時吃的不一樣，很惹味。👉紅咖哩雞見球 ---有不同辣度可揀，不吃辣的可選白咖喱。紅米飯單食會有點硬身，淋上少辣紅咖哩汁卻是十分煙韌，入口啖啖咖哩香，很醒胃!👉蝦米紙米卷 ---簿簿一層半透粉皮，包著生菜、蝦條及米粉，很爽口，不論冷暖熱食都一樣可口，正!

成日行街食飯唔係老銅就油尖旺，你唔悶我都悶啦，友人今日就sd左個post比我，話去食老撾皇帝餐喎！係咁既，呢間餐廳既老闆Justin係老撾皇族既親信既後代，耳濡目染下，老闆細個就學識點煮老撾菜。老撾，姐係寮國，係緬甸同越南附近，係一個佛教國家，之前比法國佔領過，係法國殖民地黎。（補充反，老撾，bno or特區護照都要簽證的，但去中環就唔洗既）我地搭lift上到黎翡翠中心既4樓，見到個門口個waiting area好colourful，餐廳內部用左不銹鋼既枱，同木既櫈，係香港既餐廳就比較小呢d配搭，好似置身於異國咁。菜式方面，就著重於香料既味道，冇泰國果d咁濃烈，會温和d咁話，咁我地就一於try try佢。餐牌都幾多選擇，我地叫左幾樣，包括: 施心畢豬肉炸春卷($38)Sisombath Netted Pork Spring Roll用咗網狀春卷皮，口感比普通春卷皮更脆，值得一讚嘅係，個面炸得好乾身，一d都唔油！而入面既餡料係豬肉碎，咸咸地都幾好味。點返酸辣醬，包埋生菜食，一脆一軟，非常balance。是拉差牛油雞翼($48)Sriracha Butter Chicken Wings雞翼

在香港，亞洲菜餐廳開到成巷成市，想吃日本、韓國、台灣、泰國、越南、印尼菜，總有一間在左右，但老撾菜一次都未試過。今晚，終於有機會去一間老撾餐廳，吃了一頓晚餐，感受是驚喜的。由於食物的價錢不算貴，每款大約四、五十元，所以點了很多菜式，有老撾牛肉100%全米湯粉、老撾扎肉墨魚100%全米湯粉、老撾炸魚餅、豬肉炸春卷、老撾網蝦米紙卷、老撾青芒果沙律、是拉差牛油雞翼、老撾燒豬頸肉和老撾凍咖啡。老撾牛肉100%全米湯粉－米粉可以用超正來形容，相當細滑，富米香，而湯底味道具層次，味道有點似越南湯粉，但它多了一份薄荷葉的清香，味道更正，牛肉和牛丸的分量也足夠。老撾扎肉墨魚100%全米湯粉－湯底和牛肉湯粉一樣，墨丸真材實料，而扎肉厚身大塊。老撾炸魚餅－味道帶微辣，魚肉撈上其他香料炸成，香口味美。豬肉炸春卷－網紋脆皮香化，豬肉餡料足，配上醬汁，更添滋味。老撾網蝦米紙卷－米紙包著生菜、青瓜絲和炸蝦，感覺清新。老撾青芒果沙律－與泰式的木瓜沙律味道相似，是不錯的餐前開胃小食。是拉差牛油雞翼－以單骨雞翼製作，雖然說是是拉差，但不算辣，反且牛油味更突出，十分惹味。老撾燒豬頸肉－豬頸肉入口鬆化，富豬味。老撾凍咖啡－

食親東南亞嘢食都會叫魚餅($38)，熱辣辣上枱，食落都幾有魚味。我幾鐘意豐盛小食拼盤($88)，可以一次過試哂魚、蝦、雞、豬，拼盤連埋兩種醬料同一籃生菜。春捲外面一層超香口又脆卜卜，裡面餡料適中，唔會太多太少，雖然係炸嘢但都唔會食到成口油。老闆娘仲教我哋用生菜包住一齊食，果然多一份爽脆口感。蝦餅大大塊，我個人覺得點醬更好食。第一次食老撾沙律，豬頸肉賣哂所以揀咗燒雞肉沙律($68)，估唔到材料咁豐富：燒雞、茄子、青瓜、蕃茄仔、生菜、洋蔥同粟米仔。雞肉外皮燒到脆脆地，肉質嫩滑唔乾，另外茄子都係燒過，幾惹味。青檸梳打($24)有酸酸甜甜嘅青檸配上超多氣嘅梳打，清新解膩，同雞翼、蝦餅、米紙卷都幾夾。另外仲有叫到龍眼梳打（$28），入面真係有龍眼肉！好有特色嫁！食東南亞菜當然要試牛肉粉（$78）啦，個湯既味道好濃，而牛肉都好嫩滑，份量都好足，值得一讚！最後我地食左芒果黑糯米（$38）做甜品，口感好好，黑糯米煮得岩岩好，椰汁味好香濃，我地都好中意呀。

