早安越南 (已結業)

午飯時間，個個都趕住搵食，行過幾次都見唔爆人，一直以為貴夾唔飽，今日忽然心血來潮想食越南野，膽粗粗試下。午市套餐選擇幾多，有辣有唔辣，粉麵飯樣樣有，仲包凍、熱飲，望落價錢都唔貴吖。唔算餓，叫左個青咖喱香茅雞翼飯 + 咸檸七。每次係越南餐廳都必叫咸檸七，雖然係平平無奇，仲好多地方都有，但就其怪，係越南餐廳叫既就係好飲D一上菜，成碗咁青既野係咖喱？比起其他餐廳，黎度嗰青咖喱既顏色有D似蜜瓜雪糕。食落好香椰汁味，不過個人就覺得無乜辣味（p.s. 本身係唔食辣既人），雞翼有5隻咁多，午餐計，真係好多！個餐可以轉豬扒/豬頸肉/雞扒，即係任均選擇。係度食，記得問佢攞收據，因為張單寫明「憑單下次堂食有九折」！！雖然要加一，咁下次咪平番比你。

星期五夜晚happy friday!!梗係要出去夜晚食飯~~我哋去咗天后食呢間越南野睇一睇個餐牌發現到好多嘢揀有pho 串燒 飯基於太肚餓嘅關係 我地點左好多嘢我哋叫咗個細拼盤 $91 有雞翼 炸春卷 粉包全部都新鮮熱辣 非常鬆脆然後亦都叫咗個豬扒撈凍檬粉 $61豬扒炸得啱啱好 配上青瓜絲減低油膩 加上醬汁一齊食 非常好食因為朋友話想食牛丸 所以叫淨牛丸食 $50牛肉味充足 彈牙 配上生菜好健康嘢飲方面我哋叫咗個三色冰$28 同埋椰青$38椰青上到嚟嗰時夠冰凍 仲有俾咗隻匙羹去挖椰肉食三色冰就滿滿的椰奶 配上不同的材料 非常有口感最後買單一個人都唔使$150 非常之正呢!

今日下落班約左同事來吃越南菜，掛住早安越南的火車頭河粉。來到大概6點幾，人流不算多，肚餓原因，二話不說就點左火車頭越南河粉，一杯熱百香果汁，同事點左蒸札肉粉包和鮮蝦紙米卷，一杯三色冰，我的最愛火車頭來了，湯一樣鮮甜，非常足料，有生熟牛肉，彈牙多汁牛丸、牛百葉、入味煙韌牛根、薄而爽滑的正宗越南河粉加上越南香草配合十分之匹配好味好吃，蒸粉包一樣有水準，皮薄內鮮，鮮蝦米紙卷內材料豐富，有彈牙鮮蝦，爽口甘筍有檬粉味道特別點左秘醤十分惹味，百香果汁也相當不錯，小甜芬香，飲落好舒服和滿足！

天后出名多美食，什麼菜都有！今次我們就選了在這間越南菜館食晚餐，餐廳以黑、紅及白為主調，內裏貼有戰爭為題的漫畫，懷舊又帶點摩登！樓底算高，座位闊落，空間感不錯！——————————🔸越式炸拼盤 $88拼盤有炸蝦餅及炸扎肉，每塊都厚而飽滿，份量好足！蝦餅彈牙，真材實料；扎肉紮實，鹹香味濃，個人較愛前者，蝦味鮮香，蘸上辣醬，甜辣香口，極似婚宴吃到的百花釀蟹鉗！🔹火車頭湯河 $91來到越南餐廳，識食當然要選火車頭湯河～除了招牌的生牛肉，還有牛柏葉、牛筋、牛腩和牛丸，一次過滿足五個願望！配料新鮮，最欣賞生牛肉及牛腩，超嫩有牛味；牛筋就差少少，太稔無咩口感。湯底鮮美，加上洋蔥、芫荽、芽菜等，清新不膩！🔸蝦膏海鮮炒飯 $99最愛蝦膏的鮮香，所以叫了一個蝦膏炒飯！炒飯加入微辣的蝦膏拌炒，惹味香口，粒粒分明～配料有蝦、魷魚等海鮮，還有大量的蛋及生菜，鮮味又清爽！如果海鮮份量多一點，就更好了～🙊

今晚嚟到天后搵嘢食，見到越南餐廳又二話不說入咗去嚕～呢間「早安越南」裝修幾得意，牆上圖案紅藍色，富越南特色，枱上面有魚露汁同是拉差辣椒醬～豬頸肉米紙卷（$76）之前成日食越南春卷，今次就試下無咁熱氣嘅米紙卷啦！好食！首先size好大舊，一碟有六件。米紙入面包住豐富材料，有新鮮生菜、檬粉、紅蘿蔔絲、豬頸肉，一食就爆晒出嚟🤤香茅豬扒湯河（$61）河粉吸晒雞湯嘅精華，比較易淋，所以上菜後可以盡快趁熱食☺️上面放咗薄荷葉，仲可以按個人喜好自行加入青檸汁或辣椒調味～啲豬扒好好食！！香茅味香就固之然，仲外脆肉嫩，唔夠食！扎肉手撕雞酸菜凍檬（$61）食越南嘢，撈檬都係少不免～可以自己加入魚露撈，酸酸甜甜好開胃蒜蓉炒貴妃苗（$76）我哋想嗌個菜，就求其點咗呢個。上枱先知原來係呢種菜，平時好少食，又幾好食喎！幾爽口，味道唔算濃，清清地唔錯總體覺得唔錯，可以encore！menu：

又係一個同朋友做完瑜珈嘅日子，今次我地揀咗位於天后嘅越南菜。呢間鋪面唔算好大，但可能因為平日嘅關係，都唔需要等位。餐廳佈置都好簡單，但牆壁有啲好得意嘅圖案，真係幾越南風😂因為我地都唔係好肚餓，之後又打算食甜品，所以就叫咗兩個粉麵share，叫多一個小食同菜。香茅豬扒湯河大愛份豬扒食落豬扒外層脆脆地，亦都唔會好難咬，而且塊豬扒同河都好大份！扎肉手撕雞酸菜凍檬可以自行落醬料，之後再撈，酸酸甜甜好開胃！然後我同朋友都覺得好采叫咗兩個，如果唔係一定食唔曬😂豬頸肉米紙卷平時食越南菜，配嘅醬汁都係普通酸酸辣辣嘅醬，但呢間好特別，佢加咗食落似甜醬嘅醬，撈埋其他酸辣醬，味道出奇地夾，而且佢嘅米紙卷都好大份蒜蓉炒貴妃苗雖然蒜蓉味唔係好突出，但貴妃苗好新鮮，入口仲係好爽脆！總體表現唔錯價錢都好合理，住附近嘅人真係可以經常幫襯下~

<天后早安越南>😃較早前食過黃埔既早安越南 今日經過天后試下佢分店先 基本上格局兩間鋪係一樣 木枱， 加上綠紅白 既牆上得意圖案 別具特色 💪🏻食物 menu入面當然係越南菜 河粉 小食 特飲都有 😍 🍴炸札肉 68 蚊🔥🐖炸得外表金黃色有 d香脆口感入面既 紮肉 好香濃 豬肉味香咸 帶 d胡椒調味 點埋甜酸汁 幾好食 💪🏻 🍴騸牯牛湯河108 蚊🐮🍜好難得越南食店有騸牯牛食 牛肉切得好薄份量唔少。 軟林得黎又好夠肉味 肥瘦適中 😍好正 . 河粉好爽口同香滑 呢個抵讚 . 湯底牛肉味香濃🐮 加埋芽菜 香草 辣椒 青檸汁🌶 味道好正#越南菜 #札肉 #炸札肉 #河粉 #騸牯牛Score 平均分 <7.2/10>Taste 味道：👍🏻👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#早安越南 天后電氣道64 號地鋪~~~~~~~~~~~~

轉咗嚟港島返工，自然都喺呢度搵飯食，呢間早安越南裝修簡約，價錢都唔算好貴，一於同朋友簡簡單單食碗越南粉先! .#扎肉手撕雞酸菜凍檬 $61天氣開始熱，硬係食返個凍檬先！六十幾蚊，主打嘅扎肉同手撕雞都好多，仲有青瓜絲、甘筍絲，口感豐富，再加埋啲蒜片，真係好抵食。檬粉汁一早放咗係枱面，豬太郎落嘅份量會多啲，鍾意食到尾都仲係有汁拌住嚟食。.#炸蝦餅 $67一人一碗粉另外仲嗌多咗個炸蝦餅，同價錢成正比都幾大塊，即叫即炸，好香脆，btw一樣有大量蒜片，勁重味！正呀！.#香茅牛肉凍檬 $61朋友另外就揀咗香茅牛肉凍檬，一樣份量好大，牛肉唔乾身，香茅味都好足～朋友都話味道唔錯！當然喇～豬太郎都係覺得扎肉手撕雞吸引啲

係附近返工， 偶然都會嚟呢間買外賣 （因為有8折）今次約埋同事一齊晚飯， 堂食熱辣辣又好似好食DMANU好厚多選擇價錢中等$28 大大杯椰汁紅豆冰， 椰汁好香好好飲不過如果紅豆多返D就更PERFECT啦 法式牛柳粒紅飯 ＄101牛柳粒唔韌有牛味酸酸地又帶胡椒味， 非常惹味， 配飯一流沙嗲串燒 4串 ＄78串得好大條， 份量十足同埋燒出邊緣焦香不過串燒牛反而有D筋雞同豬就好香好好食越式軟殼蟹米紙卷 ＄91米紙包住軟殼蟹配以清爽蔬菜和香草，色彩繽紛，五味紛陳又靚又好食