未去過老撾，也要試下老撾菜，這是我食完施心畢老撾餐廳之後要同朋友講的話。原來施心畢是老撾皇朝的姓氏，也是創辦人祖母的姓氏，食材選用上等好料，除左有東南亞風味的特色，更注重了健康的元素，釆用100%全米湯粉，五谷紅米飯。餐牌上好多樣野都想試，但無奈當晚好多菜式沽清。不過主食冇令我們失望。白咖哩豬頸肉見求。名字很特別，「見求」系咩呢？即系飯！好特別，五谷紅米飯，非常健康！白咖哩唔辣，十分惹味。豬頸肉燒得啱啱好，外皮脆，肉質juicy!薯角好脆！保你食完，返尋味！海鮮100%全米湯粉，份量大碗，湯底清甜！好足料吖！米湯Q彈！十分抵贊！特色大大塊米鍋巴，很香脆！勁鐘意佢地的香料同薄荷葉的配搭！好有特色！綱狀蝦春卷，酥脆的口感，一食就令人愛上，點上附上的酸辣汁，盡顯東南亞風味。米紙卷豐富而飽滿，細細米粉的口感系Q彈爽滑，一口咬落去，好彈！炸蝦香脆，下次來都一定會再食呢個小食！

星期五的晚上，約了和友人相聚。住大西北的筆者實在不熟悉對面海的環境，經友人的推薦，穿街過巷來到這家「施心畢老撾餐廳」。不知是剛開業還是地點較偏僻的關係，即使正值晚巿時段也不過是坐了寥寥數人。不過這樣也好，變相可以和友人大聊特聊。筆者踏足中環的日子少之又少，印象中甲級商業區的消費水平也頗高的。翻開「施心畢」的餐牌一看，菜式價錢大都在40-80元之間，如此親民的定價令筆者很驚喜。雖然未能分清老撾菜和平日所吃的越南菜有何等分別，但反正都是同一地域，就一試當地名菜——米紙卷。包在米紙上的第一層是生菜和青瓜這些菜蔬類，霎眼看下去這幾件卷物都是主綠色，感覺好fresh好健康。米紙卷口感層次豐富。第一口吃到的是青瓜生菜的爽甜，然後是包在中間的米粉，還有主角網蝦春卷的咸脆惹味。蘸上碟邊的醬汁佐食，味道更濃郁。老撾菜果然有意思，這牛油雞翼和筆者吃過的牛油雞翼是截然不同。雞翼入口有一股濃烈的孜然味道，有一刻誤以為是夾了羊肉。炸雞翼配上灑在面上的炸蒜和醬汁，味道甚濃。若愛清淡口味的朋友可能會較抗拒。筆者欣賞餐廳肯花費時間工序把雞翼處理成單骨，令食客進食更方便。筆者點餐時，好奇上網查了什麼是全米米粉。原來全米

聽講中環餐廳都係午餐時間人多，晚餐比較冷清，咁就梗係唔好中午去迫啦。同同事放左工搵下食先。落到中環半山扶手梯，上左去試間老撾菜。本來都唔係好知食咩架，但我諗試下新野冇壞嘅。餐廳在4樓，坐低幾舒服，店員細心咁話我地知邊度係風位，安排左近窗坐。我地兩個女仔叫左牛肉100%米、老撾薄餅、蝦米紙卷、是拉差雞翼同飲品。牛肉米係輕量，湯香麵入味，牛肉比較大塊。飽肚得黎唔漏。薄餅係蛋底，在芽菜扎肉同香料。唔會係滯住，反而幾有早餐感覺。米紙卷隻蝦幾大，秘制醬汁好好食！我最喜歡就係是拉差雞翼，單骨又香脆。都有大概10條，開胃甜酸味，仲有少少辣！

Been a while since we eat at central for dinner so here we came all the way to this small but delicious 😋 restaurant. To be honest, we didn’t have much expectation for this place. But it indeed surprised both of us in various ways. as a coffee lover, I would definitely recommend their coffee which has been filtered and in a cute cup. we ordered two side dishes - the first one was this meat roll, the sauce on the side tasted very special (not something we usually can taste) the second dish was th