Today, we went to a great Vietnamese restaurant located at Tin Hau - Chao Chao. We didn't plan to go there, but it caught my eyes when I walked pass. The interior design of the restaurant is pretty hipster - the neon light and graphic on the wall made its stand that they want the restaurant to be cool. We ordered the raw beef pho. The pho is pretty good, much better than the overpriced pho I had in central. The soup is very flavorful, not too sweet, just hope I like it. The meat is pretty good q

天后有好多美食，都有好多間越南餐廳而呢間係比較乾淨、室內設計幾新穎，所以吸引到我兩個人叫左以上食物，唔算太多，但已經食到好飽🔶火車頭河 $91（牛腩、牛筋、牛栢業、牛丸、生牛）份量都幾多大，一個人食一定飽！全部配菜都好有鮮味！牛丸彈牙多汁、牛栢業爽口一咬就分到開一d都唔硬、生牛鮮香有牛味、牛筋好淋又唔係溶（超好）、牛腩都好淋一咬就分開到又唔會硬到攝牙隙。🔶香茅豬扒湯河 $61河粉結實唔易碎，豬扒炸到好香，幾抵食！🔶越式特選拼盤 $91有4樣野：春卷、絲網海鮮春卷、雞翼、蒸粉包最好咪係絲網春卷，因為好少餐廳會做到咁樣既絲網春卷，又脆又香！🔶三色冰 $28沒有晚餐/套餐價，$28原價點，好濃的椰漿底部仲有啲紅豆、黃豆、綠色爽粉（總括甜左少少）飽飽的一餐，另外俾大家參考一下餐牌

夜晚行過銅鑼灣，見肚餓就想搵嘢食。點知去到天后站附近，見到一間餐廳好靚，情調幾好嘅餐廳，咁就入咗去啦。原來佢個名都好特別，叫早安越南。上年呢一個時間，我真係去咗越南，有一次食地道的越南菜。入到去食，同我第一次喺越南，比較之下，真係相差無幾。我哋叫咗個拼盤，基本上有扎肉，雞翼，蝦餅，春卷，仲有一啲矇粉。雞翼同春卷香口恰當，入口香脆。仲有，我地叫埋個豬頸肉撈矇，豬頸肉好足料，十分有誠意。咬落口又係好香，肉汁飽滿。最後仲試埋個手撕雞扎肉撈矇，比較起來好似無咁香口，但肉質同肉汁都好足，食完十分滿足👍👍👍👍

喺天后除咗大坑多嘢食之外，今晚約左個住附近既朋友去左天后站附近既呢間「早安越南🇻🇳」食晚飯。今晚涼涼地，心思思想食火車頭🚆門口裝修簡約得黎幾年青化，我好鍾意佢入面牆身啲共產氣息既畫，好有型！連個menu封面都壓左粒星星，branding 做得幾好啊🌟雖然冇set dinner，但睇價錢散叫都唔貴。見隔離枱碗湯河大過個頭，我就建議叫一碗大家share先😂另外就揀左個沙津同個細份既拼盤。另外我叫左椰青，佢係椰皇黎🥥啲肉都幾厚同淋，食落好甜，椰水都好清甜🥳沙津就揀左牙車快，其實就係雞絲沙津，雞絲蒸完再放涼後加上其他切絲既蔬菜再加埋配料好似魚露、薄荷葉、花生🥜等。呢個係對我黎講加大碼既牙車快，因為啲雞條蔬菜🥬都切得大大舊~ 我覺得如果可以做返幼絲口感會好D。不過佢入面既材料都好新鮮，洋蔥、薄荷、花生碎同魚露香得黎唔會太強，尤其係D椰菜好新鮮。呢個細既小食拼盤真係二人份的理想型，每樣都試到，又唔會過多叫唔到其他野食。蒸粉包🌯的包唔會太厚太粉，入面肉都好香、份量剛好。香茅雞翼🐥就唔太濃味，我自己反而幾鍾意，唔會食到口臭啊…哈哈。春卷就有兩款，有紙網同麵粉皮既，咁當然紙網既好食D，口感好鬆脆!!我最

火車頭，未加一前盛惠$91四個字講晒 : 完全冇味湯冇牛味，牛肉牛筋冇牛味。 一碗越式湯粉，其中一樣最重要嘅就係湯底,  如果連少少牛味都食唔到，仲好算係越式湯粉？！即食碗裝嘅都好食過佢

前兩日食咗哩間越南粉，我覺得幾好食，同埋呢間鋪頭有大少最鍾意嘅是拉差醬，今晚開完OT，叫咗大少陪我再食。大少叫左火車頭金邊粉，我就普普通通要咗一個生牛肉金邊粉。個湯底好夠味，飲完亦都唔太口喝。嗰粉上面鋪左好多嘢莞茜，青葱，同九層塔，賣相已經吸引。金邊粉嘅份量俾我上次食嘅多，我自己都食唔晒。大少個火車頭就更加大碗，不過見到佢啲牛腩有似好多喳，大少一路食，一路lur。唔知係唔啱佢胃口，定d粉太多，我見佢都食唔晒。總括嚟講，呢間鋪頭嘅牛肉粉，普普通通可以過得去。